Gʼaˬkʼehˇ 16:21 - Akha

²¹ Aˬ dui-euˬ zahˇ sahˇ kʼoꞈ-ahˇ bahˬ-eu zahˇ deuˬ-ahˇ caw teh ni aˬ yawꞈ nyaꞈ mehˬ luꞈ tsoˆ luꞈ-eu meh. Aˬ dui Loˇmaˆ miˇ kʼahˬ zaˬ deuˬ zahˇ heu deuˬ-ahˇ maˬ ha geuꞈ nya-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Aqyawfnyaf, aqdui, Lormav tsawrhaq maq hageuf khmq-aer maq mrkhmq-eu zanr maeqluf tsovluf-eu mae.”

Gʼaˬkʼehˇ 16:21 ပူးပေါင်းရင်းမြစ်များ

Iˇsaˬtaˆ 3:8

Kʼoeˇ naˇ, sahˬ paˬ-ahˇ Haˬmaˬ heu loꞈ-ehˇ ehˇ nehˬ-euˬ meh. “Nawˬ-euˬ miˇ kʼahˬ kʼahˬ ma laꞈ kʼoeˇ jaˆ-eu miˇ kʼahˬ yawˬ kʼahˬ na luꞈ jawˇ doe jiˇ taˬ-euˬ tsawˇ jeuˬ tiˬ jeuˬ jawˇ meh. Aˬ yawꞈ maꞈ-aˬ, aˬ cawˬ tsawˇ jeuˬ-ahˇ maˬ duˇ-eu zahˇ sahˇ kʼoꞈ tawˬ luꞈ-eu meh. Kʼoeˇ uˬ taꞈ, nawˬ-euˬ miˇ kʼahˬ zahˇ sahˇ kʼoꞈ deuˬ-ahˇ kʼawꞈ aˬ yawꞈ maꞈ maˬ naˇ haˬ geuꞈ-eu miˇ neh, aˬ yawꞈ maꞈ-ahˇ tiˬ jeˬ-iˬ maˬ jahˇ nehˬ ni kʼoeˇ loꞈ-ehˇ bi jawˇ-eu-aˬ, nawˬ-euˬ gʼaˇ duˬ tiˬ pawꞈ-iˬ maˬ muiˬ-a.

Yeˬlaˬmiˇ 10:3

Tsawˇ jeuˬ kʼoeˇ deuˬ-euˬ uˬ duˬ tahˬ-eu zahˇ sahˇ kʼoꞈ, tiˬ jeˬ-iˬ gaˇ dahˇ maˬ tsoeˬ-a. Sahˬ kʼaˆ laꞈ kʼoeˇ dehꞈ-eu aˇ bawˇ tuˇ-awˇ, tawˆ zaˬ tawˆ jeˇ neh pyaꞈ doˆ seuˆ doˆ-awˇ,

Maꞈtehˬ 12:2

Paˬliˬsehˇ deuˬ kʼoeˇ gaˇ mawˇ ngeh, Yeˬsuˇ-ahˇ heu loꞈ-ehˇ ehˇ nehˬ-euˬ meh. “Haw sheˇ. Nawˬ-euˬ zaˬ lahˇ deuˬ Jawˇ nah-ahˇ maˬ mˇ kʼmˬ-eu jeˬ mˇ luꞈ ngaˇ.”

Gʼaˬkʼehˇ 16:12

Kʼoeˇ gaˇ neh naˇ, Piˇliˇpiˆ meuˬ-ahˇ nga maꞈ le-euˬ ma. Meuˬ kʼoeˇ meuˬ-aˬ, Loˇmaˆ tsawˇ haˬ uˆ lahˇ luꞈ-eu Maˬgeˬdawˇniˆ miˇ kʼahˬ laꞈ kʼoeˇ aˬ cawˬ naˆ maˬ tseˇ huiˬ-eu meuˬ pyeuꞈ-eu meh. Kʼoeˇ gaˇ nga maꞈ gʼawˬ mya nah jawˇ-euˬ ma.

Gʼaˬkʼehˇ 16:20

Loˇmaˆ tsawˇ haˬ yaw huiˬ yaw mahˇ deuˬ jawˇ gaˇ aˬ yawꞈ nyaꞈ-ahˇ nyehꞈ gʼeh-awˇ heu loꞈ-ehˇ tsaꞈ nehˬ-euˬ meh. “Tsawˇ haˬ heu nyiˬ gʼaˬ Yuˇdaˆ tsawˇ haˬ pyeuꞈ-awˇ, aˬ duiˬ-euˬ meuˬ-ahˇ laˆ suˬ saˬ le-euˬ meh.

Gʼaˬkʼehˇ 26:3

Aˬ jeˬ miˇ neh ehˇ naˇ, Yuˇdaˆ tsawˇ haˬ-euˬ zahˇ sahˇ kʼoꞈ hawˇ-eu aˬ yawꞈ maꞈ tiˬ kʼehˬ maˬ taˬ ni ja dzaˬ-eu gaˇ kawˆ nawˇ yaw muiˬ paˬ-ehˇ siˬ nya-eu meh. Kʼoeˇ miˇ neh, nui ma gʼawˬ mahˇ ni taˬ-awˇ ngaˇ ja gaˇ tiˬ poˆ naˇ haˬ nehˬ laꞈ lehˇ shaˇ-eu ma.