Gʼaˬkʼehˇ 17:4 - Akha

⁴ Aˬ yawꞈ maꞈ tiˬ paˆ na deuˬ noeˬ pehꞈ-awˇ, Pawˇluˆ hawˇ-eu Siˬlaˆ nehˬ-ehˇ gm leˇ-euˬ meh. Myaˆ pyawˬ naˇ mehˇ jaˆ-eu zaˬ miˬ zaˬ gʼawˬ mya gʼaˬ hawˇ-eu Heˬlaˬsaˇ tsawˇ haˬ gʼawˬ mya ni Miˬyehˇ-ahˇ uˬ duˬ tahˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aqyawf maf-euq lafkhoer tiqpavnav deuq-anr maeqjan-awr, Pawrluv hawr-eu Siqlav-anr gawflar-euq mae. Miqyaer-anr guv-eu Heqlaqsar tsawrhaq armaf mafma hawr-eu, myavpyawq narmaer jav-eu zaqmiq aqbur deuq khawf yawmyaq mae.

Gʼaˬkʼehˇ 17:4 ပူးပေါင်းရင်းမြစ်များ

Dawqdaq 13:20

Zaˬ siˬ tsawˇ gahˇ byah-eu deuˬ nehˬ-ehˇ cah-eu tsawˇ haˬ tsawˇ gahˇ ahˇ laˇ-awˇ, aˬ dzawˬ aˇ gah deuˬ nehˬ-ehˇ cawˬ cawˬ-eu tsawˇ haˬ, ya luˬ ya seˇ-iˇ tehꞈ-a.

Dawqdaq 9:6

Dawˇ ga ga-eu tsawˇ haˬ deuˬ-ahˇ byehˇ dzeh-awˇ, zaˬ siˬ tsawˇ gahˇ mehˬ nah caw teh-awˇ dehꞈ-awˬ.”

Dawˬ caˇ 6:1

Zaˬ miˬ dawˬ tawˆ kʼoeˇ taˆ aˇ gʼehˇ muiˬ-eu gʼaˬ-oˇ, nawˬ-euˬ zaˬ kʼaˬ aˬ gaˇ iˇ taˬ. Aˬ geu paw iˇ taˬ lehˇ ehˇ nehˬ laꞈ-awˬ. Nga maꞈ nawˬ-ahˇ caw poˆ nehˬ nyaˇ.

Zaˬkaˬliˇ 2:11

Aˇ yamˬ kʼoeˇ yamˬ keuˆ laˇ ngeh, tsawˇ jeuˬ gʼawˬ mya ni Sahˬpaˬ Miˬyehˇ jawˇ gaˇ laˇ-awˇ, aˬ yawꞈ-euˬ tsawˇ haˬ pyeuꞈ laˇ tehꞈ-a. Naw maꞈ nehˬ-ehˇ aˬ yawꞈ jawˇ le-awˇ, aˬ yawꞈ neh ngaˬ-ahˇ naw maꞈ jawˇ gaˇ kʼehˇ gʼeh leꞈ-euˬ gaˇ kawˆ, naw maꞈ ya siˬ duˬ tehꞈ-a.

Yoˇhaˬ 7:35

Yuˇdaˆ tsawˇ haˬ aˬ yuiꞈ aˬ tsu deuˬ yaw kaˬ heu loꞈ-ehˇ ja-eu meh. “Aˬ dui maꞈ aˬ yawꞈ-ahˇ maˬ poˆ mawˇ nya paˬ-ehˇ aˬ yawꞈ aˬ gaˇ iˇ-eu lehˇ nga. Heˬlaˬsaˇ tsawˇ haˬ-euˬ meuˬ deuˬ-ahˇ jawˇ-iˇ-euˬ aˬ dui-euˬ tsawˇ jeuˬ jawˇ gaˇ iˇ-awˇ, Heˬlaˬsaˇ tsawˇ haˬ deuˬ-ahˇ mehˬ-iˇ tsoˆ-iˇ-eu lehˇ nga loˇ.

Gʼaˬkʼehˇ 13:43

Aˬ yawꞈ maꞈ uˬ duˬ tahˬ nymˇ-ahˇ daˆ laˇ-euˬ gʼoꞈ ka-iˇ ngeh, Yuˇdaˆ tsawˇ haˬ gʼawˬ mya ni hawˇ-eu Yuˇdaˆ tsawˇ haˬ pyeuꞈ laˇ-euˬ aˬ cawˬ tsawˇ jeuˬ gʼawˬ mya ni, Pawˇluˆ hawˇ-eu Baˬnaˬbaˇ aˬ nyaꞈ-euˬ mehˬ nah caw teh laˇ-euˬ meh. Aˬ yawꞈ nyaꞈ aˬ yawꞈ maꞈ-ahˇ dawˬ ngehˬ cawˬ-awˇ, Miˬyehˇ gʼawˬ shaˬ gaˬ-eu jeˬ laꞈ kʼoeˇ ziꞈ dah ni dehꞈ daˆ leꞈ-eu gʼaˇ duˬ gʼaˬ biꞈ-euˬ meh.

