Gʼaˬkʼehˇ 18:21 - Akha

²¹ Aˬ yawꞈ doˆ-iˇ ngeh, “Miˬyehˇ nui ma tsaˬ naˇ, naw maꞈ jawˇ gaˇ ngaˇ tiˬ poˆ paˇ laˇ keuˆ ma” lehˇ ehˇ nehˬ yaꞈ-awˇ, saˇ baoˬ dziˬ-awˇ Eˇpeˇsu meuˬ-ahˇ neh doˆ-iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Aerkhawf, aqyawf, aqyawf maf-anr ghawq-ir ngae aer-eu, “Ngar khar ghaenya-eu lof-aer Yeqlursaqlaeq-anr yawbui jav-eu gar ya irkeuv-a. Aerkhawf, Miqyaer nuima tsaq nar-aq, ngar, nawmaf jawr-eu gar par ghoflar ma.” Khoernar-aq, aqyawf, lawq-anr dziq-awr Erpersu-anr nae dov-ir-euq mae.

Gʼaˬkʼehˇ 18:21 ပူးပေါင်းရင်းမြစ်များ

Maꞈtehˬ 26:39

Aˬ yawꞈ ui cuiˆ iˇ jiˆ-awˇ, baˬ ba miˇ tsa tuˆ ni awˆ byaˆ-awˇ, heu loꞈ-ehˇ guiˬ lahˬ shaˇ-euˬ meh. “Ngaˬ Da-oˇ, shaˬ zahˬ naꞈ dui dui-eu kʼmˬ maˬ heu-ahˇ dzeuˇ-iˇ nya naˇ, bi dzeuˇ-iˇ laꞈ. Ehˇ kʼawꞈ, ngaˬ-euˬ nui noeˬ taˬ bi pyeuꞈ. Nawˬ-euˬ nui noeˬ bi pyeuꞈ-awˬ.”

Maˬkuˆ 6:46

Aˬ yawꞈ tsawˇ haˬ aˇ maꞈ-ahˇ gʼawˬ-iˇ gʼaˬ-awˇ, gawˬ jawˬ-ahˇ guiˬ lahˬ shaˇ leˇ-eu lehˇ le-euˬ meh.

Luˇkaꞈ 9:61

Yawˬ gʼaˬ yawˬ paˇ ehˇ-eu, “Sahˬpaˬ-oˇ, nawˬ-euˬ mehˬ nah ngaˇ caw teh laˇ ma. Ehˇ kʼawꞈ, ngaˬ-ahˇ tiˬ poˆ bi gʼoꞈ-iˇ laꞈ-awˇ, ngaˬ- euˬ nymˇ kʼahˬ zaˬ deuˬ-ahˇ dawˬ tsaꞈ dawˬ dzawˇ tiˬ poˆ bi mˇ-iˇ laꞈ.”

Gʼaˬkʼehˇ 15:29

Tahˬ pahˬ aˬ ma mawˇ kawˇ-ahˇ lawˇ nehˬ gʼaˬ-euˬ jeˬ taˬ dzaˬ. Shiˬ taˬ dzaˬ. Shiˬ maˬ sehꞈ dzeˇ ni paꞈ sehꞈ-euˬ shaˬ jiˇ taˬ dzaˬ. Maˬ tsaˬ maˬ dawˇ-eu laꞈ kʼoeˇ kʼaˬ miˬ taˬ sheu. Heu deuˬ-ahˇ maˬ mˇ ni gʼeh nya naˇ, muiˬ dui dui tehꞈ-a. Guiˬ lahˬ huiˬ luꞈ-uˇ.”

Gʼaˬkʼehˇ 18:19

Aˬ yawꞈ maꞈ Eˇpeˇsu meuˬ-ahˇ iˇ keuˆ-awˇ, Biˇgiˇla hawˇ-eu Gaˬguˇla aˬ nyaꞈ-ahˇ kʼoeˇ gaˇ taˬ yaꞈ-euˬ meh. Pawˇluˆ-aˬ, uˬ duˬ tahˬ nymˇ-ahˇ le-awˇ, Yuˇdaˆ tsawˇ haˬ deuˬ nehˬ-ehˇ ja sawˇ-euˬ meh.

