Gʼaˬkʼehˇ 19:23 - Akha

²³ Aˇ yamˬ kʼoeˇ yamˬ-ahˇ, Sahˬpaˬ Yeˬsuˇ-euˬ Gaˇma baˬ da neh Eˇpeˇsu meuˬ laꞈ kʼoeˇ suˬ saˬ dui dui-eu jeˬ keuˆ le-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Khoerngae yamq-anr, Yeqsur-euq Garma-euq baqda’nae yawkhav-aer luiqgha lar-euq mae.

Gʼaˬkʼehˇ 19:23 ပူးပေါင်းရင်းမြစ်များ

Gʼaˬkʼehˇ 18:26

Uˬ duˬ tahˬ nymˇ laꞈ kʼoeˇ aˬ yawꞈ kʼaˬ duˬ ni dawˬ ngehˬ dahˬ beh-euˬ meh. Biˇgiˇla hawˇ-eu Aˬguˇla aˬ nyaꞈ dzeˇ zaˬ aˬ yawꞈ-euˬ gaˇ kawˆ ya gaˬ ngeh, aˬ yawꞈ-ahˇ iˇ kahˇ-ahˇ sheuˬ kʼoꞈ laꞈ-awˇ, Miˬyehˇ-euˬ Gaˇma gaˇ kawˆ yaw tsaˬ tsaˬ-ehˇ paˇ mehˬ lahˬ nehˬ-euˬ meh.

Gʼaˬkʼehˇ 19:9

Ehˇ kʼawꞈ, tiˬ paˆ na deuˬ nui ma gʼahˇ-eu laꞈ kʼoeˇ maˬ jah ni jawˇ-awˇ, aˬ cawˬ-euˬ mehˬ shi Sahˬpaˬ Yeˬsuˇ-euˬ Gaˇma-ahˇ ja bu ja doeˇ-euˬ meh. Kʼoeˇ miˇ neh, Pawˇluˆ jah-eu tsawˇ haˬ deuˬ-ahˇ sheuˬ-awˇ aˬ yawꞈ maꞈ jawˇ gaˇ neh iˇ doˆ-euˬ meh. Kʼoeˇ naˇ, Duˇlaˬnmˇ hawˇ nymˇ laꞈ kʼoeˇ, yawˬ nah na luꞈ Miˬyehˇ dawˬ kawˬ ja sawˇ mehˬ nehˬ-euˬ meh.

Gʼaˬkʼehˇ 22:4

Gaˇma heu kahˇ mehˬ nah caw teh-eu tsawˇ haˬ deuˬ-ahˇ shiˇ gaˇ keuˆ ni ngaˇ kʼehˬ nehˬ kʼaˆ nehˬ-euˬ ma. Kʼaˬ dzeˇ zaˬ hawˇ-eu zaˬ miˬ zaˬ deuˬ-ahˇ nyehꞈ-awˇ tawˬ-ahˇ dawˆ nehˬ-euˬ ma.

Gʼaˬkʼehˇ 24:14

Ehˇ kʼawꞈ, nawˬ-euˬ mehˬ shi ngaˇ dawˇ coe ni heu loꞈ-ehˇ ja doˆ-eu ma. Aˬ yawꞈ maꞈ maˬ tsaˬ-a lehˇ ehˇ-eu Gaˇma kʼoeˇ kahˇ-ahˇ ngaˇ caw teh-eu laꞈ kʼoeˇ, nga maꞈ-euˬ aˬ poeˬ aˬ bawˇ deuˬ-euˬ Miˬyehˇ-ahˇ ngaˇ uˬ duˬ tahˬ luꞈ-eu ma. Ehˇ kʼawꞈ, Moˇseˬ-euˬ Zahˇ dawˬ kʼoꞈ dawˬ hawˇ-eu Miˬyehˇ gʼaˇ duˬ ngehˬ dah-eu deuˬ-euˬ sahˬ boꞈ laꞈ kʼoeˇ kʼaˇ boꞈ taˬ-euˬ yawˬ jeˬ na luꞈ-ahˇ kʼawꞈ ngaˇ jah luꞈ ma.

