Gʼaˬkʼehˇ 13:36 - Akha

³⁶ Daˬbiˇ-aˬ, aˬ yawꞈ-euˬ tiˬ ziˇ Miˬyehˇ-euˬ nui kʼahˇ mˇ-awˇ, aˬ yawꞈ shiˇ ngeh, aˬ yawꞈ-euˬ aˬ poeˬ aˬ bawˇ deuˬ nehˬ-ehˇ bi baꞈ pahˬ-awˇ, aˬ yawꞈ-euˬ gʼawˇ mawˇ lmˬ bymˇ laꞈ kʼoeˇ buꞈ-iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁶ “Aerkhawf, Daqbir-aq, aqyawf-euq zir-anr daef-euq tsawrhaq deuq-euq gharduq, Miqyaer nuima tsaq-eu lof-aer mr-awr yufkhav-euq mae. Aqyawf-anr aqyawf-euq aqpoeq deuq naeq-aer bi bafpanq-awr, aqyawf-euq mawrdo buf-ir-euq mae.

Gʼaˬkʼehˇ 13:36 ပူးပေါင်းရင်းမြစ်များ

Aˇ dahˬ 3:19

Miˇ tsaˬ yuˇ-awˇ nawˬ-ahˇ beh taˬ-euˬ loꞈ-ehˇ, miˇ tsaˬ-ahˇ nawˇ maˬ ya gʼoꞈ uˇ-iˇ kʼoeˇ keuˆ ni, nawˇ kʼaˇ ka dzaˬ-eu jeˬ-ahˇ miˇ tsaˬ neh bi dehꞈ doˆ laˇ-awˇ aˇ siˬ aˇ nuiˆ bi nuiˆ laˇ-eu gʼaˇ duˬ, kuˬ pyuˇ kuˬ tsaˇ tsiˇ ni nawˇ ya mˇ sehꞈ leꞈ tehꞈ-a. Miˇ tsaˬ shaˬ jehˆ yuˇ-awˇ nawˬ-ahˇ tehˆ taˬ-euˬ loꞈ-ehˇ, nawˇ miˇ tsaˬ paˇ ya pyeuꞈ kʼoꞈ-iˇ tehꞈ-a” lehˇ ehˇ nehˬ-euˬ meh.

2 Saˬmeuˬlaˆ 7:12

Nawˇ ziˇ dehꞈ jiˇ-awˇ, nawˬ-euˬ aˬ poeˬ aˬ bawˇ deuˬ nehˬ-ehˇ gʼaˬ naˬ ya naˬ ngeh, nawˬ-euˬ aˬ li tiˬ gʼaˬ-ahˇ ngaˇ sahˬ paˬ ka nehˬ-awˇ, aˬ yawꞈ-euˬ miˇ kʼahˬ-ahˇ baoˬ huiˬ-eu miˇ kʼahˬ tiˬ kʼahˬ bi pyeuꞈ laˇ ma.

1 Sahˬpaˬ 2:10

Kʼoeˇ naˇ, Daˬbiˇ ziˇ dehꞈ jiˇ-awˇ, Daˬbiˇ-euˬ meuˬ laꞈ kʼoeˇ baꞈ pahˬ nehˬ-euˬ meh.

1 Laˬsaˬbaˬ 11:2

Dzeuˇ laˇ ngeh, Sawˇluˆ nga maꞈ-euˬ sahˬ paˬ geuꞈ luꞈ ngeh kʼawꞈ, Iˇsaˬleˬlaˆ tsawˇ haˬ deuˬ-ahˇ guiˇ deuˆ-eu laꞈ kʼoeˇ nawˇ sheuˬ gʼeh-awˇ, Sahˬpaˬ Miˬyehˇ-euˬ tsawˇ jeuˬ-ahˇ nawˬ neh bi sheuˬ gʼeh-awˇ bi uˆ lahˇ-eu gʼaˇ duˬ, Sahˬpaˬ Miˬyehˇ nawˬ-ahˇ saˇ jaˇ dzaˬ taˬ-euˬ meh.”