Gʼaˬkʼehˇ 18:20

Kʼoeˇ gaˇ tiˬ kʼehˬ jawˇ-eu gʼaˇ duˬ aˬ cawˬ aˬ yawꞈ-ahˇ shaˇ kʼawꞈ, aˬ yawꞈ maˬ jawˇ-a.

Gʼaˬkʼehˇ 18:24

Kʼoeˇ ngeh, Aˬleˬsaˬduˇ meuˬ-ahˇ dehꞈ le-euˬ Aˬpawˇluˆ lehˇ myahˇ-euˬ Yuˇdaˆ tsawˇ haˬ tiˬ gʼaˬ Eˇpeˇsu meuˬ-ahˇ oe-euˬ meh. Aˬ yawꞈ-aˬ, dawˬ ngehˬ-eu bym dui dui-awˇ, Jaˇliꞈ yaw muiˬ paˬ-ehˇ siˬ nya-eu tsawˇ haˬ tiˬ gʼaˬ pyeuꞈ-eu meh.

Gʼaˬkʼehˇ 19:1

Aˬpawˇluˆ Gawˇliˬtu meuˬ-ahˇ jawˇ luꞈ ngeh, Pawˇluˆ laꞈ taˆ paw kʼahˬ-ahˇ neh oe ka-awˇ, Eˇpeˇsu meuˬ-ahˇ oe keuˆ-euˬ meh. Kʼoeˇ gaˇ, zaˬ lahˇ tiˬ paˆ na deuˬ-ahˇ aˬ yawꞈ tahˬ puˬ-euˬ meh.

Gʼaˬkʼehˇ 19:17

Eˇpeˇsu meuˬ-ahˇ kʼaˇ jawˇ-eu Yuˇdaˆ tsawˇ haˬdeuˬ hawˇ-eu aˬ cawˬ tsawˇ jeuˬ dawˬ tawˆ luꞈ gaˇ kawˆ kʼoeˇ ya gaˬ ngeh, guˆ dui dui-iˇ-awˇ, Sahˬpaˬ Yeˬsuˇ-euˬ tsawˇ myahˇ-ahˇ ciˬ huiˬ ciˬ mahˇ dui dui-euˬ meh.

Gʼaˬkʼehˇ 19:21

Gaˇ kawˆ kʼoeˇ deuˬ pyeuꞈ laˇ gʼaˬ ngeh, Maˬgeˬdawˇniˆ miˇ kʼahˬ hawˇ-eu Aˬgaˬyaˇ miˇ kʼahˬ-ahˇ cah-iˇ-awˇ, Yeˬluˇsaˬlehˬ meuˬ-ahˇ iˇ ma lehˇ Pawˇluˆ noeˬ tsehˆ-euˬ meh. “Kʼoeˇ gaˇ iˇ gʼaˬ naˇ, Loˇmaˆ meuˬ-ahˇ kʼawꞈ ya iˇ haw nga siˬ” lehˇ aˬ yawꞈ ehˇ-eu meh.

Gʼaˬkʼehˇ 20:16

Aˬshaˆ miˇ kʼahˬ-ahˇ aˇ yamˬ maˬ bi jiˇ-eu gʼaˇ duˬ, nyi naˬ nyi naˬ-ehˇ maˬ jawˇ ni Eˇpeˇsu meuˬ-ahˇ saˇ baoˬ dziˬ-awˇ iˇ-eu lehˇ Pawˇluˆ noeˬ tsehˆ-euˬ meh. Gʼeh nya naˇ, Beˬdeˬgoˇdeˬ bawˬ-iˬ gʼeh ngeh nah Yeˬluˇsaˬlehˬ meuˬ-ahˇ ya jawˇ ni, aˬ yawꞈ yaw kawˇ-ehˇ iˇ mawꞈ-eu meh.

Gʼaˬkʼehˇ 21:14

Nga maꞈ aˬ yawꞈ-ahˇ maˬ ja pyawˇ nya-eu miˇ neh, “SahˬpaˬMiˬyehˇ nui ma tsaˬ-eu loꞈ-ehˇ pyeuꞈ laˇ luꞈ-uˇ” lehˇ ehˇ-awˇ ciˬ cuˇ ni jawˇ-euˬ ma.

