Gʼaˬkʼehˇ 18:14 - Akha

¹⁴ Pawˇluˆ dawˬ ngehˬ-eu lehˇ gʼeh ngeh, Yuˇdaˆ tsawˇ haˬ kʼoeˇ deuˬ-ahˇ Gaˬliˬoˬ heu loꞈ-ehˇ ehˇ nehˬ-euˬ meh. “Yuˇ daˆ tsawˇ haˬ deuˬ-oˇ, gaˇ kawˆ teu hmˬ-aˬ, yaw haiˬ tiˬ jeˬ paˬ mˇ bahˬ-euˬ loˇ, yaw lehˬ tiˬ jeˬ na jahˇ-euˬ loˇ lehˇ ngeuˇ law nmˇ-aˬ, naw maꞈ ehˇ gaˇ ngaˇ oˇ-awˇ naˇ haˬ nehˬ nya te siˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Khoernar-aq, Pawrluv khaqmae mrnga-awr dawq ngaeq-eu laer ghae ngae, Gaqliqoq, Yurdav tsawrhaq deuq-anr heulof-aer aernaeq-euq mae, “Yurdav tsawrhaq deuq-or! Garkawv heu yawlaeq jeq maqngeur nar-aq, zawr banq-eu yawcawv jeq mr-euq ngeur-eu lawnmr-aq, ngar oror-aer nawmaf ja-eu gar narhaq ma.

Gʼaˬkʼehˇ 18:14 ပူးပေါင်းရင်းမြစ်များ

Maꞈtehˬ 5:2

Kʼoeˇ ngeh, aˬ yawꞈ maꞈ-ahˇ heu loꞈ-ehˇ mehˬ nehˬ tsoˆ nehˬ-euˬ meh.

Maˬkuˆ 9:19

Aˬ yawꞈ maꞈ-ahˇ Yeˬsuˇ ehˇ nehˬ-eu, “Jah-eu nui ma maˬ ahˇ-eu ziˇ heu ziˇ-ahˇ dehꞈ luꞈ-eu tsawˇ haˬ deuˬ-oˇ, naw maꞈ nehˬ-ehˇ ngaˇ aˇ myah keuˆ ni ya jawˇ ta. Naw maꞈ-ahˇ ngaˇ aˇ myah keuˆ ni ya oˇ ta. Aˬ li kʼoeˇ li-ahˇ heu gaˇ sheuˬ laꞈ-awˬ.”

Gʼaˬkʼehˇ 13:10

“Nehꞈsahˬpaˬ-euˬ zaˬ-oˇ, yaw muiˬ jeˬ dawˬ tawˆ luꞈ-ahˇ nawˇ muiˇ-eu meh. Nawˇ-aˬ, nui ma gʼoꞈ dui dui-awˇ, SahˬpaˬMiˬyehˇ-euˬ yaw tsaˬ yaw dawˇ jeˬ-ahˇ jaˬ myawꞈ mehˇ shuiˇ pyeuꞈ-iˇ jiˇ ni leh jeh luꞈ-eu meh.

Gʼaˬkʼehˇ 13:18

Kʼoeˇ naˇ, oeˬ tseˇ kʼoꞈ keuˆ ni bawˇ tsahˬ bawˇ dahˇ laꞈ kʼoeˇ aˬ yawꞈ maꞈ-ahˇ jeuˬ jeuˬ-ehˇ shaˬ-euˬ meh.

Gʼaˬkʼehˇ 21:39

Pawˇluˆ ehˇ-eu, “Ngaˇ-aˬ, Giˇliˇciˆ miˇ kʼahˬ Daˬsuˆ meuˬ-ahˇ dehꞈ le-euˬ Yuˇdaˆ tsawˇ haˬ pyeuꞈ-awˇ, huiˬ-eu meuˬ kʼoeˇ meuˬ-euˬ miˇ kʼahˬ zaˬ pyeuꞈ-eu ma. Tsawˇ haˬ teu deuˬ-ahˇ dawˬ tiˬ poˆ bi ngehˬ laꞈ sheˇ.”

