Gʼaˬkʼehˇ 19:21 - Akha

²¹ Gaˇ kawˆ kʼoeˇ deuˬ pyeuꞈ laˇ gʼaˬ ngeh, Maˬgeˬdawˇniˆ miˇ kʼahˬ hawˇ-eu Aˬgaˬyaˇ miˇ kʼahˬ-ahˇ cah-iˇ-awˇ, Yeˬluˇsaˬlehˬ meuˬ-ahˇ iˇ ma lehˇ Pawˇluˆ noeˬ tsehˆ-euˬ meh. “Kʼoeˇ gaˇ iˇ gʼaˬ naˇ, Loˇmaˆ meuˬ-ahˇ kʼawꞈ ya iˇ haw nga siˬ” lehˇ aˬ yawꞈ ehˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Garkawv heudeuq pyeuflar dzeur-euq nar-aq, Pawrluv, Maqgeqdawrniv mirkhanq hawr-eu Aqgaqyar mirkhanq-anr irtsaev ghae-awr, Yeqlursaqlaeq-anr le ma laer muiq-eu Saflar-euq lafkhoer noeqtsaev-euq mae. Aqyawf aer-eu, “Ngar khoergar leghaq-euq nar-aq, Lormav meuq-anr khawf yale-a siq.”

Gʼaˬkʼehˇ 19:21 ပူးပေါင်းရင်းမြစ်များ

Ngoeˇ dawˬ 3:37

Sahˬpaˬ Miˬyehˇ maˬ bi pyeuꞈ gaˇ, aˬ suˇ gʼaˬ neh dawˬ biꞈ nehˬ-awˇ, mˇ pyeuꞈ shaˇ pyeuꞈ nya-eu jawˇ ta.

Gʼaˬkʼehˇ 16:12

Kʼoeˇ gaˇ neh naˇ, Piˇliˇpiˆ meuˬ-ahˇ nga maꞈ le-euˬ ma. Meuˬ kʼoeˇ meuˬ-aˬ, Loˇmaˆ tsawˇ haˬ uˆ lahˇ luꞈ-eu Maˬgeˬdawˇniˆ miˇ kʼahˬ laꞈ kʼoeˇ aˬ cawˬ naˆ maˬ tseˇ huiˬ-eu meuˬ pyeuꞈ-eu meh. Kʼoeˇ gaˇ nga maꞈ gʼawˬ mya nah jawˇ-euˬ ma.

Gʼaˬkʼehˇ 18:12

Gaˬliˬoˬ lehˇ kuˇ-eu gʼaˬ, Aˬgaˬyaˇ miˇ kʼahˬ-ahˇ uˆ lahˇ luꞈ ngeh, Yuˇdaˆ tsawˇ haˬ deuˬ gm leˇ-awˇ Pawˇluˆ-ahˇ nyehꞈ-awˇ, yaˇ kʼaˬ daˇ-eu saˇ naˇ-ahˇ sheuˬ gʼeh-euˬ meh.

Gʼaˬkʼehˇ 18:21

Aˬ yawꞈ doˆ-iˇ ngeh, “Miˬyehˇ nui ma tsaˬ naˇ, naw maꞈ jawˇ gaˇ ngaˇ tiˬ poˆ paˇ laˇ keuˆ ma” lehˇ ehˇ nehˬ yaꞈ-awˇ, saˇ baoˬ dziˬ-awˇ Eˇpeˇsu meuˬ-ahˇ neh doˆ-iˇ-euˬ meh.

Gʼaˬkʼehˇ 19:22

Kʼoeˇ miˇ neh, aˬ yawꞈ-ahˇ caw ba-eu tsawˇ haˬ deuˬ laꞈ kʼoeˇ, Tiˆmoˇseˬ hawˇ-eu Eˇlaˬduˇ aˬ nyaꞈ-ahˇ Maˬgeˬdawˇniˆ miˇ kʼahˬ-ahˇ bi le-awˇ, aˬ yawꞈ gʼaˬ-aˬ, Aˬshaˆ miˇ kʼahˬ-ahˇ tiˬ kʼehˬ paˇ jawˇ tehˬ-euˬ meh.

Gʼaˬkʼehˇ 19:29

Meuˬ meuˬ lah-ehˇ luiˬ gʼa laˇ-awˇ, Pawˇluˆ nehˬ-ehˇ cah-eu Maˬgeˬdawˇniˆ tsawˇ haˬ Gaˬyuˇ hawˇ-eu Aˬliˬdaˬguˇ aˬ nyaꞈ-ahˇ nyehꞈ-awˇ, Bawˬ-iˬ gʼeh duˬ-ahˇ gʼeu gʼeh-euˬ meh.

