Gʼaˬkʼehˇ 18:23 - Akha

²³ Kʼoeˇ gaˇ tiˬ kʼehˬ jawˇ gʼaˬ ngeh, Gaˬlaˬtiˆ miˇ kʼahˬ hawˇ-eu Puˬgiˇ miˇ kʼahˬ-ahˇ cah leˇ-awˇ jah-eu tsawˇ haˬ deuˬ-ahˇ gʼaˬ biꞈ leˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Pawrluv khoergar tiqkhaeq jawr-euq nar-aq dov-ir-awr, Gaqlaqtiv hawr-eu Puqgir mirkhanq tiqgar sair tiqgar ir-awr, zaqlanr dawqtawv luf-anr ghaq bif-euq mae.

Gʼaˬkʼehˇ 18:23 ပူးပေါင်းရင်းမြစ်များ

Eˇzaˬlaˬ 1:6

Aˬ yawꞈ maꞈ dawˬ peh jawˇ-eu tsawˇ haˬ deuˬ aˬ yawꞈ maꞈ-ahˇ, pyuˇ myawˬ guˇ deuˬ, shuiˇ deuˬ, dzaˬ dzaˬ dawˇ dawˇ deuˬ, myawˬ tawˬ-eu jeˬ zaˬ deuˬ hawˇ-eu, gaˇ dahˇ tsoeˬ-eu mˇ myawˬ deuˬ uˬ taꞈ, Uˬ duˬ tahˬ nymˇ nymˇ ma-ahˇ lawˇ-eu gʼawˬ mya jeˬ biꞈ-euˬ meh.

Daˬyeˬlaˇ 11:1

“Meˬdiˇ tsawˇ jeuˬ Daˬliˇ sahˬ paˬ geuꞈ-awˇ uˆ lahˇ beh beh ngeh kʼoꞈ, aˬ yawꞈ jawˇ paw ngaˇ pyawˬ-awˇ aˬ yawꞈ-ahˇ haw piˇ-euˬ ma.”

Luˇkaꞈ 1:3

Kʼoeˇ miˇ neh, Huiˬ-eu mahˇ-eu Tawˇpiˇlu-oˇ, ngaˇ kʼawꞈ aˇ dahˬ beh ngeh neh gaˇ kawˆ heu deuˬ-ahˇ yaw muiˬ paˬ-ehˇ pyehˆ tseˇ duˬ taˬ-euˬ miˇ neh, kʼaˇ pyeuꞈ dzeuˇ yaꞈ-euˬ jeˬ mehˬ huˬ mehˬ nahˬ tsaˬ ni nawˬ-euˬ gʼaˇ duˬ boꞈ doˆ nehˬ naˇ muiˬ-eu duˇ lehˇ noeˬ-eu ma.

Luˇkaꞈ 22:32

Ehˇ kʼawꞈ, Siˇmoˬ nawˇ jah-eu jeˬ-ahˇ maˬ ya byehˇ dzeh ni ngaˇ guiˬ lahˬ shaˇ luꞈ-eu ma. Nawˇ noeˬ poˆ-awˇ gʼoꞈ kʼoꞈ laˇ ngeh, nawˬ-euˬ cawˬ zaˬ lahˇ deuˬ-ahˇ gʼaˬ biꞈ nehˬ-awˬ.”

Luˇkaꞈ 22:43

Mˬ taˆ gʼaˬ kʼehˇ tiˬ gʼaˬ aˬ yawꞈ jawˇ gaˇ doˆ le-awˇ, aˬ yawꞈ-ahˇ gʼaˬ biꞈ lahˬ nehˬ-euˬ meh.

Gʼaˬkʼehˇ 14:22

Jah-eu jeˬ laꞈ kʼoeˇ ziꞈ ni, jah-eu tsawˇ haˬ deuˬ-ahˇ aˬ yawꞈ nyaꞈ gʼaˬ biꞈ yaꞈ-euˬ meh. “Miˬyehˇ miˇ kʼahˬ-ahˇ uˇ leˇ-eu gʼaˇ duˬ, shaˬ zahˬ gʼawˬ mya jeˬ-ahˇ aˬ dui ya tahˬ puˬ tehꞈ-a” lehˇ mehˬ nehˬ tsoˆ nehˬ yaꞈ-euˬ meh.

