Gʼaˬkʼehˇ 14:27 - Akha

²⁷ Aˬ yawꞈ nyaꞈ Aˬdiˇawˬ meuˬ-ahˇ gʼoꞈ keuˆ le ngeh, Ka li zaˬ aˇ muˇ laꞈ kʼoeˇ jawˇ-eu tsawˇ haˬ deuˬ-ahˇ kuˇ uiˬ-awˇ, aˬ yawꞈ nyaꞈ nehˬ-ehˇ Miˬyehˇ neh kʼaˇ mˇ kʼaˇ shaˇ-euˬ gaˇ kawˆ hawˇ-eu, aˬ cawˬ tsawˇ jeuˬ deuˬ jah-eu tsawˇ haˬ pyeuꞈ laˇ ni Miˬyehˇ gaˇ ma aˬ joˆ-ehˇ pah nehˬ laꞈ-euˬ gaˇ kawˆ dzawˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Aqyawfnyaf ghofkeuvle ngae, Kalizaq armur-anr tiqgar kuruiq-awr, Miqyaer, aqyawf nyaf-anr ghoe-awr kharmr kharshar-euq garkawv hawr-eu, aqcawq tsawrjeuq tsawrca, Kali-anr janlarni Miqyaer larghov aqjox-aer pannaeq-euq garkawv, aqyawf maf-anr dzawrnaeq-euq mae.

Gʼaˬkʼehˇ 14:27 ပူးပေါင်းရင်းမြစ်များ

Yoˇhaˬ 9:10

Aˬ yawꞈ maꞈ aˬ yawꞈ-ahˇ ehˇ-eu, “Nawˇ aˬ joˆ-ehˇ jahˇ-awˇ myaˆ nuiˆ paˇ mawˇ laˇ teˬ.”

Gʼaˬkʼehˇ 11:18

Kʼoeˇ loꞈ-ehˇ dzawˇ mehˬ nehˬ gaˇ aˬ yawꞈ maꞈ ya gaˬ ngeh, Beˬtuˆluˆ-ahˇ iˬ baˇ maˬ taˬ ni byehˇ-awˇ, heu loꞈ-ehˇ ehˇ-eu meh. “Miˬyehˇ-aˬ, Yuˇdaˆ tsawˇ haˬ maˬ ngeuˇ-eu aˬ cawˬ tsawˇ jeuˬ deuˬ-ahˇ kʼawꞈ, iˬ baˇ noeˬ poˆ-awˇ dehꞈ nya ni aˬ kawˬ-aˬ biꞈ-euˬ nga.”

Gʼaˬkʼehˇ 15:12

Baˬnaˬbaˇ hawˇ-eu Pawˇluˆ aˬ nyaꞈ, Miˬyehˇ neh aˬ yawꞈ nyaꞈ-ahˇ gʼoe-awˇ aˬ cawˬ tsawˇ jeuˬ-euˬ mehˬ shi mˇ mehˬ-euˬ zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ gaˇ kawˆ dzawˇ mehˬ ngeh, uiˬ laˇ taˬ-euˬ tsawˇ haˬ dawˬ tawˆ luꞈ ciˬ cuˇ ni jawˇ-awˇ naˇ haˬ-euˬ meh.

Lormav 15:18

Yuˇdaˆ tsawˇ haˬ maˬ ngeuˇ-eu deuˬ Miˬyehˇ-euˬ ehˇ dawˬ naˇ haˬ laˇ ni sheuˬ gʼeh-eu gʼaˇ duˬ, Ka li neh ngaˬ-ahˇ gʼoe-awˇ mˇ taˬ-euˬ gaˇ kawˆ heu-ahˇ tehꞈ-ehˇ kʼaˬ duˬ ni ngehˬ-eu tmˇ-eu ma. Aˬ yawꞈ kʼoeˇ loꞈ-ehˇ mˇ-euˬ kʼoeˇ-aˬ, ngehˬ-eu hawˇ-eu mˇ-eu nyiˬ jeˬ luꞈ-ahˇ gʼoe-awˇ mˇ-euˬ meh.

