Gʼaˬkʼehˇ 16:35 - Akha

³⁵ Yawˬ shawˬ yawˬ, Loˇmaˆ tsawˇ haˬ sahˬ paˬ sahˬ ma deuˬ neh piˆ liˆ deuˬ-ahˇ dawˬ biꞈ-awˇ, “Tsawˇ haˬ kʼoeˇ nyiˬ gʼa-ahˇ pyehˬ nehˬ-awˬ” lehˇ bi ehˇ gaˬ-iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁵ Uqbya byalar ngae, yarkhaq dar-eu tsawrhaq, lofpir-eu kuirlaf deuq-anr khaer-awr heulof-aer bi tsafgaq-ir-euq mae, “Tsawrhaq khoer nyiq ghaq-anr pyaeqnaeq-awq.”

Gʼaˬkʼehˇ 16:35 ပူးပေါင်းရင်းမြစ်များ

Jaceuq 76:10

Tsawˇ haˬ zaˬ-euˬ nui pehˇ-aˬ, nawˬ-ahˇ ja ceuˬ-eu gaˇ kawˆ bi doˆ laˇ-eu tehꞈ meh. Guiˇ deuˆ gaˇ maˬ ya shiˇ-ehˇ dzeuˇ-iˇ-euˬ deuˬ, nawˬ-ahˇ ja ceuˬ-eu bawˬ-iˬ gʼeh tehꞈ-a.

Yeˬlaˬmiˇ 5:22

Ngaˇ Sahˬpaˬ Miˬyehˇ pyeuꞈ-eu ma. Aˬ jeˬ baˬ da neh naw maꞈ ngaˬ-ahˇ maˬ guˆ-ehˇ, ngaˬ-euˬ mehˬ shi yaw dzuˬ maˬ dzuˬ-eu nya. Kʼaˇ shuiꞈ neh iˬ ma laˆ shaˆ-euˬ miˇ kaˬ ngaˇ taw taˬ-awˇ, kʼaˇ shuiꞈ lawˇ deh nui paw tiˬ jawˇ-iˬ maˬ oe dzeuˇ nya-a. Iˇ luˆ dzeh kʼawꞈ maˬ dzeh dzeuˇ leꞈ nya-ehˇ, iˇ kʼawˇ tahˬ kʼawꞈ maˬ tahˬ paˆ doˆ nya-a.

Luˇkaꞈ 12:11

“Naw maꞈ-ahˇ yaˇ kʼaˬ bi daˇ-eu lehˇ, uˬ duˬ tahˬ nymˇ-ahˇ maˬ ehˇ, miˇ kʼahˬ sahˬ paˬ sahˬ ma jawˇ gaˇ maˬ ehˇ, a cawˬ naw maꞈ-ahˇ sheuˬ gʼeh ngeh, aˬ joˆ-ehˇ ya ehˇ kʼoꞈ nehˬ-awˇ, aˬ joˆ-ehˇ ya ngehˬ ya tmˇ-eu gaˇ kawˆ kʼahˬ taˬ lahˇ.

Gʼaˬkʼehˇ 16:34

Pawˇluˆ hawˇ-eu Siˬlaˆ aˬ nyaꞈ-ahˇ aˬ yawꞈ-euˬ nymˇ laꞈ kʼoeˇ sheuˬ uˇ gʼeh-awˇ, bi dzaˬ bi dawˇ-euˬ meh. Aˬ yawꞈ hawˇ-eu aˬ yawꞈ-euˬ miˬ sawˇ zaˬ deuˬ laˬ kʼaˬ cehˇ dui dui-eu meh. Aˬ jeˬ miˇ neh ehˇ naˇ, Miˬyehˇ-ahˇ jah-eu jeˬ aˬ yawꞈ maꞈ za gʼaˬ-euˬ meh.

Gʼaˬkʼehˇ 16:36

Kʼoeˇ miˇ neh, tawˬ-ahˇ haw-eu kʼoeˇ gʼaˬ Pawˇluˆ-ahˇ ehˇ nehˬ-eu, “Siˬlaˆ naw nyaꞈ-ahˇ pyehˬ nehˬ-eu gʼaˇ duˬ yaw huiˬ yaw mahˇ deuˬ-euˬ dawˬ oe keuˆ gʼaˬ-euˬ meh. Teu miˇ neh doˆ laˇ-awˇ laˬ kʼaˬ tiˬ cehˇ gʼoꞈ leˇ-awˬ.”

Gʼaˬkʼehˇ 16:38

Piˆ liˆ aˬ yuiꞈ kʼoeˇ deuˬ Loˇmaˆ tsawˇ haˬ yaw huiˬ yaw mahˇ kʼoeˇ deuˬ-ahˇ Pawˇluˆ neh ehˇ-euˬ dawˬ dzawˇ nehˬ leˇ-euˬ meh. Pawˇluˆ hawˇ-eu Siˬlaˆ aˬ nyaꞈ Loˇmaˆ miˇ kʼahˬ zaˬ pyeuꞈ-eu gaˇ kawˆ ya siˬ ngeh, guˆ-iˇ-euˬ meh.

Gʼaˬkʼehˇ 4:21

Kʼoeˇ ngeh, Baꞈ dzah-ahˇ uiˬ laˇ-euˬ aˬ yuiꞈ aˬ tsu deuˬ aˬ yawꞈ nyaꞈ-ahˇ yaw kʼaˆ kʼaˆ-ehˇ mehˬ-eu laꞈ kʼoeˇ, guˆ tsiˬ nyehꞈ-awˇ pyehˬ nehˬ-euˬ meh. Tsawˇ haˬ kʼoeˇ gʼaˬ aˬ kuiˇ yaw cawˆ muiˬ laˇ-euˬ gaˇ tsawˇ haˬ dawˬ tawˆ luꞈ Miˬyehˇ-ahˇ ja ceuˬ luꞈ-eu miˇ neh, aˬ yuiꞈ aˬ tsu kʼoeˇ deuˬ aˬ yawꞈ nyaꞈ-ahˇ maˬ kʼehˬ maˬ kʼaˆ nehˬ peuˬ-a.

Gʼaˬkʼehˇ 5:40

Gʼaˬ kʼehˇ deuˬ-ahˇ laꞈ kʼoeˇ paˇ kuˇ ahˇ-awˇ, yahˬ caˆ neh juiꞈ-awˇ, Yeˬsuˇ-euˬ tsawˇ myahˇ uˬ moˆ maˬ ngehˬ maˬ tmˇ-eu gʼaˇ duˬ yaw kʼaˆ kʼaˆ-ehˇ mehˬ-awˇ pyehˬ nehˬ-euˬ meh.

Yawˇshuˆ 4:17

Kʼoeˇ ngeh, “Yawˇdaˬ lawˇ baˬ-ahˇ neh doˆ laˇ-awˬ” lehˇ piˇ ma deuˬ-ahˇ Yawˇshuˆ dawˬ biꞈ-euˬ meh.