Gʼaˬkʼehˇ 2:13 - Akha

¹³ Ehˇ kʼawꞈ, tiˬ paˆ na deuˬ-aˬ, jah-eu tsawˇ haˬ kʼoeˇ deuˬ-ahˇ cehꞈ lehꞈ ka-eu laꞈ kʼoeˇ, “Aˬ gaꞈ dzaˇ uiˇ yaw shuiꞈ dawˇ yehꞈ-euˬ miˇ neh gʼeh-eu nga” lehˇ ja uiˇ niˇ gʼa-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Tiqpavnav deuq aqjaf jafjaf-aer aer-eu, “Aqyawfmaf aqgaf dzaruir yawshuif dawryaef-euq jeq nga.”

Gʼaˬkʼehˇ 2:13 ပူးပေါင်းရင်းမြစ်များ

Yawˇbaˆ 32:19

Ngaˇ dawˬ maˬ ya ngehˬ te lehˇ ngeuˇ naˇ, aˬ gaꞈ dzaˇ uiˇ yaw shuiꞈ tiˬ byah dahˬ-eu shaˬ kʼoˆ pehˇ zeuˇ loꞈ-ehˇ tsawˬ paˆ-iˇ-eu keuˆ laˇ-euˬ nya.

Dawˬ caˇ 7:9

nawˬ-euˬ kʼaˬ meh aˬ gaꞈ dzaˇ uiˇ loꞈ-ehˇ coeˇ nya. Ngaˇ gaˬ-eu gʼaˬ jawˇ-eu nyiˬ paˆ-ehˇ aˬ gaꞈ dzaˇ uiˇ yoeˇ gʼeh luꞈ-uˇ. Aˬ yawꞈ-euˬ mehˬ luˬ hawˇ-eu seuˬ kʼoeˇ taˆ yoeˇ daˆ luꞈ-uˇ.

Iˇsaˬyaˇ 25:6

Ziˇoˬ gawˬ jawˬ heu jawˬ kʼoeˇ taˆ, miˇ tsaˬ tsawˇ jeuˬ dawˬ tawˆ luꞈ gʼaˇ duˬ, Baoˬ huiˬ-eu Sahˬpaˬ Miˬyehˇ hawˬ byawˇ laˆ dawˆ tehꞈ-a. Muiˬ dui dui-eu dzaˬ dzaˬ dawˇ dawˇ deuˬ hawˇ-eu, kuiˇ dui dui-eu aˬ gaꞈ dzaˇ uiˇ aˬ yawꞈ lehˬ hmˬ tehꞈ-a.

Zaˬkaˬliˇ 10:7

Iˇsaˬleˬlaˆ tsawˇ haˬ deuˬ-aˬ, gʼaˬ kʼaˆ-eu yehˇ-ahˇ duˇ leˇ-awˇ, aˬ gaꞈ dzaˇ uiˇ dawˇ-eu loꞈ-ehˇ, laˬ kʼaˬ cehˇ-eu jeˬ oꞈ tehꞈ-a. Aˬ yawꞈ maꞈ gʼaˬ leˇ-euˬ gaˇ kawˆ, zaˬ deuˬ uˆ deuˬ maˬ ngehˇ leˇ-ehˇ, Sahˬpaˬ Miˬyehˇ mˇ-euˬ gaˇ-ahˇ, laˬ kʼaˬ cehˇ nui kʼahˇ shiˇ tehꞈ-a.

Zaˬkaˬliˇ 9:15

Baoˬ huiˬ-eu Sahˬpaˬ Miˬyehˇ-aˬ, yawꞈ-euˬ tsawˇ haˬ-ahˇ haw piˇ-awˇ, aˬ yawꞈ-euˬ tsawˇ haˬ kʼoeˇ deuˬ-aˬ, muiˇ-eu deuˬ-ahˇ laˆ cawˆ tehꞈ-a. Jiˇ baˬ yehꞈ-eu tsawˇ haˬ loꞈ-ehˇ, guiˇ deuˆ luꞈ ngeh yawꞈ maꞈ guˇ-awˇ, muiˇ-eu deuˬ-ahˇ shiˬ sehꞈ doˆ ngeh, naˬ bo-ahˇ dahˬ-eu lawˇ-euˬ shiˬ, lawˇ guiˇ kʼoeˇ taˆ shehˆ doˆ gʼeh ngeh, yoeˇ kʼaˇ le gaˇ duˇ leˇ tehꞈ-a.

Zaˬkaˬliˇ 9:17

Aˬ yawꞈ-euˬ miˇ kʼahˬ kʼoeˇ kʼahˬ-aˬ, aˇ naˆ haw muiˬ-eu miˇ kʼahˬ nga. Dzaˬ la gʼo cehˇ aˬ gaꞈ dzaˇ uiˇ, zaˬ guˬ aˬ lmˬ bi mehˇ tehꞈ-a.

Gʼaˬkʼehˇ 2:15

Naw maꞈ noeˬ-eu loꞈ-ehˇ, tsawˇ haˬ heu deuˬ aˬ gaꞈ dzaˇ uiˇ yaw shuiꞈ dawˇ yehꞈ-euˬ maˬ ngeuˇ-a. Aˬ jeˬ miˇ neh ehˇ naˇ, nymˬ-mˇ uˬ shawˬ paw naˬ liˬ gʼoeˬ laꞈ keuˆ laˇ-euˬ tehꞈ-a siˬ.

1 Gawˇliˬtu 14:23

Ka li zaˬ aˇ muˇ muˇ lah-ehˇ uiˬ leˇ bymˇ leˇ-awˇ yawˬ gʼaˬ na luꞈ dawˬ gʼawˬ mya jeˬ ngehˬ ngehˬ-ehˇ lawꞈ gʼa luꞈ ngeh, maˬ siˬ nya-eu tsawˇ haˬ hawˇ-eu ka li-ahˇ maˬ jah-eu tsawˇ haˬ uˇ laˇ zaˬ naˇ, naw maꞈ tsawˇ uˬ uˬ-iˇ jiˇ-euˬ ngaˇ lehˇ maˬ ehˇ-aˇ loˇ.

Eˇpeˇsu 5:18

Jiˇ baˬ taˬ dawˇ yehꞈ. Kʼoeˇ-aˬ, naw maꞈ-ahˇ bi cawˆ-iˇ-eu tehꞈ meh. Ehˇ kʼawꞈ, Yaw sahˇ Miˬyehˇ naw maꞈ laꞈ kʼoeˇ bi byah laˇ-awˬ.

1 Saˬmeuˬlaˆ 1:14

Aˬ yawꞈ-ahˇ Eˇliˆ ehˇ nehˬ-eu, “Aˇ myah keuˆ ni aˬ gaꞈ dzaˇ uiˇ yehꞈ yehꞈ-ehˇ jawˇ-eu gʼeh te. Aˬ gaꞈ dzaˇ uiˇ taˬ paˇ dawˇ hawˇ-awˬ.”