1 Laˬsaˬbaˬ 17:11

Nawˇ ziˇ dehꞈ jiˇ-awˇ, nawˬ-euˬ aˬ poeˬ aˬ bawˇ deuˬ nehˬ-ehˇ gʼaˬ naˬ ya naˬ ngeh, nawˬ-euˬ aˬ li tiˬ li-ahˇ ngaˇ sahˬ paˬ ka nehˬ-awˇ, aˬ yawꞈ-euˬ miˇ kʼahˬ baoˬ bi huiˬ laˇ ma.

1 Laˬsaˬbaˬ 18:14

Iˇsaˬlaˬleˇ miˇ kʼahˬ kʼahˬ lah ni Daˬbiˇ uˆ lahˇ-awˇ, aˬ yawꞈ-euˬ tsawˇ haˬ deuˬ kʼoeˇ taˆ aˬ myah luꞈ yaw tsaˬ yaw dawˇ dawˇ-ehˇ haw-awˇ pyaˆ awˇ uˆ lahˇ-euˬ meh.

1 Laˬsaˬbaˬ 29:28

Aˬ yawꞈ-aˬ, smˇ muiˬ muiˬ dui dui-eu sahˬ paˬ tiˬ gʼaˬ pyeuꞈ-awˇ, aˬ cawˬ yaw zeu baw-eu laꞈ kʼoeˇ, tsawˇ mawˬ dehꞈ mawꞈ leꞈ-awˇ ziˇ dehꞈ jiˇ-euˬ meh. Aˬ yawꞈ-euˬ aˬ li Sawˇlaˬmoˬ gʼaˬ, aˬ yawꞈ-euˬ dah zaˇ sahˬ paˬ geuꞈ-euˬ meh.

2 Laˬsaˬbaˬ 12:16

Leˬhawˇbamˬ shiˇ-awˇ, Daˬbiˇ-euˬ meuˬ-ahˇ jaˆ-eu sahˬ paˬ deuˬ-euˬ lmˬ bymˇ-ahˇ baꞈ pahˬ nehˬ-euˬ meh. Kʼoeˇ naˇ, aˬ yawꞈ-euˬ aˬ li Aˬbiˇyaˬ gʼaˬ, aˬ yawꞈ-euˬ dah zaˇ sahˬ paˬ geuꞈ-euˬ meh.

2 Laˬsaˬbaˬ 21:1

Yeˬhawˇshaˬpaˇ ziˇ jiˇ-awˇ, Daˬbiˇ-euˬ meuˬ-ahˇ jaˆ-eu sahˬ paˬ deuˬ-euˬ lmˬ bymˇ-ahˇ baꞈ pahˬ nehˬ-euˬ meh. Aˬ yawꞈ-euˬ aˬ li Yeˬhawˇlamˬ gʼaˬ, aˬ yawꞈ-euˬ dah zaˇ sahˬ paˬ geuꞈ-euˬ meh.

2 Laˬsaˬbaˬ 26:23

Awˇziˇ shiˇ-awˇ, sahˬ paˬ deuˬ-ahˇ baꞈ pahˬ-eu miˇ tsaˬ-ahˇ baꞈ pahˬ nehˬ-euˬ meh. Ehˇ kʼawꞈ, aˬ yawꞈ nyawˬ naˇ-eu baˬ da neh, sahˬ paˬ-euˬ lmˬ bymˇ-ahˇ aˬ yawꞈ-ahˇ maˬ baꞈ pahˬ nehˬ-a. Aˬ yawꞈ-euˬ aˬ li Yoˇdaˬ gʼaˬ, aˬ yawꞈ-euˬ dah zaˇ sahˬ paˬ geuꞈ-euˬ meh.

2 Laˬsaˬbaˬ 9:31

Aˬ yawꞈ ziˇ jiˇ-awˇ, Daˬbiˇ-euˬ meuˬ laꞈ kʼoeˇ baꞈ pahˬ nehˬ-euˬ meh. Kʼoeˇ naˇ, aˬ yawꞈ-euˬ aˬ li Leˬhawˇbamˬ gʼaˬ aˬ yawꞈ-euˬ dah zaˇ sahˬ paˬ geuꞈ-euˬ meh.

