Gʼaˬkʼehˇ 15:3 - Akha

³ Aˬ yawꞈ maꞈ-ahˇ Ka li zaˬ aˇ muˇ neh kʼehˇ-awˇ bi iˇ-euˬ meh. Piˇniˇshaˆ miˇ kʼahˬ hawˇ-eu Saˬmaˬliˇ miˇ kʼahˬ kʼoeˇ deuˬ-ahˇ iˇ luꞈ ngeh, aˬ cawˬ tsawˇ jeuˬ deuˬ Miˬyehˇ jawˇ paw gʼoꞈ pyawˇ laˇ-euˬ gaˇ kawˆ ja mehˬ-euˬ meh. Gaˇ kawˆ kʼoeˇ kʼaˇ ya gaˬ-euˬ jah-eu tsawˇ haˬ dawˬ tawˆ luꞈ, laˬ kʼaˬ cehˇ dui dui-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Khoerngae, Kalizaq armur aqyawf maf-anr khaerdov-awr bile-euq mae. Aqyawfmaf, Pirnir mirkhanq hawr-eu Saqmaqliv mirkhanq-anr cantsaev-awr, aqcawq tsawrjeuq tsawrca, Miqyaer jawr-eu paw ghoflar-euq garkawv dzawrmaeqnaeq ngae, aqyuif aqnyir dawqtawvluf laqkhaqcaer duidui-eu mae.

Gʼaˬkʼehˇ 15:3 ပူးပေါင်းရင်းမြစ်များ

Luˇkaꞈ 15:32

Laˬ kʼaˬ tiˬ cehˇ dzaˬ taꞈ dawˇ taꞈ-eu heu-aˬ, jahˇ paˬ-ehˇ gʼeh-eu tiˬ jeˬ meh. Aˬ jeˬ miˇ neh ehˇ naˇ, nawˬ-euˬ aˬ nyiˇ heu gʼaˬ shiˇ-euˬ kʼawꞈ, nymˬ-mˇ paˇ gʼoꞈ dehꞈ laˇ-euˬ meh. Aˬ yawꞈ byoˆ-iˇ-euˬ kʼawꞈ, nymˬ-mˇ paˇ mawˇ kʼoꞈ-euˬ ma.”’

Gʼaˬkʼehˇ 1:15

Gʼawˬ myahˇ maˬ gʼeh-ehˇ, jah-eu tsawˇ haˬ deuˬ tiˬ yaˇ nyiˬ tseˇ gʼaˬ uiˬ leˇ-awˇ jawˇ gaˇ, Beˬtuˆluˆ tuˇ laˇ-awˇ, heu loꞈ-ehˇ ehˇ-eu meh.

Gʼaˬkʼehˇ 13:48

Aˬ cawˬ tsawˇ jeuˬ kʼoeˇ deuˬ dawˬ kʼoeˇ dawˬ-ahˇ ya gaˬ ngeh, Laˬ kʼaˬ cehˇ-awˇ Miˬyehˇ-euˬ dawˬ kawˬ-ahˇ ja ceuˬ-euˬ meh. Mˬ maˬ maˬ byaˆ zaˇ ziˇ dehꞈ-eu jeˬ za ni tseˇ doˆ taˬ-euˬ tsawˇ haˬ deuˬ, jah-eu tsawˇ haˬ pyeuꞈ laˇ-euˬ meh.

Gʼaˬkʼehˇ 13:52

Aˬdiˇawˬ meuˬ-ahˇ jawˇ-eu jah-eu tsawˇ haˬ kʼoeˇ deuˬ-aˬ, laˬ kʼaˬ cehˇ-eu jeˬ hawˇ-eu Muiˬ-eu shawˇ-eu Yaw sahˇ Miˬyehˇ tiˬ byah ni ahˇ luꞈ-eu meh.