Gʼaˬkʼehˇ 13:50

Ehˇ kʼawꞈ, meuˬ laꞈ kʼoeˇ aˬ yuiꞈ aˬ tsu geuꞈ luꞈ-eu deuˬ hawˇ-eu, Miˬyehˇ-ahˇ uˬ duˬ tahˬ-eu myaˆ pyawˬ naˇ mehˇ jaˆ-eu aˬ cawˬ tsawˇ jeuˬ zaˬ miˬ zaˬ deuˬ, Pawˇluˆ hawˇ-eu Baˬnaˬbaˇ-ahˇ nui ma pehˇ ni Yuˇdaˆ tsawˇ haˬ deuˬ kawˆ-awˇ, aˬ yawꞈ nyaꞈ-ahˇ bi kʼehˬ-awˇ, miˇ kʼahˬ kʼoeˇ kʼahˬ-ahˇ neh bi teh dzeh-euˬ meh.

Gʼaˬkʼehˇ 14:1

Pawˇluˆ hawˇ-eu Baˬnaˬbaˇ aˬ nyaꞈ Iˇgawˇniˇ meuˬ-ahˇ le keuˆ-awˇ jawˇ ngeh, Yuˇdaˆ tsawˇ haˬ-euˬ uˬ duˬ tahˬ nymˇ-ahˇ daˆ leˇ-awˇ dawˬ ngehˬ leˇ-euˬ meh. Kʼoeˇ gaˇ kʼawꞈ, Yuˇdaˆ tsawˇ haˬ maˬ ehˇ, aˬ cawˬ tsawˇ jeuˬ maˬ ehˇ, gʼawˬ mya ni jah-eu tsawˇ haˬ pyeuꞈ laˇ-euˬ meh.

Gʼaˬkʼehˇ 14:4

Meuˬ kʼoeˇ meuˬ-ahˇ jawˇ-eu tsawˇ haˬ deuˬ nyiˬ paˆ paˆ-iˇ-euˬ meh. Tiˬ paˆ na deuˬ Yuˇdaˆ tsawˇ haˬ deuˬ jawˇ paw pyawˬ-awˇ, tiˬ paˆ na deuˬ-aˬ, gʼaˬ kʼehˇ kʼoeˇ nyiˬ gʼaˬ jawˇ paw pyawˬ-euˬ meh.

Gʼaˬkʼehˇ 15:22

Kʼoeˇ naˇ, aˬ yawꞈ maꞈ laꞈ kʼoeˇ tsawˇ haˬ tseˇ doˆ-awˇ, Pawˇluˆ hawˇ-eu Baˬnaˬbaˇ nehˬ-ehˇ Aˬdiˇawˬ meuˬ-ahˇ bi le-eu gʼaˇ duˬ, gʼaˬ kʼehˇ deuˬ hawˇ-eu aˬ yuiꞈ aˬ tsu deuˬ Ka li zaˬ aˇ muˇ nehˬ-ehˇ bawˬ dzaˬ tsehˆ-euˬ meh. Jah-eu tsawˇ haˬ deuˬ yaw zeu baw dui dui-eu Baˬsaˬbaˆ lehˇ kuˇ-eu Yuˇdaˆ hawˇ-eu Siˬlaˆ aˬ nyaꞈ-ahˇ tseˇ doˆ-awˇ,

Gʼaˬkʼehˇ 15:27

Yuˇdaˆ hawˇ-eu Siˬlaˆ aˬ nyaꞈ-ahˇ bi laˇ ma. Nga maꞈ neh kʼaˇ boꞈ taˬ-euˬ gaˇ kawˆ heu, aˬ yawꞈ nyaꞈ dzawˇ nehˬ laꞈ tehꞈ-a.

Gʼaˬkʼehˇ 15:32

Yuˇdaˆ hawˇ-eu Siˬlaˆ aˬ nyaꞈ kʼawꞈ, Miˬyehˇ gʼaˇ duˬ ngehˬ dah-eu tsawˇ haˬ pyeuꞈ-eu loꞈ-ehˇ, aˬ yawꞈ maꞈ-ahˇ dawˬ gʼawˬ myahˇ ni ngehˬ-awˇ gʼaˬ biꞈ lahˬ nehˬ-euˬ meh.