Gʼaˬkʼehˇ 25:11

Zahˇ dawˬ kʼoꞈ dawˬ-ahˇ ngaˇ puiˬ-awˇ shiˇ paˬ-ehˇ gʼeh-eu yaw lehˬ tiˬ jeˬ na mˇ taˬ-euˬ jaˆ naˇ kʼawꞈ, maˬ bi shiˇ ni bi dzeuˇ-iˇ laꞈ lehˇ ngaˇ maˬ ehˇ. Ehˇ kʼawꞈ, aˬ yawꞈ maꞈ ngaˬ-euˬ yaw lehˬ poˆ-eu teu maˬ tsaˬ naˇ, tsawˇ haˬ tiˬ gʼaˬ-iˬ aˬ yawꞈ maꞈ-euˬ aˬ laꞈ laꞈ kʼoeˇ ngaˬ-ahˇ maˬ a nehˬ nya-aˇ. Sahˬ paˬ Gehˇsaˬ neh yaˇ kʼaˬ bi daˇ laꞈ lehˇ ngaˇ shaˇ-eu ma.”

Gʼaˬkʼehˇ 25:26

Ehˇ kʼawꞈ, Huiˬ dui dui-eu Sahˬ paˬ jawˇ gaˇ aˬ yawꞈ-euˬ gaˇ kawˆ aˬ joˆ-ehˇ boꞈ nehˬ paˬ nga lehˇ maˬ ya shaˇ noeˬ duˬ-aˬ siˬ. Kʼoeˇ miˇ neh, aˬ yawꞈ-ahˇ pyehˆ tseˇ gʼaˬ ngeh jawˇ, aˬ yawꞈ-euˬ gaˇ kawˆ ngaˇ sahˬ boꞈ boꞈ nehˬ nya paˬ-ehˇ bi duˬ laˇ-eu gʼaˇ duˬ, naw maꞈ-euˬ mehˬ shi, aˬ cawˬ naˆ maˬ tseˇ sahˬ paˬ Aˬgiˇpaˆ-euˬ mehˬ shi, aˬ yawꞈ-ahˇ bi sheuˬ laꞈ taˬ-euˬ jeˬ pyeuꞈ-eu ma.

Lormav 13:3

Yaw muiˬ jeˬ mˇ-eu tsawˇ haˬ deuˬ-aˬ, uˆ lahˇ luꞈ-eu sahˬ paˬ sahˬ ma-ahˇ maˬ ya guˆ-a. Maˬ muiˬ-eu jeˬ mˇ-eu tsawˇ haˬ deuˬ tehꞈ-ehˇ ya guˆ-eu meh. Sahˬ paˬ sahˬ ma-ahˇ guˆ kʼaˇ maˬ za ni dehꞈ mawꞈ-eu nya loˇ. Yaw muiˬ jeˬ mˇ-awˬ. Sahˬ paˬ sahˬ ma ja ceuˬ nehˬ laꞈ tehꞈ-a.

2 Gawˇliˬtu 11:1

Ngaˇ aˬ dzawˬ aˇ gah-euˬ dawˬ ui cuiˆ ngehˬ gaˇ naw maꞈ bi oˇ mawꞈ miˇ-a. Tiˬ poˆ oˇ nehˬ laꞈ-awˬ de.

2 Gawˇliˬtu 11:4

Naw maꞈ jawˇ gaˇ kʼaˇ laˇ-eu tsawˇ haˬ-ahˇ naw maꞈ ha geuꞈ-awˇ, nga maꞈ neh mehˬ-euˬ Yeˬsuˇ maˬ ngeuˇ-eu Yeˬsuˇ yawˬ gʼaˬ yawˬ-euˬ gaˇ kawˆ mehˬ gaˇ naˇ haˬ-eu laꞈ kʼoeˇ, nga maꞈ neh naw maꞈ-ahˇ biꞈ-euˬ Yaw sahˇ Miˬyehˇ hawˇ-eu Laˬ kʼaˬ cehˇ-eu Guiˬ lahˬ dawˬ-ahˇ beu gaˇ dui dui-eu yaw sahˇ yawˬ gʼaˬ yawˬ hawˇ-eu laˬ kʼaˬ cehˇ-eu guiˬ lahˬ dawˬ yawˬ jeˬ yawˬ-ahˇ naw maꞈ laˬ kʼaˬ cehˇ taˆ ni ha geuꞈ-euˬ meh.

HeˬByehˇ 5:2

Aˬ yawꞈ kʼawꞈ, gʼaˬ baˬ duˬ gʼawˬ mya ni jaˆ-eu loꞈ-ehˇ, maˬ siˬ nya-ehˇ mˇ lehˬ shaˇ lehˬ-euˬ deuˬ kʼoeˇ taˆ nui ma nahˬ yu ni taˬ nya-eu meh.