Yawˇbaˆ 17:14

Lmˬ bymˇ-ahˇ ngaˬ da lehˇ ngaˇ kuˇ-awˇ, ngaˬ-euˬ yaw buꞈ dzaˬ laˇ-eu buˬ joe deuˬ-ahˇ, ngaˬ ma hawˇ-eu ngaˬ-euˬ dmˇ ma deuˬ lehˇ ngaˇ kuˇ ma.

Yawˇbaˆ 21:26

Ehˇ kʼawꞈ, nyiˬ gʼaˬ luꞈ tiˬ kawˆ loꞈ-ehˇ bi duˬ pahˬ-awˇ, buˬ joe kuˬ lah bi lah leˇ jiˇ-euˬ meh.

Jaceuq 49:14

Yawˇ loꞈ-ehˇ aˬ yawꞈ maꞈ ya shiˇ cawˆ-awˇ, shiˇ-eu jeˬ aˬ yawꞈ maꞈ-ahˇ bo tehꞈ-a. Gaˇ mahˇ kaˬ-eu shiˇ-eu miˇ kʼahˬ-ahˇ, aˬ yawꞈ maꞈ buꞈ-iˇ shoˆ-iˇ ngeh, yaw tsaˬ yaw dawˇ tsawˇ haˬ deuˬ aˬ yawꞈ maꞈ-ahˇ gʼaˬ leˇ tehꞈ-a.

Jaceuq 49:9

Lmˬ bymˇ-ahˇ maˬ ya uˇ-iˇ ni mˬ maˬ maˬ byaˆ zaˇ ziˇ ya dehꞈ-eu gʼaˇ duˬ, yawˬ haˇ yawˬ ha maˬ zeuˇ tsehˆ nya-a.

Maꞈtehˬ 25:16

Shuiˇ maˇ byaˆ ngaˬ heˇ byaˆ ha geuꞈ taˬ-euˬ gʼaˬ-aˬ, tiˬ poˆ tehꞈ-ehˇ jeˬ gaꞈ gaꞈ-iˇ-awˇ, ngaˬ heˇ byaˆ paˇ gaꞈ jeuˬ-euˬ meh.

Yoˇhaˬ 11:39

“Kʼaˬ lo ngawˬ dzeh-awˬ” lehˇ, Yeˬsuˇ dawˬ biꞈ-euˬ meh. Shiˇ-euˬ gʼaˬ-euˬ dmˇ ma pyeuꞈ-eu Maˬta ehˇ-eu, “Sahˬpaˬ-oˇ, yaw buꞈ behꞈ laꞈ-iˇ-euˬ tehꞈ-a. Aˬ yawꞈ-ahˇ baꞈ pahˬ-euˬ oeˬ nah byah laˬ-euˬ meh.”

Gʼaˬkʼehˇ 13:22

Aˬ yawꞈ-ahˇ paˇ yuˇ dzeh ngeh jawˇ, Daˬbiˇ-ahˇ sahˬ paˬ paˇ bi geuꞈ-euˬ meh. ‘Yeˬshehˇ-euˬ aˬ li Daˬbiˇ-aˬ, ngaˇ kʼaˇ bi mˇ mawꞈ-eu jeˬ mˇ-eu, ngaˇ geuꞈ mawꞈ-eu tsawˇ haˬ pyeuꞈ gaˇ ngaˇ ya mawˇ-euˬ ma’ lehˇ, Daˬbiˇ gaˇ kawˆ Miˬyeh neh ehˇ taˬ-euˬ jaˆ-eu meh.

