Gʼaˬkʼehˇ 14:4 - Akha

⁴ Meuˬ kʼoeˇ meuˬ-ahˇ jawˇ-eu tsawˇ haˬ deuˬ nyiˬ paˆ paˆ-iˇ-euˬ meh. Tiˬ paˆ na deuˬ Yuˇdaˆ tsawˇ haˬ deuˬ jawˇ paw pyawˬ-awˇ, tiˬ paˆ na deuˬ-aˬ, gʼaˬ kʼehˇ kʼoeˇ nyiˬ gʼaˬ jawˇ paw pyawˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aerkhawf, meuq khoermeuq-anr jawr-eu tsawrhaq armaf deuq nyiq mur pav-ir-euq mae. Tiqpav-aq, Yurdav tsawrhaq jawr-eu paw pyawq-awr, tiqpav-aq, ghaqkhaer deuq jawr-eu paw pyawq-euq mae.

Gʼaˬkʼehˇ 14:4 ပူးပေါင်းရင်းမြစ်များ

Miˇkaˬ 7:6

Aˇ yamˬ heu yamˬ-aˬ, aˬ li deuˬ aˬ da-ahˇ yaw zeu maˬ baw-ehˇ, aˬ buˇ deuˬ yawˬ ha-euˬ aˬ ma-ahˇ dawˬ poˆ poˆ-eu uˬ taꞈ, kuiˬ ma deuˬ boeˇ miˬ aˬ ma nehˬ-ehˇ ceh-eu aˇ yamˬ meh. Yawˬ ha-euˬ nymˇ kʼahˬ zaˬ deuˬ yawˬ ha-ahˇ muiˇ-eu aˇ yamˬ meh.

Luˇkaꞈ 2:34

Aˬ yawꞈ maꞈ-ahˇ Suˇmoˬ dawˬ ngehˬ gʼeh nehˬ-awˇ, aˬ ma gʼaˬ pyeuꞈ-eu Maˬliˇ-ahˇ heu loꞈ-ehˇ ehˇ nehˬ-euˬ meh. “Iˇsaˬleˬlaˆ miˇ kʼahˬ laꞈ kʼoeˇ tsawˇ haˬ gʼawˬ mya ni cawˆ-iˇ-awˇ, tsawˇ haˬ gʼawˬ mya ni ka kʼoꞈ-eu jeˬ-ahˇ za ni, zaˬ nahˬ heu gʼaˬ-ahˇ Miˬyehˇ tseˇ doˆ-euˬ meh. Aˬ yawꞈ-aˬ, aˬ cawˬ ja bu ja doeˇ gaˇ ya daˬ-eu Miˬyehˇ neh bi siˬ bi mawˇ le-euˬ jeˬ pyeuꞈ-awˇ,

Yoˇhaˬ 7:43

Tsawˇ haˬ aˇ maꞈ kʼoeˇ maꞈ, Yeˬsuˇ gaˇ kawˆ tiˬ gʼaˬ tiˬ jeˬ kʼoeˇ loꞈ-ehˇ noeˬ-eu meh.

Gʼaˬkʼehˇ 13:2

Aˬ yawꞈ maꞈ maˬ dzaˬ-eu zahˇ jahˇ-awˇ Sahˬpaˬ Miˬyehˇ-ahˇ uˬ duˬ tahˬ tahˬ-ehˇ jawˇ ngeh, Muiˬ-eu shawˇ-eu Yaw sahˇ Miˬyehˇ aˬ yawꞈ maꞈ-ahˇ ehˇ-eu, “Ngaˬ neh a yawꞈ nyaꞈ-ahˇ bi mˇ-eu lehˇ kuˇ-euˬ gaˇ deuˬ-ahˇ bi mˇ-eu gʼaˇ duˬ, Baˬnaˬbaˇ hawˇ-eu Sawˇluˆ aˬ ha nyaꞈ-ahˇ tseˇ doˆ-awˇ bi jawˇ-awˬ.”

Gʼaˬkʼehˇ 13:45

Tsawˇ haˬ aˇ maꞈ myaˬ dui dui gaˇ Yuˇdaˆ tsawˇ haˬ deuˬ ya mawˇ ngeh, myaˆ naˆ-awˇ, Pawˇluˆ ehˇ gaˇ tsawˇ pyehˇ pyehˇ pyehˇ-ehˇ, Pawˇluˆ-ahˇ yaˬ kʼehˇ yaˬ-euˬ meh.

Gʼaˬkʼehˇ 13:50

Ehˇ kʼawꞈ, meuˬ laꞈ kʼoeˇ aˬ yuiꞈ aˬ tsu geuꞈ luꞈ-eu deuˬ hawˇ-eu, Miˬyehˇ-ahˇ uˬ duˬ tahˬ-eu myaˆ pyawˬ naˇ mehˇ jaˆ-eu aˬ cawˬ tsawˇ jeuˬ zaˬ miˬ zaˬ deuˬ, Pawˇluˆ hawˇ-eu Baˬnaˬbaˇ-ahˇ nui ma pehˇ ni Yuˇdaˆ tsawˇ haˬ deuˬ kawˆ-awˇ, aˬ yawꞈ nyaꞈ-ahˇ bi kʼehˬ-awˇ, miˇ kʼahˬ kʼoeˇ kʼahˬ-ahˇ neh bi teh dzeh-euˬ meh.

