Gʼaˬkʼehˇ 16:36 - Akha

³⁶ Kʼoeˇ miˇ neh, tawˬ-ahˇ haw-eu kʼoeˇ gʼaˬ Pawˇluˆ-ahˇ ehˇ nehˬ-eu, “Siˬlaˆ naw nyaꞈ-ahˇ pyehˬ nehˬ-eu gʼaˇ duˬ yaw huiˬ yaw mahˇ deuˬ-euˬ dawˬ oe keuˆ gʼaˬ-euˬ meh. Teu miˇ neh doˆ laˇ-awˇ laˬ kʼaˬ tiˬ cehˇ gʼoꞈ leˇ-awˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁶ Khoerngae, kuv-euq aqyuif ghaq, Pawrluv-anr dawq khoerdeuq heulof-aer aernaeq-euq mae, “Yarkhaq dar-eu tsawrhaq deuq, nawnyaf-anr pyaeqnaeq-awq laer khaerlef-euq nga. Khoermirnae, nymq-mr kuv-anr nae dov-ir-awr, nuisar of-eu lafkhoer ghofler-awq.”

Gʼaˬkʼehˇ 16:36 ပူးပေါင်းရင်းမြစ်များ

2 Sahˬpaˬ 5:19

Kʼoeˇ naˇ, “Nui saˇ oꞈ-eu laꞈ kʼoeˇ gʼoꞈ leˇ-awˬ” lehˇ Eˇliˇshehˇ ehˇ ngeh, Neˬmaˬ doˆ-iˇ-euˬ meh. Neˬmaˬ ui cuiˆ iˇ kaˬ ngeh,

Doˆ-iˇ 4:18

Aˬ yawꞈ-euˬ tsawˇ mawˬ Yeˬdaˬyoˇ jawˇ gaˇ Moˇseˬ gʼoꞈ-iˇ-awˇ, “Iˇjiˇtuˆ miˇ kʼahˬ laꞈ kʼoeˇ jawˇ-eu ngaˬ-eu aˬ yuiꞈ aˬ nyiˇ deuˬ dehꞈ luꞈ jawˇ luꞈ nga siˬ loˇ lehˇ haw-iˇ-eu gʼaˇ duˬ, ngaˬ-ahˇ Iˇjiˇtuˆ miˇ kʼahˬ-ahˇ bi gʼoꞈ-iˇ laꞈ-awˬ” lehˇ ehˇ nehˬ ngeh, “Gʼoꞈ-iˇ nya tehꞈ-a” lehˇ Yeˬdaˬyoˇ aˬ yawꞈ-ahˇ ehˇ nehˬ-euˬ meh.

Maˬkuˆ 5:34

Yeˬsuˇ aˬ yawꞈ-ahˇ ehˇnehˬ-eu, “Ngaˬ buˇ-oˇ. Nawˬ-euˬ jah-eu nui ma nawˬ-ahˇ bi taˬ leˇ-euˬ meh. Nui ma saˇ lehˆ ni gʼoꞈ-iˇ-awˬ. Nawˬ-euˬ naˇ gawˇ teu tiˬ jawˇ-iˬ maˬ paˇ naˇ poˆ laˇ-aˇ.”

Yoˇhaˬ 14:27

“Ngaˬ neh naw maꞈ-ahˇ biꞈ taˬ yaꞈ-euˬ jeˬ-aˬ, nui saˇ oꞈ-eu jeˬ pyeuꞈ-eu ma. Ngaˇ nui saˇ oꞈ-eu jeˬ biꞈ-eu-aˬ, miˇ tsaˬ zaˬ deuˬ nui saˇ oꞈ-eu jeˬ biꞈ gaˇ maˬ duˇ. Naw maꞈ nui ma shaˬ zahˬ taˬ mˇ. Taˬ guˆ.

Gʼaˬkʼehˇ 15:33

Aˬ yawꞈ nyaꞈ kʼoeˇ gaˇ tiˬ kʼehˬ jawˇ gʼaˬ ngeh, aˬ yawꞈ nyaꞈ-ahˇ kʼehˇ gʼeh laꞈ-euˬ deuˬ jawˇ gaˇ bi gʼoꞈ-iˇ-eu gʼaˇ duˬ, jah-eu tsawˇ haˬ kʼoeˇ deuˬ aˬ yawꞈ nyaꞈ-ahˇ laˬ kʼaˬ cehˇ taˆ ni pyehˬ nehˬ-euˬ meh.

