Gʼaˬkʼehˇ 18:24 - Akha

²⁴ Kʼoeˇ ngeh, Aˬleˬsaˬduˇ meuˬ-ahˇ dehꞈ le-euˬ Aˬpawˇluˆ lehˇ myahˇ-euˬ Yuˇdaˆ tsawˇ haˬ tiˬ gʼaˬ Eˇpeˇsu meuˬ-ahˇ oe-euˬ meh. Aˬ yawꞈ-aˬ, dawˬ ngehˬ-eu bym dui dui-awˇ, Jaˇliꞈ yaw muiˬ paˬ-ehˇ siˬ nya-eu tsawˇ haˬ tiˬ gʼaˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Khoerngae, Aqleqsaqdur meuq-anr daefle-euq Aqpawrluv laer kur-eu Yurdav tsawrhaq tiq ghaq, Erpersu-anr oekeuv-euq mae. Aqyawf-aq, dawq zawr ngaeqnya-awr, Yaerbof siqnya duidui-eu mae.

Gʼaˬkʼehˇ 18:24 ပူးပေါင်းရင်းမြစ်များ

Eˇzaˬlaˬ 7:12

“Mˬ taˆ Miˬyehˇ-euˬ Zahˇ dawˬ kʼoꞈ dawˬ siˬ nya-eu zahˇ dzoeˬ miˬ ma pyeuꞈ-eu piˇ ma Eˇzaˬlaˬ jawˇ gaˇ, sahˬ paˬ Aˬtaˬdzeuˬsehˆ heu loꞈ-ehˇ sahˬ boꞈ boꞈ ahˇ laꞈ-eu ma.

Eˇzaˬlaˬ 7:6

Eˇzaˬlaˬ kʼoeˇ gʼaˬ Baˬbuˇloˬ miˇ kʼahˬ-ahˇ neh gʼoꞈ doˆ laˇ-euˬ meh. Aˬ yawꞈ-aˬ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ neh Moˇseˬ-ahˇ biꞈ-euˬ zahˇ dawˬ kʼoꞈ dawˬ siˬ nya dui dui-eu zahˇ dzoeˬ miˬ ma tiˬ gʼaˬ pyeuꞈ-eu meh. Eˇzaˬlaˬ-aˬ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh biꞈ-euˬ guiˬ lahˬ za-euˬ tsawˇ haˬ pyeuꞈ-eu miˇ neh, aˬ yawꞈ kʼaˇ shaˇ-eu jeˬ sahˬ paˬ aˬ yawꞈ-ahˇ biꞈ-euˬ meh.

Doˆ-iˇ 4:10

Ehˇ kʼawꞈ, Moˇseˬ paˇ ehˇ-eu, “Sahˬpaˬ Miˬyehˇ-oˇ, ngaˬ-ahˇ taˬ bi iˇ laꞈ. Ngaˇ-aˬ, dawˬ yaw muiˬ paˬ-ehˇ ngehˬ nya-eu tsawˇ haˬ pyeuꞈ-eu maˬ ngeuˇ. Nawˇ ngaˬ-ahˇ dawˬ ngehˬ cawˬ dahˬ beh ngeh neh nymˬ-mˇ keuˆ ni, dawˬ yaw muiˬ paˬ-ehˇ ngehˬ nya-eu tsawˇ haˬ ngaˇ maˬ pyeuꞈ laˇ-aˬ siˬ. Ngaˇ-aˬ, dawˬ ngehˬ-eu paw yaw laꞈ-i tiˬ gʼaˬ pyeuꞈ-awˇ, dawˬ yaw kawˇ-ehˇ maˬ ngehˬ doˆ nya-eu uˬ taꞈ, dawˬ ngehˬ-eu yaw myaꞈ nya.”

Iˇsaˬyaˇ 3:3

Guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ deuˬ hawˇ-eu, miˇ kʼahˬ-ahˇ uˆ lahˇ-eu yaw huiˬ yaw mahˇ deuˬ maˬ ehˇ, zaˬ siˬ tsawˇ gahˇ byah-eu deuˬ hawˇ-eu mah loˬ nya-eu deuˬ maˬ ehˇ, jaˬ nehꞈ pyehˬ nya-eu deuˬ maˬ ehˇ, (dawˬ tawˆ luꞈ bi yuˇ dzeh jiˇ tehꞈ-a.)

Maꞈtehˬ 13:52

Aˬ yawꞈ ehˇ-eu, “Dawˬ tsuiꞈ-aˬ, heu loꞈ-ehˇ meh. Mˬtaˆ Miˇkʼahˬ-euˬ zaˬ lahˇ pyeuꞈ laˇ-euˬ Zahˇ dawˬ kʼoꞈ dawˬ mehˬ-eu saˬ laˬ aˬ geu gʼaˬ maˬ kaˬ, kuˆ lawˆ laꞈ kʼoeˇ jeˬ hmˬ taˬ-euˬ myawˬ yaw shuiꞈ hawˇ-eu yaw oeˇ yuˇ doˆ laꞈ-eu nymˇ sahˇ aˬ da tiˬ gʼaˬ-ahˇ duˇ-eu meh.”