Gʼaˬkʼehˇ 15:40

Pawˇluˆ gʼaˬ-aˬ, jah-eu tsawˇ haˬ deuˬ neh aˬ yawꞈ-ahˇ Sahˬpaˬ Miˬyehˇ-euˬ guiˬ lahˬ yaw dzahˇ laꞈ kʼoeˇ bi a nehˬ gʼaˬ miˇ tsa, Siˬlaˆ-ahˇ tseˇ doˆ-awˇ sheuˬ gʼeh-euˬ meh.

Gʼaˬkʼehˇ 16:3

Pawˇluˆ-aˬ, Tiˆmoˇseˬ-ahˇ sheuˬ-awˇ cah mawꞈ-eu miˇ neh, baˆ kʼoˆ mehˬ dzaˬ yehˬ nehˬ-euˬ meh. Kʼoeˇ gaˇ jawˇ-eu Yuˇdaˆ tsawˇ haˬ dawˬ tawˆ luꞈ Tiˆmoˇseˬ-euˬ aˬ da Heˬlaˬsaˇ tsawˇ jeuˬ pyeuꞈ-eu gaˇ kawˆ siˬ nya jiˇ-eu miˇ neh, kʼoeˇ loꞈ-ehˇ baˆ baˆ kʼoˆ mehˬ dzaˬ yehˬ nehˬ-euˬ jeˬ pyeuꞈ-eu meh.

Gʼaˬkʼehˇ 17:10

Uˬ ciꞈ ciꞈ le-eu nehˬ-ehˇ, jah-eu tsawˇ haˬ deuˬ Pawˇluˆ hawˇ-eu Siˬlaˆ-ahˇ Beˬliˇ meuˬ-ahˇ tiˬ poˆ tehꞈ-ehˇ bi iˇ-euˬ meh. Aˬ yawꞈ nyaꞈ kʼoeˇ gaˇ iˇ keuˆ ngeh, uˬ duˬ tahˬ nymˇ-ahˇ le-euˬ meh.

Gʼaˬkʼehˇ 17:12

Aˬ yawꞈ maꞈ gʼawˬ mya ni jah laˇ-euˬ meh. Myaˆ pyawˬ naˇ mehˇ jaˆ-eu Heˬlaˬsaˇ tsawˇ haˬ kʼaˬ dzeˇ zaˬ deuˬ kʼawꞈ, gʼawˬ mya gʼaˬ jah laˇ-euˬ meh.

Gʼaˬkʼehˇ 17:14

Kʼoeˇ ngeh, jah-eu tsawˇ haˬ deuˬ neh Pawˇluˆ-ahˇ iˬ ma laˆ shaˆ lawˇ deh paw bi iˇ doˆ-euˬ meh. Ehˇ kʼawꞈ, Siˬlaˆ hawˇ-eu Tiˆmoˇseˬ aˬ nyaꞈ-aˬ, Beˬliˇ meuˬ-ahˇ jawˇ yaꞈ-euˬ meh.

Gʼaˬkʼehˇ 17:17

Kʼoeˇ miˇ neh, Yuˇdaˆ tsawˇ haˬ deuˬ hawˇ-eu Miˬyehˇ-ahˇ uˬ duˬ tahˬ-eu aˬ cawˬ tsawˇ jeuˬ nehˬ-ehˇ uˬ duˬ tahˬ nymˇ laꞈ kʼoeˇ ja uˇ-eu uˬ taꞈ, lehˆ lehˆ tsmˇ miˇ kʼahˬ zaˬ baꞈ dzah dzah duˬ-ahˇ kʼawꞈ, kʼaˇ iˇ kʼaˇ laˇ doˆ-eu tsawˇ haˬ deuˬ nehˬ-ehˇ ja uˇ haw-euˬ meh.

Gʼaˬkʼehˇ 17:34

Tsawˇ haˬ tiˬ paˆ na deuˬ aˬ yawꞈ nehˬ-ehˇ nui ma gm-awˇ jah-euˬ meh. Jah laˇ-euˬ tsawˇ haˬ kʼoeˇ deuˬ laꞈ kʼoeˇ, meuˬ kʼoeˇ meuˬ-ahˇ uˆ lahˇ-eu baꞈ dzah aˇ muˇ-ahˇ ahˇ-eu Daˬyawˇnaˬsiˇ hawˇ-eu Daˬmaˬliˇ lehˇ myahˇ-euˬ zaˬ miˬ zaˬ tiˬ gʼaˬ uˬ taꞈ, nui deuˬ kʼawꞈ ahˇ-eu meh.