Gʼaˬkʼehˇ 20:16

Aˬshaˆ miˇ kʼahˬ-ahˇ aˇ yamˬ maˬ bi jiˇ-eu gʼaˇ duˬ, nyi naˬ nyi naˬ-ehˇ maˬ jawˇ ni Eˇpeˇsu meuˬ-ahˇ saˇ baoˬ dziˬ-awˇ iˇ-eu lehˇ Pawˇluˆ noeˬ tsehˆ-euˬ meh. Gʼeh nya naˇ, Beˬdeˬgoˇdeˬ bawˬ-iˬ gʼeh ngeh nah Yeˬluˇsaˬlehˬ meuˬ-ahˇ ya jawˇ ni, aˬ yawꞈ yaw kawˇ-ehˇ iˇ mawꞈ-eu meh.

Gʼaˬkʼehˇ 20:22

Nymˬ-mˇ, Muiˬ-eu shawˇ-eu Yaw sahˇ Miˬyehˇ-euˬ ehˇ dawˬ naˇ haˬ-eu laꞈ kʼoeˇ Yeˬluˇsaˬlehˬ meuˬ-ahˇ iˇ luꞈ-eu ma. Kʼoeˇ gaˇ, ngaˬ-euˬ kʼoeˇ taˆ aˬ joˆ-ehˇ gʼeh-eu jeˬ keuˆ le-eu lehˇ gʼeh-eu maˬ siˬ.

Gʼaˬkʼehˇ 21:17

Nga maꞈ Yeˬluˇsaˬlehˬ meuˬ-ahˇ iˇ keuˆ ngeh, jah-eu tsawˇ haˬ deuˬ nga maꞈ-ahˇ laˬ kʼaˬ tiˬ cehˇ ha geuꞈ nehˬ laꞈ-euˬ meh.

Gʼaˬkʼehˇ 21:4

Jah-eu tsawˇ haˬ tiˬ deuˬ-ahˇ kʼoeˇ gaˇ ya mawˇ-awˇ, aˬ yawꞈ maꞈ nehˬ-ehˇ tiˬ jaw jawˇ-euˬ ma. Yaw sahˇ Miˬyehˇ-ahˇ gʼoe-eu laꞈ kʼoeˇ, Pawˇluˆ-ahˇ “Yeˬluˇsaˬlehˬ meuˬ-ahˇ taˬ le” lehˇ aˬ yawꞈ maꞈ ehˇ-eu meh.

Gʼaˬkʼehˇ 23:11

Kʼoeˇ ngeh miˇ, Sahˬ paˬ Yeˬsuˇ Pawˇluˆ-euˬ dawˬ peh yawꞈ le-awˇ ehˇ-eu, “Taˬ guˆ. Yeˬluˇsaˬlehˬ meuˬ laꞈ kʼoeˇ ngaˬ-euˬ gʼaˇ duˬ nawˇ saˇ kiˇ kamˬ gʼaˬ-euˬ meh. Loˇmaˆ meuˬ laꞈ kʼoeˇ kʼawꞈ, kʼoeˇ loꞈ-ehˇ ya kamˬ meh.”

Gʼaˬkʼehˇ 27:1

Nga maꞈ-ahˇ Iˇdaˬliˬ miˇ kʼahˬ-ahˇ bi iˇ-eu lehˇ ehˇ tsehˆ gʼaˬ ngeh jawˇ, Pawˇluˆ hawˇ-eu tawˬ-ahˇ dawˆ taˬ-euˬ tsawˇ haˬ nui deuˬ-ahˇ, “Awˇguˆtuˆ guiˇ maꞈ” lehˇ kuˇ-eu Loˇmaˆ guiˇ maꞈ tiˬ maꞈ-ahˇ aˬ yuiꞈ geuꞈ luꞈ-eu Yuˇluˆ lehˇ myahˇ-euˬ gʼaˬ-euˬ aˬ laꞈ laꞈ kʼoeˇ a nehˬ-euˬ meh.

Gʼaˬkʼehˇ 27:24

‘Pawˇluˆ-oˇ, taˬ guˆ. Sahˬ paˬ Gehˇsaˬ mehˬ shi nawˇ ya yawꞈ leˇ tehꞈ-a. Nawˬ-euˬ myaˆ pyawˬ-ahˇ Miˬyehˇ haw-awˇ, nawˬ nehˬ-ehˇ saˇ baoˬ kʼaˇ dziˬ luꞈ-eu tsawˇ haˬ dawˬ tawˆ luꞈ-ahˇ maˬ shiˇ ni bi dzeuˇ-iˇ tehꞈ-a’ lehˇ ehˇ le-euˬ meh.

