Gʼaˬkʼehˇ 15:35 - Akha

³⁵ Pawˇluˆ hawˇ-eu Baˬnaˬbaˇ aˬ nyaꞈ-aˬ, Aˬdiˇawˬ meuˬ laꞈ kʼoeˇ tiˬ kʼehˬ tiˬ yamˬ jawˇ-awˇ, aˬ cawˬ gʼawˬ mya gʼaˬ nehˬ-ehˇ tiˬ kawˆ loꞈ-ehˇ Sahˬpaˬ Miˬyehˇ-euˬ dawˬ kawˬ mehˬ nehˬ tsoˆ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁵ Pawrluv hawr-eu Baqnaqbar-aq, Aqdirawq-anr jawr-awr, aqcawq ghawqmya ghaq naeq-aer gm-awr Sanqpaq Miqyaer-euq dawq maeqnaeq tsovnaeq-awr, dawqmaeq maeq-euq mae.

Gʼaˬkʼehˇ 15:35 ပူးပေါင်းရင်းမြစ်များ

Gʼaˬkʼehˇ 12:25

Baˬnaˬbaˇ hawˇ-eu Sawˇluˆ aˬ nyaꞈ-aˬ, aˬ yawꞈ nyaꞈ ya mˇ-eu saˬ saˬ naˬ gaˇ mˇ luiˆ yaꞈ-awˇ, Maˬkuˆ lehˇ kʼawꞈ kuˇ-eu Yoˇhaˬ-ahˇ sheuˬ-awˇ, Yeˬluˇsaˬlehˬ meuˬ-ahˇ neh gʼoꞈ daˆ leˇ-euˬ meh.

Gʼaˬkʼehˇ 13:1

Aˬdiˇawˬ Ka li zaˬ aˇ muˇ laꞈ kʼoeˇ, Miˬyehˇ gʼaˇ duˬ ngehˬ dah-eu deuˬ hawˇ-eu mehˬ-eu tsoˆ-eu saˬ laˬ deuˬ jawˇ-eu meh. Tsawˇ haˬ kʼoeˇ deuˬ-aˬ, Baˬnaˬbaˇ, Niˇgaˬ lehˇ kuˇ-eu Suˇmoˬ, Kuˇleˬniˬ miˇ kʼahˬ-ahˇ neh laˇ-euˬ Luˇgiˇ, sahˬ paˬ Heˬloˆ nehˬ-ehˇ tiˬ kawˆ loꞈ-ehˇ huiˬ laˇ-euˬ Maˬneˬ hawˇ-eu, Sawˇluˆ aˬ ha maꞈ meh.

Gʼaˬkʼehˇ 13:12

Kʼoeˇ loꞈ-ehˇ pyeuꞈ laˇ-euˬ gaˇ sahˬ paˬ kʼoeˇ gʼaˬ ya mawˇ ngeh, Miˬyehˇ-ahˇ jah laˇ-euˬ meh. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ gaˇ kawˆ mehˬ nehˬ tsoˆ nehˬ gaˇ aˬ yawꞈ zahˬ dui dui leˇ-euˬ meh.

Gʼaˬkʼehˇ 14:28

Kʼoeˇ naˇ, jah-eu tsawˇ haˬ kʼoeˇ deuˬ nehˬ-ehˇ, kʼoeˇ gaˇ aˬ yawꞈ nyaꞈ gʼawˬ myahˇ ni jawˇ-euˬ meh.

Gʼaˬkʼehˇ 15:34

Ehˇ kʼawꞈ, Siˬlaˆ gʼaˬ-aˬ, kʼoeˇ gaˇ jawˇ yaꞈ-eu gʼaˇ duˬ noeˬ tsehˆ-euˬ meh.

Gʼaˬkʼehˇ 28:31

Miˬyehˇ Miˇkʼahˬ gaˇ kawˆ dawˬ mehˬ mehˬ-awˇ, Sahˬpaˬ Yeˬsuˇ Ka li gaˇ kawˆ mehˬ nehˬ tsoˆ nehˬ-euˬ meh. Laˆ tsoeˬ-eu tiˬ jeˬ-iˬ maˬ jaˆ ni, kʼaˬ duˬ ni kʼoeˇ loꞈ-ehˇ mˇ-euˬ meh.

Gʼaˬkʼehˇ 8:4

Cehˆ byaˆ taˬ-euˬ jah-eu tsawˇ haˬ kʼoeˇ deuˬ, yawˬ gaˇ na luꞈ guiˬ lahˬ dawˬ mehˬ mehˬ-ehˇ cah-euˬ meh.

Gawˇlawˇsehˇ 1:28

Kʼoeˇ miˇ neh, tsawˇ haˬ yawˬ gʼaˬ na luꞈ-ahˇ Ka li gaˇ kawˆ nga maꞈ mehˬ-eu ma. Yawˬ gʼaˬ na luꞈ-ahˇ Ka li laꞈ kʼoeˇ tsawˇ kʼaˆ kʼaˆ laˇ-euˬ tsawˇ haˬ loꞈ-ehˇ Miˬyehˇ mehˬ shi sheuˬ ha nehˬ leˇ nya-eu gʼaˇ duˬ, aˬ yawꞈ maꞈ ya mˇ-eu jeˬ hawˇ-eu ya yahˇ-eu jeˬ-ahˇ kʼaˇ siˬ kʼaˇ nya-eu loꞈ-ehˇ mehˬ-eu ma.

1 Tiˆmoˇseˬ 2:7

Kʼoeˇ miˇ neh, jah-eu jeˬ hawˇ-eu yaw tsaˬ yaw dawˇ jehˬ-ahˇ taꞈ-eu guiˬ lah dawˬ mehˬ-eu gʼaˇ duˬ, Yuˇdaˆ tsawˇ haˬ maˬ ngeuˇ-eu aˬ cawˬ tsawˇ jeuˬ jawˇ gaˇ gʼaˬ kʼehˇ hawˇ-eu mehˬ-eu tsoˆ-eu saˬ laˬ bi geuꞈ-eu lehˇ, Miˬyehˇ neh ngaˬ-ahˇ kʼehˇ gʼeh laꞈ-euˬ meh. Ngaˇ jaˬ myawꞈ maˬ myawꞈ. Dawˇ coe ni ehˇ-eu ma.

2 Tiˆmoˇseˬ 4:2

Miˬyehˇ dawˬ kawˬ mehˬ-awˬ. Aˇ yamˬ tsaˬ ngeh maˬ ehˇ, maˬ tsaˬ ngeh maˬ ehˇ, leh jeh-awˇ mehˬ-awˬ. Yaw lehˬ-ahˇ toeˬ mehˬ-awˬ. Yaw kʼaˆ kʼaˆ-ehˇ mehˬ paˇ tsoˆ paˇ-awˬ. Gʼaˬ biꞈ-awˬ. Nui ma gʼawˬ mahˇ ni taˬ-awˇ mehˬ nehˬ tsoˆ nehˬ-awˬ.