Gʼaˬkʼehˇ 17:26 - Akha

²⁶ Tsawˇ haˬ tiˬ gʼaˬ o neh miˇ kʼahˬ tsawˇ jeuˬ dawˬ tawˆ luꞈ-ahˇ aˬ yawꞈ beh taˬ-euˬ jeˬ pyeuꞈ-awˇ, miˇ tsaˬ tahˬ kʼawˇ bi jawˇ byah taˬ-euˬ meh. Aˬ yawꞈ maꞈ yaw dehꞈ ya dehꞈ-eu aˇ yamˬ hawˇ-eu jawˇ duˬ-ahˇ, aˇ dahˬ beh ngeh neh neh lehˬ hmˬ taˬ-awˇ toꞈ tsaˬ jiˆ tsaˬ jiˇ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Aqyawf, tsawrhaq tiq ghaq-euq shiq-anr nae taef-aer, mirkhanq-euq tsawrjeuq tsawrca dawqtawv luf-anr bae-euq khoer-aq, mirtsaq tanqkhawr doeni bijawr-eu gharduq mae. Aryamq arlaw hawr-eu yajawr-eu mirkaq khawf, ardanqbae ngae nae noeqtsaev taq-euq mae.

Gʼaˬkʼehˇ 17:26 ပူးပေါင်းရင်းမြစ်များ

Aˇ dahˬ 3:20

Aˬdaˬ-aˬ, aˬ yawꞈ-euˬ miˬ zaˬ-ahˇ Eˇbaˆ lehˇ myahˇ nehˬ-euˬ meh. Aˬ jeˬ miˇ neh ehˇ naˇ, aˬ yawꞈ-aˬ, tsawˇ haˬ zaˬ dawˬ tawˆ luꞈ-euˬ aˬ ma ma dzahˇ gʼaˬ pyeuꞈ-eu meh.

Aˇ dahˬ 9:19

Noˇaˬ-euˬ aˬ li heu smˬ li-aˬ, miˇ tsaˬ kʼoeˇ taˆ kʼaˇ jawˇ-eu tsawˇ haˬ deuˬ-euˬ aˬ da yaw dzahˇ deuˬ pyeuꞈ-eu meh.

Yawˇbaˆ 12:23

Miˇ kʼahˬ kʼoeˇ deuˬ baoˬ huiˬ-awˇ gʼaˬ ahˇ ni aˬ yawꞈ jahˇ-eu meh. Ehˇ kʼawꞈ, aˬ yawꞈ maꞈ-ahˇ aˬ yawꞈ deuˆ gʼaˬ-awˇ paˇ laˆ cawˆ nehˬ-eu meh.

Yawˇbaˆ 14:5

Tsawˇ haˬ-euˬ ziˇ hawˇ-eu aˬ yawꞈ ya dehꞈ-eu ba la aˇ siˬ-ahˇ, yaw beh neh diˬ tsehˆ taˬ-euˬ meh. Nawˬ neh laˆ tsaˬ jiˇ taˬ-euˬ miˇ neh maˬ paˇ laˆ paˇ nya meh.

Jaceuq 31:15

Ngaˬ-euˬaˇnah aˇyamˬdawˬtawˆ, nawˬ-euˬaˬlaꞈlaꞈkʼoeˇjaˆmeh. Muiˇ-eu deuˬ-euˬlaꞈ-ahˇmaˬehˇ, kʼehˬ-eu deuˬ-euˬlaꞈ-ahˇmaˬehˇ, nawˇngaˬ-ahˇka kʼoꞈnehˬlaꞈ-awˬ.

Jaceuq 74:17

Mˬ dzeˇ miˇ dzeˇ miˇ kaˬ nawˬ neh biˇ-awˇ, jawˇ la hawˇ-eu tsahˬ gaˆ nawˬ neh dehˬ paˆ taˬ-euˬ meh.

