Gʼaˬkʼehˇ 19:35 - Akha

³⁵ Aˇ saˬ saˬ laˇ ngeh, meuˬ-euˬ jeˇ leˇ loˇ neh tsawˇ haˬ aˇ maꞈ kʼoeˇ maꞈ-ahˇ laˆ coꞈ-euˬ meh. Aˬ yawꞈ heu loꞈ-ehˇ ehˇ nehˬ-euˬ meh. “Eˇpeˇsu meuˬ-ahˇ jawˇ-eu aˬ yuiꞈ aˬ nyiˇ deuˬ-oˇ, Eˇpeˇsu meuˬ-aˬ, huiˬ-eu mahˇ-eu Aˬdeˬmiˇ miˬ yehˇ ma-euˬ uˬ duˬtahˬ nymˇ hawˇ-eu mˬ-ahˇ neh ga le-euˬ muiˬ-eu shawˇ-eu kʼaˬ lo-ahˇ jeˬ hmˬ bo saˆ taˬ-euˬ meuˬ pyeuꞈ-eu gaˇ kawˆ, tsawˇ haˬ yawˬ gʼaˬ na luꞈ siˬ nya meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁵ Khoerngae, meuq-anr sanrmr-eu aqyuif ghaq nae tsawrhaq armaf khoermaf-anr lavcof-awr heulof-aer aernaeq-euq mae, “Erpersu-anr jawr-eu tsawrhaq deuq-or! Erpersu-aq, huiq-awr manr-eu Aqdeqmir miqyaerma-euq uqduq tanqnymr-anr hawr-eu Jursav-anr nae gale-euq mawrkawr-anr hawpir-eu meuq mae laer maq siqnya-eu aqsur ghaq jawr-eu la?

Gʼaˬkʼehˇ 19:35 ပူးပေါင်းရင်းမြစ်များ

Yoˇhaˬ 9:31

Iˬ baˇ zaˬ-euˬ shaˇ dawˬ-ahˇ Miˬyehˇ maˬ naˇ haˬ-a lehˇ aˬ dui siˬ nya ma. Ehˇ kʼawꞈ, aˬ yawꞈ-ahˇ yaw zeu baw-awˇ, aˬ yawꞈ-euˬ nui kʼahˇ mˇ-eu deuˬ-euˬ shaˇ dawˬ-ahˇ naˇ haˬ nehˬ meh.

Gʼaˬkʼehˇ 18:19

Aˬ yawꞈ maꞈ Eˇpeˇsu meuˬ-ahˇ iˇ keuˆ-awˇ, Biˇgiˇla hawˇ-eu Gaˬguˇla aˬ nyaꞈ-ahˇ kʼoeˇ gaˇ taˬ yaꞈ-euˬ meh. Pawˇluˆ-aˬ, uˬ duˬ tahˬ nymˇ-ahˇ le-awˇ, Yuˇdaˆ tsawˇ haˬ deuˬ nehˬ-ehˇ ja sawˇ-euˬ meh.

Gʼaˬkʼehˇ 19:26

Nymˬ-mˇ, Pawˇluˆ lehˇ kuˇ-eu tsawˇ haˬ kʼoeˇ gʼaˬ aˬ jeˬ ehˇ luꞈ-eu gaˇ kawˆ naw maꞈ ya siˬ ya mawˇ luꞈ meh. Tsawˇ haˬ zaˬ-euˬ aˬ laꞈ neh jahˇ-euˬ miˬ yehˇ-aˬ, miˬ yehˇ maˬ ngeuˇ-a lehˇ ehˇ ehˇ-ehˇ, Eˇpeˇsu meuˬ heu meuˬ laꞈ kʼoeˇ tehꞈ-ehˇ maˬ ngeuˇ-ehˇ, Aˬshaˆ miˇ kʼahˬ kʼahˬ lah ni ehˇ gʼaˬ ni tsawˇ haˬ gʼawˬ mya ni nui ma paˇ laˇ ni aˬ yawꞈ neh laˆ jah jiˇ taˬ-euˬ meh.

Gʼaˬkʼehˇ 19:34

Ehˇ kʼawꞈ, aˬ yawꞈ Yuˇdaˆ tsawˇ haˬ pyeuꞈ-eu nga lehˇ aˬ yawꞈ maꞈ haw siˬ ngeh, “Eˇpeˇsu tsawˇ haˬ-euˬ Aˬdeˬmiˇ miˬ yehˇ ma huiˬ dui mahˇ dui dui meh” lehˇ, yawˬ gʼaˬ na luꞈ tiˬ teˇ tehꞈ-ehˇ naˬ liˬ nyiˬ laꞈ byah ni guˇ-euˬ meh.

Gʼaˬkʼehˇ 19:36

Gaˇ kawˆ heu maˬ ngeuˇ-a lehˇ tsawˇ haˬ tiˬ gʼaˬ-iˬ maˬ pyehˇ nya-a. Kʼoeˇ miˇ neh, naw maꞈ ciˬ cuˇ ni jawˇ-eu tsaˬ meh. Maˬ shaˇ noeˬ ni luiˬ gʼa-eu maˬ tsaˬ-a.

Eˇpeˇsu 2:12

Kʼoeˇ ngeh, naw maꞈ Ka li-ahˇ maˬ taꞈ leˇ-aˬ siˬ. Naw maꞈ-aˬ, aˬ cawˬ tsawˇ jeuˬ loꞈ-ehˇ pyeuꞈ-awˇ, Miˬyehˇ neh tseˇ doˆ-euˬ tsawˇ jeuˬ laꞈ kʼoeˇ maˬ ahˇ-a. Naw maꞈ-aˬ, Miˬyehˇ neh aˬ yawꞈ-euˬ tsawˇ haˬ deuˬ-ahˇ dzaˬ-euˬ dawˬ ma saˇ jaˇ-ahˇ maˬ ya taꞈ-ehˇ, miˇ tsaˬ heu kʼoeˇ taˆ noeˬ tmˬ duˬ maˬ jaˆ-eu uˬ taꞈ, Miˬyehˇ maˬ baw ni dehꞈ yaꞈ-euˬ meh.

1 Tiˆmoˇseˬ 4:2

Mehˬ-eu tsoˆ-eu kʼoeˇ jeˬ-aˬ, miˬ dzaˬ doꞈ-eu shmˇ neh bi puiˆ sehꞈ-euˬ baˬ da neh siˬ nya-eu nui ma shiˇ-euˬ jaˬ myawꞈ mehˇ shuiˇ kʼoeˇ deuˬ neh mehˬ byah taˬ-euˬ meh.