Gʼaˬkʼehˇ 16:31 - Akha

³¹ Aˬ yawꞈ nyaꞈ ehˇ-eu, “Sahˬpaˬ Yeˬsuˇ-ahˇ jah-awˬ. Ka kʼoꞈ-eu jeˬ za tehꞈ-a. Nawˇ hawˇ-eu nawˬ-euˬ miˬ sawˇ zaˬ dawˬ tawˆ luꞈ za tehꞈ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³¹ Khoerngae, aqyawfnyaf aer-eu, “Sanqpaq Yeqsur Kali-anr jan-awq. Nawr hawr-eu nawq-euq nymrkhanq-euq zaq dawqtawvluf yabuq-ir taef-a.”

Gʼaˬkʼehˇ 16:31 ပူးပေါင်းရင်းမြစ်များ

Aˇ dahˬ 17:7

“Nawˬ nehˬ-ehˇ maˬ ehˇ, aˬ kaˇ dehꞈ le jawˇ le-eu nawˬ-euˬ zaˬ nawˬ-euˬ uˆ deuˬ nehˬ-ehˇ maˬ ehˇ, ngaˇ dzaˬ taˬ-euˬ dawˬ ma saˇ jaˇ heu hmˬ-aˬ, mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ pyeuꞈ-eu ma. Ngaˇ-aˬ, nawˬ-euˬ Miˬyehˇ hawˇ-eu nawˬ-euˬ zaˬ deuˬ uˆ deuˬ-euˬ Miˬyehˇ pyeuꞈ-eu ma.

Aˇ dahˬ 18:19

Aˬ yawꞈ-euˬ aˬ li deuˬ-ahˇ maˬ ehˇ, aˬ yawꞈ-euˬ zaˬ deuˬ uˆ deuˬ-ahˇ maˬ ehˇ, yaw tsaˬ yaw dawˇ jeˬ mˇ ni bi mehˬ nehˬ-eu gʼaˇ duˬ, ngaˇ aˬ yawꞈ-ahˇ tseˇ doˆ-eu ma. Aˬ yawꞈ maꞈ kʼoeˇ loꞈ-ehˇ mˇ naˇ, aˬ yawꞈ nehˬ-ehˇ ngaˇ saˇ jaˇ kʼaˇ dzaˬ taˬ-euˬ jeˬ dawˬ tawˆ luꞈ mˇ byah nehˬ ma.”

Iˇsaˬyaˇ 45:22

“Miˇ tsaˬ tsawˇ haˬ dawˬ tawˆ luꞈ-oˇ, Nymˬ-mˇ ngaˇ jawˇ gaˇ gʼoꞈ laˇ-awˬ. Naw maꞈ-ahˇ ngaˇ ka kʼoꞈ nehˬ ma. Miˬyehˇ ngaˇ tiˬ gʼaˬ jawˇ-eu tehꞈ ma.

Yeˬlaˬmiˇ 32:39

Aˬ yawꞈ maꞈ nui noeˬ tiˬ jeˬ tehꞈ-ehˇ bi ahˇ ma. Aˬ yawꞈ maꞈ hawˇ-eu aˬ yawꞈ maꞈ-euˬ zaˬ deuˬ uˆ deuˬ muiˬ ni, aˬ myah luꞈ ngaˬ-ahˇ yaw zeu baw-eu nui noeˬ tiˬ jeˬ tehꞈ-ehˇ aˬ yawꞈ maꞈ-euˬ nui ma laꞈ kʼoeˇ bi ahˇ ma.

Haˬbaˬkuˆ 2:4

Gaˇ kawˆ kʼoeˇ-aˬ, heu loꞈ-ehˇ meh. Miˬyehˇ-ahˇ saˇ jaˇ maˬ puiˬ-eu, yaw tsaˬ yaw dawˇ deuˬ ya dehꞈ-awˇ, yaw haiˬ deuˬ maˬ dzeuˇ-iˇ nya-a.”

Maˬkuˆ 16:16

Jah-awˇ iˇ cuꞈ kʼaˇ shawˇ-eu tsawˇ haˬ deuˬ ka kʼoꞈ-eu jeˬ za tehꞈ-a. Maˬ jah-eu tsawˇ haˬ deuˬ-aˬ, yaˇ kʼaˬ daˇ nehˬ gaˇ ya daˬ tehꞈ-a.