Luˇkaꞈ 24:19

Yeˬ suˇ ehˇ-eu, “Aˬ jeˬ gaˇ kawˆ-a.” Aˬ yawꞈ nyaꞈ ehˇ-eu. “Naˬzaˬlehˇ tsawˇ haˬ Yeˬsuˇ-euˬ gaˇ kawˆ tawˇ. Aˬ yawꞈ-aˬ, Miˬyehˇ hawˇ-eu tsawˇ haˬ dawˬ tawˆ luꞈ-euˬ mehˬ shi, mˇ-eu shaˇ-eu ngehˬ-eu tmˇ-eu baoˬ huiˬ dui dui-eu, Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ meh.

Gʼaˬkʼehˇ 18:19

Aˬ yawꞈ maꞈ Eˇpeˇsu meuˬ-ahˇ iˇ keuˆ-awˇ, Biˇgiˇla hawˇ-eu Gaˬguˇla aˬ nyaꞈ-ahˇ kʼoeˇ gaˇ taˬ yaꞈ-euˬ meh. Pawˇluˆ-aˬ, uˬ duˬ tahˬ nymˇ-ahˇ le-awˇ, Yuˇdaˆ tsawˇ haˬ deuˬ nehˬ-ehˇ ja sawˇ-euˬ meh.

Gʼaˬkʼehˇ 18:21

Aˬ yawꞈ doˆ-iˇ ngeh, “Miˬyehˇ nui ma tsaˬ naˇ, naw maꞈ jawˇ gaˇ ngaˇ tiˬ poˆ paˇ laˇ keuˆ ma” lehˇ ehˇ nehˬ yaꞈ-awˇ, saˇ baoˬ dziˬ-awˇ Eˇpeˇsu meuˬ-ahˇ neh doˆ-iˇ-euˬ meh.

Gʼaˬkʼehˇ 18:28

Aˬ jeˬ miˇ neh ehˇ naˇ, miˇ kʼahˬ zaˬ gʼawˬ mya ni mehˬ shi aˬ yawꞈ Jaˇli -ahˇ gʼoe gʼoe-ehˇ Yuˇdaˆ tsawˇ haˬ nehˬ-ehˇ yaw kʼaˆ kʼaˆ-ehˇ ja-awˇ, Yeˬsuˇ Meˬsiˇya pyeuꞈ-eu gaˇ kawˆ ja gʼaˬ-euˬ meh.

Gʼaˬkʼehˇ 19:1

Aˬpawˇluˆ Gawˇliˬtu meuˬ-ahˇ jawˇ luꞈ ngeh, Pawˇluˆ laꞈ taˆ paw kʼahˬ-ahˇ neh oe ka-awˇ, Eˇpeˇsu meuˬ-ahˇ oe keuˆ-euˬ meh. Kʼoeˇ gaˇ, zaˬ lahˇ tiˬ paˆ na deuˬ-ahˇ aˬ yawꞈ tahˬ puˬ-euˬ meh.

Gʼaˬkʼehˇ 27:6

Kʼoeˇ gaˇ iˇ keuˆ ngeh, Aˬleˬsaˬduˇ meuˬ-ahˇ neh oe-awˇ, Iˇdaˬliˬ miˇ kʼahˬ-ahˇ le-eu lehˇ gʼeh-eu saˇ baoˬ tiˬ laˇ-ahˇ yaw huiˬ kʼoeˇ gʼaˬ poˆ mawˇ-awˇ, nga maꞈ-ahˇ bi dziˬ laꞈ-euˬ meh.

Gʼaˬkʼehˇ 6:9

Kuˇleˬniˬ meuˬ hawˇ-eu Aˬleˬsaˬduˇ meuˬ-ahˇ jawˇ-eu Yuˇdaˆ tsawˇ haˬ deuˬ ahˇ leˇ taˬ-euˬ, Buˬ-iˇ-euˬ tsawˇ haˬ deuˬ -euˬ uˬ duˬ tahˬ nymˇ lehˇ ehˇ-eu aˇ muˇ kʼoeˇ muˇ-ahˇ taꞈ-eu tsawˇ haˬ deuˬ hawˇ-eu, Giˇliˇciˆ miˇ kʼahˬ hawˇ-eu Aˬshaˆ miˇ kʼahˬ-ahˇ jawˇ-eu Yuˇdaˆ tsawˇ haˬ tiˬ paˆ na deuˬ tuˇ laˇ-awˇ, Saˬteˬpaˬ-ahˇ tsawˇ pyehˇ pyehˇ-euˬ meh.

Gʼaˬkʼehˇ 7:22

Iˇjiˇtuˆ tsawˇ jeuˬ-euˬ zaˬ siˬ tsawˇ gahˇ dawˬ tawˆ luꞈ aˬ yawꞈ ya dzaw-awˇ, ngehˬ-eu tmˇ-eu paw dzeˇ maˬ ehˇ, mˇ-eu shaˇ-eu paw dzeˇ maˬ ehˇ, nya dui dui-eu tsawˇ haˬ tiꞈ gʼaˬ pyeuꞈ laˇ-euˬ meh.