Gʼaˬkʼehˇ 2:29

“A yuiꞈ aˬ nyiˇ deuˬ-oˇ, tsawˇ myahˇ doˆ dui dui-eu aˬ dui-euˬ aˬ poeˬ sahˬ paˬ Daˬbiˇ gaˇ kawˆ, ngaˇ naw maꞈ-ahˇ kʼaˬ duˬ ni ehˇ nehˬ nyaˇ. Aˬ yawꞈ shiˇ-awˇ, aˬ yawꞈ-ahˇ baꞈ pahˬ-euˬ lmˬ bymˇ iˬ nah keuˆ ni aˬ dui maꞈ jawˇ gaˇ jaˆ luꞈ meh.

Gʼaˬkʼehˇ 20:27

Aˬ jeˬ miˇ neh ehˇ naˇ, Miˬyehˇ-euˬ nui noeˬ dawˬ tawˆ luꞈ, naw maꞈ-ahˇ ngaˇ maˬ zaꞈ taˬ ni ja mehˬ jiˇ gʼaˬ-euˬ ma.

Gʼaˬkʼehˇ 7:60

Aˬ yawꞈ pawˬ tsuiꞈ pawˬ dmˬ ga dmˬ-awˇ, “Sahˬpaˬ-oˇ, aˬ yawꞈ maꞈ neh mˇ-euˬ yaw lehˬ heu, aˬ yawꞈ maꞈ-ahˇ iˬ baˇ taˬ taˬ nehˬ.” lehˇ ehˇ-eu meh. Aˬ yawꞈ kʼoeˇ loꞈ-ehˇ ehˇ gʼaˬ-awˇ shiˇ tsehˆ-euˬ meh.

Gʼaˬkʼehˇ 8:1

Aˬ yawꞈ-ahˇ kʼoeˇ loꞈ-ehˇ sehꞈ gaˇ, Sawˇluˆ kʼawꞈ nui ma tsaˬ-euˬ meh. Kʼoeˇ ngeh nah, Yeˬluˇsaˬlehˬ meuˬ-ahˇ jawˇ-eu Ka li zaˬ aˇ muˇ, kʼehˬ-eu kʼaˆ-eu jeˬ-ahˇ yaw kʼaˆ-ehˇ ya daˬ-euˬ meh. Gʼaˬ kʼehˇ deuˬ maˬ ngeuˇ naˇ, jah-eu tsawˇ haˬ dawˬ tawˆ luꞈ Yuˇdaˆ miˇ kʼahˬ hawˇ-eu Saˬmaˬliˇ miˇ kʼahˬ doe ni cehˆ byaˆ jiˇ-euˬ meh.

1 Gawˇliˬtu 15:18

Ka li-ahˇ jah-eu shiˇ dzeuˇ-euˬ tsawˇ haˬ deuˬ kʼawꞈ, piˬ-iˇ byoˆ-iˇ jiˇ-euˬ tehꞈ-a.

1 Gawˇliˬtu 15:6

Kʼoeˇ naˇ, aˬ yawꞈ mehˬ nah caw teh-eu tsawˇ haˬ ngaˬ heˇ gʼaˬ dzehˬ ni-ahˇ, aˬ yawꞈ tiˬ yamˬ-ahˇ tehꞈ-ehˇ tsaˬ ni bi mawˇ le-euˬ meh. Tsawˇ haˬ kʼoeˇ deuˬ tiˬ paˆ na deuˬ shiˇ dzeuˇ-euˬ kʼawꞈ, myaˬ tiˬ paˆ iˬ nah keuˆ ni dehꞈ luꞈ-a siˬ.

1 Teˇsaˬloˇni 4:13

Aˬ yuiꞈ aˬ nyiˇ Ka li zaˬ deuˬ-oˇ, noeˬ tmˬ kʼaˇ maˬ za-eu laꞈ nyiˇ paw-euˬ tsawˇ haˬ deuˬ noeˬ shaˬ-eu loꞈ-ehˇ naw maꞈ maˬ ya noeˬ shaˬ-eu gʼaˇ duˬ, shiˇ-euˬ tsawˇ haˬ deuˬ aˬ joˆ-ehˇ pyeuꞈ-eu gaˇ kawˆ bi siˬ mawꞈ miˇ-a.