Gʼaˬkʼehˇ 17:19 - Akha

¹⁹ Kʼoeˇ miˇ neh, Aˬleˬpaˬguˇ lehˇ kuˇ-eu meuˬ-ahˇ uˆ lahˇ-eu deuˬ-euˬ baꞈ dzah mehˬ shi Pawˇluˆ-ahˇ aˬ yawꞈ maꞈ sheuˬ gʼeh-awˇ heu loꞈ-ehˇ ehˇ nehˬ-euˬ meh. “Nawˇ mehˬ luꞈ-eu gaˇ kawˆ yaw shuiꞈ teu hmˬ nga maꞈ siˬ duˬ mawꞈ miˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Khoerngae, aqyawfmaf, Pawrluv-anr Aqleqorpaqgur gawqjawq-anr sheuqdav lef-awr heulof-aer aernaeq-euq mae, “Nawr ngaeqluf-eu dawqmaeq dawqtsov yawshuif teu, nga’maf-anr khawf bisiq naeqlafnya mae lor?

Gʼaˬkʼehˇ 17:19 ပူးပေါင်းရင်းမြစ်များ

Iˇsaˬyaˇ 21:12

Ngaˇ heu loꞈ-ehˇ ehˇ kʼoꞈ nehˬ-euˬ ma. “Uˬ bya bya laˇ-eu dawˬ peh peh laˇ luꞈ meh. Ehˇ kʼawꞈ, uˬ ciꞈ tiˬ poˆ paˇ ciꞈ le tehꞈ-a. Nawˇ tiˬ poˆ paˇ naˇ haˬ mawꞈ naˇ, Laˇ-awˇ naˇ haˬ laˇ-awˬ.”

Maꞈtehˬ 10:18

Naw maꞈ ngaˬ-euˬ mehˬ nah caw teh-eu baˬ da neh, aˬ cawˬ naw maꞈ-ahˇ paꞈ-awˇ, uˆ lahˇ-eu sahˬ paˬ sahˬ ma deuˬ jawˇ gaˇ gʼeu gʼeh tehꞈ-a. Kʼoeˇ loꞈ-ehˇ pyeuꞈ laˇ-eu laꞈ kʼoeˇ, sahˬ paˬ sahˬ ma kʼoeˇ deuˬ hawˇ-eu, Yuˇdaˆ tsawˇ haˬ maˬ ngeuˇ-eu deuˬ-ahˇ naw maꞈ laˬ kʼaˬ cehˇ-eu guiˬ lahˬ dawˬ ya mehˬ tehꞈ-a.

Maˬkuˆ 1:27

Tsawˇ haˬ dawˬ tawˆ luꞈ zahˬ dui dui leˇ-awˇ, tiˬ gʼaˬ tiˇ gʼaˬ heu loꞈ-ehˇ ehˇ-eu meh. “Teu aˬ joˆ-ehˇ gʼeh-eu nga. Mehˬ nehˬ tsoˆ nehˬ-eu yaw shuiꞈ tiˬ jeˬ nga loˇ. Tsawˇ haˬ teu gʼaˬ nehꞈ yaw jawꞈ deuˬ-ahˇ dawˬ biꞈ nya gaˇ keuˆ ni baoˬ ahˇ-awˇ, nehꞈ kʼoeˇ deuˬ aˬ yawꞈ-euˬ dawˬ ya naˇ haˬ-eu nga laˬ.”

Yoˇhaˬ 13:34

Nymˬ-mˇ ngaˇ naw maꞈ-ahˇ zahˇ dawˬ kʼoꞈ dawˬ yaw shuiꞈ biꞈ yaꞈ-eu ma. Tiˬ gʼaˬ tiˇ gʼaˬ gaˬ-awˬ. Ngaˇ naw maꞈ-ahˇ gaˬ gaˇ duˇ ni, naw maꞈ tiˬ gʼaˬ tiˇ gʼaˬ ya gaˬ meh.

