Gʼaˬkʼehˇ 17:16 - Akha

¹⁶ Aˬteˬ meuˬ-ahˇ Siˬlaˆ hawˇ-eu Tiˆmoˇseˬ aˬ nyaꞈ-ahˇ Pawˇluˆ dawˬ luꞈ ngeh, meuˬ kʼoeˇ meuˬ laꞈ kʼoeˇ tahˬ pahˬ aˬ ma mawˇ kawˇ tiˬ byah jaˆ gaˇ ya mawˇ-awˇ, nui ma maˬ saˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Pawrluv, Aqteq-anr jawr-awr, aqyawf nyaf-anr dawqluf ngae, meuq meuqlanni tanqpanq aqma mawrkawr byanluf-eu gar ya’mawr-awr, saflar maqsarni pyeuflar taq-euq mae.

Gʼaˬkʼehˇ 17:16 ပူးပေါင်းရင်းမြစ်များ

1 Sahˬpaˬ 19:10

“Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ-euˬ gaˇ tehꞈ-ehˇ ngaˇ aˬ myah luꞈ mˇ luꞈ-eu ma. Ehˇ kʼawꞈ, Iˇsaˬleˬlaˆ tsawˇ haˬ deuˬ nawˬ-ahˇ saˇ jaˇ puiˬ-awˇ, nawˬ-euˬ lawˇ duˬ deuˬ laˆ cawˆ jiˇ-awˇ, nawˬ-euˬ gʼaˇ duˬ ngehˬ dah-eu deuˬ dawˬ tawˆ luꞈ-ahˇ sehꞈ-euˬ meh. Ngaˇ tiˬ gʼaˬ tehꞈ-ehˇ dzeˇ-awˇ, ngaˬ-ahˇ kʼawꞈ aˬ yawꞈ maꞈ sehꞈ-eu lehˇ leh jeh luꞈ meh.”

1 Sahˬpaˬ 19:14

Eˇliˇyaˆ ehˇ-eu, “Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ-euˬ gaˇ-ahˇ tehꞈ-ehˇ ngaˇ aˬ myah luꞈ mˇ-euˬ ma. Ehˇ kʼawꞈ, Iˇsaˬleˬlaˆ tsawˇ haˬ deuˬ nawˬ-ahˇ saˇ jaˇ puiˬ-awˇ, nawˬ-euˬ lawˇ duˬ deuˬ laˆ cawˆ jiˇ-awˇ, nawˬ-euˬ gʼaˇ duˬ ngehˬ dah-eu deuˬ dawˬ tawˆ luꞈ-ahˇ sehꞈ jiˇ-euˬ meh. Ngaˇ tiˬ gʼaˬ tehꞈ-ehˇ dzeˇ laˇ taˬ-awˇ, ngaˬ-ahˇ kʼawꞈ aˬ yawꞈ maꞈ sehꞈ-eu lehˇ leh jeh luꞈ meh.”

Jaceuq 119:136

Tsawˇ haˬ heu deuˬ nawˬ-euˬ zahˇ dawˬ kʼoꞈ dawˬ-ahˇ byehˇ-euˬ miˇ neh, ngaˬ-euˬ myaˆ biˇ lawˇ baˬ yoeˇ le miˇ-a.

Jaceuq 119:158

Saˇ jaˇ puiˬ-eu tsawˇ haˬ kʼoeˇ deuˬ nawˬ-euˬ dawˬ-ahˇ maˬ naˇ haˬ-eu miˇ neh, aˬ yawꞈ maꞈ-ahˇ haw-awˇ nui ma daˆ dui dui nya.

Jaceuq 69:9

Nawˬ-euˬ Uˬ duˬ tahˬ nymˇ nymˇ ma-ahˇ nui ma keuˆ-awˇ uˬ duˬ tahˬ-eu jeˬ, ngaˬ-euˬ nui ma laꞈ kʼoeˇ miˬ dzaˬ doꞈ-eu loꞈ-ehˇ jaˆ-awˇ, nawˬ-euˬ dah zaˇ ngaˇ dawˬ doeˇ daˬ luꞈ-eu ma.

Yeˬlaˬmiˇ 20:9

Ehˇ kʼawꞈ, Sahˬpaˬ Miˬyehˇ-ahˇ ngehˇ byoˆ-awˇ, aˬ yawꞈ tsawˇ myahˇ uˬ moˆ dawˬ dzawˇ maˬ paˇ mˇ ma ehˇ ngeh, nawˬ-euˬ dawˬ kawˬ ngaˬ-euˬ nui ma laꞈ kʼoeˇ, miˬ dzaˬ doꞈ gaˇ duˇ nya. Ngaˇ kʼaˇ dzahˬ tehˬ coeˇ-eu jahˬ kʼawꞈ, maˬ dzahˬ tehˬ gʼaˬ coeˇ nya.

Miˇkaˬ 3:8

Ehˇ kʼawꞈ, ngaˇ gʼaˬ-aˬ, Sahˬpaˬ Miˬyehˇ-euˬ yaw sahˇ hawˇ-eu baoˬ tiˬ byah ni za taˬ-awˇ, yaw tsaˬ yaw dawˇ-ahˇ siˬ nya-eu jeˬ hawˇ-eu, Iˇsaˬleˬlaˆ tsawˇ haˬ deuˬ-ahˇ aˬ yawꞈ maꞈ-euˬ iˬ baˇ gaˇ kawˆ ja mehˬ-eu gʼaˇ duˬ nui kʼaˬ biꞈ laꞈ taˬ-euˬ meh.

