Gʼaˬkʼehˇ 16:7 - Akha

⁷ Muˇsiˇ miˇ kʼahˬ-euˬ miˇ kaˬ-ahˇ le keuˆ ngeh, Beˬtuˇniˇ miˇ kʼahˬ-ahˇ uˇ leˇ-eu lehˇ tiˬ poˆ gʼeh-euˬ meh. Ehˇ kʼawꞈ, Yeˬsuˇ-euˬ Yaw sahˇ aˬ yawꞈ maꞈ-ahˇ aˬ kawˬ-aˬ maˬ biꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Aqyawfmaf, Mursir mirkhanq-euq mirkaq-anr irkeuv ngae, Beqturnir mirkhanq-anr urler-eu laer laejae-euq khawf, muiq-eu Saflar lavtsoeq-eu mae.

Gʼaˬkʼehˇ 16:7 ပူးပေါင်းရင်းမြစ်များ

Luˇkaꞈ 24:49

Ngaˬ Da neh ngaˬ-ahˇ biꞈ taˬ-euˬ saˇ jaˇ dawˬ, naw maꞈ-ahˇ ngaˇ paˇ biꞈ-eu ma. Ehˇ kʼawꞈ, mˬ taˆ-euˬ baoˬ naw maꞈ kʼoeˇ taˆ maˬ keuˆ le kʼoeˇ keuˆ ni, meuˬ laꞈ kʼoeˇ naw maꞈ ya dawˬ tawˬ meh.”

Gʼaˬkʼehˇ 16:8

Kʼoeˇ miˇ neh, Muˇsiˇ miˇkʼahˬ nyiˬ tsehˆ-ehˇ iˇ gʼeh-awˇ, Daˬloˇ meuˬ-ahˇ iˇ keuˆ-euˬ meh.

Gʼaˬkʼehˇ 8:29

“Mahˬ laˆ lawˬ kʼoeˇ laˇ-euˬ dawˬ peh tehˬ ni iˇ-awˬ” lehˇ, Muiˬ-eu shawˇ-eu Yaw sahˇ Miˬyehˇ Piˇliˇpuˆ-ahˇ ehˇ nehˬ-euˬ meh.

Lormav 8:9

Nui ma laꞈ kʼoeˇ Miˬyehˇ-euˬ Yaw sahˇ maˇ maˇ ni jawˇ naˇ, yawˬ ha-euˬ shiˬ shaˬ jiˇ nui noeˬ neh kʼaˇ bi dehꞈ-euˬ loꞈ-ehˇ maˬ dehꞈ ni, Yaw sahˇ Miˬyehˇ-euˬ ehˇ dawˬ naˇ haˬ-awˇ dehꞈ tehꞈ-a. Yawˬ ha laꞈ kʼoeˇ Ka liˬ-euˬ Yaw sahˇ maˬ jawˇ-eu tsawˇ haˬ aˬ geu gʼaˬ maˬ kaˬ, aˬ yawꞈ-ahˇ maˬ taꞈ-a.

Gaˬlaˬtiˆ 4:6

Naw maꞈ Miˬyehˇ-euˬ zaˬ pyeuꞈ-eu gaˇ kawˆ bi siˬ bi mawˇ-eu gʼaˇ duˬ, “Aˬ da-oˇ, ngaˬ Da-oˇ” lehˇ aˬ dui-ahˇ bi guˇ laꞈ-euˬ aˬ yawꞈ-euˬ Zaˬmaˇ-euˬ Yaw sahˇ kʼoeˇ, aˬ dui-euˬ nui ma laꞈ kʼoeˇ Miˬyehˇ neh bi uˇ le-euˬ meh.

Piˇliˇpiˆ 1:19

Aˬ jeˬ miˇ neh ehˇ naˇ, naw maꞈ guiˬ lahˬ shaˇ nehˬ laꞈ-euˬ baˬ da neh maˬ ehˇ, Yeˬsuˇ Ka li-euˬ Yaw sahˇ Miˬyehˇ caw ba nehˬlaꞈ-eu baˬ da neh maˬ ehˇ, tawˬ heu laꞈ kʼoeˇ neh ngaˇ ya buˬ-iˇ-eu yaw duˬ baw ma lehˇ siˬ duˬ taˬ-euˬ ma.

1 Beˬtuˆluˆ 1:1

Yeˬsuˇ Ka li-euˬ gʼaˬ kʼehˇ pyeuꞈ-eu ngaˇ Beˬtuˆluˆ, Aˬ cawˬ miˇ kʼahˬ doe ni bi teh byaˆ jiˇ-awˇ, Boˬtuˆ miˇ kʼahˬ, Gaˬlaˬtiˆ miˇ kʼahˬ, Gaˬbaˬdawˇciˆ miˇ kʼahˬ, Aˬshaˆ miˇ kʼahˬ, Beˬtuˇniˇ miˇ kʼahˬ, heu deuˬ-ahˇ jawˇ byaˆ taˬ-euˬ Miˬyehˇ-euˬ tsawˇ haˬ deuˬ jawˇ gaˇ sahˬ boꞈ boꞈ ahˇ laꞈ-eu ma.

1 Beˬtuˆluˆ 1:11

Ka kʼoꞈ-eu jeˬ heu aˬ geu ngeh yamˬ-ahˇ keuˆ le-awˇ, aˬ joˆ-ehˇ keuˆ le-eu gaˇ kawˆ aˬ yawꞈ maꞈ poˆ tseˇ-euˬ meh. Ka li ya daˬ-euˬ shaˬ zahˬ hawˇ-eu, kʼoeˇ sawˇ miˇ tsa yaw shehꞈ kʼahˬ sehˇ doˆ laˇ-euˬ gaˇ kawˆ, aˇ hu ba neh ngehˬ dah taˬ-euˬ jaˆ-eu meh. Kʼoeˇ loꞈ-ehˇ ngehˬ dah ngeh, Ka liˬ-euˬ Yaw sahˇ neh aˬ yawꞈ maꞈ-euˬ laꞈ kʼoeˇ jawˇ-awˇ toeˬ mehˬ nehˬ-euˬ aˇ nah aˇ yamˬ kʼoeˇ-aˬ, aˇ nah aˇ yamˬ heu yamˬ meh.