Gʼaˬkʼehˇ 17:7 - Akha

⁷ Yaˬsoˬ neh aˬ yawꞈ maꞈ-ahˇ aˬ yawꞈ-euˬ nymˇ-ahˇ cu taˬ-euˬ meh. Yeˬsuˇ lehˇ myahˇ-eu sahˬ paˬ tiˬ gʼaˬ jawˇ meh lehˇ aˬ yawꞈ maꞈ ehˇ ehˇ-ehˇ, sahˬ paˬ Gehˇsaˬ neh biꞈ taˬ-euˬ zaˇ sahˇ kʼoꞈ deuˬ-ahˇ laˆ cawˆ luꞈ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Yaqsoq, aqyawf maf-anr hageuf-euq mae. Aqyawfmaf, Yeqsur laer kur-eu sanqpaq nuighaq jawr-eu mae laer aer-awr, aqyawfmaf dawqtawvluf sanqpaq Gaersaq-euq zanrtaq khoftaq-anr mrbanq-euq mae.”

Gʼaˬkʼehˇ 17:7 ပူးပေါင်းရင်းမြစ်များ

Daˬyeˬlaˇ 3:12

Nawˬ neh Baˬbuˇloˬ meuˬ-euˬ gahˬ kaˬ-ahˇ bi haw bi pyaˆ-eu Yuˇdaˆ tsawˇ haˬ deuˬ pyeuꞈ-eu, Shaˬdaˬlaˆ, Meˬshaˆ, Aˬbeˬdaˬneˬgoˬ aˬ ha maꞈ, nawˬ neh dawˬ biꞈ-euˬ gaˇ maˬ naˇ haˬ-a. Nawˬ-euˬ miˬ yehˇ-ahˇ aˬ yawꞈ maꞈ uˬ duˬ maˬ tahˬ-eu uˬ taꞈ, nawˬ neh ka tuˇ-euˬ mawˇ kawˇ mehˬ shi maˬ awˆ byaˆ-a.”

Daˬyeˬlaˇ 6:13

Aˬ yawꞈ maꞈ sahˬ paˬ-ahˇ ehˇ-eu, “Yuˇdaˆ miˇ kʼahˬ-ahˇ neh nyehꞈ laꞈ-euˬ Daˬyeˬlaˇ kʼoeˇ gʼaˬ-aˬ, sahˬ paˬ nawˬ-ahˇ yaw zeu maˬ baw-eu uˬ taꞈ, nawˬ neh taˬ taˬ-euˬ zahˇ sahˇ kʼoꞈ-ahˇ maˬ caw teh ni, tiˬ nah smˬ poˆ guiˬ lahˬ shaˇ-eu ma byehˇ-a.”

Luˇkaꞈ 10:38

Yeˬsuˇ hawˇ-eu aˬ yawꞈ-euˬ zaˬ lahˇ deuˬ mehˬ hu paw le luꞈ ngeh, pu tiˬ pu-ahˇ uˇ leˇ-awˇ, Maˬta lehˇ myahˇ-euˬ zaˬ miˬ zaˬ tiˬ gʼaˬ Yeˬsuˇ-ahˇ aˬ yawꞈ-euˬ nymˇ laꞈ kʼoeˇ ha ahˇ-euˬ meh.

Luˇkaꞈ 23:2

Aˬ yawꞈ maꞈ Yeˬsuˇ-ahˇ iˬ baˇ poˆ-awˇ ehˇ-eu, “Tsawˇ haˬ heu gʼaˬ nga maꞈ-euˬ tsawˇ jeuˬ-ahˇ gaˇ ma sheuˬ bahˬ-awˇ, sahˬ paˬ Gehˇsaˬ-ahˇ kawˬ taˬ doˆ nehˬ lehˇ nga maꞈ-ahˇ laˆ tsoeˬ-eu uˬ taꞈ, yawˬ haˇ yawˬ ha Ka li lehˇ kuˇ-eu sahˬ paˬ ma lehˇ ehˇ-eu nga maꞈ mawˇ-euˬ ma.”

