Gʼaˬkʼehˇ 13:18 - Akha

¹⁸ Kʼoeˇ naˇ, oeˬ tseˇ kʼoꞈ keuˆ ni bawˇ tsahˬ bawˇ dahˇ laꞈ kʼoeˇ aˬ yawꞈ maꞈ-ahˇ jeuˬ jeuˬ-ehˇ shaˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Khoerngae, 40 khof aerghaqni aqyawfmaf nae bawrtsanq bawrdanr-anr mr-awr shar-euq jeq-anr Miqyaer or-euq mae.

Gʼaˬkʼehˇ 13:18 ပူးပေါင်းရင်းမြစ်များ

Neˬhaˬmiˇ 9:30

Nawˇ nui ma gʼawˬ mahˇ ni taˬ-awˇ, tiˬ kʼoꞈ saˇ-iˬ tiˬ kʼoꞈ aˬ yawꞈ maꞈ-ahˇ mehˬ-euˬ meh. Miˬyehˇ gʼaˇ duˬ ngehˬ dah-eu deuˬ-ahˇ nawˬ-euˬ Yaw sahˇ sheuˬ gʼeh nehˬ-awˇ, aˬ yawꞈ maꞈ-ahˇ dawˬ bi ngehˬ cawˬ kʼawꞈ, aˬ yawꞈ maꞈ naˬ bawˇ maˬ gaˬ leˇ-eu miˇ neh, aˬ cawˬ tsawˇ jeuˬ deuˬ neh aˬ yawꞈ maꞈ-ahˇ nawˇ bi deuˆ gʼaˬ-euˬ meh.

Doˆ-iˇ 16:2

Bawˇ tsahˬ bawˇ dahˇ kʼoeˇ tsahˇ laꞈ kʼoeˇ, aˬ yawꞈ maꞈ nui ma cawˆ laˇ-awˇ, Moˇseˬ hawˇ-eu Aˬloˬ-ahˇ iˬ baˇ taˬ-euˬ meh.

Doˆ-iˇ 16:35

Iˇsaˬleˬlaˆ tsawˇ haˬ deuˬ-aˬ, aˬ yawꞈ maꞈ jawˇ duˬ dah leˇ-euˬ Kaˬnaˬ miˇ kʼahˬ-ahˇ maˬ le keuˆ kʼoeˇ keuˆ ni, oeˬ tseˇ kʼoꞈ keuˆ ni maˬnaˆ kaˬ muˇ dzaˬ-euˬ meh.

Bawˇtsahˬ 14:22

tsawˇ haˬ heu deuˬ laꞈ kʼoeˇ tiˬ gʼaˬ-iˬ miˇ kʼahˬ kʼoeˇ kʼahˬ laꞈ kʼoeˇ uˇ keuˆ leˇ ngeh keuˆ ni maˬ ya dehꞈ keuˆ-eu jeˬ kʼawꞈ, yaw duˬ baw tehꞈ-a. Ngaˬ-euˬ yaw shehꞈ kʼahˬ sehˇ laꞈ kʼoeˇ ngaˇ jawˇ luꞈ-eu jeˬ-ahˇ maˬ ehˇ, Iˇjiˇtuˆ miˇ kʼahˬ laꞈ kʼoeˇ hawˇ-eu bawˇ tsahˬ bawˇ dahˇ laꞈ kʼoeˇ ngaˬ neh mˇ-euˬ zahˬ leˇ paˬ-ehˇ gʼeh-eu jeˬ-ahˇ maˬ ehˇ, aˬ yawꞈ maꞈ ya mawˇ gʼaˬ-euˬ kʼawꞈ, ngaˬ-euˬ oˇ oꞈ nya-eu nui ma-ahˇ aˬ yawꞈ maꞈ tiˬ poˆ saˇ-iˬ tiˬ poˆ lawˬ haw-awˇ, ngaˬ-euˬ ehˇ dawˬ-ahˇ maˬ naˇ haˬ geuꞈ-a.

Gʼaˬkʼehˇ 7:36

Iˇjiˇtuˆ miˇ kʼahˬ laꞈ kʼoeˇ maˬ ehˇ, Iˬ ma laˆ shaˆ Yaw neˇ gʼahˇ ceh maˬ ehˇ, bawˇ tsahˬ bawˇ dahˇ laꞈ kʼoeˇ oeˬ tseˇ kʼoꞈ oeˬ tseˇ myaˇ cah luꞈ ngeh maˬ ehˇ, zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu gʼawˬ mya jeˬ mˇ mehˬ-eu laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ gʼeh-euˬ meh.

Dawˬmehˬ 1:31

Kʼoeˇ uˬ taꞈ, bawˇ tsahˬ bawˇ dahˇ laꞈ kʼoeˇ aˬ yawꞈ neh mˇ-euˬ gaˇ deuˬ-ahˇ kʼawꞈ, naw maꞈ ya mawˇ-euˬ meh. Aˬ da tiˬ gʼaˬ yawˬ ha-euˬ aˬ li-ahˇ ciˬ gʼeh-eu loꞈ-ehˇ, gaˇ pehˇ kahˇ li-ehˇ, heu gaˇ keuˆ ni naw maꞈ-ahˇ aˬ yawꞈ sheuˬ keuˆ laꞈ-euˬ meh’ lehˇ ngaˇ naw maꞈ-ahˇ ehˇ-euˬ maˬ ngeuˇ-a loˇ.

Dawˬmehˬ 9:7

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ nui ma bi pehˇ ni, bawˇ tsahˬ bawˇ dahˇ laꞈ kʼoeˇ naw maꞈ aˬ joˆ-ehˇ jahˇ-euˬ gaˇ kawˆ-ahˇ tiˬ jawˇ-iˬ taˬ ngehˇ. Iˇjiˇtuˆ miˇ kʼahˬ laꞈ kʼoeˇ neh doˆ le-euˬ tiˬ nah neh aˇ dahˬ beh-awˇ, heu gaˇ laˇ keuˆ ngeh keuˆ ni, Sahˬpaˬ Miˬyehˇ-ahˇ naw maꞈ puiˬ-euˬ meh.