Maˬkuˆ 3:5

Tsawˇ haˬ kʼoeˇ deuˬ-ahˇ Yeˬsuˇ haw-awˇ nui ma pehˇ-eu meh. Ehˇ kʼawꞈ, aˬ yawꞈ maꞈ nui ma gʼahˇ-awˇ lehˬ dui dui gaˇ aˬ yawꞈ gʼawˬ shaˬ gaˬ-euˬ meh. Kʼoeˇ naˇ, tsawˇ haˬ kʼoeˇ gʼaˬ-ahˇ “Aˬ laꞈ cawˬ ja-awˬ” lehˇ Yeˬsuˇ ehˇ nehˬ-awˇ, aˬ yawꞈ aˬ laꞈ caw ja ngeh, laꞈ shiˇ shiˇ-eu taˬ leˇ-euˬ meh.

Yoˇhaˬ 2:13

Baˬ saˬ kaˬ bawˬ-iˬ gʼeh-eu aˇ yamˬ dawˬ peh peh laˇ-euˬ miˇ neh, Yeˬluˇsaˬlehˬ meuˬ-ahˇ Yeˬsuˇ le-euˬ meh.

Gʼaˬkʼehˇ 17:15

Pawˇluˆ-ahˇ sheuˬ ha-iˇ-euˬ tsawˇ haˬ kʼoeˇ deuˬ Aˬteˬ meuˬ-ahˇ keuˆ ni sheuˬ ha keuˆ-iˇ-euˬ meh. Kʼoeˇ naˇ, Siˬlaˆ hawˇ-eu Tiˆmoˇseˬ aˬ nyaꞈ-ahˇ aˬ yawꞈ jawˇ gaˇ yaw kawˇ-ehˇ bi oe-eu gʼaˇ duˬ aˬ yawꞈ maꞈ-ahˇ Pawˇluˆ dawˬ tsaꞈ tsaꞈ nehˬ-awˇ Beˬliˇ meuˬ-ahˇ bi gʼoꞈ leˇ-euˬ meh.

Gʼaˬkʼehˇ 17:21

Aˬteˬ meuˬ-ahˇ jawˇ-eu tsawˇ haˬ dawˬ tawˆ luꞈ maˬ ehˇ, aˬ cawˬ miˇ kʼahˬ-ahˇ neh laˇ-awˇ kʼoeˇ gaˇ jawˇ luꞈ-eu deuˬ maˬ ehˇ, shuiꞈ teˇ poˬ ni pyeuꞈ le keuˆ le-euˬ gaˇ kawˆ deuˬ ja-eu, naˇ haˬ-eu, heu-euˬ gʼaˇ duˬ tehꞈ-ehˇ aˇ yamˬ bi jiˇ luꞈ-eu meh.

Gʼaˬkʼehˇ 17:23

Aˬ jeˬ miˇ neh ehˇ naˇ, meuˬ heu meuˬ doe ni ngaˇ cah-awˇ naw maꞈ uˬ duˬ tahˬ-eu jawˇ duˬ deuˬ-ahˇ haw ngeh, ‘Nga maꞈ maˬ siˬ nya-eu Miˬyehˇ tiˬ gʼaˬ-euˬ gʼaˇ duˬ’ lehˇ boꞈ myahˬ taˬ-euˬ lawˇ duˬ tiˬ tsahˇ mawˇ-euˬ ma. Naw maꞈ maˬ siˬ nya kʼawꞈ uˬ duˬ tahˬ luꞈ-eu kʼoeˇ-aˬ, nymˬ-mˇ ngaˇ naw maꞈ-ahˇ ja mehˬ le-euˬ heu meh.

Gʼaˬkʼehˇ 18:1

Kʼoeˇ naˇ, Aˬteˬ meuˬ-ahˇ neh Pawˇluˆ doˆ-iˇ-awˇ, Gawˇliˬtu meuˬ-ahˇ iˇ-euˬ meh.

Gʼaˬkʼehˇ 20:22

Nymˬ-mˇ, Muiˬ-eu shawˇ-eu Yaw sahˇ Miˬyehˇ-euˬ ehˇ dawˬ naˇ haˬ-eu laꞈ kʼoeˇ Yeˬluˇsaˬlehˬ meuˬ-ahˇ iˇ luꞈ-eu ma. Kʼoeˇ gaˇ, ngaˬ-euˬ kʼoeˇ taˆ aˬ joˆ-ehˇ gʼeh-eu jeˬ keuˆ le-eu lehˇ gʼeh-eu maˬ siˬ.

1 Teˇsaˬloˇni 3:1

Nga maꞈ naw maꞈ-ahˇ maˬ ya mawˇ-ehˇ maˬ jawˇ tehˬ coeˇ ni pyeuꞈ laˇ-euˬ miˇ neh, nga maꞈ tehꞈ-ehˇ Aˬteˬ meuˬ-ahˇ jawˇ yaꞈ-eu gʼaˇ duˬ noeˬ tsehˆ-awˇ,

2 Beˬtuˆluˆ 2:7

Haiˬ-eu tsawˇ haˬ kʼoeˇ deuˬ jawꞈ dui dui-eu jeˬ mˇ gaˇ noeˬ shaˬ dui dui-euˬ tsawˇ muiˬ tiˬ gʼaˬ pyeuꞈ-eu Lawˇtaˬ-ahˇ tehꞈ-ehˇ, aˬ yawꞈ ka kʼoꞈ-euˬ meh.