Gʼaˬkʼehˇ 14:27

Aˬ yawꞈ nyaꞈ Aˬdiˇawˬ meuˬ-ahˇ gʼoꞈ keuˆ le ngeh, Ka li zaˬ aˇ muˇ laꞈ kʼoeˇ jawˇ-eu tsawˇ haˬ deuˬ-ahˇ kuˇ uiˬ-awˇ, aˬ yawꞈ nyaꞈ nehˬ-ehˇ Miˬyehˇ neh kʼaˇ mˇ kʼaˇ shaˇ-euˬ gaˇ kawˆ hawˇ-eu, aˬ cawˬ tsawˇ jeuˬ deuˬ jah-eu tsawˇ haˬ pyeuꞈ laˇ ni Miˬyehˇ gaˇ ma aˬ joˆ-ehˇ pah nehˬ laꞈ-euˬ gaˇ kawˆ dzawˇ nehˬ-euˬ meh.

Gʼaˬkʼehˇ 15:1

Yuˇdaˆ miˇ kʼahˬ-ahˇ jawˇ-eu tsawˇ haˬ tiˬ paˆ na deuˬ Aˬdiˇawˬ meuˬ-ahˇ laˇ-awˇ, “Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ baˆ kʼoˆ mehˬ dzaˬ maˬ yehˬ naˇ, naw maꞈ ka kʼoꞈ-eu jeˬ-ahˇ maˬ za nya-aˇ” lehˇ, jah-eu tsawˇ haˬ deuˬ-ahˇ mehˬ laˇ-euˬ meh.

Gʼaˬkʼehˇ 15:12

Baˬnaˬbaˇ hawˇ-eu Pawˇluˆ aˬ nyaꞈ, Miˬyehˇ neh aˬ yawꞈ nyaꞈ-ahˇ gʼoe-awˇ aˬ cawˬ tsawˇ jeuˬ-euˬ mehˬ shi mˇ mehˬ-euˬ zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ gaˇ kawˆ dzawˇ mehˬ ngeh, uiˬ laˇ taˬ-euˬ tsawˇ haˬ dawˬ tawˆ luꞈ ciˬ cuˇ ni jawˇ-awˇ naˇ haˬ-euˬ meh.

Gʼaˬkʼehˇ 15:22

Kʼoeˇ naˇ, aˬ yawꞈ maꞈ laꞈ kʼoeˇ tsawˇ haˬ tseˇ doˆ-awˇ, Pawˇluˆ hawˇ-eu Baˬnaˬbaˇ nehˬ-ehˇ Aˬdiˇawˬ meuˬ-ahˇ bi le-eu gʼaˇ duˬ, gʼaˬ kʼehˇ deuˬ hawˇ-eu aˬ yuiꞈ aˬ tsu deuˬ Ka li zaˬ aˇ muˇ nehˬ-ehˇ bawˬ dzaˬ tsehˆ-euˬ meh. Jah-eu tsawˇ haˬ deuˬ yaw zeu baw dui dui-eu Baˬsaˬbaˆ lehˇ kuˇ-eu Yuˇdaˆ hawˇ-eu Siˬlaˆ aˬ nyaꞈ-ahˇ tseˇ doˆ-awˇ,

Gʼaˬkʼehˇ 15:32

Yuˇdaˆ hawˇ-eu Siˬlaˆ aˬ nyaꞈ kʼawꞈ, Miˬyehˇ gʼaˇ duˬ ngehˬ dah-eu tsawˇ haˬ pyeuꞈ-eu loꞈ-ehˇ, aˬ yawꞈ maꞈ-ahˇ dawˬ gʼawˬ myahˇ ni ngehˬ-awˇ gʼaˬ biꞈ lahˬ nehˬ-euˬ meh.

