Gʼaˬkʼehˇ 18:27 - Akha

²⁷ Kʼoeˇ naˇ, Aˬgaˬyaˇ miˇ kʼahˬ-ahˇ iˇ-eu gʼaˇ duˬ Aˬpawˇluˆ noeˬ tsehˆ-euˬ meh. Kʼoeˇ miˇneh, Aˬgaˬyaˇ miˇ kʼahˬ-ahˇ jawˇ-eu jah-eu tsawˇ haˬ deuˬ aˬ yawꞈ-ahˇ ha geuꞈ ni, Eˇpeˇsu meuˬ-ahˇ jawˇ-eu jah-eu tsawˇ haˬ deuˬ neh sahˬ boꞈ boꞈ ahˇ nehˬ-awˇ, aˬ yawꞈ-ahˇ caw ba nehˬ-euˬ meh. Aˬ yawꞈ kʼoeˇ gaˇ iˇ keuˆ ngeh, Miˬyehˇ-euˬ guiˬ lahˬ baˬ da neh jah-eu tsawˇ haˬ pyeuꞈ laˇ-euˬ deuˬ gʼaˇ duˬ gaˇ dahˇ tsoeˬ dui dui leˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Aqyawf, Aqgaqyar mirkhanq-anr irtsaev mawf-eu mirnae, khoergar jawr-eu zaqlanr deuq aqyawf-anr bi ha’ni, ghaq bif-eu laer aqyuif aqnyir deuq nae sanqbof bofanr ghae-euq mae. Aqyawf khoergar irkeuv ngae, Miqyaer-euq guiqlanq yawdzanr-euq baqda’nae, janlar-euq tsawrhaq deuq-anr yawkhav-aer cawba naeq-euq mae.

Gʼaˬkʼehˇ 18:27 ပူးပေါင်းရင်းမြစ်များ

Gʼaˬkʼehˇ 1:15

Gʼawˬ myahˇ maˬ gʼeh-ehˇ, jah-eu tsawˇ haˬ deuˬ tiˬ yaˇ nyiˬ tseˇ gʼaˬ uiˬ leˇ-awˇ jawˇ gaˇ, Beˬtuˆluˆ tuˇ laˇ-awˇ, heu loꞈ-ehˇ ehˇ-eu meh.

Gʼaˬkʼehˇ 11:26

Aˬ yawꞈ-ahˇ poˆ mawˇ ngeh, Aˬdiˇawˬ meuˬ-ahˇ sheuˬ gʼeh-awˇ, Ka li zaˬ aˇ muˇ laꞈ kʼoeˇ jawˇ-eu tsawˇ haˬ deuˬ-ahˇ aˬ yawꞈ nyaꞈ kʼoꞈ kʼoꞈ lah ni tahˬ dzoeˇ-awˇ, tsawˇ haˬ gʼawˬ mya ni-ahˇ mehˬ nehˬ tsoˆ nehˬ-euˬ meh. Jah-eu tsawˇ haˬ deuˬ-ahˇ Ka li zaˬ lehˇ kuˇ beh beh-euˬ kʼoeˇ-aˬ, Aˬdiˇawˬ meuˬ-ahˇ meh.

Gʼaˬkʼehˇ 15:34

Ehˇ kʼawꞈ, Siˬlaˆ gʼaˬ-aˬ, kʼoeˇ gaˇ jawˇ yaꞈ-eu gʼaˇ duˬ noeˬ tsehˆ-euˬ meh.

Gʼaˬkʼehˇ 18:12

Gaˬliˬoˬ lehˇ kuˇ-eu gʼaˬ, Aˬgaˬyaˇ miˇ kʼahˬ-ahˇ uˆ lahˇ luꞈ ngeh, Yuˇdaˆ tsawˇ haˬ deuˬ gm leˇ-awˇ Pawˇluˆ-ahˇ nyehꞈ-awˇ, yaˇ kʼaˬ daˇ-eu saˇ naˇ-ahˇ sheuˬ gʼeh-euˬ meh.