1 Gawˇliˬtu 11:18

Yaw beh tiˬ jeˬ ya ehˇ naˇ, naw maꞈ maˬ tsaˬ leˇ-ehˇ aˇ muˇ muˇ paˆ-euˬ gaˇ kawˆ ngaˇ ya gaˬ taˬ-euˬ ma. Ngaˬ neh kʼaˇ ya gaˬ-euˬ loꞈ-ehˇ tiˬ paˆ paˆ tsaˬ-eu duˇ lehˇ ngaˇ jah-eu ma.

1 Gawˇliˬtu 14:23

Ka li zaˬ aˇ muˇ muˇ lah-ehˇ uiˬ leˇ bymˇ leˇ-awˇ yawˬ gʼaˬ na luꞈ dawˬ gʼawˬ mya jeˬ ngehˬ ngehˬ-ehˇ lawꞈ gʼa luꞈ ngeh, maˬ siˬ nya-eu tsawˇ haˬ hawˇ-eu ka li-ahˇ maˬ jah-eu tsawˇ haˬ uˇ laˇ zaˬ naˇ, naw maꞈ tsawˇ uˬ uˬ-iˇ jiˇ-euˬ ngaˇ lehˇ maˬ ehˇ-aˇ loˇ.

1 Gawˇliˬtu 15:10

Ehˇ kʼawꞈ, Miˬyehˇ-euˬ guiˬ lahˬ baˬ da neh iˬ nah ngaˇ heu loꞈ-ehˇ ya pyeuꞈ laˇ-awˇ, aˬ yawꞈ neh ngaˬ-ahˇ biꞈ leꞈ-euˬ guiˬ lahˬ-aˬ, yawꞈ ngehꞈ maˬ ngeuˇ-a. Ehˇ kʼawꞈ, gʼaˬ kʼehˇ nui deuˬ naˆ maˬ tseˇ ngaˇ gaˇ mˇ-eu leh jeh dzehˬ-euˬ ma. Kʼoeˇ loꞈ-ehˇ mˇ-eu kʼoeˇ-aˬ, yawˬ haˇ yawˬ ha mˇ-eu maˬ ngeuˇ. Miˬyehˇ-euˬ guiˬ lahˬ ngaˬ nehˬ-ehˇ mˇ luꞈ-eu meh.

1 Gawˇliˬtu 16:9

Heu gaˇ tsawˇ haˬ gʼawˬ mya ni ngaˬ-ahˇ laˆ tsoeˬ-eu jaˆ kʼawꞈ, gaˇ dahˇ tsoeˬ-eu huiˬ-eu gaˇ deuˬ mˇ-eu gʼaˇ duˬ aˇ yamˬ yaw muiˬ meh.

2 Gawˇliˬtu 2:12

Ka li gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-eu lehˇ Daˬloˇ meuˬ-ahˇ ngaˇ laˇ keuˆ ngeh, kʼoeˇ gaˇ gaˇ mˇ nya ni Sahˬpaˬ Yeˬsuˇ ngaˬ-ahˇ gaˇ ma pah nehˬ laꞈ taˬ-euˬ gaˇ ya mawˇ-euˬ ma.

Gawˇlawˇsehˇ 4:3

Ka li-euˬ gaˇ kawˆ zaꞈ taˬ-euˬ jeˬ-ahˇ taꞈ-eu Miˬyehˇ dawˬ kawˬ nga maꞈ mehˬ ngeh, laˆ tsoeˬ-eu jeˬ maˬ jaˆ-ehˇ ya mehˬ ni Miˬyehˇ caw ba nehˬ laꞈ-eu gʼaˇ duˬ noeˬ keuˆ-awˇ guiˬ lahˬ shaˇ nehˬ laꞈ-awˬ. Aˬ jeˬ miˇ neh ehˇ naˇ, ngaˇ Miˬyehˇ dawˬ kawˬ mehˬ-euˬ miˇ neh nymˬ-mˇ tawˬ-ahˇ ya uˇ luꞈ-eu ma.