Gʼaˬkʼehˇ 14:14 - Akha

¹⁴ Tsawˇ haˬ kʼoeˇ deuˬ kʼoeˇ loꞈ-ehˇ jahˇ-eu lehˇ gʼeh-eu gaˇ kawˆ, Baˬnaˬbaˇ hawˇ-eu Pawˇluˆ aˬ nyaꞈ ya gaˬ ngeh, aˬ yawꞈ nyaꞈ yawˬ ha dm luꞈ-eu mehˬ tsoeˬ gʼeu pyaˬ-awˇ, heu loꞈ-ehˇ guˇ guˇ-ehˇ tsawˇ haˬ aˇ maꞈ yaw kaˬ-ahˇ coeˬ uˇ gʼeh-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Aerkhawf, ghaqkhaer Baqnaqbar hawr-eu Pawrluv garkawv khoer-anr yagaq ngae, paerkhanq gheupyaq-awr, tsawrhaq armaf mafma-euq ghanrcae caevur ghae-awr gurgur-aer,

Gʼaˬkʼehˇ 14:14 ပူးပေါင်းရင်းမြစ်များ

2 Sahˬpaˬ 18:37

Kʼoeˇ naˇ, Eˇliˇkmˬ, Sheˬbaˬnaˬ, Yoˇaˬ, aˬ ha smˇ gʼaˬ noeˬ shaˬ dui dui-eu laꞈ kʼoeˇ, aˬ yawꞈ maꞈ dm luꞈ-eu mehˬ tsoeˬ cehˬ pyaˬ-awˇ Aˬshuˇliˆ tsawˇ haˬ yaw huiˬ yaw mahˇ kʼoeˇ gʼaˬ neh ehˇ-euˬ dawˬ deuˬ, sahˬ paˬ Heˬsaˬgiˇ-ahˇ tsaꞈ gaˬ leˇ-euˬ meh.

2 Sahˬpaˬ 5:7

Sahˬ boꞈ kʼoeˇ taꞈ-ahˇ Iˇsaˬleˬlaˆ sahˬ paˬ gui gʼaˬ ngeh, aˬ yawꞈ dm luꞈ-eu mehˬ tsoeˬ cehˬ pyaˬ-awˇ ehˇ-eu, “Tsawˇ haˬ heu gʼaˬ-euˬ naˇ gawˇ laˆ saˆ taˬ nehˬ-awˬ lehˇ, Suˇliˆ sahˬ paˬ ngaˬ-ahˇ aˬ joˆ-ehˇ ehˇ nya-eu nga. Ngaˇ-aˬ, tsawˇ haˬ-ahˇ laˆ dehꞈ laˆ shiˇ nya-eu baoˬ ahˇ-eu miˬyehˇ nga lehˇ aˬ yawꞈ noeˬ ta loˇ. Aˬ yawꞈ ngaˬ-ahˇ nui ma laˆ pehˇ-awˇ, ceh dzaˬ-eu gaˇ ma poˆ-eu lehˇ gʼeh-eu ngaˇ.”

Yeˬlaˬmiˇ 36:24

Sahˬ boꞈ paˇ yoˆ kʼoeˇ yoˆ gui mehˬ nehˬ gaˇ ya gaˬ-euˬ kʼawꞈ, sahˬ paˬ hawˇ-eu aˬ yawꞈ-euˬ yaw huiˬ yaw mahˇ kʼoeˇ deuˬ, tiˬ gʼaˬ-iˬ guˆ gaˇ maˬ duˇ-a.

Bawˇtsahˬ 14:6

Kʼoeˬ sho haw leˇ-euˬ tsawˇ haˬ deuˬ laꞈ kʼoeˇ, Nuˬ-euˬ aˬ li Yawˇshuˆ hawˇ-eu Yeˬpuˬnehˇ-euˬ aˬ li Gaˬlehˆ aˬ nyaꞈ nui ma cawˆ dui dui-eu laꞈ kʼoeˇ, mehˬ tsoeˬ cehˬ pyaˬ-awˇ,

Maꞈtehˬ 26:65

Dawˬ kʼoeˇ dawˬ-ahˇ ya gaˬ ngeh, Piˇ ma Yaw huiˬ gʼaˬ yawˬ ha dm luꞈ-eu mehˬ tsoeˬ gʼeu pyaˬ-awˇ ehˇ-eu, “Tsawˇ haˬ heu gʼaˬ Miˬyehˇ-ahˇ yehˬ bawˬ sehˇ lu-ehˇ ehˇ-euˬ meh. Saˇ kiˇ yawˬ jeˬ yawˬ maˬ paˇ loˬ meh. Aˬ yawꞈ Miˬyehˇ-euˬ tsawˇ myahˇ-ahˇ yehˬ bawˬ sehˇ lu-ehˇ ehˇ-euˬ naw maꞈ ya gaˬ-euˬ meh.

Maˬkuˆ 14:63

Kʼoeˇ ngeh poˆ jawˇ, Piˇ ma Yaw huiˬ gʼaˬ yawˬ ha-euˬ pehˇ kʼahˬ pehˇ mahˇ gʼeu paˆ-awˇ ehˇ-eu, “Aˬ dui saˇ kiˇ yawˬ-awˇ yawˬ maˬ paˇ loˬ meh.

Gʼaˬkʼehˇ 14:4

Meuˬ kʼoeˇ meuˬ-ahˇ jawˇ-eu tsawˇ haˬ deuˬ nyiˬ paˆ paˆ-iˇ-euˬ meh. Tiˬ paˆ na deuˬ Yuˇdaˆ tsawˇ haˬ deuˬ jawˇ paw pyawˬ-awˇ, tiˬ paˆ na deuˬ-aˬ, gʼaˬ kʼehˇ kʼoeˇ nyiˬ gʼaˬ jawˇ paw pyawˬ-euˬ meh.

1 Gawˇliˬtu 9:1

Ngaˇ yawˬ ha mˇ mawꞈ-eu jeˬ maˬ mˇ nya ni bi ka lahˇ taˬ-euˬ tsawˇ haˬ nga loˇ. Gʼaˬ kʼehˇ geuꞈ luꞈ-eu tsawˇ haˬ maˬ ngeuˇ nga loˇ. Aˬ dui-euˬ Sahˬpaˬ Yeˬsuˇ-ahˇ ya mawˇ-euˬ tsawˇ haˬ maˬ ngeuˇ nga loˇ. Naw maꞈ-aˬ, Sahˬpaˬ Miˬyehˇ-euˬ gaˇ-ahˇ ngaˬ neh mˇ-awˇ mˇ doˆ shaˇ doˆ taˬ-euˬ aˇ siˬ aˇ lu deuˬ maˬ ngeuˇ te loˇ.