Gʼaˬkʼehˇ 24:22

Kʼoeˇ ngeh, Gaˇma kʼoeˇ kahˇ gaˇ kawˆ siˬ nya taˬ-euˬ Peˬliˇ-aˬ, “Guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ pyeuꞈ-eu Luˇsiˆ oe keuˆ ngeh, naw maꞈ-euˬ gaˇ kawˆ heu hmˬ ngaˇ daˇ tsehˆ nehˬ ma” lehˇ ehˇ-awˇ, gaˇ kawˆ kʼoeˇ hmˬ piˬ tehˬ-euˬ meh.

Gʼaˬkʼehˇ 9:2

Daˬmaˬsehˇ meuˬ-ahˇ jaˆ-eu Yuˇdaˆ tsawˇ haˬ-euˬ uˬ duˬ tahˬ nymˇ deuˬ-ahˇ sahˬ boꞈ bi boꞈ nehˬ-eu gʼaˇ duˬ shaˇ leˇ-euˬ meh. Sahˬpaˬ Yeˬsuˇ-euˬ Gaˇma -ahˇ cah-eu deuˬ-ahˇ kʼoeˇ gaˇ ya mawˇ lawˬ naˇ, kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, Yeˬluˇsaˬlehˬ meuˬ-ahˇ nyehꞈ ka leꞈ nya ni sahˬ boꞈ bi boꞈ nehˬ-eu lehˇ shaˇ leˇ-euˬ meh.

2 Gawˇliˬtu 11:26

Ngaˇ tiˬ kʼehˬ maˬ taˬ ni gaˇ ma doˆ-iˇ-eu laꞈ kʼoeˇ, gʼawˬ mya jeˬ-ahˇ guˆ kʼaˇ za za-ehˇ cah-euˬ ma. Lawˇ baˬ huiˬ le gaˇ maˬ ehˇ, tahˇ joe joe laˇ gaˇ maˬ ehˇ, Yuˇdaˆ tsawˇ haˬ maˬ ngeuˇ-eu deuˬ kʼehˬ laˇ gaˇ maˬ ehˇ, guˆ guˆ-ehˇ cah-euˬ ma. Meuˬ laꞈ kʼoeˇ maˬ ehˇ, bawˇ tsahˬ bawˇ dahˇ-ahˇ maˬ ehˇ, iˬ ma laˆ shaˆ kʼoeˇ taˆ maˬ ehˇ, guˆ-eu gaˆ-eu jeˬ-ahˇ ya tahˬ puˬ-eu uˬ taꞈ, maˬ ngeuˇ-eu Ka li zaˬ deuˬ yehˬ bawˬ-ehˇ jahˇ laˇ gaˇ guˆ guˆ-ehˇ shaˬ haw-euˬ ma.

2 Gawˇliˬtu 6:5

Aˬ cawˬ neh bi diˬ dui dui-euˬ, tawˬ-ahˇ bi dawˆ-euˬ, tsawˇ haˬ aˇ maꞈ neh yehˬ bawˬ-ehˇ bi gʼeh-euˬ, gaˇ aˇ dzehˬ mˇ dzeuˇ-euˬ, maˬ ya yuꞈ dehˆ-euˬ, maˬ ya dzaˬ maˬ ya dawˇ dehˆ-euˬ, heu deuˬ-ahˇ nga maꞈ daˬ-euˬ ma.

2 Gawˇliˬtu 6:9

Aˬ cawˬ tiˬ gʼaˬ-iˬ maˬ siˬ nya-eu tsawˇ haˬ-ahˇ duˇ kʼawꞈ, yawˬ gʼaˬ na luꞈ siˬ nya-eu tsawˇ haˬ ma. Shiˇ leˇ-eu tsawˇ haˬ-ahˇ duˇ kʼawꞈ, dehꞈ luꞈ-eu tsawˇ haˬ ma. Kʼehˬ dui kʼaˆ dui dui nehˬ laꞈ-euˬ kʼawꞈ, shiˇ gaˇ maˬ keuˆ-euˬ tsawˇ haˬ ma.