Gʼaˬkʼehˇ 18:4

Yuˇdaˆ tsawˇ haˬ maˬ ehˇ, c tsawˇ haˬ maˬ ehˇ, jah-eu tsawˇ haˬ pyeuꞈ laˇ ni, Jawˇ nah aˬ yawꞈ nah yawꞈ uˬ duˬ tahˬ nymˇ laꞈ kʼoeˇ Pawˇluˆ ja sawˇ-euˬ meh.

Gʼaˬkʼehˇ 19:10

Nyiˬ kʼoꞈ byah ni aˬ yawꞈ kʼoeˇ loꞈ-ehˇ mˇ daˆ leꞈ-euˬ miˇ neh, Aˬshaˆ miˇ kʼahˬ-ahˇ jawˇ-eu tsawˇ haˬ dawˬ tawˆ luꞈ, Yuˇdaˆ tsawˇ haˬ maˬ ehˇ, aˬ cawˬ tsawˇ jeuˬ deuˬ maˬ ehˇ, Sahˬpaˬ Yeˬsuˇ-euˬ dawˬ ya gaˬ-euˬ meh.

Gʼaˬkʼehˇ 2:44

Jah-eu tsawˇ haˬ dawˬ tawˆ luꞈ tiˬ kawˆ loꞈ-ehˇ dehꞈ taꞈ-eu laꞈ kʼoeˇ, kʼaˇ jaˆ-eu jeˬ dawˬ tawˆ luꞈ tiˬ kawˆ loꞈ-ehˇ geuꞈ-awˇ zmˬ-euˬ meh.

Gʼaˬkʼehˇ 21:28

Aˬ yawꞈ maꞈ guˇ-awˇ ehˇ-eu, “Iˇsaˬleˬlaˆ tsawˇ haˬ deuˬ-oˇ, caw ba le-awˬ. Tsawˇ haˬ heu gʼaˬ yawˬ gaˇ na luꞈ iˇ doe-awˇ, Iˇsaˬleˬlaˆ tsawˇ haˬ maˬ ehˇ, Moˇseˬ-euˬ Zahˇ dawˬ kʼoꞈ dawˬ maˬ ehˇ, Uˬ duˬ tahˬ nymˇ nymˇ ma heu maˬ ehˇ, maˬ tsaˬ-a lehˇ mehˬ mehˬ-ehˇ cah-eu meh. Nymˬ-mˇ poˆ jawˇ-aˬ, Uˬ duˬ tahˬ nymˇ nymˇ ma laꞈ kʼoeˇ keuˆ ni aˬ cawˬ tsawˇ jeuˬ paˇ sheuˬ ahˇ laꞈ-awˇ, muiˬ-eu shawˇ-eu jawˇ duˬ-ahˇ laˆ jawꞈ laˇ-euˬ ngaˇ.”

Gʼaˬkʼehˇ 28:24

Tiˬ paˆ na deuˬ aˬ yawꞈ mehˬ gaˇ jah laˇ-euˬ meh. Ehˇ kʼawꞈ, tiˬ paˆ na deuˬ maˬ jah-a.

Gʼaˬkʼehˇ 4:23

Beˬtuˆluˆ hawˇ-eu Yoˇhaˬ-ahˇ pyehˬ kʼoꞈ nehˬ ngeh, aˬ yawꞈ nyaꞈ-euˬ aˇ muˇ jawˇ gaˇ gʼoꞈ-iˇ-awˇ, Piˇ ma Yaw huiˬ gʼaˬ hawˇ-eu tsawˇ mawˬ tsawˇ kʼaˆ deuˬ neh aˬ yawꞈ nyaꞈ-ahˇ ehˇ-euˬ dawˬ deuˬ dzawˇ nehˬ-euˬ meh.

2 Gawˇliˬtu 8:5

Kʼoeˇ-aˬ, nga maꞈ neh noeˬ tmˬ taˬ-euˬ taꞈ-ehˇ dzehˬ leˇ taˬ-euˬ jeˬ pyeuꞈ-eu meh. Yaw beh tiˬ tiˆ, aˬ yawꞈ maꞈ-euˬ gʼawˇ mawˇ Sahˬpaˬ Yeˬsuˇ-ahˇ a nehˬ-euˬ meh. Nyiˬ tiˆ tiˬ tiˆ, Miˬyehˇ nui ma tsaˬ-eu loꞈ-ehˇ aˬ yawꞈ maꞈ-euˬ gʼawˇ mawˇ nga maꞈ-ahˇ a nehˬ laꞈ-euˬ meh.