Gʼaˬkʼehˇ 15:32

Yuˇdaˆ hawˇ-eu Siˬlaˆ aˬ nyaꞈ kʼawꞈ, Miˬyehˇ gʼaˇ duˬ ngehˬ dah-eu tsawˇ haˬ pyeuꞈ-eu loꞈ-ehˇ, aˬ yawꞈ maꞈ-ahˇ dawˬ gʼawˬ myahˇ ni ngehˬ-awˇ gʼaˬ biꞈ lahˬ nehˬ-euˬ meh.

Gʼaˬkʼehˇ 15:41

Suˇliˆ miˇ kʼahˬ hawˇ-eu Giˇliˇciˆ miˇ kʼahˬ-ahˇ cah-iˇ-awˇ, Ka li zaˬ aˇ muˇ deuˬ ziꞈ laˇ ni gʼaˬ biꞈ nehˬ-iˇ-euˬ meh.

Gʼaˬkʼehˇ 16:40

Pawˇluˆ hawˇ-eu Siˬlaˆ aˬ nyaꞈ tawˬ-ahˇ neh doˆ-iˇ-awˇ, Lu diˇ-euˬ nymˇ-ahˇ le-euˬ meh. Jah-eu tsawˇhaˬ deuˬ-ahˇ kʼoeˇ gaˇ tahˬ dzoeˇ-awˇ gʼaˬ biꞈ nehˬ yaꞈ-euˬ meh. Kʼoeˇ naˇ, meuˬ kʼoeˇ meuˬ-ahˇ neh aˬ yawꞈ nyaꞈ doˆ-iˇ-euˬ meh.

Gʼaˬkʼehˇ 16:6

Aˬshaˆ miˇ kʼahˬ-ahˇ guiˬ lahˬ dawˬ maˬ ya mehˬ-iˇ ni, Muiˬ-eu shawˇ-eu Yaw sahˇ Miˬyehˇ aˬ yawꞈ maꞈ-ahˇ laˆ tsoeˬ-eu miˇ neh, Puˬgiˇ miˇ kʼahˬ hawˇ-eu Gaˬlaˬtiˆ miˇ kʼahˬ-ahˇ aˬ yawꞈ maꞈ le-euˬ meh.

Gʼaˬkʼehˇ 19:1

Aˬpawˇluˆ Gawˇliˬtu meuˬ-ahˇ jawˇ luꞈ ngeh, Pawˇluˆ laꞈ taˆ paw kʼahˬ-ahˇ neh oe ka-awˇ, Eˇpeˇsu meuˬ-ahˇ oe keuˆ-euˬ meh. Kʼoeˇ gaˇ, zaˬ lahˇ tiˬ paˆ na deuˬ-ahˇ aˬ yawꞈ tahˬ puˬ-euˬ meh.

Gʼaˬkʼehˇ 2:10

Puˬgiˇ miˇ kʼahˬ, Paˬbuˇliˇ miˇ kʼahˬ, Iˇjiˇtuˆ miˇ kʼahˬ, Kuˇleˬniˬ miˇ kʼahˬ dawˬ peh jaˆ-eu Liˆbyaˇ miˇ kʼahˬ, heu deuˬ doe ni tiˬ paw tiˬ gʼaˬ-ehˇ jawˇ-eu tsawˇ haˬ deuˬ ma. Aˬ dui tiˬ paˆ na deuˬ-aˬ, Loˇmaˆ meuˬ-ahˇ jawˇ-eu oe taˬ-euˬ meh.

1 Gawˇliˬtu 16:1

Nymˬ-mˇ poˆ jawˇ-aˬ, Yuˇdaˆ miˇ kʼahˬ-ahˇ jawˇ-eu aˬ yuiꞈ aˬ nyiˇ Ka li zaˬ deuˬ-ahˇ caw ba nehˬ-eu gʼaˇ duˬ pyuˇ daˬ gʼoˆ uiˬ-eu gaˇ kawˆ naw maꞈ neh ngaˇ jawˇ gaˇ boꞈ ahˇ laꞈ-euˬ gaˇ kawˆ-ahˇ taꞈ leˇ-awˇ, ngaˇ heu loꞈ-ehˇ ehˇ-eu ma. Gaˬlaˬtiˆ miˇ kʼahˬ-ahˇ jawˇ-eu Ka li zaˬ aˇ muˇ deuˬ-ahˇ ngaˬ neh ehˇ nehˬ-euˬ loꞈ-ehˇ naw maꞈ mˇ-awˬ.