Gʼaˬkʼehˇ 28:16

Loˇmaˆ meuˬ-ahˇ le keuˆ ngeh, Pawˇluˆ-ahˇ yehˇ tiˬ gʼaˬ tehꞈ-ehˇ bi loꞈ-awˇ, aˬ yawˇ yawꞈ jawˇ-eu aˬ kawˬ-aˬ biꞈ nehˬ-euˬ meh.

Lormav 1:11

Naw maꞈ-ahˇ ngaˇ mawˇ mawꞈ dui dui nya. Saꞈ laˇ paw-euˬ guiˬ lahˬ biꞈ taꞈ yuˇ taꞈ-eu laꞈ kʼoeˇ, naw maꞈ gʼaˬ ahˇ dzehˬ laˇ ni mˇ mawꞈ dui dui nya.

Lormav 1:13

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ jawˇ gaˇ laˇ-eu gʼaˇ duˬ ngaˇ gʼawˬ mya poˆ lehˬ hmˬ-euˬ gaˇ naw maꞈ noeˬ mawˇ-eu tsaˬ meh. Ehˇ kʼawꞈ, tiˬ poˆ tiˬ jeˬ gʼeu tehˬ-eu jaˆ-eu miˇ neh, maˬ laˇ doˆ nya nya. Nui gaˇ jawˇ-eu aˬ cawˬ tsawˇ jeuˬ deuˬ-ahˇ ngaˬ neh mehˬ-awˇ, jah-eu tsawˇ haˬ bi pyeuꞈ laˇ-euˬ loꞈ-ehˇ, naw maꞈ jawˇ gaˇ kʼawꞈ, jah-eu tsawˇ haˬ bi pyeuꞈ laˇ ni ngaˇ mehˬ laˇ mawꞈ miˇ-a.

Lormav 1:15

Kʼoeˇ miˇ neh, naw maꞈ Loˇmaˆ meuˬ-ahˇ jawˇ-eu tsawˇ haˬ deuˬ-ahˇ kʼawꞈ, ngaˇ dawˬ mehˬ mehˬ mawꞈ dui dui-eu ma.

1 Gawˇliˬtu 16:5

Ngaˇ Maˬgeˬdawˇniˆˆ miˇ kʼahˬ-ahˇ cah gʼaˬ naˇ, naw maꞈ jawˇ gaˇ oe ma. Aˬ jeˬ miˇ neh ehˇ naˇ, Maˬgeˬdawˇniˆˆ miˇ kʼahˬ-ahˇ ngaˇ le paˬ-ehˇ gʼeh-eu meh.

1 Gawˇliˬtu 4:19

Sahˬ paˬ Miˬyehˇ nui ma tsaˬ naˇ, gʼawˬ myahˇ maˬ gʼeh-ehˇ naw maꞈ jawˇ gaˇ ngaˇ oe-awˇ nui ma huiˬ-eu kʼoeˇ deuˬ ngehˬ-eu dawˬ-ahˇ naˇ haˬ-eu tehꞈ-ehˇ maˬ ngeuˇ ni, aˬ yawꞈ maꞈ baoˬ aˇ naˆ ni ahˇ nga lehˇ ngaˇ haw ma.

2 Gawˇliˬtu 10:16

Kʼoeˇ naˇ, naw maꞈ jawˇ-eu miˇ kʼahˬ iˇ dzeuˇ gʼeh-awˇ nga maꞈ Laˬ kʼaˬ cehˇ-eu Guiˬ lahˬ dawˬ mehˬ-iˇ nya tehꞈ-a. Kʼoeˇ ngeh jawˇ, aˬ cawˬ-euˬ deh yaˇ-ahˇ mˇ taˬ-euˬ jeˬ-ahˇ nga maꞈ kʼahˬ sehˇ maˬ paˇ ya jehˆ-aˇ.

Gaˬlaˬtiˆ 2:1

Tseˇ oeˬ kʼoꞈ paˇ gʼeh-awˇ, Baˬnaˬbaˆ nga nyaꞈ Tiˇtuˆ sheuˬ-awˇ Yeˬluˇsaˬlehˬ meuˬ-ahˇ paˇ iˇ-euˬ ma.

1 Teˇsaˬloˇni 1:7

Kʼoeˇ miˇ neh naw maꞈ-aˬ, Maˬgeˬdawˇniˆ miˇ kʼahˬ hawˇ-eu Aˬgaˬyaˇ miˇ kʼahˬ-ahˇ jawˇ-eu tsawˇ haˬ deuˬ gʼaˇ duˬ dzaw geuꞈ duˬ pyeuꞈ laˇ-euˬ meh.