Gʼaˬkʼehˇ 13:39 - Akha

³⁹ Moˇseˬ-euˬ Zahˇ dawˬ kʼoꞈ dawˬ neh maˬ bi buˬ-iˇ nya-eu yawˬ jeˬ na luꞈ laꞈ kʼoeˇ, jah-eu tsawˇ haˬ deuˬ Yeˬsuˇ baˬ da neh buˬ-iˇ nya meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁹ Tsawrhaq heughaq-anr kharjan-eu tsawrhaq yawqghaq navluf, Morseq-euq zanrdawq nae maq mrshawr nya-eu iqbax yawqjeq navluf-anr khawf, mrshawr nya-eu mae.

Gʼaˬkʼehˇ 13:39 ပူးပေါင်းရင်းမြစ်များ

Yawˇbaˆ 25:4

Miˬyehˇ mehˬ shi yaw tsaˬ yaw dawˇ aˬ geu gʼaˬ jawˇ ta.

Yawˇbaˆ 9:20

Ngaˇ-aˬ, iˬ baˇ maˬ mˇ-ehˇ saˇ jaˇ ziꞈ-eu tsawˇ haˬ pyeuꞈ kʼawꞈ, ngaˬ-euˬ dawˬ bahˬ leˇ-euˬ meh. Ngaˇ kʼaˇ ngehˬ kʼaˇ tmˇ-eu yawˬ jeˬ na luꞈ ngaˬ-euˬ kʼoeˇ taˆ yaw lehˬ yaw ca bi keuˆ le gaˇ duˇ-eu meh.

Jaceuq 143:2

Nawˬ-euˬ zaˬ kʼaˆ pyeuꞈ-eu ngaˬ-ahˇ, yaˇ kʼaˬ taˬ daˇ nehˬ laꞈ. Nawˬ-euˬ mehˬ shi yaw tsaˬ yaw dawˇ tiˬ gʼaˬ-iˬ maˬ jawˇ-a.

Iˇsaˬyaˇ 53:11

Shaˬ-eu zahˬ-euˬ jeˬ-ahˇ aˬ yawꞈ dehꞈ dzeuˇ gʼaˬ ngeh, nui saˇ oꞈ-eu laꞈ kʼoeˇ paˇ ya dehꞈ-awˇ, shaˬ-eu zahˬ-eu jeˬ-ahˇ ya daˬ-euˬ kʼoeˇ, yawˬ ngehꞈ maˬ ngeuˇ-a lehˇ ya siˬ tehꞈ-a. Ngaˇ nui kʼahˇ shiˇ-eu ngaˬ-euˬ zaˬ kʼaˆ-aˬ, tsawˇ haˬ gʼawˬ mya gʼaˇ duˬ kʼehˬ-eu kʼaˆ-eu jeˬ-ahˇ daˬ-awˇ, aˬ yawꞈ baˬ da neh tsawˇ haˬ kʼoeˇ deuˬ-ahˇ ngaˇ iˬ baˇ pyehˬ ma.

Yeˬlaˬmiˇ 31:32

Dawˬ ma saˇ jaˇ yaw shuiꞈ heu-aˬ, aˬ yawꞈ maꞈ-euˬ aˬ poeˬ aˬ bawˇ deuˬ-ahˇ, Iˇjiˇtuˆ miˇ kʼahˬ laꞈ kʼoeˇ shaˬ luꞈ gaˇ, ngaˬ neh aˬ laꞈ-ahˇ tuˆ tehˬ-awˇ tsahˇ doˆ nehˬ ngeh, aˬ yawꞈ maꞈ nehˬ-ehˇ ngaˇ dzaˬ-euˬ dawˬ ma saˇ jaˇ yaw oeˇ-ahˇ maˬ duˇ-a. Ngaˇ-aˬ, aˬ yawꞈ maꞈ-euˬ kʼaˬ dzeˇ zaˬ-ahˇ duˇ kʼawꞈ, dawˬ ma saˇ jaˇ kʼoeˇ hmˬ-ahˇ aˬ yawꞈ maꞈ maˬ ziꞈ-a.

