Gʼaˬkʼehˇ 19:29 - Akha

²⁹ Meuˬ meuˬ lah-ehˇ luiˬ gʼa laˇ-awˇ, Pawˇluˆ nehˬ-ehˇ cah-eu Maˬgeˬdawˇniˆ tsawˇ haˬ Gaˬyuˇ hawˇ-eu Aˬliˬdaˬguˇ aˬ nyaꞈ-ahˇ nyehꞈ-awˇ, Bawˬ-iˬ gʼeh duˬ-ahˇ gʼeu gʼeh-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ Khoerngae, meuq meuqlan-aer luiqgha lar-euq mae. Aqyawfmaf, Pawrluv naeq-aer canluf-eu Maqgeqdawrniv mirkhanq-anr jawr-eu Gaqyur hawr-eu, Aqliqdaqgur-anr gheu-awr, meuq-euq yawbui buiduq-anr uiqler-euq mae.

Gʼaˬkʼehˇ 19:29 ပူးပေါင်းရင်းမြစ်များ

Gʼaˬkʼehˇ 13:5

Aˬ yawꞈ nyaꞈ Saˬlaˬmiˇ meuˬ-ahˇ iˇ keuˆ ngeh, uˬ duˬ tahˬ nymˇ doe ni Miˬyehˇ dawˬ kawˬ mehˬ nehˬ-euˬ meh. Aˬ yawꞈ nyaꞈ-ahˇ caw ba-eu gʼaˇ duˬ, Yoˇhaˬ kʼawꞈ jawˇ-eu meh.

Gʼaˬkʼehˇ 16:12

Kʼoeˇ gaˇ neh naˇ, Piˇliˇpiˆ meuˬ-ahˇ nga maꞈ le-euˬ ma. Meuˬ kʼoeˇ meuˬ-aˬ, Loˇmaˆ tsawˇ haˬ uˆ lahˇ luꞈ-eu Maˬgeˬdawˇniˆ miˇ kʼahˬ laꞈ kʼoeˇ aˬ cawˬ naˆ maˬ tseˇ huiˬ-eu meuˬ pyeuꞈ-eu meh. Kʼoeˇ gaˇ nga maꞈ gʼawˬ mya nah jawˇ-euˬ ma.

Gʼaˬkʼehˇ 16:9

Kʼoeˇ ngeh miˇ yaw sahˇ laꞈ kʼoeˇ Pawˇluˆ heu loꞈ-ehˇ ya mawˇ-euˬ meh. Maˬgeˬdawˇniˆ tsawˇ haˬ tiˬ gʼaˬ yawꞈ le-awˇ, “Maˬgeˬdawˇniˆ miˇ kʼahˬ-ahˇ laˇ-awˇ, nga maꞈ-ahˇ tiˬ poˆ caw ba laˇ-awˬ” lehˇ shaˇ le-euˬ gaˇ aˬ yawꞈ ya mawˇ-euˬ meh.

Gʼaˬkʼehˇ 17:8

Aˬ yawꞈ maꞈ kʼoeˇ loꞈ-ehˇ ehˇ-awˇ, tsawˇ haˬ aˇ maꞈ hawˇ-eu meuˬ-ahˇ uˆ lahˇ-eu sahˬ paˬ sahˬ ma deuˬ-ahˇ laˆ luiˬ-euˬ meh.

Gʼaˬkʼehˇ 19:21

Gaˇ kawˆ kʼoeˇ deuˬ pyeuꞈ laˇ gʼaˬ ngeh, Maˬgeˬdawˇniˆ miˇ kʼahˬ hawˇ-eu Aˬgaˬyaˇ miˇ kʼahˬ-ahˇ cah-iˇ-awˇ, Yeˬluˇsaˬlehˬ meuˬ-ahˇ iˇ ma lehˇ Pawˇluˆ noeˬ tsehˆ-euˬ meh. “Kʼoeˇ gaˇ iˇ gʼaˬ naˇ, Loˇmaˆ meuˬ-ahˇ kʼawꞈ ya iˇ haw nga siˬ” lehˇ aˬ yawꞈ ehˇ-eu meh.

Gʼaˬkʼehˇ 19:22

Kʼoeˇ miˇ neh, aˬ yawꞈ-ahˇ caw ba-eu tsawˇ haˬ deuˬ laꞈ kʼoeˇ, Tiˆmoˇseˬ hawˇ-eu Eˇlaˬduˇ aˬ nyaꞈ-ahˇ Maˬgeˬdawˇniˆ miˇ kʼahˬ-ahˇ bi le-awˇ, aˬ yawꞈ gʼaˬ-aˬ, Aˬshaˆ miˇ kʼahˬ-ahˇ tiˬ kʼehˬ paˇ jawˇ tehˬ-euˬ meh.