Gʼaˬkʼehˇ 21:29

(Eˇpeˇsu meuˬ-ahˇ jawˇ-eu Daˬloˇbeˬ lehˇ myahˇ-euˬ tiˬ gʼaˬ Pawˇluˆ nehˬ-ehˇ meuˬ laꞈ kʼoeˇ cah luꞈ gaˇ yaw beh neh aˬ yawꞈ maꞈ mawˇ taˬ-euˬ miˇ neh, Pawˇluˆ neh aˬ yawꞈ-ahˇ Uˬ duˬ tahˬ nymˇ nymˇ ma laꞈ kʼoeˇ sheuˬ laꞈ-euˬ tehꞈ-a lehˇ noeˬ-awˇ kʼoeˇ loꞈ-ehˇ ehˇ-eu jeˬ pyeuꞈ-eu meh.)

Lormav 1:10

Ngaˇ guiˬ lahˬ kʼaˇ shaˇ ngeh, naw maꞈ jawˇ gaˇ dawˬ deh gʼa keuˆ laˇ nya ni gʼawˬ shaˬ gaˬ-awˇ gaˇ ma bi dahˇ laˇ laꞈ lehˇ, Miˬyehˇ-ahˇ shaˇ-eu ma.

Lormav 15:32

Miˬyehˇ nui ma tsaˬ naˇ, ngaˇ naw maꞈ jawˇ gaˇ laˬ kʼaˬ tiˬ cehˇ ya laˇ keuˆ-awˇ, naw maꞈ nehˬ-ehˇ jawˇ-awˇ laˬ kʼaˬ cehˇ-eu laꞈ kʼoeˇ gʼaˬ doeˇ naˬ dah nya ni guiˬ lahˬ caw shaˇ nehˬ laꞈ-awˬ.

1 Gawˇliˬtu 15:32

Tsawˇ haˬ-euˬ nui noeˬ nui loˆ ya ehˇ naˇ, nymˬ-mˇ Eˇpeˇsu meuˬ heu meuˬ laꞈ kʼoeˇ “haiˬ-eu bawˇ tsahˬ jeˬ zaˬ” deuˬ-ahˇ ngaˇ dawꞈ ceh ceh naˇ, ngaˬ-euˬ gʼaˇ duˬ aˬ jeˬ guiˬ lahˬ baw ta. Shiˇ-euˬ tsawˇ haˬ deuˬ-ahˇ maˬ bi gʼoꞈ dehꞈ laˇ nya-eu ngeuˇ naˇ, “Ni shawˬ ya shiˇ-eu baˬ da neh dzaˬ byawˬ dawˇ byawˬ byawˬ kaˇ-euˇ” lehˇ ehˇ-eu dawˬ daˬ kʼoeˇ tsaˬ dui dui meh.

1 Gawˇliˬtu 16:7

Ngaˇ iˇ tsehˆ laˇ tsehˆ-eu laꞈ kʼoeˇ, naw maꞈ-ahˇ tiˬ kʼehˬ tiˬ yamˬ tehꞈ-ehˇ tahˬ puˬ-eu jeˬ maˬ geuꞈ mawꞈ nya. Sahˬpaˬ Yeˬsuˇ nui ma tsaˬ naˇ, naw maꞈ jawˇ gaˇ ui cuiˆ gʼawˬ myahˇ ni jawˇ ma lehˇ noeˬ tmˬ taˬ-euˬ ma.

1 Gawˇliˬtu 16:8

Beˬdeˬgoˇdeˬ Bawˬ-iˬ gʼeh ngeh nah keuˆ ni, heu gaˇ Eˇpeˇsu meuˬ-ahˇ ngaˇ jawˇ ma.

1 Gawˇliˬtu 4:19

Sahˬ paˬ Miˬyehˇ nui ma tsaˬ naˇ, gʼawˬ myahˇ maˬ gʼeh-ehˇ naw maꞈ jawˇ gaˇ ngaˇ oe-awˇ nui ma huiˬ-eu kʼoeˇ deuˬ ngehˬ-eu dawˬ-ahˇ naˇ haˬ-eu tehꞈ-ehˇ maˬ ngeuˇ ni, aˬ yawꞈ maꞈ baoˬ aˇ naˆ ni ahˇ nga lehˇ ngaˇ haw ma.

