Gʼaˬkʼehˇ 13:49 - Akha

⁴⁹ Miˇ kʼahˬ kʼoeˇ kʼahˬ-ahˇ Sahˬpaˬ Miˬyehˇ-euˬ dawˬ yawˬ gaˇ na luꞈ gaˬ doe-iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁹ Khoermirnae, Sanqpaq Miqyaer-euq dawq, mircoer khoercoer-anr gaqdoe-ir-euq mae.

Gʼaˬkʼehˇ 13:49 ပူးပေါင်းရင်းမြစ်များ

Maꞈtehˬ 9:31

Ehˇ kʼawꞈ, aˬ yawꞈ nyaꞈ gʼoꞈ-iˇ-awˇ, Yeˬsuˇ neh mˇ-euˬ gaˇ kawˆ kʼoeˇ miˇ kʼahˬ kʼoeˇ coeˇ coeˇ lah ni ja byah jiˇ-euˬ meh.

Gʼaˬkʼehˇ 12:24

Kʼoeˇ ngeh, Miˬyehˇ-euˬ dawˬ kawˬ-aˬ, tiˬ gaˇ saˇ-iˬ tiˬ gaˇ gaˬ byah-iˇ luꞈ-eu meh.

Gʼaˬkʼehˇ 13:12

Kʼoeˇ loꞈ-ehˇ pyeuꞈ laˇ-euˬ gaˇ sahˬ paˬ kʼoeˇ gʼaˬ ya mawˇ ngeh, Miˬyehˇ-ahˇ jah laˇ-euˬ meh. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ gaˇ kawˆ mehˬ nehˬ tsoˆ nehˬ gaˇ aˬ yawꞈ zahˬ dui dui leˇ-euˬ meh.

Gʼaˬkʼehˇ 19:10

Nyiˬ kʼoꞈ byah ni aˬ yawꞈ kʼoeˇ loꞈ-ehˇ mˇ daˆ leꞈ-euˬ miˇ neh, Aˬshaˆ miˇ kʼahˬ-ahˇ jawˇ-eu tsawˇ haˬ dawˬ tawˆ luꞈ, Yuˇdaˆ tsawˇ haˬ maˬ ehˇ, aˬ cawˬ tsawˇ jeuˬ deuˬ maˬ ehˇ, Sahˬpaˬ Yeˬsuˇ-euˬ dawˬ ya gaˬ-euˬ meh.

Gʼaˬkʼehˇ 19:26

Nymˬ-mˇ, Pawˇluˆ lehˇ kuˇ-eu tsawˇ haˬ kʼoeˇ gʼaˬ aˬ jeˬ ehˇ luꞈ-eu gaˇ kawˆ naw maꞈ ya siˬ ya mawˇ luꞈ meh. Tsawˇ haˬ zaˬ-euˬ aˬ laꞈ neh jahˇ-euˬ miˬ yehˇ-aˬ, miˬ yehˇ maˬ ngeuˇ-a lehˇ ehˇ ehˇ-ehˇ, Eˇpeˇsu meuˬ heu meuˬ laꞈ kʼoeˇ tehꞈ-ehˇ maˬ ngeuˇ-ehˇ, Aˬshaˆ miˇ kʼahˬ kʼahˬ lah ni ehˇ gʼaˬ ni tsawˇ haˬ gʼawˬ mya ni nui ma paˇ laˇ ni aˬ yawꞈ neh laˆ jah jiˇ taˬ-euˬ meh.

Gʼaˬkʼehˇ 6:7

Kʼoeˇ loꞈ-ehˇ jahˇ-eu laꞈ kʼoeˇ, Miˬyehˇ-euˬ dawˬ kawˬ mehˬ hu paw maˬ naˬ leˇ ni gaˬ doe-iˇ luꞈ-eu meh. Yeˬluˇsaˬlehˬ meuˬ laꞈ kʼoeˇ zaˬ lahˇ deuˬ tiˬ jawˇ saˇ-iˬ tiˬ jawˇ myaˬ laˇ luꞈ-awˇ, piˇ ma gʼawˬ mya gʼaˬ jah-eu tsawˇ haˬ pyeuꞈ laˇ-euˬ meh.

Gʼaˬkʼehˇ 9:42

Gaˇ kawˆ kʼoeˇ Yuˇbeˬ meuˬ meuˬ lah-ehˇ gaˬ doe-iˇ-awˇ, tsawˇ haˬ gʼawˬ mya ni Sahˬpaˬ Yeˬsuˇ-ahˇ jah laˇ-euˬ mehl.