Haˬbaˬkuˆ 2:4

Gaˇ kawˆ kʼoeˇ-aˬ, heu loꞈ-ehˇ meh. Miˬyehˇ-ahˇ saˇ jaˇ maˬ puiˬ-eu, yaw tsaˬ yaw dawˇ deuˬ ya dehꞈ-awˇ, yaw haiˬ deuˬ maˬ dzeuˇ-iˇ nya-a.”

Luˇkaꞈ 10:25

Kʼoeˇ naˇ, Zahˇ dawˬ kʼoꞈ dawˬ mehˬ-eu saˬ laˬ tiˬ gʼaˬ tuˇ laˇ-awˇ, aˬ yawꞈ-ahˇ lawˬ haw mawꞈ-eu miˇ neh, heu loꞈ-ehˇ ehˬ-eu meh. “Saˬ laˬ-oˇ, mˬ maˬ maˬ byaˆ zaˇ ziˇ dehꞈ-eu jeˬ-ahˇ za nya ni, ngaˇ aˬ jeˬ ya mˇ ta.”

Luˇkaꞈ 10:28

Yeˬsuˇ ehˇ-eu, “Nawˇ ehˇ-eu tsaˬ meh. Kʼoeˇ loꞈ-ehˇ mˇ-awˬ. Mˬ maˬ maˬ byaˆ zaˇ ziˇ dehꞈ-eu jeˬ-ahˇ nawˇ za tehꞈ-a.”

Luˇkaꞈ 18:14

Ngaˇ naw maꞈ-ahˇ ehˇ nehˬ nyaˇ. Kawˬ taꞈ-eu tsawˇ haˬ kʼoeˇ gʼaˬ gʼoꞈ ka-iˇ ngeh, Paˬliˬsehˇ kʼoeˇ gʼaˬ naˆ maˬ tseˇ Miˬyehˇ mehˬ shi guiˬ lahˬ za dzehˬ-awˇ, tsaˬ dzehˬ dawˇ dzehˬ-eu tsawˇ haˬ pyeuꞈ laˇ-euˬ meh. Aˬ jeˬ miˇ neh ehˇ naˇ, yawˬ haˇ yawˬ ha taˬ huiˬ-eu tsawˇ haˬ-aˬ, taˬ nyiˇ gaˇ ya daˬ-awˇ, yawˬ haˇ yawˬ ha taˬ nyiˇ-eu tsawˇ haˬ-aˬ, aˬ cawˬ taˬ huiˬ nehˬ-eu jeˬ-ahˇ za tehꞈ-a.”

Yoˇhaˬ 1:17

Miˬyehˇ aˬ dui-ahˇ Zahˇ dawˬ kʼoꞈ dawˬ biꞈ laꞈ ngeh, Moˇseˬ-ahˇ gʼoe-awˇ biꞈ laꞈ-euˬ meh. Ehˇ kʼawꞈ, Miˬyehˇ aˬ dui-ahˇ gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ pah mehˬ laꞈ ngeh, Yeˬsuˇ-ahˇ gʼoe-awˇ pah mehˬ laꞈ-euˬ meh.

Yoˇhaˬ 5:24

“Ngaˇ naw maꞈ-ahˇ maˇ jawˆ ni ehˇ-eu ma. Ngaˬ-euˬ dawˬ ya gaˬ-awˇ, ngaˬ-ahˇ kʼehˇ gʼeh leꞈ-euˬ gʼaˬ-ahˇ kʼaˇ jah-eu tsawˇ haˬ-aˬ, mˬ maˬ maˬ byaˆ zaˇ ziˇ dehꞈ-eu jeˬ za meh. Miˬyehˇ neh yaˇ kʼaˬ daˇ nehˬ gaˇ maˬ ya daˬ-eu uˬ taꞈ, shiˇ-eu jeˬ-ahˇ neh dehꞈ-eu jeˬ-ahˇ tsehˆ doˆ dzeuˇ-euˬ meh.

Gʼaˬkʼehˇ 10:43

Aˬ yawꞈ-ahˇ kʼaˇ jah-eu tsawˇ haˬ dawˬ tawˆ luꞈ, aˬ yawꞈ tsawˇ myahˇ-euˬ baoˬ baˬ da neh iˬ baˇ pyehˬ-eu jeˬ-ahˇ za-eu gaˇ kawˆ, Miˬyehˇ gʼaˇ duˬ ngehˬ dah-eu tsawˇ haˬ dawˬ tawˆ luꞈ saˇ kiˇ kamˬ taˬ-euˬ jaˆ-eu meh.”