Gʼaˬkʼehˇ 15:4

Aˬ yawꞈ maꞈ Yeˬluˇsaˬlehˬ meuˬ-ahˇ iˇ keuˆ ngeh, Ka li zaˬ aˇ muˇ maˬ ehˇ, gʼaˬ kʼehˇ deuˬ maˬ ehˇ, aˬ yuiꞈ aˬ tsu deuˬ maˬ ehˇ, aˬ yawꞈ maꞈ-ahˇ laˬ kʼaˬ tiˬ cehˇ ha-euˬ meh. Kʼoeˇ ngeh, aˬ yawꞈ nyaꞈ-ahˇ gʼoe-awˇ Miˬyehˇ neh kʼaˇ mˇ kʼaˇ shaˇ-euˬ jeˬ dawˬ tawˆ luꞈ, aˬ yawꞈ maꞈ-ahˇ dzawˇ mehˬ nehˬ-euˬ meh.

Gʼaˬkʼehˇ 17:15

Pawˇluˆ-ahˇ sheuˬ ha-iˇ-euˬ tsawˇ haˬ kʼoeˇ deuˬ Aˬteˬ meuˬ-ahˇ keuˆ ni sheuˬ ha keuˆ-iˇ-euˬ meh. Kʼoeˇ naˇ, Siˬlaˆ hawˇ-eu Tiˆmoˇseˬ aˬ nyaꞈ-ahˇ aˬ yawꞈ jawˇ gaˇ yaw kawˇ-ehˇ bi oe-eu gʼaˇ duˬ aˬ yawꞈ maꞈ-ahˇ Pawˇluˆ dawˬ tsaꞈ tsaꞈ nehˬ-awˇ Beˬliˇ meuˬ-ahˇ bi gʼoꞈ leˇ-euˬ meh.

Gʼaˬkʼehˇ 20:38

Aˬ yawꞈ maꞈ aˬ yawꞈ-ahˇ maˬ paˇ ya mawˇ-aˇ lehˇ Pawˇluˆ neh ehˇ-euˬ dawˬ kʼoeˇ dawˬ baˬ aˬ yawꞈ maꞈ-euˬ nui ma-ahˇ yaw kʼaˆ-ehˇ zaw leˇ-awˇ, noeˬ shaˬ dui dui-eu meh. Kʼoeˇ naˇ, aˬ yawꞈ maꞈ Pawˇluˆ-ahˇ saˇ baoˬ naˬ duˬ-ahˇ keuˆ ni sheuˬ ha keuˆ-iˇ-euˬ meh.

Gʼaˬkʼehˇ 21:5

Ehˇ kʼawꞈ, nga maꞈ aˬ yawꞈ maꞈ nehˬ-ehˇ jawˇ-eu aˇ yamˬ jiˇ laˇ ngeh, mehˬ hu paw iˇ-euˬ ma. Aˬ yawꞈ maꞈ hawˇ-eu aˬ yawꞈ maꞈ-euˬ miˬ sawˇ zaˬ dawˬ tawˆ luꞈ, meuˬ-ahˇ neh iˬ ma laˆ shaˆ lawˇ deh-ahˇ keuˆ ni nga maꞈ-ahˇ sheuˬ keuˆ ha le-awˇ, nga maꞈ dawˬ tawˆ luꞈ kʼoeˇ gaˇ pawˬ tsuiꞈ pawˬ dmˬ dmˬ-awˇ guiˬ lahˬ shaˇ-euˬ ma.

Gʼaˬkʼehˇ 28:15

Loˇmaˆ meuˬ-ahˇ jawˇ-eu jah-eu tsawˇ haˬ deuˬ nga maꞈ gaˇ kawˆ ya gaˬ-awˇ, Aˬbiˇ-euˬ Lehˆ lehˇ kuˇ-eu meuˬ hawˇ-eu Saˆlaˬ Smˇlaˬ lehˇ kuˇ-eu meuˬ-ahˇ keuˆ ni oe-awˇ, nga maꞈ-ahˇ tahˬ puˬ le-euˬ meh. Aˬ yawꞈ maꞈ-ahˇ Pawˇluˆ ya mawˇ ngeh, nui ma gʼaˬ tiˬ tiˆ paˇ ahˇ laˇ-awˇ, Miˬyehˇ-euˬ guiˬ lahˬ-ahˇ ja ceuˬ-euˬ meh.

