Gʼaˬkʼehˇ 15:36 - Akha

³⁶ Aˇ nah aˇ yamˬ ui cuiˆ myahˇ laˇ ngeh, Baˬnaˬbaˇ-ahˇ Pawˇluˆ ehˇ nehˬ-eu, “Aˇ nyaꞈ neh Sahˬpaˬ Miˬyehˇ-euˬ dawˬ kawˬ kʼaˇ mehˬ yaꞈ-euˬ meuˬ yawˬ meuˬ na luꞈ-ahˇ dawˬ deh gʼoꞈ gʼa-iˇ-awˇ, jah-eu tsawˇ haˬ pyeuꞈ-eu aˬ yuiꞈ aˬ nyiˇ kʼoeˇ deuˬ aˬ joˆ-ehˇ jawˇ luꞈ nga lehˇ haw-iˇ kaˇ-euˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁶ Arnan aryamq uicuiv myanrlar ngae, Pawrluv, Baqnaqbar-anr aernaeq-eu, “Arnyaf nae Sanqpaq Miqyaer-euq dawq maeqyaf-euq meuq yawqmeuq navluf-anr ghofkhof-ir-awr, aqyuif aqnyir deuq aqjox-aer pyeufluf-eu nga laer haw-ir kar-eur.”

Gʼaˬkʼehˇ 15:36 ပူးပေါင်းရင်းမြစ်များ

Iˇsaˬtaˆ 2:11

Aˬ yawꞈ nah yawꞈ, sahˬ paˬ-euˬ zaˬ miˬ zaˬ deuˬ taˬ taˬ-euˬ nymˇ-euˬ pu ka, Mawˬdaˬkehˇ gʼoꞈ laˆ gʼoꞈ dmˇ-ehˇ cah cah-ehˇ, Iˇsaˬtaˆ aˬ joˆ-ehˇ jawˇ luꞈ nga lehˇ haw-euˬ meh.

Doˆ-iˇ 4:18

Aˬ yawꞈ-euˬ tsawˇ mawˬ Yeˬdaˬyoˇ jawˇ gaˇ Moˇseˬ gʼoꞈ-iˇ-awˇ, “Iˇjiˇtuˆ miˇ kʼahˬ laꞈ kʼoeˇ jawˇ-eu ngaˬ-eu aˬ yuiꞈ aˬ nyiˇ deuˬ dehꞈ luꞈ jawˇ luꞈ nga siˬ loˇ lehˇ haw-iˇ-eu gʼaˇ duˬ, ngaˬ-ahˇ Iˇjiˇtuˆ miˇ kʼahˬ-ahˇ bi gʼoꞈ-iˇ laꞈ-awˬ” lehˇ ehˇ nehˬ ngeh, “Gʼoꞈ-iˇ nya tehꞈ-a” lehˇ Yeˬdaˬyoˇ aˬ yawꞈ-ahˇ ehˇ nehˬ-euˬ meh.

Yeˬlaˬmiˇ 23:2

Aˬ yawꞈ-euˬ tsawˇ haˬ deuˬ-ahˇ bi haw bi pyaˆ-euˬ aˬ yuiꞈ aˬ tsu deuˬ-ahˇ taꞈ leˇ-awˇ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ ngaˬ-euˬ tsawˇ jeuˬ-ahˇ maˬ haw maˬ pyaˆ ni, aˬ yawꞈ maꞈ-ahˇ teh byaˆ nehˬ-euˬ meh. Naw maꞈ neh mˇ-euˬ yaw haiˬ jeˬ gʼaˇ duˬ nymˬ-mˇ naw maꞈ-ahˇ ngaˇ kʼehˬ nehˬ kʼaˆ nehˬ ma.

Maꞈtehˬ 25:36

Ngaˇ mehˬ tsoeˬ maˬ ahˇ ngeh, naw maꞈ bi dm laꞈ-euˬ meh. Ngaˇ jawˇ saˇ maˬ doˆ ngeh, naw maꞈ bo saˆ laꞈ-euˬ meh. Ngaˇ paꞈ kuˆ-ahˇ uˇ ngeh, naw maꞈ haw le-euˬ meh.’