Gʼaˬkʼehˇ 16:23

Yaw kʼaˆ-ehˇ diˬ naˇ diˬ gawˇ nehˬ gʼaˬ ngeh, tawˬ-ahˇ nyehꞈ ahˇ nehˬ-awˇ, aˬ yawꞈ nyaꞈ-ahˇ yaw muiˬ paˬ-ehˇ loꞈ-eu gʼaˇ duˬ tawˬ-ahˇ haw-eu gʼaˬ-ahˇ dawˬ biꞈ nehˬ-euˬ meh.

Gʼaˬkʼehˇ 16:27

Tawˬ-ahˇ haw-eu gʼaˬ tsawˬ noeˬ laˇ-awˇ, tawˬ laˇ gʼoˆ deuˬ yaw pah-ehˇ jaˆ gaˇ ya mawˇ ngeh, tawˬ-ahˇ nyehꞈ uˇ taˬ-euˬ tsawˇ haˬ deuˬ cehˆ doˆ jiˇ-euˬ ngaˇ lehˇ duˇ-awˇ, mi cehˇ gʼeu doˆ-awˇ yawˬ haˇ yawˬ ha sehꞈ-eu lehˇ gʼeh-eu meh.

Gʼaˬkʼehˇ 16:35

Yawˬ shawˬ yawˬ, Loˇmaˆ tsawˇ haˬ sahˬ paˬ sahˬ ma deuˬ neh piˆ liˆ deuˬ-ahˇ dawˬ biꞈ-awˇ, “Tsawˇ haˬ kʼoeˇ nyiˬ gʼa-ahˇ pyehˬ nehˬ-awˬ” lehˇ bi ehˇ gaˬ-iˇ-euˬ meh.

Yaˇ kʼaˬ daˇ 18:6

Piˇ ma kʼoeˇ gʼaˬ ehˇ-eu, “Tiˬ jeˬ-iˬ maˬ noeˬ shaˬ ni iˇ-awˬ. Naw maꞈ gaˇ ma doˆ-iˇ ngeh, Sahˬpaˬ Miˬyehˇ naw maꞈ-ahˇ haw luꞈ pyaˆ luꞈ meh.”

1 Saˬmeuˬlaˆ 1:17

Eˇliˆ ehˇ-eu, “Nui ma coꞈ ngehˇ ni taˬ-awˇ, gʼoꞈ-iˇ-awˬ. Nawˬ neh kʼaˇ shaˇ-euˬ jeˬ Iˇsaˬleˬlaˆ tsawˇ jeuˬ-euˬ Miˬyehˇ nawˬ-ahˇ biꞈ laꞈ luꞈ-uˇ.”

1 Saˬmeuˬlaˆ 20:42

Kʼoeˇ naˇ, Yawˇnaˆshaˬ Daˬbiˇ-ahˇ ehˇ nehˬ-eu, “Miˬyehˇ nawˬ nehˬ-ehˇ jawˇ luꞈ-uˇ. Aˇ nyaꞈ neh dzaˬ taˬ-euˬ muiˬ-eu shawˇ-eu saˇ jaˇ-ahˇ, nawˬ-euˬ zaˬ deuˬ uˆ deuˬ hawˇ-eu ngaˬ-euˬ zaˬ deuˬ uˆ deuˬ maˬ ehˇ, mˬ maˬ maˬ byaˆ zaˇ ziˇ ziꞈ ni, Sahˬpaˬ Miˬyehˇ saˇ kiˇ geuꞈ luꞈ-uˇ.” Kʼoeˇ naˇ, Daˬbiˇ doˆ-iˇ-awˇ, Yawˇnaˆshaˬ meuˬ-ahˇ gʼoꞈ-iˇ-euˬ meh.

1 Saˬmeuˬlaˆ 25:35

Kʼoeˇ naˇ, Aˬbiˇgeˬlaˆ neh yuˇ laꞈ-euˬ laꞈ sawˬ deuˬ-ahˇ Daˬbiˇ ha geuꞈ-gʼaˬ ngeh, Gʼoꞈ-iˇ-awˇ maˬ noeˬ shaˬ ni jawˇ-awˬ. Nawˬ neh kʼaˇ ehˇ-euˬ loꞈ-ehˇ ngaˇ geuꞈ ma” lehˇ ehˇ nehˬ-euˬ meh.

1 Saˬmeuˬlaˆ 29:7

Ehˇ kʼawꞈ, sahˬ paˬ nui deuˬ nawˬ-ahˇ nui ma maˬ tsaˬ-a. Kʼoeˇ miˇ neh, ciˬ cuˇ ni gʼoꞈ-iˇ-awˇ, aˬ yawꞈ maꞈ nui ma maˬ tsaˬ-eu jeˬ maˬ mˇ ni jawˇ-iˇ-awˬ.”