Gʼaˬkʼehˇ 14:18 - Akha

¹⁸ Aˬ yawꞈ nyaꞈ kʼoeˇ naˆ ni ehˇ keuˆ-awˇ, aˬ yawꞈ maꞈ neh aˬ yawꞈ nyaꞈ-ahˇ maˬ bi lawˇ-eu gʼaˇ duˬ maˬ gʼaˬ maˬ na-ehˇ ja gʼaˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Aqyawfnyaf khoerlof-aer aer-awr nae mirtsa, aqyawf nyaf-anr lawrnaeq-eu laer ghae-eu tsawrhaq armaf-anr, maqghaq maqnav-aer lavnaq nya-euq mae.

Gʼaˬkʼehˇ 14:18 ပူးပေါင်းရင်းမြစ်များ

Aˇ dahˬ 11:6

Sahˬpaˬ Miˬyehˇ ehˇ-eu, “Haw sheˇ. Tsawˇ haˬ heu deuˬ tsawˇ jeuˬ tiˬ jeuˬ tehꞈ-ehˇ pyeuꞈ-awˇ, dawˬ tiˬ jeˬ tehꞈ-ehˇ ngehˬ-eu miˇ neh, heu loꞈ-ehˇ mˇ doˆ nya-eu nga. Heu-aˬ, aˇ dahˬ beh-eu tehꞈ nga siˬ. Gʼawˬ myahˇ maˬ gʼeh-ehˇ aˬ yawꞈ maꞈ kʼaˇ mˇ mawꞈ-eu jeˬ mˇ nya-eu aˇ tiˆ keuˆ laˇ-eu nga.

Aˇ dahˬ 19:9

Ehˇ kʼawꞈ, aˬ yawꞈ maꞈ heu loꞈ-ehˇ paˇ ehˇ-eu meh. “Cehˆ yawˬ-awˬ. Teu gaˇ taˬ jawˇ tsoeˬ. Nawˇ boeˇ miˬ siˬ kʼaˬ nawˇ. Nga maꞈ-ahˇ, heu loꞈ-ehˇ jahˇ-awˬ, kʼoeˇ loꞈ-ehˇ jahˇ-awˬ lehˇ mehˬ nehˬ laꞈ paˬ-ehˇ, nawˇ aˬ suˇ gʼaˬ te. Heu gaˇ cehˆ jawˇ le-euˬ daˬ yah maˬ ngeuˇ te loˇ. Cehˆ yawˬ-awˬ. Maˬ cehˆ yawˬ-eu jeˬ maˇ-iˬ, kʼoeˇ nyiˬ gʼaˬ-ahˇ naˆ maˬ tseˇ nawˬ-ahˇ jahˇ nehˬ nyaˇ.” Aˬ yawꞈ maꞈ Lawˇtaˬ-ahˇ dehˬ dzeh-awˇ laˇ gʼoˆ ngawˬ pyaˆ-eu lehˇ leh jeh-eu meh.

Maꞈtehˬ 13:15

Nui ma aˬ dzawˬ dzawˬ-iˇ jiˇ-awˇ, naˬ bawˇ paꞈ tsoeˬ tsoeˬ taˬ jiˇ-awˇ, myaˆ nuiˆ miˆ tehˬ jiˇ taˬ-euˬ meh. Kʼoeˇ loꞈ-ehˇ maˬ ngeuˇ law nmˇ-aˬ, myaˆ nuiˆ-ahˇ mawˇ leˇ-awˇ, naˬ bawˇ-ahˇ gaˬ leˇ-awˇ, noeˬ siˬ noeˬ mawˇ nya-awˇ, naˇ gawˇ bi laˆ saˆ-eu gʼaˇ duˬ, ngaˇ jawˇ paw ciˬ pyawˇ tehꞈ-a lehˇ, Miˬyehˇ ehˇ luꞈ-eu meh.’

Yoˇhaˬ 6:15

Aˬ yawꞈ maꞈ aˬ yawꞈ-ahˇ nyehꞈ-awˇ, sahˬ paˬ maˬ geuꞈ-ehˇ maˬ juˬ ni jahˇ tehꞈ-a lehˇ Yeˬsuˇ siˬ duˬ taˬ-euˬ miˇ neh, gawˬ duˇ paw paˇ le daˆ leꞈ-euˬ meh.

Gʼaˬkʼehˇ 14:17

Ehˇ kʼawꞈ, aˬ yawꞈ neh mˇ-euˬ yaw muiˬ jeˬ laꞈ kʼoeˇ, aˬ yawꞈ dehꞈ luꞈ jawˇ luꞈ-eu gaˇ kawˆ aˬ myah luꞈ bi siˬ bi mawˇ-euˬ meh. Aˬ yawꞈ naw maꞈ-ahˇ mˬ kʼoeˇ taˆ neh uˬ yehˇ bi yehˇ le-awˇ, aˇ yamˬ tsaˬ ngeh dzaˬ la gʼo cehˇ bi keuˆ le-euˬ meh. Naw maꞈ-ahˇ dzaˬ dzaˬ dawˇ dawˇ biꞈ-awˇ, naw maꞈ-euˬ nui ma laꞈ kʼoeˇ laˬ kʼaˬ cehˇ-eu jeˬ bi byah laˇ-euˬ meh.”

Gʼaˬkʼehˇ 14:19

Biˇsiˇdiˇ miˇ kʼahˬ Aˬdiˇawˬ meuˬ hawˇ-eu Iˇgawˇniˇ meuˬ-ahˇ jawˇ-eu Yuˇdaˆ tsawˇ haˬ tiˬ deuˬ laˇ-awˇ, tsawˇ haˬ aˇ maꞈ-ahˇ aˬ yawꞈ maꞈ jawˇ paw pyawˬ ni mehˇ shuiˇ shuiˇ tawˆ-awˇ, Pawˇluˆ-ahˇ kʼaˬ lo biˬ-awˇ, shiˇ-euˬ ngaˇ lehˇ noeˬ-awˇ, meuˬ laꞈ nyiˇ gʼeu dzeh ha-iˇ-euˬ meh.