Gaˬlaˬtiˆ 1:2

heu gaˇ kʼaˇ jawˇ-eu aˬ yuiꞈ aˬ nyiˇ Ka li zaˬ dawˬ tawˆ luꞈ, Gaˬlaˬtiˆ miˇ kʼahˬ-ahˇ jawˇ-eu Ka li zaˬ aˇ muˇ deuˬ jawˇ ga dawˬ cawˬ puˬ ahˇ leꞈ-eu ma.

Gaˬlaˬtiˆ 1:9

Yaw beh nga maꞈ neh ehˇ dzeuˇ-euˬ dawˬ-ahˇ nymˬ-mˇ ngaˇ paˇ ehˇ poˆ-eu ma. Tsawˇ haˬ tiˬ gʼaˬ na, naw maꞈ neh ha geuꞈ dzeuˇ-euˬ Laˬ kʼaˬ cehˇ-eu Guiˬ lahˬ dawˬ-ahˇ beu gaˇ-eu Laˬ kʼaˬ cehˇ-eu Guiˬ lahˬ dawˬ yawˬ hmˬ yawˬ mehˬ laˇ naˇ, aˬ yawꞈ kʼoeˇ taˆ yaˬ kʼehˇ yaˬ-eu jeˬ keuˆ le luꞈ-uˇ.

Gaˬlaˬtiˆ 4:14

Ngaˇ naˇ-eu baˬ da neh naw maꞈ ya shaˬ dui dui-euˬ kʼawꞈ, naw maꞈ ngaˬ-ahˇ maˬ byehˇ dzeh nehˬ laꞈ-euˬ uˬ taꞈ, yehˬ bawˬ-ehˇ maˬ gʼeh nehˬ laꞈ-aˬ. Mˬ taˆ gʼaˬ kʼehˇ-ahˇ ha-eu loꞈ-ehˇ ha nehˬ laꞈ-euˬ meh. Yeˬsuˇ Ka li-ahˇ ha-eu loꞈ-ehˇ ha nehˬ laꞈ-euˬ meh.

Dawˬmehˬ 3:28

Yawˇshuˆ-ahˇ mehˬ nehˬ tsoˆ nehˬ paˬ-ehˇ gʼeh-eu jeˬ mehˬ nehˬ tsoˆ nehˬ-awˇ gʼaˬ biꞈ nehˬ-awˬ. Aˬ jeˬ miˇ neh ehˇ naˇ, nawˬ neh haw mawˇ-euˬ miˇ kʼahˬ laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ aˬ yawꞈ ya sheuˬ uˇ gʼeh meh’ lehˇ ehˇ nehˬ laꞈ-euˬ meh.

1 Teˇsaˬloˇni 3:2

nga maꞈ nehˬ-ehˇ tiˬ kawˆ loꞈ-ehˇ Laˬ kʼaˬ cehˇ-eu Guiˬ lahˬ dawˬ mehˬ-eu gaˇ mˇ luꞈ-eu aˬ nyiˇ Tiˆmoˇseˬ-ahˇ kʼehˇ gʼeh laꞈ-euˬ ma. Naw maꞈ jah-eu nui ma ziꞈ ni gʼaˬ bi biꞈ-eu gʼaˇ duˬ aˬ yawꞈ-ahˇ kʼehˇ gʼeh laꞈ-euˬ jeˬ pyeuꞈ-eu ma.

1 Teˇsaˬloˇni 4:18

Kʼoeˇ miˇ neh, tiˬ gʼaˬ tiˇ gʼaˬ gaˇ kawˆ heu ja ja-ehˇ gʼaˬ biꞈ-awˬ.

1 Teˇsaˬloˇni 5:14

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ-ahˇ nga maꞈ heu loꞈ-ehˇ gʼaˬ biꞈ-eu ma. Maˬ mˇ maˬ shaˇ nahˇ-eu tsawˇ haˬ-ahˇ yaw kʼaˆ kʼaˆ-ehˇ mehˬ nehˬ tsoˆ nehˬ-awˬ. Nui ma baˬ-eu tsawˇ haˬ-ahˇ gʼaˬ biꞈ nehˬ-awˬ. Gʼaˬ byehˆ byehˆ-eu tsawˇ haˬ-ahˇ caw ba nehˬ-awˬ. Tsawˇ haˬ yawˬ gʼaˬ na luꞈ kʼoeˇ taˆ nui ma gʼawˬ mahˇ ni taˬ-awˬ.