Lormav 10:10

Aˬ jeˬ miˇ neh ehˇ naˇ, aˬ dui jah-eu miˇ neh Miˬyehˇ-ahˇ tsaˬ leˇ tsahˇ leˇ-awˇ, aˬ dui saˇ kiˇ kamˬ-euˬ miˇ neh ka kʼoꞈ eu jeˬ za-euˬ ma.

Lormav 10:4

Jah-eu tsawˇ haˬ yawˬ gʼaˬ na luꞈ Miˬyehˇ-ahˇ tsaˬ leˇ tsahˇ leˇ nya ni, Ka li neh Zahˇ dawˬ kʼoꞈ dawˬ-ahˇ aˇ saˬ bi saˬ-euˬ meh.

Lormav 3:19

Zahˇ dawˬ kʼoꞈ dawˬ laꞈ kʼoeˇ kʼaˇ boꞈ taˬ-euˬ jeˬ-aˬ, Zahˇ dawˬ kʼoꞈ dawˬ mehˬ nah kʼaˇ caw teh-eu tsawˇ haˬ deuˬ-ahˇ taꞈ-eu dawˬ meh lehˇ aˬ dui siˬ nya-eu ma. Tsawˇ haˬ zaˬ dawˬ tawˆ luꞈ dehˬ lehꞈ kʼaˇ maˬ bi za ni Miˬyehˇ yaˇ kʼaˬ daˇ gaˇ bi keuˆ leˇ-eu gʼaˇ duˬ boꞈ taˬ-euˬ jeˬ pyeuꞈ-eu meh.

Lormav 3:20

Aˬ jeˬ miˇ neh ehˇ naˇ, Zahˇ dawˬ kʼoꞈ dawˬ mehˬ nah caw teh-eu baˬ da neh Miˬyehˇ-ahˇ tsaˬ leˇ tsahˇ leˇ gʼaˬ-euˬ tsawˇ haˬ maˬ pyeuꞈ laˇ nya-a siˬ. Zahˇ dawˬ kʼo dawˬ-aˬ, tsawˇ haˬ zaˬ-ahˇ yawˬ ha iˬ baˇ mˇ-euˬ gaˇ kawˆ bi siˬ leˇ-eu gʼaˇ duˬ tehꞈ meh.

Lormav 4:15

Zahˇ dawˬ kʼoꞈ dawˬ-aˬ, Miˬyehˇ nui ma pehˇ-eu jeˬ bi keuˆ le-eu meh. Ehˇ kʼawꞈ, zahˇ dawˬ kʼoꞈ dawˬ maˬ jaˆ gaˇ-aˬ, zahˇ dawˬ kʼoꞈ dawˬ-ahˇ mˇ bahˬ-eu jeˬ kʼawꞈ maˬ jaˆ-aˇ.

Lormav 4:24

Sahˬpaˬ Yeˬsuˇ-ahˇ shiˇ-euˬ gaˇ paˇ bi gʼoꞈ dehꞈ laˇ-euˬ Miˬyehˇ-ahˇ jah-awˇ, yaw tsaˬ yaw dawˇ tsawˇ haˬ lehˇ bi sawˇ-eu lehˇ gʼeh-eu aˬ dui-euˬ gʼaˇ duˬ kʼawꞈ boꞈ taˬ-euˬ jeˬ pyeuꞈ-eu meh.

Lormav 5:1

Jah-eu jeˬ baˬ da neh nymˬ-mˇ aˬ dui Miˬyehˇ-ahˇ tsaˬ leˇ tsahˇ leˇgʼaˬ-euˬ miˇ neh, aˬ dui-euˬ Sahˬpaˬ Yeˬsuˇ Ka li baˬ da neh Miˬyehˇ-ahˇ tsaˬ leˇ dzoeˇ leˇ-euˬ ma.

Lormav 5:20

Zahˇ dawˬ kʼoꞈ dawˬ biꞈ leꞈ-euˬ-aˬ, yaw lehˬ mˇ-eu bi myaˬ laˇ-eu gʼaˇ duˬ meh. Ehˇ kʼawꞈ, iˬ baˇ kʼaˇ myaˬ laˇ gaˇ Miˬyehˇ-euˬ guiˬ lahˬ kʼoeˇ myaˆ maˬ tseˇ myaˬ laˇ luꞈ-eu meh.