Gʼaˬkʼehˇ 17:20

Nawˇ ehˇ-eu gaˇ kawˆ tiˬ paˆ na deuˬ nga maꞈ tiˬ jawˇ-iˬ maˬ gaˬ haw-euˬ miˇ neh dawˬ tsuiꞈ siˬ nya mawꞈ miˇ-a.”

Gʼaˬkʼehˇ 17:22

Meuˬ-ahˇ uˆ lahˇ-eu deuˬ-euˬ baꞈ dzah mehˬ shi Pawˇluˆ yawꞈ-awˇ heu loꞈ-ehˇ ehˇ-eu meh. “Naw maꞈ Aˬteˬ meuˬ-ahˇ jawˇ-eu tsawˇ haˬ deuˬ-aˬ, yawˬ jeˬ na luꞈ laꞈ kʼoeˇ uˬ duˬ tahˬ-eu zahˇ sahˇ kʼoꞈ-ahˇ taˬ huiˬ dui dui luꞈ gaˇ ngaˇ ya mawˇ-euˬ ma.

Gʼaˬkʼehˇ 17:34

Tsawˇ haˬ tiˬ paˆ na deuˬ aˬ yawꞈ nehˬ-ehˇ nui ma gm-awˇ jah-euˬ meh. Jah laˇ-euˬ tsawˇ haˬ kʼoeˇ deuˬ laꞈ kʼoeˇ, meuˬ kʼoeˇ meuˬ-ahˇ uˆ lahˇ-eu baꞈ dzah aˇ muˇ-ahˇ ahˇ-eu Daˬyawˇnaˬsiˇ hawˇ-eu Daˬmaˬliˇ lehˇ myahˇ-euˬ zaˬ miˬ zaˬ tiˬ gʼaˬ uˬ taꞈ, nui deuˬ kʼawꞈ ahˇ-eu meh.

Gʼaˬkʼehˇ 23:19

Yaw huiˬ yaw mahˇ kʼoeˇ gʼaˬ aˬ li kʼoeˇ li-euˬ aˬ laꞈ-ahˇ tsahˇ-awˇ, baˇ zaꞈ-ahˇ iˇ-awˇ ehˇ-eu, “Nawˇ ngaˬ-ahˇ aˬ jeˬ dzawˇ nehˬ mawꞈ-eu jaˆ te.”

Gʼaˬkʼehˇ 24:24

Smˬ nah oeˬ nah byah laˇ ngeh, Peˬliˇ hawˇ-eu Duˇsiˇleˬ aˬ nyaꞈ dzeˇ zaˬ oe-euˬ meh. Duˇsiˇleˬ-aˬ, Yuˇdaˆ tsawˇ jeuˬ pyeuꞈ-eu meh. Pawˇluˆ-ahˇ bi kuˇ laˬ-iˇ-awˇ, Yeˬsuˇ Ka li-ahˇ jah-eu gaˇ kawˆ bi ja mehˬ-euˬ meh.

Gʼaˬkʼehˇ 25:22

Aˬgiˇpaˆ ehˇ-eu, “Tsawˇ haˬ heu gʼaˬ dawˬ ngehˬ gaˇ ngaˇ gaˬ mawꞈ nya.” Beˬtuˆ ehˇ-eu, “Ni shawˬ nah ya gaˬ tehꞈ-a”

Gʼaˬkʼehˇ 26:1

Sahˬ paˬ Aˬgiˇpaˆ Pawˇluˆ-ahˇ ehˇ-eu, “Nawˬ-euˬ gaˇ kawˆ nawˇ ngehˬ-eu aˬ kawˬ-aˬ jaˆ meh.” Kʼoeˇ ngeh, Pawˇluˆ aˬ laꞈ caw ja-awˇ, aˬ yawꞈ-euˬ gaˇ kawˆ heu loꞈ-ehˇ ehˇ-eu meh.