Gʼaˬkʼehˇ 17:25 - Akha

²⁵ Aˬ dui tsawˇ haˬ zaˬ-euˬ aˬ laꞈ neh ngehˬ gʼeh bo saˆ-awˇ mˇ cu nehˬ-eu jeˬ-ahˇ aˬ yawꞈ maˬ loˬ-a. Aˬ jeˬ miˇ neh ehˇ naˇ, tsawˇ haˬ dawˬ tawˆ luꞈ-ahˇ, dehꞈ-eu jeˬ, saꞈ gʼawˇ nya-eu jeˬ hawˇ-eu, yawˬ jeˬ na luꞈ biꞈ-eu gʼaˬ-aˬ, aˬ yawꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Aqyawf tiqjeqpaq mawf-eu lof-aer, tsawrhaqzaq-euq aqlaf nae lawr-euq gar ghoe-eu maqngeur-a. Aqjeq mirnae aernar-aq, aqyawf-aq, tsawrhaq dawqtawv luf-anr daef-eu jeq, saf hawr-eu yawqjeq navluf bif-eu ghaq pyeuf-eu mae.

Gʼaˬkʼehˇ 17:25 ပူးပေါင်းရင်းမြစ်များ

Aˇ dahˬ 2:7

Kʼoeˇ ngeh, Miˬyehˇ pyeuꞈ-eu Sahˬpaˬ Miˬyehˇ miˇ tsaˬ-ahˇ shaˬ jehˆ ui cuiˆ tsuˆ doˆ-awˇ, tsawˇ haˬ mawˇ kawˇ tehˆ-euˬ meh. Kʼoeˇ naˇ, naˇ mehˇ laꞈ kʼoeˇ dehꞈ-eu saꞈ laˇ baw ahˇ nehˬ ngeh, tsawˇ haˬ kʼoeˇ gʼaˬ yaw dehꞈ dehꞈ laˇ-euˬ meh.

Yawˇbaˆ 12:10

Yaw dehꞈ kʼaˇ dehꞈ-eu jeˬ dawˬ tawˆ luꞈ-euˬ saꞈ laˇ Miˬyehˇ-euˬ aˬ laꞈ laꞈ kʼoeˇ jaˆ-awˇ, tsawˇ haˬ aˬ yawꞈ gʼaˬ yawꞈ-euˬ saꞈ laˇ kʼawꞈ aˬ yawꞈ-euˬ baoˬ laꞈ kʼoeˇ jaˆ jiˇ-eu meh.

Yawˇbaˆ 22:2

“Miˬyehˇ mehˬ shi gaˇ dahˇ tsoeˬ-eu tsawˇ haˬ jawˇ meh loˇ. Tsawˇ gahˇ ahˇ dui dui-eu tsawˇ haˬ kʼawꞈ aˬ yawꞈ mehˬ shi gaˇ dahˇ tsoeˬ tehꞈ-a loˇ.

Yawˇbaˆ 27:3

Miˬyehˇ ngaˬ-ahˇ saꞈ kʼaˇ bi gʼawˇ kʼoeˇ keuˆ ni,

Yawˇbaˆ 33:4

Miˬyehˇ-euˬ yaw sahˇ neh ngaˬ-ahˇ beh-awˇ, dehꞈ-eu saꞈ laˇ biꞈ laꞈ-euˬ meh.

Yawˇbaˆ 34:14

Miˬyehˇ neh dehꞈ luꞈ-eu saꞈ laˇ yuˇ kʼoꞈ nehˬ naˇ,

Jaceuq 16:2

“Nawˇngaˬ-euˬSahˬpaˬMiˬyehˇma, nawˬ-ahˇdzeuˇnaˇ ngaˬ-euˬgʼaˇduˬ, yaw muiˬtiˬjeˬ-iˬ maˬjaˆ” lehˇ, SahˬpaˬMiˬyehˇ-ahˇehˇ-eu ma.

Iˇsaˬyaˇ 42:5

Mˬ-ahˇ Miˬyehˇ beh-awˇ sheu taw-euˬ meh. Miˇ tsaˬ hawˇ-eu miˇ kʼoeˇ taˆ kʼaˇ jawˇ-eu jeˬ, Beh kuꞈ nehˬ-awˇ pyehˬ byah-euˬ meh. Miˇ kʼoeˇ taˆ jawˇ-eu tsawˇ haˬ dehꞈ-eu saꞈ laˇ za-awˇ, saꞈ gʼawˇ nya ni aˬ yawꞈ beh taˬ-euˬ meh. Nymˬ-mˇ, Sahˬpaˬ Miˬyehˇ pyeuꞈ-eu Miˬyehˇ, aˬ yawꞈ-euˬ zaˬ kʼaˆ-ahˇ heu loꞈ-ehˇ ehˇ-eu meh.

