Baw gaꞈ deuˬ neh kawˬ doˆ-euˬ maˬ ahˇ leˇ-ehˇ, jeˬ gaꞈ kʼaˇ gaꞈ jeuˬ-euˬ deuˬ maˬ ehˇ, Aˬleˬbyaˇ sahˬ paˬ deuˬ neh kawˬ doˆ nehˬ-euˬ deuˬ maˬ ehˇ, Iˇsaˬleˬlaˆ miˇ kʼahˬ laꞈ kʼoeˇ biˇ taˬ-euˬ miˇ kʼahˬ kʼahˬ zaˬ deuˬ kʼoeˇ taˆ uˆ lahˇ-eu sahˬ paˬ sahˬ ma deuˬ neh kawˬ doˆ nehˬ-euˬ deuˬ maˬ ehˇ, tiˬ pawꞈ-iˬ maˬ sawˇ ahˇ ni, kʼoeˇ myaˆ ni gʼeh-eu shuiˇ aˬ yawꞈ za taˬ-euˬ meh.
Gʼaˬkʼehˇ 2:11 - Akha11 Yuˇdaˆ tsawˇ jeuˬ maˬ ehˇ, Yuˇdaˆ tsawˇ haˬ pyeuꞈ laˇ-euˬ aˬ cawˬ tsawˇ jeuˬ deuˬ maˬ ehˇ, aˬ dui laꞈ kʼoeˇ ahˇ-eu ma. Tiˬ paˆ na deuˬ-aˬ Gaˬlaˬdeˬ miˇ kʼahˬ hawˇ-eu Aˬleˬbyaˇ miˇ kʼahˬ-ahˇ jawˇ-eu ma. Ehˇ kʼawꞈ, Miˬyehˇ neh mˇ-euˬ huiˬ-eu gaˇ deuˬ gaˇ kawˆ aˬ yawꞈ maꞈ ngehˬ-eu kʼoeˇ, aˬ dui dawˬ tawˆ luꞈ yawˬ ha tsawˇ jeuˬ-euˬ dawˬ-ahˇ neh ya gaˬ-euˬ ma.” အခန်းကိုကြည့်ပါ။Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq11 Gaqlaqdeq tsawrhaq hawr-eu Aqlar tsawrhaq khawf keuq-eu mae. Miqyaer nae muiq duidui-eu gardeuq mr-euq garkawv, aqyawfmaf ngaeq-eu gar aqdui yawqha-euq dawq-anr nae yagaq-euq ma.” အခန်းကိုကြည့်ပါ။ |
Gʼaˬkʼehˇ 2:11
36 ပူးပေါင်းရင်းမြစ်များ
Gawˬ duˇ aˬ yawꞈ duˇ yawꞈ-ahˇ haw gʼeh sheˇ. Nawˬ neh kʼaˬ miˬ maˬ sheu doe-euˬ aˬ gaˇ jaˆ ta. Aˬlaˆ tsawˇ haˬ bawˇ tsahˬ-ahˇ tahˇ joe deh-eu loꞈ luꞈ-eu loꞈ-ehˇ, nawˬ nehˬ-ehˇ kʼaˬ miˬ sheu taꞈ-euˬ tsawˇ haˬ deuˬ-ahˇ, gaˇ ma gaˇ dzeˇ doe ni nawˇ loꞈ-eu meh. Nawˇ meh maˬ laˇ geuꞈ-awˇ dehꞈ doeˇ-eu baˬ da neh, miˇ tsaˬ tahˬ kʼawˇ jawꞈ dui dui-iˇ-euˬ meh.
Kʼoeˇ uˬ taꞈ, aˬ yawꞈ maꞈ naˬ luꞈ-eu saˇ baoˬ naˬ duˬ kʼoeˇ tsahˇ-aˬ, tsahˬ gaˆ yamˬ-ahˇ maˬ jawˇ muiˬ-eu jawˇ duˬ tiˬ tsahˇ pyeuꞈ-eu meh. Kʼoeˇ miˇ neh, gʼeh nya naˇ, Piˇniˇ meuˬ-ahˇ kʼaˇ keuˆ maˬ keuˆ iˇ-awˇ, tsahˬ gaˆ yamˬ-ahˇ kʼoeˇ gaˇ jawˇ naˬ mˇ-eu gʼaˇ duˬ tsawˇ haˬ myaˬ ni nui ma tsaˬ-eu meh. Piˇniˇ meuˬ-aˬ, Gaˬlaˬdeˬ iˇ jaw lahˇ-ahˇ jaˆ-eu, nahˇ ma ga kʼehˬ laꞈ taˆ paw hawˇ-eu nahˇ ma ga kʼehˬ-euˬ laꞈ oˆ paw dzeˇ-ehˇ pyawˇ-eu saˇ baoˬ naˬ duˬ tiˬ tsahˇ pyeuꞈ-eu meh.