2 Gawˇliˬtu 13:11

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ ma. Laˬ kʼaˬ cehˇ-eu jeˬ oꞈ luꞈ-uˇ. Naw maꞈ dehꞈ paˇ-awˬ. Ngaˬ-euˬ shaˇ dawˬ naˇ haˬ nehˬ laꞈ-awˬ. Tiˬ gʼaˬ tiˇ gʼaˬ tsaˬ leˇ dzoeˇ leˇ-awˬ. Gʼoeˇ-eu gaˬ-eu jeˬ hawˇ-eu nui saˇ oꞈ-eu jeˬ biꞈ-eu Miˬyehˇ naw maꞈ nehˬ-ehˇ jawˇ tehꞈ-a.

Eˇpeˇsu 1:1

Miˬyehˇ nui ma tsaˬ-eu miˇ neh Yeˬsuˇ Ka li-euˬ gʼaˬ kʼehˇ ya geuꞈ luꞈ-eu ngaˇ Pawˇluˆ, Yeˬsuˇ Ka li laꞈ kʼoeˇ saˇ jaˇ ziꞈ-eu Eˇpeˇsu meuˬ-ahˇ jawˇ-eu Miˬyehˇ-euˬ tsawˇ haˬ deuˬ jawˇ gaˇ sahˬ boꞈ boꞈ ahˇ leꞈ-eu ma.

Dawˬmehˬ 16:1

“Aˬbiˇbaˬ ba la-ahˇ Baˬsaˬkaˬ Bawˬ-iˬ gʼeh-eu laꞈ kʼoeˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taˬ huiˬ taˬ mahˇ-awˬ. Ba la kʼoeˇ siˬ uˬ ciꞈ tiˬ miˇ-ahˇ, Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ aˬ yawꞈ ka kʼoꞈ doˆ laꞈ-euˬ meh.

HeˬByehˇ 6:3

Aˬ dui mehˬ hu paw le kaˇ-euˇ. Miˬyehˇ nui ma tsaˬ naˇ, aˬ dui heu loꞈ-ehˇ mˇ daˆ leꞈ kaˇ-euˇ.

Yaˬkoˆ 4:15

“Miˬyehˇ nui ma tsaˬ-awˇ aˬ dui yaw dehꞈ ya dehꞈ naˇ, heu loꞈ-ehˇ mˇ ma, kʼoeˇ Loꞈ-ehˇ mˇ ma” lehˇ, naw maꞈ ehˇ-eu tsaˬ meh.

1 Beˬtuˆluˆ 3:17

Kʼehˬ-eu kʼaˆ-eu jeˬ-ahˇ naw maꞈ ya daˬ-eu-aˬ, Miˬyehˇ nui ma tsaˬ-eu jeˬ pyeuꞈ-eu ngeuˇ naˇ, maˬ muiˬ-eu jeˬ mˇ-awˇ ya daˬ-eu naˆ maˬ tseˇ, yaw muiˬ jeˬ mˇ-awˇ yaˬ daˬ-eu tsaˬ dzehˬ meh.

Panmaeq 1:11

Teˇ saˇ kʼoeˇ saˇ ehˇ-eu, “Nawˬ neh kʼaˇ ya mawˇ-euˬ jeˬ boꞈ taˬ-awˇ, Eˇpeˇsu meuˬ, Saˬmuˇlaˬnaˆ meuˬ, Beˬlaˬgaˬ meuˬ, Saˬdiˬlehˇ meuˬ, Saˬdiˇ meuˬ, Piˇlaˬdeˬpiˇ meuˬ, Lawˬdiˬciˆ meuˬ, heu shiꞈ meuˬ laꞈ kʼoeˇ jawˇ-eu Ka li zaˬ aˇ muˇ deuˬ-ahˇ sahˬ boꞈ kʼoeˇ dawˆ ahˇ gʼeh-awˬ.”

Panmaeq 2:1

Eˇpeˇsu meuˬ-ahˇ jawˇ-eu Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, aˇ maˇ laꞈ-ahˇ aˬ guiˇ shiꞈ siˬ tuˆ tehˬ taˬ-awˇ shuiˇ neh jahˇ taˬ-euˬ tsiˇ kʼmˬ doꞈ taˬ duˬ shiꞈ hmˬ-euˬ gʼahˇ ceh cah luꞈ-eu gʼaˬ-euˬ dawˬ meh.