Gʼaˬkʼehˇ 19:32

Kʼoeˇ ngeh, uiˬ laˇ bymˇ laˇ taˬ-euˬ tsawˇ haˬ aˇ maꞈ lawꞈ gʼa dui dui luꞈ-eu meh. Tiˬ gʼaˬ tiˇ gʼaˬ maˬ naˇ haˬ ni, tiˬ gʼaˬ tiˬ jeˬ guˇ-eu meh. Aˬ jeˬ miˇ neh kʼoeˇ loꞈ-ehˇ ya uiˬ laˇ-euˬ gaˇ kawˆ-ahˇ tsawˇ haˬ myaˬ tiˬ paˆ maˬ siˬ nya-a.

Gʼaˬkʼehˇ 20:34

Ngaˇ hawˇ-eu ngaˬ-euˬ cawˬ deuˬ kʼaˇ loˬ-eu jeˬ za nya ni, ngaˬ-euˬ aˬ laꞈ heu neh gaˇ mˇ-awˇ pyuˇ poˆ-euˬ naw maꞈ siˬ nya meh.

Gʼaˬkʼehˇ 20:4

Beˬliˇ meuˬ-ahˇ jawˇ-eu Buˇluˆ-euˬ aˬ li Soˇbaˬdaˬluˇ, Teˇsaˬloˇni meuˬ-ahˇ jawˇ-eu Aˬliˬdaˬguˇ hawˇ-eu Seˬguˬduˇ, Deˬbeˬ meuˬ-ahˇ jawˇ-eu Gaˬyuˇ, Aˬshaˆ miˇ kʼahˬ-ahˇ jawˇ-eu Duˇjiˇ hawˇ-eu Daˬloˇbeˬ aˬ ha maꞈ hawˇ-eu Tiˆmoˇseˬ kʼawꞈ, Pawˇluˆ nehˬ-ehˇ iˇ-euˬ meh.

Gʼaˬkʼehˇ 21:30

Meuˬ meuˬ lah-ehˇ luiˬ gʼa laˇ-awˇ, baˬ maꞈ puˇ jeˬ-ehˇ cehˆ gʼeh laꞈ-awˇ, Pawˇluˆ-ahˇ tsuˆ tehˬ-awˇ Uˬ duˬ tahˬ nymˇ nymˇ ma laꞈ nyiˇ gʼeu doˆ leꞈ-euˬ meh. Uˬ duˬ tahˬ nymˇ nymˇ ma-euˬ laˇ gʼoˆ deuˬ tiˬ poˆ tehꞈ-ehˇ piˬ tehˬ-euˬ meh.

Gʼaˬkʼehˇ 21:38

Toˆ-ehˇ ngeuˇ naˇ, miˇ nah huˬ nah miˇ kʼahˬ-ahˇ puiˬ-awˇ, guiˇ deuˆ-eu keu ka baꞈ luꞈ-eu aˬ cawˬ-ahˇ sehꞈ-euˬ tsawˇ haˬ oeˬ heˇ gʼaˬ sheuˬ-awˇ bawˇ tsahˬ bawˇ dahˇ-ahˇ iˇ doˆ taˬ-euˬ Iˇjiˇtuˆ tsawˇ haˬ kʼoeˇ gʼaˬ nawˇ maˬ ngeuˇ law hawˇ ngaˬ laˬ.”

Gʼaˬkʼehˇ 27:2

Aˬshaˆ miˇ kʼahˬ saˇ baoˬ naˬ duˬ jaˆ-eu meuˬ deuˬ-ahˇ iˇ-eu lehˇ lehˬ hmˬ dah taˬ-euˬ, Aˬdaˬmuˇdiˇ meuˬ-ahˇ neh oe-euˬ saˇ baoˬ tiˬ laˇ-ahˇ nga maꞈ dziˬ leˇ-awˇ iˇ gʼeh-euˬ ma. Maˬgeˬdawˇniˆ miˇ kʼahˬ Teˇsaˬloˇni meuˬ-ahˇ jawˇ-eu Aˬliˬdaˬguˇ lehˇ myahˇ-euˬ gʼaˬ kʼawꞈ, nga maꞈ nehˬ-ehˇ tiˬ kawˆ loꞈ-ehˇ iˇ-euˬ ma.