Yoˇhaˬ 1:12

Ehˇ kʼawꞈ, tiˬ paˆ na deuˬ aˬ yawꞈ-ahˇ ha geuꞈ-awˇ jah-eu meh. Kʼoeˇ miˇ neh, Miˬyehˇ-euˬ zaˬ bi pyeuꞈ laˇ-eu a kawˬ-aˬ, aˬ yawꞈ maꞈ-ahˇ aˬ yawꞈ biꞈ-euˬ meh.

Yoˇhaˬ 20:31

Ehˇ kʼawꞈ, heu gaˇ kʼaˇ boꞈ taˬ-euˬ heu deuˬ-aˬ, Yeˬsuˇ-aˬ Meˬsiˇya hawˇ-eu Miˬyehˇ-euˬ Zaˬmaˇ pyeuꞈ-eu naw maꞈ jah laˇ ni maˬ ehˇ, naw maꞈ aˬ yawꞈ-ahˇ jah-eu laꞈ kʼoeˇ dehꞈ-eu jeˬ za nya ni maˬ ehˇ, boꞈ taˬ-euˬ jeˬ pyeuꞈ-eu ma.

Yoˇhaˬ 3:36

Zaˬmaˇ-ahˇ kʼaˇ jah-eu tsawˇ haˬ-aˬ, mˬ maˬ maˬ byaˆ zaˇ ziˇ dehꞈ-eu jeˬ za-eu meh. Zaˬmaˇ-ahˇ maˬ jah-eu tsawˇ haˬ-aˬ, dehꞈ-eu jeˬ maˬ za-ehˇ, Miˬyehˇ kʼehˬ nehˬ kʼaˆ nehˬ-eu uˬ moˆ ya jawˇ tehꞈ-a.

Yoˇhaˬ 6:40

Ngaˬ Da-euˬ nui kʼahˇ-aˬ, Zaˬmaˇ-ahˇ mawˇ-awˇ kʼaˇ jah-eu tsawˇ haˬ dawˬ tawˆ luꞈ, mˬ maˬ maˬ byaˆ zaˇ ziˇ dehꞈ-eu jeˬ bi za-eu gʼaˇ duˬ meh. Aˇ saˬ saˬ ngeh nah, aˬ yawꞈ maꞈ-ahˇ ngaˇ bi gʼoꞈ dehꞈ laˇ ma.”

Yoˇhaˬ 6:47

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Jah-eu tsawˇ haˬ mˬ maˬ maˬ byaˆ zaˇ ziˇ dehꞈ-eu jeˬ za-eu meh.

Gʼaˬkʼehˇ 15:11

Sahˬpaˬ Yeˬsuˇ-euˬ guiˬ lahˬ yaw dzahˇ baˬ da neh aˬ dui ka kʼoꞈ-eu jeˬ za-euˬ ma lehˇ jah-eu ma. Kʼoeˇ loꞈ-ehˇ duˇ ni, aˬ yawꞈ maꞈ kʼawꞈ ka kʼoꞈ-eu jeˬ kʼoeˇ loꞈ-ehˇ za tehꞈ-a.”

Gʼaˬkʼehˇ 16:15

Aˬ yawꞈ hawˇ-eu aˬ yawꞈ-euˬ nymˇ kʼahˬ zaˬ dawˬ tawˆ luꞈ iˇ cuꞈ shawˇ gʼaˬ ngeh jawˇ, “Ngaˇ-aˬ, Sahˬpaˬ Miˬyehˇ-ahˇ aˬ diˇ jah-eu tsawˇ haˬ pyeuꞈ-eu ngaˇ lehˇ naw maꞈ noeˬ tsehˆ gʼaˬ-euˬ ngeuˇ naˇ, ngaˬ-euˬ nymˇ-ahˇ yaꞈ laˇ-awˬ” lehˇ ehˇ-awˇ, nga maꞈ-ahˇ aˬ yawꞈ-euˬ nymˇ-ahˇ sheuˬ daˆ gʼeh-euˬ meh.

Gʼaˬkʼehˇ 16:32

Kʼoeˇ naˇ, aˬ yawꞈ hawˇ-eu aˬ yawꞈ-euˬ nymˇ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ-ahˇ, aˬ yawꞈ nyaꞈ Sahˬpaˬ Miˬyehˇ-euˬ dawˬ mehˬ nehˬ-euˬ meh.