Gʼaˬkʼehˇ 18:18

Pawˇluˆ-aˬ, Gawˇliˬtu meuˬ-ahˇ jawˇ-eu jah-eu tsawˇ haˬ deuˬ nehˬ-ehˇ gʼawˬ mya nah paˇ jawˇ-euˬ meh. Kʼoeˇ naˇ, aˬ yawꞈ maꞈ-ahˇ gʼawˬ-iˇ-awˇ, Biˇgiˇla hawˇ-eu Aˬguˇla aˬ nyaꞈ nehˬ-ehˇ tiˬ kawˆ loꞈ-ehˇ saˇ baoˬ dziˬ-awˇ, Suˇliˆ miˇ kʼahˬ-ahˇ iˇ-euˬ meh. Geˬjeˬ meuˬ-ahˇ iˇ keuˆ ngeh, aˬ yawꞈ dawˬ ma saˇ jaˇ dzaˬ-eu laꞈ kʼoeˇ uˬ jehˆ jehˆ dzeh-euˬ meh.

Gʼaˬkʼehˇ 19:1

Aˬpawˇluˆ Gawˇliˬtu meuˬ-ahˇ jawˇ luꞈ ngeh, Pawˇluˆ laꞈ taˆ paw kʼahˬ-ahˇ neh oe ka-awˇ, Eˇpeˇsu meuˬ-ahˇ oe keuˆ-euˬ meh. Kʼoeˇ gaˇ, zaˬ lahˇ tiˬ paˆ na deuˬ-ahˇ aˬ yawꞈ tahˬ puˬ-euˬ meh.

Gʼaˬkʼehˇ 9:27

Kʼoeˇ ngeh, Baˬnaˬbaˇ oe-awˇ, aˬ yawꞈ-ahˇ gʼaˬ kʼehˇ deuˬ jawˇ gaˇ sheuˬ gʼeh-euˬ meh. Sawˇluˆ gaˇ pehˇ-ahˇ Sahˬpaˬ Yeˬsuˇ-ahˇ aˬ joˆ-ehˇ ya tahˬ puˬ-awˇ, Sahˬpaˬ Yeˬsuˇ aˬ yawꞈ-ahˇ aˬ joˆ-ehˇ dawˬ ngehˬ cawˬ nehˬ-euˬ gaˇ kawˆ, Baˬnaˬbaˇ neh aˬ yawꞈ maꞈ-ahˇ dzawˇ nehˬ-euˬ meh. Daˬmaˬsehˇ meuˬ laꞈ kʼoeˇ, Yeˬsuˇ-euˬ tsawˇ myahˇ uˬ moˆ Sawˇluˆ kʼaˬ duˬ ni dawˬ mehˬ mehˬ-euˬ gaˇ kawˆ kʼawꞈ, aˬ yawꞈ dzawˇ nehˬ-euˬ meh.

Lormav 1:5

Tsawˇ jeuˬ dawˬ tawˆ luꞈ jah laˇ-awˇ naˇ haˬ geuꞈ ni sheuˬ gʼeh-eu gʼaˇ duˬ, Ka li-euˬ gʼaˬ kʼehˇ bi geuꞈ-eu lehˇ, Ka li-ahˇ gʼoe-awˇ Miˬyehˇ ngaˬ-ahˇ aˬ kawˬ-aˬ biꞈ laꞈ-euˬ meh.

1 Gawˇliˬtu 15:10

Ehˇ kʼawꞈ, Miˬyehˇ-euˬ guiˬ lahˬ baˬ da neh iˬ nah ngaˇ heu loꞈ-ehˇ ya pyeuꞈ laˇ-awˇ, aˬ yawꞈ neh ngaˬ-ahˇ biꞈ leꞈ-euˬ guiˬ lahˬ-aˬ, yawꞈ ngehꞈ maˬ ngeuˇ-a. Ehˇ kʼawꞈ, gʼaˬ kʼehˇ nui deuˬ naˆ maˬ tseˇ ngaˇ gaˇ mˇ-eu leh jeh dzehˬ-euˬ ma. Kʼoeˇ loꞈ-ehˇ mˇ-eu kʼoeˇ-aˬ, yawˬ haˇ yawˬ ha mˇ-eu maˬ ngeuˇ. Miˬyehˇ-euˬ guiˬ lahˬ ngaˬ nehˬ-ehˇ mˇ luꞈ-eu meh.

1 Gawˇliˬtu 16:3

Ngaˇ oe keuˆ naˇ, nawˬ maꞈ nui ma tsaˬ-awˇ kʼehˇ doˆ-euˬ tsawˇ haˬ-ahˇ ngaˇ sahˬ boꞈ boꞈ ahˇ nehˬ-awˇ, naw maꞈ neh damˬ-euˬ pyuˇ kʼoeˇ Yeˬluˇsaˬlehˬ meuˬ-ahˇ bi sha ha-iˇ ma.