Maꞈtehˬ 25:43

Ngaˇ daˬ yah pyeuꞈ ngeh, naw maꞈ maˬ ha nehˬ laꞈ-aˬ. Ngaˇ mehˬ tsoeˬ maˬ ahˇ ngeh, naw maꞈ maˬ bi dm laꞈ-aˬ. Ngaˇ jawˇ saˇ maˬ doˆ ngeh maˬ ehˇ, paꞈ kuˆ-ahˇ uˇ ngeh maˬ ehˇ, naw maꞈ maˬ haw le-aˬ.’

Gʼaˬkʼehˇ 13:12

Kʼoeˇ loꞈ-ehˇ pyeuꞈ laˇ-euˬ gaˇ sahˬ paˬ kʼoeˇ gʼaˬ ya mawˇ ngeh, Miˬyehˇ-ahˇ jah laˇ-euˬ meh. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ gaˇ kawˆ mehˬ nehˬ tsoˆ nehˬ gaˇ aˬ yawꞈ zahˬ dui dui leˇ-euˬ meh.

Gʼaˬkʼehˇ 13:4

Muiˬ-eu shawˇ-eu Yaw sahˇ Miˬyehˇ neh kʼehˇ gʼeh-euˬ loꞈ-ehˇ Baˬnaˬbaˇ hawˇ-eu Sawˇluˆ aˬ nyaꞈ Seˬluˇgiˇ meuˬ-ahˇ iˇ-awˇ, kʼoeˇ gaˇ neh naˇ, Guˇbaˬluˇ iˇ jaw lahˇ-ahˇ lawˬ dziˬ-awˇ iˇ-euˬ meh.

Gʼaˬkʼehˇ 13:51

Gʼaˬ kʼehˇ kʼoeˇ nyiˬ gʼaˬ-aˬ, aˬ yawꞈ nyaꞈ-euˬ aˬ kuiˇ pehˬ zaˬ-ahˇ lehꞈ-eu kʼaˬ lehˇ aˬ yawꞈ maꞈ-ahˇ sawˆ kʼaˇ nehˬ yaꞈ-awˇ Iˇgawˇniˇ meuˬ-ahˇ le-euˬ meh.

Gʼaˬkʼehˇ 14:1

Pawˇluˆ hawˇ-eu Baˬnaˬbaˇ aˬ nyaꞈ Iˇgawˇniˇ meuˬ-ahˇ le keuˆ-awˇ jawˇ ngeh, Yuˇdaˆ tsawˇ haˬ-euˬ uˬ duˬ tahˬ nymˇ-ahˇ daˆ leˇ-awˇ dawˬ ngehˬ leˇ-euˬ meh. Kʼoeˇ gaˇ kʼawꞈ, Yuˇdaˆ tsawˇ haˬ maˬ ehˇ, aˬ cawˬ tsawˇ jeuˬ maˬ ehˇ, gʼawˬ mya ni jah-eu tsawˇ haˬ pyeuꞈ laˇ-euˬ meh.

Gʼaˬkʼehˇ 14:21

Pawˇluˆ hawˇ-eu Baˬnaˬbaˇ aˬ nyaꞈ Deˬbeˬ meuˬ-ahˇ Laˬ kʼaˬ cehˇ-eu Guiˬ lahˬ dawˬ mehˬ-awˇ, tsawˇ haˬ gʼawˬ mya ni zaˬ lahˇ pyeuꞈ laˇ-euˬ meh. Kʼoeˇ naˇ, Luˇdaˬlaˇ meuˬ, Iˇgawˇniˇ meuˬ, Biˇsiˇdiˇ miˇ kʼahˬ-ahˇ jaˆ-eu Aˬdiˇawˬ meuˬ heu deuˬ-ahˇ, tiˬ meuˬ saˇ-iˬ tiˬ meuˬ gʼoꞈ leˇ luꞈ-eu meh.