Gʼaˬkʼehˇ 8:14

Saˬmaˬliˇ miˇ kʼahˬ-ahˇ jawˇ-eu tsawˇ haˬ deuˬ Miˬyehˇ dawˬ kawˬ-ahˇ ha geuꞈ-euˬ gaˇ kawˆ, Yeˬluˇsaˬlehˬ meuˬ-ahˇ jawˇ-eu gʼaˬ kʼehˇ deuˬ ya gaˬ ngeh, Beˬtuˆluˆ hawˇ-eu Yoˇhaˬ-ahˇ kʼoeˇ gaˇ bi le-euˬ meh.

Lormav 15:24

Nymˬ-mˇ poˆ-aˬ, naw maꞈ jawˇ gaˇ laˇ keuˆ ma lehˇ noeˬ tmˬ taˬ-euˬ ma. Saˬbeˬ miˇ kʼahˬ-ahˇ le ba jawˬ-ehˇ naw maꞈ jawˇ gaˇ laˇ naˬ-awˇ, naw maꞈ nehˬ-ehˇ tiˬ kʼehˬ jawˇ gʼaˬ naˇ, naw maꞈ neh bi caw ba-awˇ Saˬbeˬ miˇ kʼahˬ-ahˇ le ma lehˇ noeˬ taˬ-euˬ ma.

1 Gawˇliˬtu 16:11

Tsawˇ haˬ tiˬ gʼaˬ-iˬ aˬ yawꞈ-ahˇ yaw zeu maˬ baw ni taˬ gʼeh. Ehˇ kʼawꞈ, aˬ yawꞈ ngaˇ jawˇ gaˇ gʼoꞈ keuˆ laˇ nya ni, nui ma saˇ lehˆ ni gaˇ ma doˆ-iˇ nya ni caw ba nehˬ-awˬ. Aˬ yuiꞈ aˬ nyiˇ gaˇ mˇ cawˬ deuˬ nehˬ-ehˇ tiˬ kawˆ loꞈ-ehˇ aˬ yawꞈ gʼoꞈ keuˆ laˇ gaˇ ngaˇ noeˬ tmˬ luꞈ-eu ma.

1 Gawˇliˬtu 16:6

Naw maꞈ nehˬ-ehˇ ngaˇ tiˬ kʼehˬ ya jawˇ-eu duˇ lehˇ noeˬ-euˬ ma. Tsahˬ gaˆ yamˬ tiˬ yamˬ yamˬ lah ni ya jawˇ-eu maˬ siˬ. Kʼoeˇ dzeuˇ naˇ, ngaˇ aˬ geuˬ paw paˇ iˇ-eu maˬ kaˬ, naw maꞈ caw ba nehˬ laꞈ gaˇ noeˬ tmˬ-eu ma.

2 Gawˇliˬtu 1:16

Ngaˇ Yuˇdaˆ miˇ kʼahˬ-ahˇ iˇ ngeh naw maꞈ neh bi caw ba-eu gʼaˇ duˬ, Maˬgeˬdawˇniˆ miˇ kʼahˬ-ahˇ le paw jaw naw maꞈ jawˇ gaˇ uˇ le-awˇ, gʼoꞈ le paw jaw kʼawꞈ naw maꞈ jawˇ gaˇ paˇ uˇ le-eu lehˇ lehˬ hmˬ taˬ-euˬ ma.

Tiˇtuˆ 3:13

Zahˇ dawˬ kʼoꞈ dawˬ siˬ nya dui dui-eu Seˬnaˇ hawˇ-eu Aˬpawˇluˆ aˬ nyaꞈ gaˇ ma doˆ-iˇ nya ni kʼaˇ gʼeh nya-eu loꞈ-ehˇ caw ba nehˬ-awˇ, aˬ yawꞈ nyaꞈ kʼaˇ loˬ-eu jeˬ tiˬ poˆ haw nehˬ-awˬ.