1 Gawˇliˬtu 3:6

Ngaˇ-aˬ, ka-eu gʼaˬ pyeuꞈ-awˇ, Aˬpawˇluˆ-aˬ, iˇ cuꞈ shehˬ-eu gʼaˬ pyeuꞈ-eu meh. Ehˇ kʼawꞈ, aˇ bawˬ mehˇ laˇ ni jahˇ-eu gʼaˬ-aˬ, Miˬyehˇ meh.

2 Gawˇliˬtu 1:24

Naw maꞈ-euˬ jah-eu jeˬ-ahˇ nga maꞈ tuˆ tehˬ-awˇ uˆ lahˇ-eu lehˇ maˬ ngeuˇ. Jah-eu jeˬ laꞈ kʼoeˇ naw maꞈ ziꞈ dah ni yawꞈ luꞈ meh lehˇ nga maꞈ siˬ nya ma. Nga maꞈ-aˬ, naw maꞈ laˬ kʼaˬ cehˇ ni mˇ luꞈ-eu naw maꞈ-euˬ gaˇ mˇ cawˬ deuˬ pyeuꞈ-eu ma.

Piˇliˇpiˆ 1:25

Ngaˇ kʼoeˇ loꞈ-ehˇ jah duˬ taˬ-euˬ miˇ neh, ngaˇ ya dehꞈ meh lehˇ ngaˇ siˬ nya ma. Naw maꞈ huiˬ laˇ mahˇ laˇ luꞈ-eu jeˬ gʼaˬ bi kʼaˆ dzehˬ laˇ-awˇ, jah-eu jeˬ laꞈ kʼoeˇ laˬ kʼaˬ ya cehˇ ni, naw maꞈ dawˬ tawˆ luꞈ nehˬ-ehˇ ngaˇ dehꞈ daˆ leꞈ ma.

Piˇliˇpiˆ 1:29

Aˬ jeˬ miˇ neh ehˇ naˇ, Ka li neh naw maꞈ-ahˇ biꞈ taˬ-euˬ muiˬ dui dui-eu guiˬ lahˬ kʼoeˇ-aˬ, aˬ yawꞈ-ahˇ jah-eu jeˬ tehꞈ-ehˇ maˬ ngeuˇ-ehˇ, aˬ yawꞈ gʼaˇ duˬ shaˬ zahˬ ya mˇ-eu jeˬ kʼawꞈ ahˇ-eu meh.

Gawˇlawˇsehˇ 2:12

A jeˬ miˇ neh ehˇ naˇ, naw maꞈ iˇ cuꞈ shawˇ ngeh Ka li nehˬ-ehˇ tiˬ kawˆ loꞈ-ehˇ bi baꞈ pahˬ-awˇ, tiˬ kawˆ loꞈ-ehˇ paˇ gʼoꞈ dehꞈ laˇ-euˬ jeˬ pyeuꞈ-eu meh. Ka li-ahˇ bi gʼoꞈ dehꞈ laˇ-euˬ Miˬyehˇ-euˬ dehꞈ luꞈ-eu baoˬ-ahˇ naw maꞈ jah-eu laꞈ kʼoeˇ gʼoꞈ dehꞈ laˇ-euˬ jeˬ pyeuꞈ-eu meh.

Gawˇlawˇsehˇ 4:10

Ngaˬ nehˬ-ehˇ tiˬ kawˆ loꞈ-ehˇ tawˬ-ahˇ uˇ luꞈ-eu Aˬliˬdaˬguˇ naw maꞈ-ahˇ dawˬ cawˬ puˬ ahˇ laꞈ-euˬ meh. Kʼoeˇ loꞈ-ehˇ duˇ ni, Baˬnaˬbaˇ-euˬ aˬ yuiꞈ aˬ nyiˇ tsaˬ-eu Maˬkuˆ kʼawꞈ, naw maꞈ-ahˇ dawˬ cawˬ puˬ ahˇ laꞈ-euˬ meh. (Maˬkuˆ laˇ naˇ, aˬ joˆ-ehˇ ya ha nehˬ-eu gaˇ kawˆ naw maꞈ-ahˇ mehˬ nehˬ gʼaˬ-euˬ ma.)