Iˇsaˬyaˇ 14:31

Meuˬ lahˇ kʼehˬ-oˇ, guˇ-awˬ. Meuˬ-oˇ, ngoeˇ-awˬ. Piˇliˇtiˆ tsawˇ haˬ deuˬ-oˇ, guˆ dui dui-awˬ. Laꞈ taˆ paw pyawˬ-ahˇ uˬ kʼoeˬ du doˆ laˇ luꞈ-eu kʼoeˇ, guiˇ maꞈ maꞈ ma pyeuꞈ-awˇ, guˆ-eu nui ma ahˇ-eu tiˬ gʼaˬ-iˬ maˬ keuˬ-a.

Iˇsaˬyaˇ 34:17

Jeˬ zaˬ kʼoeˇ deuˬ gʼaˇ duˬ Sahˬpaˬ Miˬyehˇ miˇ tsaˬ biˇ-awˇ, yawˬ jeˬ na luꞈ-ahˇ biˇ oꞈ nehˬ tehꞈ-a. Miˇ kʼahˬ kʼoeˇ kʼahˬ laꞈ kʼoeˇ aˬ yawꞈ maꞈ ziꞈ dah ni jawˇ-awˇ, mˬ maˬ maˬ byaˆ zaˇ ziˇ aˬ yawꞈ maꞈ-ahˇ oꞈ tehꞈ-a.

Iˇsaˬyaˇ 45:21

Naw maꞈ gaˇ kawˆ ja duˬ laˇ sheˇ. Tiˬ kawˆ loꞈ-ehˇ bawˬ dzaˬ-awˇ ja duˬ sheˇ. Mehˬ hu paw pyeuꞈ laˇ-eu gaˇ kawˆ deuˬ-ahˇ, aˇ hu ba neh ehˇ jiˇ taˬ-euˬ aˬ suˇ gʼaˬ-aˬ. Ngaˬ-euˬ tsawˇ haˬ deuˬ-ahˇ ka kʼoꞈ nehˬ-eu Miˬyehˇ pyeuꞈ-eu, ngaˇ Sahˬpaˬ Miˬyehˇ neh ehˇ jiˇ taˬ-euˬ maˬ ngeuˇ-a loˇ. Miˬ yehˇ nui gʼaˬ aˬ gaˇ jawˇ ta.

Yeˬlaˬmiˇ 27:5

“Huiˬ dui dui-eu ngaˬ-euˬ baoˬ hawˇ-eu gʼaˬ-ahˇ gʼoe-awˇ, miˇ tsaˬ tahˬ kʼawˇ maˬ ehˇ, kʼoeˇ-euˬ kʼoeˇ taˆ jawˇ-eu tsawˇ haˬ zaˬ hawˇ-eu jeˬ zaˬ deuˬ maˬ ehˇ, ngaˇ beh-awˇ, ngaˇ nui ma kʼaˇ tsaˬ-eu gʼaˬ-ahˇ miˇ tsaˬ heu ngaˇ biꞈ-eu ma.

Daˬyeˬlaˇ 11:27

Kʼoeˇ naˇ, sahˬ paˬ kʼoeˇ nyiˬ gʼaˬ hawˬ jeh tiˬ jeh -ahˇ tehꞈ-ehˇ dzaˬ taꞈ tehꞈ-a. Ehˇ kʼawꞈ, aˬ yawꞈ nyaꞈ nui ma laꞈ gʼoꞈ baw-awˇ, tiˬ gʼaˬ tiˇ gʼaˬ jaˬ myawꞈ myawꞈ tehꞈ-a. Aˇ yamˬ maˬ keuˆ laˇ-euˬ miˇ neh, aˬ yawꞈ nyaꞈ neh noeˬ taˬ-euˬ jeˬ maˬ mˇ pyeuꞈ nya-a.

Daˬyeˬlaˇ 11:35

Zaˬ siˬ tsawˇ gahˇ byah-eu aˬ yuiꞈ aˬ tsu tiˬ paˆ na deuˬ bi sehꞈ tehꞈ-a. Ehˇ kʼawꞈ kʼoeˇ loꞈ-ehˇ bi sehꞈ-euˬ baˬ da neh, tsawˇ haˬ zaˬ deuˬ muiˬ laˇ shawˇ laˇ tehꞈ-a. Miˬyehˇ neh lehˬ hmˬ taˬ-euˬ aˇ saˬ saˬ-eu aˇ yamˬ keuˆ laˇ ngeh keuˆ ni, kʼoeˇ loꞈ-ehˇ pyeuꞈ pyeuꞈ-ehˇ jaˆ tehꞈ-a.