Gʼaˬkʼehˇ 14:14

Tsawˇ haˬ kʼoeˇ deuˬ kʼoeˇ loꞈ-ehˇ jahˇ-eu lehˇ gʼeh-eu gaˇ kawˆ, Baˬnaˬbaˇ hawˇ-eu Pawˇluˆ aˬ nyaꞈ ya gaˬ ngeh, aˬ yawꞈ nyaꞈ yawˬ ha dm luꞈ-eu mehˬ tsoeˬ gʼeu pyaˬ-awˇ, heu loꞈ-ehˇ guˇ guˇ-ehˇ tsawˇ haˬ aˇ maꞈ yaw kaˬ-ahˇ coeˬ uˇ gʼeh-euˬ meh.

Gʼaˬkʼehˇ 14:19

Biˇsiˇdiˇ miˇ kʼahˬ Aˬdiˇawˬ meuˬ hawˇ-eu Iˇgawˇniˇ meuˬ-ahˇ jawˇ-eu Yuˇdaˆ tsawˇ haˬ tiˬ deuˬ laˇ-awˇ, tsawˇ haˬ aˇ maꞈ-ahˇ aˬ yawꞈ maꞈ jawˇ paw pyawˬ ni mehˇ shuiˇ shuiˇ tawˆ-awˇ, Pawˇluˆ-ahˇ kʼaˬ lo biˬ-awˇ, shiˇ-euˬ ngaˇ lehˇ noeˬ-awˇ, meuˬ laꞈ nyiˇ gʼeu dzeh ha-iˇ-euˬ meh.

Gʼaˬkʼehˇ 14:2

Ehˇ kʼawꞈ, maˬ jah-eu Yuˇdaˆ tsawˇ haˬ deuˬ-aˬ, aˬ cawˬ tsawˇ jeuˬ-ahˇ kawˆ-awˇ, jah-eu tsawˇ haˬ deuˬ-ahˇ muiˇ laˇ ni jahˇ-euˬ meh.

Gʼaˬkʼehˇ 14:5

Kʼoeˇ naˇ, aˬ cawˬ tsawˇ jeuˬ tiˬ paˆ na deuˬ hawˇ-eu Yuˇdaˆ tsawˇ haˬ tiˬ paˆ na deuˬ-aˬ, aˬ yawꞈ maꞈ-euˬ aˬ yuiꞈ aˬ tsu deuˬ nehˬ-ehˇ gm leˇ-awˇ, gʼaˬ kʼehˇ kʼoeˇ nyiˬ gʼaˬ-ahˇ yehˬ bawˬ sehˇ lu-ehˇ jahˇ nehˬ-awˇ kʼaˬ lo biˬ-eu lehˇ gʼeh-eu meh.

Gʼaˬkʼehˇ 19:9

Ehˇ kʼawꞈ, tiˬ paˆ na deuˬ nui ma gʼahˇ-eu laꞈ kʼoeˇ maˬ jah ni jawˇ-awˇ, aˬ cawˬ-euˬ mehˬ shi Sahˬpaˬ Yeˬsuˇ-euˬ Gaˇma-ahˇ ja bu ja doeˇ-euˬ meh. Kʼoeˇ miˇ neh, Pawˇluˆ jah-eu tsawˇ haˬ deuˬ-ahˇ sheuˬ-awˇ aˬ yawꞈ maꞈ jawˇ gaˇ neh iˇ doˆ-euˬ meh. Kʼoeˇ naˇ, Duˇlaˬnmˇ hawˇ nymˇ laꞈ kʼoeˇ, yawˬ nah na luꞈ Miˬyehˇ dawˬ kawˬ ja sawˇ mehˬ nehˬ-euˬ meh.

Gʼaˬkʼehˇ 28:24

Tiˬ paˆ na deuˬ aˬ yawꞈ mehˬ gaˇ jah laˇ-euˬ meh. Ehˇ kʼawꞈ, tiˬ paˆ na deuˬ maˬ jah-a.

1 Gawˇliˬtu 9:5

Gʼaˬ kʼehˇ nui deuˬ pyeuꞈ-eu Sahˬpaˬ Yeˬsuˇ-euˬ mehˇ nmˇ deuˬ hawˇ-eu Beˬtuˆluˆ maꞈ loꞈ-ehˇ, ngaˇ gʼeh Ka li-ahˇ jah-eu miˬ zaˬ tiˬ gʼaˬ sheuˬ-awˇ cah-eu aˬ kawˬ-aˬ maˬ jaˆ ta loˇ.

1 Teˇsaˬloˇni 2:14

Nga maꞈ-euˬ aˬ yuiꞈ aˬ nyiˇ Ka li zaˬ deuˬ-oˇ, Yuˇdaˆ miˇkʼahˬ laꞈ kʼoeˇ jawˇ-eu Ka li zaˬ aˇ muˇ deuˬ hawˇ-eu kʼoeˇ gaˇ jawˇ-eu Yeˬsuˇ Ka li-euˬ tsawˇ haˬ deuˬ koeˇ taˆ keuˆ le-euˬ jeˬ, nymˬ-mˇ naw maꞈ kʼoeˇ taˆ keuˆ le-euˬ meh. Yuˇdaˆ tsawˇ haˬ deuˬ neh kʼehˬ nehˬ kʼaˆ nehˬ-euˬ jeˬ-ahˇ aˬ yawꞈ maꞈ ya daˬ-euˬ loꞈ-ehˇ, naw maꞈ kʼawꞈ, yawˬ ha nehˬ-ehˇ tiˬ kʼahˬ-ahˇ jawˇ luꞈ-eu tsawˇ haˬ deuˬ neh kʼehˬ nehˬ kʼaˆ nehˬ-euˬ jeˬ-ahˇ ya daˬ-euˬ meh.