Yoˇhaˬ 19:12

Dawˬ kʼoeˇ dawˬ-ahˇ sahˬ paˬ Piˇlaˆ ya gaˬ ngeh, Yeˬsuˇ-ahˇ pyehˬ nehˬ-eu gaˇ ma poˆ-euˬ meh. Ehˇ kʼawꞈ, tsawˇ haˬ aˇ maꞈ guˇ-awˇ ehˇ-eu, “Nawˇ aˬ yawꞈ-ahˇ pyehˬ nehˬ te lehˇ ngeuˇ naˇ, nawˇ sahˬ paˬ Gehˇsaˬ-euˬ cawˬ maˬ paˇ ngeuˇ meh. Yawˬ haˇ yawˬ ha sahˬ paˬ ma lehˇ ehˇ-eu tsawˇ haˬ-aˬ, sahˬ paˬ Gehˇsaˬ-ahˇ puiˬ-eu tsawˇ haˬ meh.”

Gʼaˬkʼehˇ 16:21

Aˬ dui-euˬ zahˇ sahˇ kʼoꞈ-ahˇ bahˬ-eu zahˇ deuˬ-ahˇ caw teh ni aˬ yawꞈ nyaꞈ mehˬ luꞈ tsoˆ luꞈ-eu meh. Aˬ dui Loˇmaˆ miˇ kʼahˬ zaˬ deuˬ zahˇ heu deuˬ-ahˇ maˬ ha geuꞈ nya-a.”

Gʼaˬkʼehˇ 17:5

Ehˇ kʼawꞈ, Yuˇdaˆ tsawˇ haˬ deuˬ myaˆ naˆ-eu miˇ neh, aˬ dzawˬ aˇ gah deuˬ deh uiˬ-awˇ aˇ muˇ tiˬ muˇ muˇ doˆ-eu laꞈ kʼoeˇ, meuˬ meuˬ lah-ehˇ laˆ luiˬ-euˬ meh. Pawˇluˆ hawˇ-eu Siˬlaˆ aˬ nyaꞈ-ahˇ miˇ kʼahˬ zaˬ-euˬ mehˬ shi gʼeu doˆ leꞈ-eu gʼaˇ duˬ, Yaˬsoˬ-euˬ nymˇ-ahˇ aˬ yawꞈ maꞈ ga jawˬ-iˇ-euˬ meh.

Gʼaˬkʼehˇ 17:8

Aˬ yawꞈ maꞈ kʼoeˇ loꞈ-ehˇ ehˇ-awˇ, tsawˇ haˬ aˇ maꞈ hawˇ-eu meuˬ-ahˇ uˆ lahˇ-eu sahˬ paˬ sahˬ ma deuˬ-ahˇ laˆ luiˬ-euˬ meh.

Yaˬkoˆ 2:25

Meh maˬ laˇ Laˬhaˇ-euˬ gaˇ kawˆ kʼawꞈ, kʼoeˇ loꞈ-ehˇ meh. Miˇ kʼahˬ kʼoeˇ kʼahˬ-ahˇ kʼoeˬ sho haw leˇ-euˬ Iˇsaˬleˬlaˇ tsawˇ haˬ deuˬ-ahˇ aˬ yawꞈ ha geuꞈ-awˇ, gaˇ ma yawˬ kahˇ yawˬ mehˬ pyawˇ nehˬ-awˇ bi buˬ bi law-iˇ-euˬ meh. Aˬ yawꞈ kʼoeˇ loꞈ-ehˇ mˇ-euˬ shaˇ-euˬ miˇ neh, Miˬyehˇ-ahˇ tsaˬ leˇ tsahˇ leˇ-eu tsawˇ haˬ pyeuꞈ laˇ-euˬ meh.

1 Beˬtuˆluˆ 2:15

Aˬ jeˬ miˇ neh ehˇ naˇ, naw maꞈ neh mˇ-euˬ yaw muiˬ jeˬ baˬ da neh, aˬ dzawˬ aˇ gah deuˬ maˬ siˬ nya-ehˇ ngehˬ luꞈ-eu gaˇ dahˇ maˬ tsoeˬ-eu dawˬ deuˬ ciˬ cuˇ ni bi pyeuꞈ-iˇ-eu gʼaˇ duˬ, Miˬyehˇ mawꞈ-eu meh.