Gʼaˬkʼehˇ 18:8

Gaˬliˇpuˆ lehˇ myahˇ-euˬ uˬ duˬ tahˬ nymˇ-ahˇ aˬ yuiꞈ geuꞈ-eu gʼaˬ hawˇ-eu aˬ yawꞈ-euˬ miˬ sawˇ zaˬ dawˬ tawˆ luꞈ Sahˬpaˬ Yeˬsuˇ-ahˇ jah-euˬ meh. Gawˇliˬtu meuˬ-ahˇ jawˇ-eu tsawˇ haˬ gʼawˬ mya ni Miˬyehˇ dawˬ kawˬ ya gaˬ-awˇ, jah-eu laꞈ kʼoeˇ iˇ cuꞈ shawˇ-euˬ meh.

Gʼaˬkʼehˇ 4:12

Aˬ yawꞈ maˬ ngeuˇ naˇ, aˬ dui-ahˇ ka kʼoꞈ nya-eu tiˬ gʼaˬ-iˬ maˬ jawˇ-a. Aˬ jeˬ miˇ neh ehˇ naˇ, mˬ heu siˬ-euˬ uˬ moˆ aˬ yawꞈ-euˬ tsawˇ myahˇ maˬ ngeuˇ naˇ, aˬ dui-ahˇ ka kʼoꞈ nya ni tsawˇ myahˇ yawˬ myahˇ yawˬ biꞈ taˬ-euˬ maˬ jaˆ-a.”

Gʼaˬkʼehˇ 8:36

Aˬ yawꞈ nyaꞈ gaˇ ma kahˇ li iˇ gʼeh-awˇ, iˇ cuꞈ jaˆ-eu jawˇ duˬ tiˬ tsahˇ-ahˇ iˇ keuˆ ngeh, yaw huiˬ yaw mahˇ kʼoeˇ gʼaˬ ehˇ-eu, “Heu gaˇ iˇ cuꞈ jaˆ ngaˇ. Ngaˇ iˇ cuꞈ shawˇ gaˇ aˬ jeˬ laˆ tsoeˬ-eu jaˆ ta.”

Lormav 11:16

Kaˬ muˇ jahˇ beh beh-euˬ siˬ Miˬyehˇ-ahˇ biꞈ naˇ, kaˬ muˇ tiˬ tsmˇ tsmˇ lah-ehˇ Miˬyehˇ-ahˇ damˬ nehˬ-euˬ jeˬ pyeuꞈ-eu meh. Aˇ bawˇ tiˬ bawˇ-euˬ duˬ ciˇ Miˬyehˇ-ahˇ damˬ nehˬ naˇ, uˬ laꞈ deuˬ kʼawꞈ Miˬyehˇ-euˬ pyeuꞈ-eu meh.

Gaˬlaˬtiˆ 3:14

Miˬyehˇ neh Aˬbyaˬhaˬ-ahˇ saˇ jaˇ dzaˬ taˬ-euˬ guiˬ lahˬ yaw dzahˇ kʼoeˇ, Yeˬsuˇ Ka li-ahˇ gʼoe-awˇ Yuˇdaˆ tsawˇ haˬ maˬ ngeuˇ-eu deuˬ-ahˇ biꞈ nehˬ nya ni, Ka li kʼoeˇ loꞈ-ehˇ kamˇ shiˇ-euˬ meh. Kʼoeˇ-aˬ, Miˬyehˇ neh aˬ dui-ahˇ biꞈ ma lehˇ saˇ jaˇ dzaˬ taˬ-euˬ Yaw sahˇ Miˬyehˇ-ahˇ, jah-eu jeˬ ba da neh aˬ dui za nya ni mˇ-euˬ jeˬ pyeuꞈ-eu meh.

Gaˬlaˬtiˆ 3:22

Ehˇ kʼawꞈ, miˇ tsaˬ heu dawˬ tawˆ luꞈ iˬ baˇ uˆ lahˇ-eu uˬ moˆ jawˇ luꞈ-eu meh lehˇ Jaˇliꞈ laꞈ kʼoeˇ ehˇ taˬ-euˬ meh. Kʼoeˇ miˇ neh, Yeˬsuˇ Ka li-ahˇ jah-eu deuˬ-ahˇ biꞈ ma lehˇ ehˇ taˬ-euˬ laꞈ sawˬ kʼoeˇ-aˬ, jah-eu tsawˇ haˬ deuˬ-ahˇ biꞈ-euˬ meh.

Gaˬlaˬtiˆ 3:26

Jah-eu jeˬ baˬ da neh, naw maꞈ dawˬ tawˆ luꞈ Yeˬsuˇ Ka li laꞈ kʼoeˇ Miˬyehˇ-euˬ zaˬ pyeuꞈ-eu meh.