Gʼaˬkʼehˇ 15:39 - Akha

³⁹ Aˬ yawꞈ nyaꞈ yaw kaˬ gaˇ kawˆ kʼoeˇ yaw kʼaˆ-ehˇ ja dzaˬ-awˇ gʼawˬ-iˇ-euˬ meh. Baˬnaˬbaˇ gʼaˬ Maˬkuˆ-ahˇ sheuˬ-awˇ, Guˇbaˬluˇ iˇ jaw lahˇ-ahˇ lawˬ dziˬ-awˇ iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁹ Khoermirnae, aqyawfnyaf yawkaq yawkhav-aer jadzaq-awr, tiqghaq tiqpaw-aer ghawq-ir-euq mae. Baqnaqbar-aq, Maqkuv sheuq-awr nae, Gurbaqlur irjawlanr-anr lawq-anr dziq-awr ir-euq mae.

Gʼaˬkʼehˇ 15:39 ပူးပေါင်းရင်းမြစ်များ

Jaceuq 106:33

Aˬ yawꞈ nui ma naˇ dui dui ni aˬ yawꞈ maꞈ jahˇ-awˇ, maˬ shaˇ noeˬ ni dawˬ kʼaˆ ngehˬ dzeuˇ-euˬ meh.

Jaceuq 119:96

Yawˬ jeˬ na luꞈ maˬ byah maˬ loꞈ-eu jeˬ pyeuꞈ kʼawꞈ, nawˬ-euˬ zahˇ dawˬ kʼoꞈ dawˬ ehˇ kʼaˇ maˬ za ni byah-eu ngaˇ siˬ duˬ ma.

Dawˬ tsoˆ 7:20

Yaw lehˬ tiˬ pawꞈ-iˬ maˬ mˇ-ehˇ, yaw dawˇ tehꞈ-ehˇ mˇ-eu tsawˇ muiˬ, miˇ taˆ tiˬ gʼaˬ-iˬ maˬ jawˇ-a.

Gʼaˬkʼehˇ 11:20

Ehˇ kʼawꞈ, Guˇbaˬluˇ iˇ jaw lahˇ hawˇ-eu Kuˇleˬniˬ miˇ kʼahˬ-ahˇ jawˇ-eu jah-eu tsawˇ haˬ tiˬ deuˬ-aˬ, Aˬdiˇawˬ meuˬ-ahˇ le-awˇ, Yuˇdaˆ tawˇ haˬ maˬ ngeuˇ-eu deuˬ-ahˇ kʼawꞈ guiˬ lahˬ dawˬ mehˬ-awˇ, Sahˬpaˬ Yeˬsuˇ Ka li gaˇ kawˆ Laˬ kʼaˬ cehˇ-eu Guiˬ lahˬ dawˬ ja mehˬ-euˬ meh.

Gʼaˬkʼehˇ 12:12

Gaˇ kawˆ kʼoeˇ deuˬ-ahˇ aˬ yawꞈ siˬ duˬ gʼaˬ ngeh, Maˬkuˆ lehˇ kʼawꞈ kuˇ-eu Yoˇhaˬ-euˬ aˬ ma pyeuꞈ-eu Maˬliˇ-euˬ nymˇ-ahˇ iˇ-euˬ meh. Tsawˇ haˬ gʼawˬ mya ni kʼoeˇ gaˇ uiˬ leˇ-awˇ guiˬ lahˬ shaˇ luꞈ-eu meh.

Gʼaˬkʼehˇ 15:2

Gaˇ kawˆ kʼoeˇ-ahˇ taꞈ leˇ-awˇ, Pawˇluˆ hawˇ-eu Baˬnaˬbaˇ aˬ nyaꞈ tsawˇ haˬ kʼoeˇ deuˬ nehˬ-ehˇ pyehˇ dui dui-euˬ meh. Kʼoeˇ miˇ neh, gaˇ kawˆ kʼoeˇ hmˬ-ahˇ taꞈ leˇ-awˇ, Pawˇluˆ hawˇ-eu Baˬnaˬbaˇ aˬ nyaꞈ-ahˇ, Aˬdiˇawˬ meuˬ-ahˇ jawˇ-eu tsawˇ haˬ tiˬ paˆ na deuˬ nehˬ-ehˇ Yeˬluˇsaˬlehˬ meuˬ-ahˇ bi iˇ-awˇ, gʼaˬ kʼehˇ deuˬ hawˇ-eu aˬ yuiꞈ aˬ tsu deuˬ nehˬ-ehˇ bi ja cawˬ-iˇ-eu gʼaˇ duˬ ja tsehˆ-euˬ meh.

Gʼaˬkʼehˇ 15:37

Baˬnaˬbaˇ-aˬ, Maˬkuˆ lehˇ kuˇ-eu Yoˇhaˬ-ahˇ kʼawꞈ sheuˬ gʼeh mawꞈ-eu meh.