1 Gawˇliˬtu 1:12

Ngaˇ ehˇ mawꞈ-euˬ-aˬ, naw maꞈ yaw kaˬ “Ngaˇ-aˬ, Pawˇluˆ-ahˇ taꞈ-eu ma.” “Ngaˇ-aˬ, Aˬpawˇluˆ-ahˇ taꞈ-eu ma.” “Ngaˇ-aˬ, Beˬtuˆluˆ-ahˇ taꞈ-eu ma.” “Ngaˇ-aˬ, Ka li-ahˇ taꞈ-eu ma” lehˇ, tiˬ gʼaˬ tiˬ jeˬ ehˇ-eu meh.

1 Gawˇliˬtu 16:12

Gaˇ mˇ cawˬ Aˬpawˇluˆ-ahˇ taꞈ leˇ-awˇ heu loꞈ-ehˇ ehˇ mawꞈ miˇ-a. Gaˇ mˇ cawˬ nui deuˬ nehˬ-ehˇ tiˬ kawˆ loꞈ-ehˇ naw maꞈ jawˇ gaˇ dawˬ deh gʼa le-eu gʼaˇ duˬ, aˬ yawꞈ-ahˇ tiˬ kʼehˬ maˬ taˬ ni gʼaˬ biꞈ luꞈ ma. Nymˬ-mˇ mi naˆ-ehˇ oe ma lehˇ aˬ yawꞈ maˬ noeˬ tsehˆ-aˬ siˬ. Ehˇ kʼawꞈ, aˇ yamˬ tsaˬ laˇ naˇ aˬ yawꞈ oe-eu duˇ.

1 Gawˇliˬtu 4:6

Aˬpawˇluˆ nga nyaꞈ-euˬ gaˇ kawˆ-ahˇ taꞈ leˇ-awˇ, naw maꞈ gʼaˇ duˬ shaˇ noeˬ-eu laꞈ kʼoeˇ ngaˇ heu loꞈ-ehˇ ehˇ-eu jeˬ pyeuꞈ-eu ma. Nga nyaꞈ-ahˇ haw-awˇ, Jaˇliꞈ laꞈ kʼoeˇ kʼaˇ boꞈ taˬ-euˬ loꞈ-ehˇ tehꞈ-ehˇ naw maꞈ caw teh-awˇ dehꞈ nya ni ehˇ-eu jeˬ pyeuꞈ-eu ma. Tiˬ gʼaˬ-ahˇ ja ceuˬ-awˇ tiˬ gʼaˬ-ahˇ ja doeˇ-eu jeˬ naw maꞈ jahˇ-eu maˬ tsaˬ-a.

2 Gawˇliˬtu 10:10

“Pawˇluˆ neh boꞈ-euˬ sahˬ boꞈ-aˬ, kah dui dui-awˇ gʼaˬ kʼaˆ dui dui meh. Ehˇ kʼawꞈ, aˬ yawꞈ-euˬ gʼawˇ mawˇ nga maꞈ nehˬ-ehˇ jawˇ naˇ, nahˬ jawˆ ni gʼeh-awˇ, aˬ yawꞈ neh ngehˬ-euˬ dawˬ baoˬ tiˬ pawꞈ-iˬ maˬ ahˇ-a” lehˇ, tsawˇ haˬ tiˬ paˆ na deuˬ ehˇ tehꞈ-a.

Gawˇlawˇsehˇ 3:16

Byah dui dui-eu Ka li-euˬ dawˬ kʼoeˇ, naw maꞈ-euˬ nui ma laꞈ kʼoeˇ bi ahˇ-eu tsaˬ meh. Zaˬ siˬ tsawˇ gahˇ dawˬ tawˆ luꞈ zmˬ-awˇ tiˬ gʼaˬ tiˇ gʼaˬ mehˬ-awˬ tsoˆ-awˬ. Jaˇliꞈ laꞈ kʼoeˇ ahˇ-eu ja ceuˬ-eu caˇ dawˬ deuˬ, Yeˬsuˇ gaˇ kawˆ caˇ-eu caˇ dawˬ deuˬ hawˇ-eu, guiˬ lahˬ saꞈ laˇ paw taꞈ leˇ-eu caˇ dawˬ deuˬ caˇ caˇ-ehˇ, nui ma laꞈ kʼoeˇ Miˬyehˇ-euˬ guiˬ lahˬ-ahˇ ja ceuˬ-awˬ.

Tiˇtuˆ 3:13

Zahˇ dawˬ kʼoꞈ dawˬ siˬ nya dui dui-eu Seˬnaˇ hawˇ-eu Aˬpawˇluˆ aˬ nyaꞈ gaˇ ma doˆ-iˇ nya ni kʼaˇ gʼeh nya-eu loꞈ-ehˇ caw ba nehˬ-awˇ, aˬ yawꞈ nyaꞈ kʼaˇ loˬ-eu jeˬ tiˬ poˆ haw nehˬ-awˬ.