Iˇsaˬyaˇ 57:16

Ngaˬ-euˬ tsawˇ haˬ deuˬ-ahˇ dehꞈ-eu saꞈ laˇ biꞈ-awˇ, aˬ yawꞈ maꞈ-ahˇ ngaˇ maˬ paˇ noeˬ doeˇ-ehˇ, tiˬ jawˇ-iˬ nui ma maˬ pehˇ ma.

Yeˬlaˬmiˇ 38:16

Kʼoeˇ ngeh, sahˬ paˬ Zeˬdaˬkiˇ ngaˬ-ahˇ ciˬ cuˇ ni kʼoeˬ saˆ-awˇ, “Nawˬ-ahˇ ngaˇ maˬ sehꞈ-eu uˬ taꞈ, nawˬ-ahˇ sehꞈ mawꞈ-eu deuˬ-euˬ laꞈ-ahˇ kʼawꞈ maˬ bi ahˇ leˇ lehˇ, aˬ dui-ahˇ dehꞈ-eu saꞈ laˇ biꞈ laꞈ-euˬ Miˬyehˇ pyeuꞈ-eu, dehꞈ luꞈ-eu Miˬyehˇ mehˬ shi ngaˇ kamˬ-eu ma.”

Zaˬkaˬliˇ 12:1

Heu-aˬ, mˬ toˆ pyeh-awˇ, miˇ tsaˬ tahˬ kʼawˇ beh-awˇ, tsawˇ haˬ zaˬ-ahˇ dehꞈ-eu saꞈ laˇ biꞈ-euˬ gʼaˬ pyeuꞈ-eu Sahˬpaˬ Miˬyehˇ-euˬ dawˬ meh. Iˇsaˬleˬlaˆ miˇ kʼahˬ-ahˇ Sahˬpaˬ Miˬyehˇ heu loꞈ-ehˇ ehˇ-eu meh.

Bawˇtsahˬ 16:22

Ehˇ kʼawꞈ, Moˇseˬ hawˇ-eu Aˬloˬ aˬ nyaꞈ myaˆ pyawˬ miˇ tsa tuˆ ni awˆ byaˆ-awˇ, “Miˬyehˇ-oˇ, nawˇ-aˬ yaw dehꞈ kʼaˇ dehꞈ-eu jeˬ dawˬ tawˆ luꞈ-euˬ yaw sahˇ pyeuꞈ-eu meh. Tsawˇ haˬ tiˬ gʼaˬ iˬ baˇ mˇ-euˬ baˬ da neh tsawˇ haˬ aˇ maꞈ aˇ muˇ dawˬ tawˆ luꞈ-ahˇ nawˇ nui ma pehˇ te loˇ.”

Bawˇtsahˬ 27:16

“Yaw dehꞈ kʼaˇ dehꞈ-eu jeˬ dawˬ tawˆ luꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, Iˇsaˬleˬlaˆ tsawˇ haˬ-ahˇ sheuˬ gʼeh nehˬ nya-eu tsawˇ haˬ tiˬ gʼaˬ tseˇ doˆ-awˬ lehˇ nawˬ-ahˇ ngaˇ shaˇ-eu ma.

Maꞈtehˬ 5:45

Kʼoeˇ loꞈ-ehˇ jahˇ naˇ, naw maꞈ-aˬ, mˬ kʼoeˇ taˆ jawˇ-eu naw maꞈ-euˬ Aˬ da-euˬ zaˬ pyeuꞈ laˇ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, tsawˇ muiˬ tsawˇ doeˇ maˬ tseˇ ni, dawˬ tawˆ luꞈ kʼoeˇ taˆ aˬ yawꞈ-euˬ nahˇ ma bi doˆ laˇ-awˇ, yaw tsaˬ yaw dawˇ tsawˇ haˬ hawˇ-eu maˬ tsaˬ maˬ dawˇ-eu tsawˇ haˬ maˬ tseˇ paˆ ni, dawˬ tawˆ luꞈ kʼoeˇ taˆ uˬ yehˇ bi yehˇ le-eu meh.