Gʼaˬkʼehˇ 27:4

Nga maꞈ kʼoeˇ gaˇ neh paˇ luˆ-iˇ-awˇ, jaˬ lehˇ pyawˬ maˬ tsaˬ-ehˇ nga maꞈ jawˇ paw baw kʼoꞈ laꞈ-eu miˇ neh, Guˇbaˬluˇ iˇ jaw lahˇ-ahˇ baˇ shmˇ-awˇ, jaˬ lehˇ maˬ zaw-eu paw dzeˇ pyawˬ-ahˇ neh iˇ-euˬ ma.

Gʼaˬkʼehˇ 4:36

Guˇbaˬluˇ iˇ jaw lahˇ miˇ kʼahˬ-ahˇ dehꞈ le-euˬ Leˬbiˇ tsawˇ jeuˬ Yoˇsehˆ lehˇ myahˇ-euˬ tiˬ gʼaˬ jawˇ-eu meh. Gʼaˬ kʼehˇ deuˬ neh aˬ yawꞈ-ahˇ Baˬnaˬbaˇ lehˇ myahˇ paˇ nehˬ-euˬ meh. Baˬnaˬbaˇ lehˇ ehˇ-eu dawˬ tsuiꞈ-aˬ, “Gʼaˬ biꞈ-eu gʼaˬ” lehˇ ehˇ mawꞈ-eu meh.

Gʼaˬkʼehˇ 6:1

Zaˬ lahˇ deuˬ myaˬ laˇ luꞈ-eu aˇ nah aˇ yamˬ kʼoeˇ laꞈ kʼoeˇ, Heˬlaˬsaˇ dawˬ ngehˬ-eu Yuˇdaˆ tsawˇ haˬ deuˬ hawˇ-eu, Yuˇdaˆ dawˬ ngehˬ-eu Yuˇdaˆ tsawˇ haˬ deuˬ yaw kaˬ dawˬ ja doˆ-euˬ meh. Aˬ jeˬ miˇ neh ehˇ naˇ, aˬ yawꞈ nah yawꞈ loˬ-eu jeˬ biˇ nehˬ ngeh, aˬ yawꞈ maꞈ-euˬ miˬ coeˬ miˬ ma deuˬ-ahˇ yaw muiˬ paˬ-ehˇ maˬ biˇ oꞈ doe nehˬ nga lehˇ, Heˬlaˬsaˇ dawˬ ngehˬ-eu Yuˇdaˆ tsawˇ haˬ deuˬ ehˇ-eu meh.

Gawˇlawˇsehˇ 4:10

Ngaˬ nehˬ-ehˇ tiˬ kawˆ loꞈ-ehˇ tawˬ-ahˇ uˇ luꞈ-eu Aˬliˬdaˬguˇ naw maꞈ-ahˇ dawˬ cawˬ puˬ ahˇ laꞈ-euˬ meh. Kʼoeˇ loꞈ-ehˇ duˇ ni, Baˬnaˬbaˇ-euˬ aˬ yuiꞈ aˬ nyiˇ tsaˬ-eu Maˬkuˆ kʼawꞈ, naw maꞈ-ahˇ dawˬ cawˬ puˬ ahˇ laꞈ-euˬ meh. (Maˬkuˆ laˇ naˇ, aˬ joˆ-ehˇ ya ha nehˬ-eu gaˇ kawˆ naw maꞈ-ahˇ mehˬ nehˬ gʼaˬ-euˬ ma.)

Yaˬkoˆ 3:2

Aˬ dui dawˬ tawˆ luꞈ tiˬ kʼehˬ maˬ taˬ ni mˇ lehˬ-eu meh. Ehˇ kʼawꞈ, tsawˇ haˬ tiˬ gʼaˬ na ngehˬ lehˬ tmˇ lehˬ-eu maˬ baw naˇ, byah-eu loꞈ-eu tsawˇ haˬ pyeuꞈ-awˇ, yawˬ ha-euˬ nui ma gʼawˇ mawˇ dawˬ tawˆ luꞈ-ahˇ yaw muiˬ paˬ-ehˇ gʼaˬ leˇ-eu tsawˇ haˬ pyeuꞈ-eu meh.

1 Beˬtuˆluˆ 5:13

Naw maꞈ loꞈ-ehˇ Miˬyehˇ neh tseˇ doˆ taˬ-euˬ Ka li zaˬ aˇ muˇ pyeuꞈ-eu Baˬbuˇloˬ meuˬ-ahˇ jawˇ-eu Ka li zaˬ aˇ muˇ kʼoeˇ muˇ, naw maꞈ-ahˇ dawˬ cawˬ puˬ ahˇ laꞈ-euˬ meh. Ngaˬ li lehˇ ehˇ nya-eu Maˬkuˆ gʼeh naw maꞈ-ahˇ dawˬ cawˬ puˬ ahˇ laꞈ-euˬ meh.