Lormav 5:9

Miˬyehˇ-ahˇ aˬ dui tsaˬ leˇ tsahˇ leˇ nya ni aˬ yawꞈ shiˇ dah coeˇ gaˇ keuˆ-eu-aˬ, kʼoeˇ naˆ maˬ tseˇ, Miˬyehˇ nui ma pehˇ-eu jeˬ-ahˇ aˬ dui maˬ ya daˬ ni aˬ yawꞈ maˬ ka kʼoꞈ nehˬ laꞈ-aˇ loˇ.

Lormav 8:1

Kʼoeˇ miˇ neh, Yeˬsuˇ Ka li laꞈ kʼoeˇ jawˇ luꞈ-eu tsawˇ haˬ deuˬ-aˬ, nymˬ-mˇ yaˇ kʼaˬ daˇ nehˬ-eu jeˬ-ahˇ maˬ ya daˬ-a.

Lormav 8:3

Shiˬ shaˬ jiˇ-euˬ nui noeˬ gʼaˬ baˬ-eu miˇ neh, Zahˇ dawˬ kʼoꞈ dawˬ neh maˬ mˇ byah nya-euˬ jeˬ-ahˇ Miˬyehˇ mˇ byah-euˬ meh. Iˬ baˇ-ahˇ bi sha dzeh-eu gʼaˇ duˬ, aˬ yawꞈ-euˬ Zaˬmaˇ-ahˇ iˬ baˇ ahˇ-eu tsawˇ haˬ zaˬ-euˬ shiˬ shaˬ jiˇ gʼawˇ mawˇ pi-awˇ bi oe-euˬ laꞈ kʼoeˇ, shiˬ shaˬ jiˇ nui noeˬ laꞈ kʼoeˇ ahˇ-eu iˬ baˇ-ahˇ yaˇ kʼaˬ bi daˇ le-euˬ meh.

Lormav 9:31

Ehˇ kʼawꞈ, Iˇsaˬleˬlaˆ tsawˇ haˬ deuˬ-aˬ, yawˬ ha Miˬyehˇ-ahˇ tsaˬ leˇ tsahˇ leˇ nya ni jahˇ nehˬ laꞈ nya-eu zahˇ dawˬ kʼoꞈ dawˬ-ahˇ poˆ luꞈ kʼawꞈ, maˬ poˆ mawˇ nya-ehˇ shaˬ luꞈ meh.

1 Gawˇliˬtu 6:11

Naw maꞈ laꞈ kʼoeˇ tiˬ paˆ na deuˬ kʼoeˇ loꞈ-ehˇ dehꞈ dzeuˇ yaꞈ-euˬ meh. Ehˇ kʼawꞈ, naw maꞈ-ahˇ iˬ baˇ tsiˬ shawˇ nehˬ gʼaˬ-euˬ meh. Naw maꞈ-ahˇ Miˬyehˇ-euˬ aˬ laꞈ laꞈ kʼoeˇ a nehˬ gʼaˬ-euˬ meh. Naw maꞈ Miˬyehˇ-ahˇ tsaˬ leˇ tsahˇ leˇ ni, Sahˬpaˬ Yeˬsuˇ ka li hawˇ-eu Miˬyehˇ-euˬ Yaw sahˇ neh mˇ gʼaˬ-euˬ meh.

Gaˬlaˬtiˆ 2:16

Ehˇ kʼawꞈ, tsawˇ haˬ tiˬ gʼaˬ-aˬ, Zahˇ dawˬ kʼoꞈ dawˬ-ahˇ mˇ byah-eu miˇ neh maˬ ngeuˇ-ehˇ, Yeˬsuˇ Ka li-ahˇ jah-eu baˬ da neh tehꞈ-ehˇ Miˬyehˇ-ahˇ tsaˬ leˇ tsahˇ leˇ nya-eu meh lehˇ aˬ dui siˬ nya ma. Aˬ jeˬ miˇ neh ehˇ naˇ, Zahˇ dawˬ kʼoꞈ dawˬ-ahˇ mˇ byah-awˇ Miˬyehˇ-ahˇ tsaˬ leˇ tsahˇ leˇ nya-eu tsawˇ haˬ tiˬ gʼaˬ-iˬ maˬ jawˇ-a.