Maꞈtehˬ 9:13

‘Lawˇ-eu shehˇ-eu jeˬ-ahˇ ngaˇ geuꞈ mawꞈ-eu maˬ ngeuˇ. Gʼawˬ shaˬ gaˬ nya-eu jeˬ-ahˇ ngaˇ geuꞈ mawꞈ-eu ma’ lehˇ, Miˬyehˇ neh ehˇ-euˬ dawˬ kʼoeˇ dawˬ-euˬ dawˬ tsuiꞈ naw maꞈ dzaw duˬ-iˇ-awˬ. Aˬ jeˬ miˇ neh ehˇ naˇ, yaw tsaˬ yaw dawˇ tsawˇ haˬ deuˬ-ahˇ kuˇ-eu lehˇ ngaˇ oe-euˬ maˬ ngeuˇ. Iˬ baˇ zaˬ deuˬ-ahˇ kuˇ-eu lehˇ ngaˇ oe-euˬ ma.”

Gʼaˬkʼehˇ 14:17

Ehˇ kʼawꞈ, aˬ yawꞈ neh mˇ-euˬ yaw muiˬ jeˬ laꞈ kʼoeˇ, aˬ yawꞈ dehꞈ luꞈ jawˇ luꞈ-eu gaˇ kawˆ aˬ myah luꞈ bi siˬ bi mawˇ-euˬ meh. Aˬ yawꞈ naw maꞈ-ahˇ mˬ kʼoeˇ taˆ neh uˬ yehˇ bi yehˇ le-awˇ, aˇ yamˬ tsaˬ ngeh dzaˬ la gʼo cehˇ bi keuˆ le-euˬ meh. Naw maꞈ-ahˇ dzaˬ dzaˬ dawˇ dawˇ biꞈ-awˇ, naw maꞈ-euˬ nui ma laꞈ kʼoeˇ laˬ kʼaˬ cehˇ-eu jeˬ bi byah laˇ-euˬ meh.”

Gʼaˬkʼehˇ 17:28

‘Aˬ yawꞈ laꞈ kʼoeˇ aˬ dui dehꞈ luꞈ, jawˇ luꞈ, luˆ luꞈ, laˆ luꞈ-eu ma’ lehˇ, aˬ cawˬ neh ehˇ taˬ-euˬ jaˆ-eu loꞈ-ehˇ meh. Dawˬ caˇ boꞈ-eu naw maꞈ-euˬ tsawˇ haˬ deuˬ kʼawꞈ,tiˬ tsahˇ na, ‘Nga maꞈ kʼawꞈ aˬ yawꞈ-euˬ zaˬ ma’ lehˇ ehˇ taˬ-euˬ gaˇ duˇ-eu meh.

Lormav 11:35

Miˬyehˇ dziˇ dzoˆ bi tsoeˬ paˬ-ehˇ, aˬ suˇ gʼaˬ paˇ nehˬ-euˬ jaˆ ta.”

Dawˬmehˬ 30:20

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gaˬ-awˬ. Aˬ yawꞈ-euˬ ehˇ dawˬ naˇ haˬ-awˇ, aˬ yawꞈ-ahˇ saˇ jaˇ ziꞈ-awˬ. Kʼoeˇ loꞈ-ehˇ jahˇ naˇ, nawˬ-euˬ aˬ poeˬ aˬ bawˇ deuˬ pyeuꞈ-eu Aˬbyaˬhaˬ, Iˇtsaˆ hawˇ-eu Yaˬkoˆ-ahˇ biꞈ-eu gʼaˇ duˬ aˬ yawꞈ neh saˇ jaˇ dzaˬ taˬ-euˬ miˇ kʼahˬ kʼoeˇ kʼahˬ laꞈ kʼoeˇ, nawˇ hawˇ-eu nawˬ-euˬ zaˬ deuˬ gʼawˬ myahˇ ni ya jawˇ tehꞈ-a.”

1 Tiˆmoˇseˬ 6:17

Miˇ tsaˬ heu kʼoeˇ taˆ dehꞈ ngeh smˇ muiˬ muiˬ-eu tsawˇ haˬ deuˬ-ahˇ nui ma taˬ huiˬ lehˇ ehˇ nehˬ-awˬ. Yaw duˬ maˬ baw-eu pyuˇ shuiˇ myawˬ gahˬ deuˬ-ahˇ maˬ noeˬ tmˬ-ehˇ, aˬ dui laˬ kʼaˬ ya cehˇ ni yawˬ jeˬ na luꞈ tiˬ byah tiˬ loꞈ biꞈ laˬ-eu gʼaˬ pyeuꞈ-eu Miˬyehˇ-ahˇ noeˬ tmˬ-awˬ lehˇ mehˬ nehˬ-awˬ.