Gʼaˬkʼehˇ 14:6

Gaˇ kawˆ kʼoeˇ gʼaˬ kʼehˇ kʼoeˇ nyiˬ gʼaˬ ya siˬ ngeh, Luˇdaˬlaˇ meuˬ, Deˬbeˬ meuˬ hawˇ-eu, dawˬ peh jaˆ-eu miˇ kʼahˬ-ahˇ cehˆ-euˬ meh.

Gʼaˬkʼehˇ 7:23

“Moˇseˬ oeˬ tseˇ kʼoꞈ kʼawˆ laˇ ngeh, aˬ yawꞈ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ aˬ cawˬ aˬ joˆ-ehˇ jahˇ nehˬ gaˇ cah haw-iˇ-eu lehˇ noeˬ doˆ leˇ-euˬ meh.

Lormav 1:11

Naw maꞈ-ahˇ ngaˇ mawˇ mawꞈ dui dui nya. Saꞈ laˇ paw-euˬ guiˬ lahˬ biꞈ taꞈ yuˇ taꞈ-eu laꞈ kʼoeˇ, naw maꞈ gʼaˬ ahˇ dzehˬ laˇ ni mˇ mawꞈ dui dui nya.

2 Gawˇliˬtu 11:28

Nui deuˬ gaˇ kawˆ ya shaˬ-euˬ deuˬ-ahˇ taˬ paˇ ehˇ siˬ. Ka li zaˬ aˇ muˇ dawˬ tawˆ luꞈ gʼaˇ duˬ kʼahˬ lahˇ-eu jeˬ yawˬ nah na luꞈ ngaˬ-euˬ nui ma-ahˇ ciˬ tehˬ taˬ-euˬ meh.

Piˇliˇpiˆ 1:27

Huiˬ-eu tiˬ jeˬ-aˬ, ngaˇ naw maꞈ-ahˇ haw keuˆ laˇ-eu maˬ kaˬ, maˬ haw keuˆ laˇ-eu maˬ kaˬ, naw maꞈ nui ma tiˬ siˬ tehꞈ-ehˇ taˬ-awˇ ziꞈ dah ni jawˇ luꞈ-eu gaˇ kawˆ hawˇ-eu, La kʼaˬ cehˇ-eu Guiˬ lahˬ dawˬ-ahˇ taꞈ-eu jah-eu jeˬ gʼaˇ duˬ naw maꞈ nui ma gm-awˇ deuˆ ceh ceh luꞈ-eu gaˇ kawˆ-ahˇ ngaˇ ya gaˬ ni, Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ tsaˬ ni dehꞈ gʼeh jawˇ gʼeh-awˬ.

1 Teˇsaˬloˇni 3:6

Nymˬ-mˇ Tiˆmoˇseˬ gʼoꞈ keuˆ le-awˇ, naw maꞈ-euˬ jah-eu jeˬ hawˇ-eu gʼoeˇ-eu gaˬ-eu jeˬ gaˇ kawˆ, laˬ kʼaˬ cehˇ laˇ paˬ-ehˇ dzawˇ gaˬ le-euˬ meh. Naw maꞈ nga maꞈ-ahˇ aˬ myah luꞈ noeˬ keuˆ luꞈ-awˇ, nga maꞈ naw maꞈ-ahˇ mawˇ mawꞈ dui dui-eu loꞈ-ehˇ, naw maꞈ kʼawꞈ nga maꞈ-ahˇ mawˇ mawꞈ dui dui luꞈ-eu gaˇ kawˆ dzawˇ nehˬ laꞈ-euˬ meh.

2 Tiˆmoˇseˬ 1:4

Nawˇ myaˆ biˇ ya doˆ gaˇ noeˬ mawˇ-awˇ, nawˬ-ahˇngaˇ mawˇ mawꞈ dui dui-eu ma. Nawˬ-ahˇ mawˇ naˇ, ngaˇ laˬ kʼaˬ ya cehˇ dui dui tehꞈ-a.