Gaˬlaˬtiˆ 2:19

Ehˇ kʼawꞈ ngaˇ-aˬ, Zahˇ dawˬ kʼoꞈ dawˬ-ahˇ taꞈ leˇ-awˇ shiˇ gʼaˬ-euˬ tsawˇ haˬ ma. Miˬyehˇ-euˬ gʼaˇ duˬ dehꞈ nya ni Zahˇ dawˬ kʼoꞈ dawˬ neh bi sehꞈ-euˬ tsawˇ haˬ ma. Ngaˇ-aˬ, Ka li nehˬ-ehˇ laꞈ yaꞈ kʼoeˇ taˆ kamˇ shiˇ gʼaˬ-euˬ ma.

Gaˬlaˬtiˆ 3:8

Yuˇdaˆ tsawˇ haˬ maˬ ngeuˇ-eu deuˬ kʼawꞈ jah-eu baˬ da neh Miˬyehˇ-ahˇ tsaˬ leˇ tsahˇ leˇ nya ni Miˬyehˇ jahˇ tehꞈ-a lehˇ, Jaˇliꞈ laꞈ kʼoeˇ aˇ hu ba neh ehˇ taˬ-euˬ jaˆ-eu meh. Kʼoeˇ miˇ neh, Jaˇ liꞈ dawˬ kawˬ kʼoeˇ Aˬbyaˬhaˬ-ahˇ Laˬ kʼaˬ cehˇ-eu Guiˬ lahˬ dawˬ mehˬ-eu laꞈ kʼoeˇ, “Nawˬ-ahˇ gʼoe-awˇ tsawˇ jeuˬ dawˬ tawˆ luꞈ-ahˇ Miˬyehˇ guiˬ lahˬ biꞈ tehꞈ-a” lehˇ ehˇ taˬ-euˬ meh.

Gaˬlaˬtiˆ 5:3

Ngaˇ tiˬ poˆ paˇ ehˇ nehˬ nyaˇ. Baˆ kʼoˆ mehˬ dzaˬ kʼaˇ yehˬ-euˬ tsawˇ haˬ-aˬ, Zahˇ dawˬ kʼoꞈ dawˬ dawˬ tawˆ luꞈ-ahˇ ya mˇ byah meh.

HeˬByehˇ 10:11

Yuˇdaˆ tsawˇ haˬ piˇ ma aˬ yawꞈ gʼaˬ yawꞈ, yawˬ nah na luꞈ piˇ ma-euˬ gaˇ ya mˇ-awˇ, aˬ yawꞈ tiˬ jeˬ-ahˇ gʼawˬ mya poˆ ya lawˇ ya shehˇ poˆ-eu meh. Ehˇ kʼawꞈ, aˬ yawꞈ maꞈ neh lawˇ-euˬ shehˇ-euˬ kʼoeˇ iˬ baˇ maˬ shawˇ nya-a.

HeˬByehˇ 10:4

Aˬ jeˬ miˇ neh ehˇ naˇ, mawˇ neˇ hawˇ-eu ciꞈ myehꞈ-euˬ shiˬ-aˬ, tsawˇ haˬ zaˬ-ahˇ iˬ baˇ tiˬ jawˇ-iˬ maˬ shawˇ nehˬ nya-a.

HeˬByehˇ 7:19

Aˬ jeˬ miˇ neh ehˇ naˇ, Moˇseˬ-ahˇ gʼoe-awˇ Miˬyehˇ neh biꞈ-euˬ Zahˇ dawˬ kʼoꞈ dawˬ kʼoeˇ-aˬ, tiˬ jeˬ-ahˇ-iˬ byah laˇ ni maˬ mˇ byah nehˬ nya-a. Nymˬ-mˇ-aˬ, aˬ dui-ahˇ Miˬyehˇ jawˇ paw bi peh dzehˬ laˇ-euˬ muiˬ dzehˬ-eu noeˬ tmˬ-eu jeˬ-ahˇ aˬ dui za-euˬ ma.