Maˬlaˬkiˇ 2:10

Aˬ dui dawˬ tawˆ luꞈ-euˬ aˬ da yaw dzahˇ tiˬ gʼaˬ tehꞈ maˬ ngeuˇ loˇ. Aˬ dui dawˬ tawˆ luꞈ-ahˇ Miˬyehˇ tiˬ gʼaˬ neh tehꞈ-ehˇ beh taˬ-euˬ maˬ ngeuˇ-a loˇ. Toˆ-ehˇ ngeuˇ naˇ, aˬ dui tiˬ gʼaˬ tiˇ gʼaˬ saˇ jaˇ dzaˬ taˬ-euˬ gaˇ aˬ jeˬ miˇ neh puiˬ te. Aˬ dui-euˬ aˬ poeˬ aˬ bawˇ deuˬ nehˬ-ehˇ Miˬyehˇ neh dzaˬ taˬ-eu dawˬ ma saˇ jaˇ-ahˇ aˬ jeˬ miˇ neh puiˬ te.

Gʼaˬkʼehˇ 14:17

Ehˇ kʼawꞈ, aˬ yawꞈ neh mˇ-euˬ yaw muiˬ jeˬ laꞈ kʼoeˇ, aˬ yawꞈ dehꞈ luꞈ jawˇ luꞈ-eu gaˇ kawˆ aˬ myah luꞈ bi siˬ bi mawˇ-euˬ meh. Aˬ yawꞈ naw maꞈ-ahˇ mˬ kʼoeˇ taˆ neh uˬ yehˇ bi yehˇ le-awˇ, aˇ yamˬ tsaˬ ngeh dzaˬ la gʼo cehˇ bi keuˆ le-euˬ meh. Naw maꞈ-ahˇ dzaˬ dzaˬ dawˇ dawˇ biꞈ-awˇ, naw maꞈ-euˬ nui ma laꞈ kʼoeˇ laˬ kʼaˬ cehˇ-eu jeˬ bi byah laˇ-euˬ meh.”

Gʼaˬkʼehˇ 15:18

gaˇ kawˆ heu deuˬ aˇ hu ba neh, bi siˬ laꞈ-euˬ yaw sahˇ pyeuꞈ-eu, SahˬpaˬMiˬyehˇ ehˇ taˬ-euˬ meh.’

1 Gawˇliˬtu 15:22

Tsawˇ haˬ dawˬ tawˆ luꞈ Aˬdaˬ-ahˇ taꞈ leˇ-eu laꞈ kʼoeˇ ya shiˇ-eu loꞈ-ehˇ, Ka li-ahˇ taꞈ leˇ-eu laꞈ kʼoeˇ paˇ ya gʼoꞈ dehꞈ laˇ tehꞈ-a.

1 Gawˇliˬtu 15:47

Aˬdaˬ yaw beh gʼaˬ-aˬ, miˇ tsaˬ neh tehˆ-awˇ, miˇ tsaˬ-ahˇ neh doˆ laˇ-euˬ jeˬ pyeuꞈ-eu meh. Aˬdaˬ nyiˬ gʼaˬ tiˬ gʼaˬ-aˬ, mˬ-ahˇ neh oe-euˬ meh.

HeˬByehˇ 2:3

Toˆ-ehˇ ngeuˇ naˇ, heu naˆ naˆ-ehˇ huiˬ-eu ka kʼoꞈ-eu jeˬ heu-ahˇ aˬ dui myaˆ haw maˬ cawˬ naˇ, kʼehˬ-eu kʼaˆ-eu jeˬ-ahˇ aˬ joˆ-ehˇ dzeuˇ-iˇ nya nmˇ. Ka kʼoꞈ-eu gaˇ kawˆ heu, Sahˬpaˬ Yeˬsuˇ neh jeˬ huˬ ehˇ naˬ laꞈ-awˇ, kʼaˇ ya gaˬ-euˬ tsawˇ haˬ deuˬ tsaˬ meh lehˇ saˇ kiˇ kamˬ-eu meh.