Lormav 16:23

Ka li zaˬ aˇ muˇ tahˬ dzoeˇ duˬ pyeuꞈ-eu ngaˇ jawˇ naˬ luꞈ-eu nymˇ heu nymˇ-euˬ nymˇ sahˇ Gaˬyuˇ kʼawꞈ, naw maꞈ-ahˇ noeˬ mawˇ luꞈ ma lehˇ tsaꞈ ahˇ laꞈ-euˬ meh. Meuˬ-euˬ pyuˇ jeˬ hmˬ-eu gaˇ mˇ-eu gʼaˬ pyeuꞈ-eu Eˇlaˬduˇ hawˇ-eu aˬ dui-euˬ aˬ yuiꞈ aˬ nyiˇ Gawˬtu kʼawꞈ, naw maꞈ-ahˇ noeˬ mawˇ luꞈ-eu gaˇ kawˆ tsaꞈ ahˇ laꞈ-euˬ meh.

1 Gawˇliˬtu 1:14

Naw maꞈ laꞈ kʼoeˇ, Gaˬliˇpuˆ hawˇ-eu Gaˬyuˇ aˬ nyaꞈ-ahˇ tehꞈ-ehˇ ngaˇ iˇ cuꞈ ya shawˇ nehˬ-euˬ baˬ da neh Miˬyehˇ-euˬ guiˬ lahˬ-ahˇ ja ceuˬ-eu ma.

1 Gawˇliˬtu 4:9

Mˬ taˆ gʼaˬ kʼehˇ dawˬ tawˆ luꞈ hawˇ-eu miˇ tsaˬ zaˬ dawˬ tawˆ luꞈ bi haw niˇ gʼa-eu gʼaˇ duˬ, Miˬyehˇ-euˬ gʼaˬ kʼehˇ pyeuꞈ-eu nga maꞈ-ahˇ miˇ kʼahˬ zaˬ mehˬ shi bi sehꞈ-eu lehˇ, Miˬyehˇ neh aˬ cawˬ jeˬ nah nah saˬ bi jawˇ laꞈ-euˬ jeˬ nga lehˇ noeˬ miˇ-a.

2 Gawˇliˬtu 8:19

Kʼoeˇ uˬ taꞈ, nga maꞈ laꞈ kʼoeˇ caw ba nehˬ mawꞈ-eu nui ma ahˇ-eu gaˇ kawˆ aˬ cawˬ-ahˇ bi siˬ bi mawˇ-eu gʼaˇ duˬ, Sahˬpaˬ Yeˬsuˇ-euˬ yaw shehꞈ kʼahˬ sehˇ doˆ laˇ ni gʼoeˇ-eu gaˬ-eu jeˬ-ahˇ taꞈ-eu gaˇ heu hmˬ-ahˇ nga maꞈ mˇ mˇ-ehˇ cah ngeh, nga maꞈ nehˬ-ehˇ bi cah-eu lehˇ aˬ yawꞈ-ahˇ Ka li zaˬ aˇ muˇ deuˬ neh tseˇ doˆ taˬ-euˬ meh.

Gawˇlawˇsehˇ 4:10

Ngaˬ nehˬ-ehˇ tiˬ kawˆ loꞈ-ehˇ tawˬ-ahˇ uˇ luꞈ-eu Aˬliˬdaˬguˇ naw maꞈ-ahˇ dawˬ cawˬ puˬ ahˇ laꞈ-euˬ meh. Kʼoeˇ loꞈ-ehˇ duˇ ni, Baˬnaˬbaˇ-euˬ aˬ yuiꞈ aˬ nyiˇ tsaˬ-eu Maˬkuˆ kʼawꞈ, naw maꞈ-ahˇ dawˬ cawˬ puˬ ahˇ laꞈ-euˬ meh. (Maˬkuˆ laˇ naˇ, aˬ joˆ-ehˇ ya ha nehˬ-eu gaˇ kawˆ naw maꞈ-ahˇ mehˬ nehˬ gʼaˬ-euˬ ma.)

Piˇleˇmoˬ 1:24

Kʼoeˇ loꞈ-ehˇ duˇ ni, ngaˬ-euˬ gaˇ mˇ cawˬ deuˬ pyeuꞈ-eu Maˬkuˆ, Aˬliˬdaˬguˇ, Deˬmaˆ, Luˇkaꞈ aˬ ha oeˬ gʼaˬ kʼawꞈ, naw maꞈ-ahˇ dawˬ cawˬ puˬ-ahˇ laꞈ-euˬ meh.

3 Yoˇhaˬ 1:1

Aˬ yuiꞈ aꞈ tsu pyeuꞈ-eu ngaˇ, Ngaˇ maˇ maˇ ni gaˬ dui dui-eu Gaˬyuˇ jawˇ gaˇ sahˬ boꞈ boꞈ ahˇ laꞈ-eu ma.