Laꞈ oˆ paw neh baw laꞈ-euˬ jaˬ lehˇ kʼoeˇ, aˬ za za-ehˇ tehꞈ-ehˇ baw-eu meh. Kʼoeˇ ngeh, aˬ yawꞈ maꞈ neh noeˬ-euˬ loꞈ-ehˇ geuꞈ nya tehꞈ-a lehˇ noeˬ-awˇ, saˇ baoˬ naˬ ngeh pyehˬ ka-euˬ shmˇ kuˆ seuˬ gʼeu kʼoꞈ daˆ-awˇ, lehˇ baw saˬ paˇ taw-awˇ, Gaˬlaˬdeˬ iˇ jaw lahˇ paw saˇ baoˬ kʼaˇ laˆ peh nya-eu laˆ peh laˆ peh-ehˇ mehˬ hu paw doˆ-iˇ-euˬ ma.
Nga maꞈ lehˇ baw saˬ paˇ taw-awˇ, aw lawˆ lawˆ-ehˇ gʼawˬ mya nah shaˬ shaˬ-ehˇ iˇ-eu laꞈ kʼoeˇ, Gaˬniˇ meuˬ dawˬ peh shaˬ keuˆ gʼeh-euˬ ma. Nga maꞈ mehˬ hu paw tiˬ pawꞈ-iˬ maˬ iˇ jiˆ nya ni jaˬ lehˇ neh dehˬ tehˬ taˬ-euˬ miˇ neh, Saˬmoˬneˬ meuˬ paw zaꞈ ahˇ-iˇ-awˇ, meuˬ kʼoeˇ meuˬ-euˬ kʼoeˇ paw kʼaˇ iˇ dzeuˇ gʼeh-awˇ, Gaˬleˬdeˬ iˇ jaw lahˇ-ahˇ baˇ shmˇ-awˇ iˇ-euˬ ma.
Tiˬ gʼaˬ-ahˇ zahˬ leˇ paˬ-ehˇ gʼeh-eu jeˬ mˇ nya-eu baoˬ biꞈ taˬ-awˇ, tiˬ gʼaˬ-ahˇ Miˬyehˇ dawˬ kawˬ mehˬ nya-eu laꞈ sawˬ biꞈ taˬ-euˬ meh. Tiˬ gʼaˬ-ahˇ Yaw sahˇ Miˬyehˇ neh biꞈ-euˬ laꞈ sawˬ ngeuˇ-eu maˬ ngeuˇ-eu tseˇ paˆ duˬ nya-eu nui gahˇ biꞈ taˬ-euˬ meh. Tiˬ gʼaˬ-ahˇ dawˬ gʼawˬ mya jeˬ ngehˬ nya-eu laꞈ sawˬ biꞈ taˬ-awˇ, tiˬ gʼaˬ-ahˇ dawˬ gʼawˬ mya jeˬ ngehˬ-eu kʼoeˇ-euˬ dawˬ tsuiꞈ yuˇ doˆ nya-eu laꞈ sawˬ biꞈ taˬ-euˬ meh.
Ka li zaˬ aˇ muˇ laꞈ kʼoeˇ, Miˬyehˇ neh jawˇ duˬ biˇ tsaˬ taˬ-euˬ meh. Gʼaˬ kʼehˇ deuˬ-ahˇ jeˬ hu hu saˬ bi jawˇ-awˇ, kʼoeˇ-euˬ jeˬ nah Miˬyehˇ gʼaˇ duˬ ngeh dah-eu deuˬ-ahˇ bi jawˇ-euˬ meh. Kʼoeˇ-euˬ jeˬ nah mehˬ-eu tsoˆ-eu saˬ laˬ deuˬ-ahˇ bi jawˇ-euˬ meh. Kʼoeˇ naˇ, zahˬ leˇ paˬ-ehˇ gʼeh-eu jeˬ mˇ nya-eu baoˬ biꞈ taˬ-euˬ deuˬ, naˇ gawˇ laˆ taˬ nya-eu baoˬ biꞈ taˬ-euˬ deuˬ, aˬ cawˬ-ahˇ caw ba nehˬ nya-eu deuˬ, Ka li zaˬ aˇ muˇ-euˬ gaˇ-ahˇ haw-eu pyaˆ-eu deuˬ hawˇ-eu, dawˬ gʼawˬ mya jeˬ ngehˬ nya-eu deuˬ-ahˇ tiˬ tiˆ saˇ-iˬ tiˬ tiˆ bi jawˇ ka leꞈ-euˬ meh.
“Gaˬlaˬdeˬ iˇ jaw lahˇ-ahˇ jawˇ-eu tsawˇ haˬ deuˬ-aˬ, jaˬ myawꞈ myawꞈ-eu, jeˬ zaˬ yaw haiˬ loꞈ-ehˇ dehꞈ-eu, yaw doeˇ doeˇ-awˇ dzaˬ yehꞈ dawˇ yehꞈ dzaˬ boˆ dawˇ boˆ boˆ-eu, heu loꞈ-ehˇ gʼeh-eu tsawˇ haˬ tehꞈ meh” lehˇ, Miˬyehˇ gʼaˇ duˬ ngehˬ dah-eu aˬ yawꞈ maꞈ-euˬ tsawˇ haˬ tiˬ gʼaˬ neh ehˇ taˬ-euˬ dawˬ jaˆ-eu meh.
ကြော်ငြာတွေ