Gʼaˬkʼehˇ 12:9 - Akha

⁹ Kʼoeˇ naˇ, mˬ taˆ gʼaˬ kʼehˇ kʼoeˇ gʼaˬ-euˬ mehˬ nah caw caw-ehˇ paꞈ kuˆ laꞈ nyiˇ caw teh doˆ gʼeh-euˬ meh. Mˬ taˆ gʼaˬ kʼehˇ kʼoeˇ gʼaˬ kʼoeˇ loꞈ-ehˇ jahˇ le-euˬ kʼoeˇ aˬ diˇ ngeuˇ meh lehˇ aˬ yawꞈ maˬ siˬ duˬ-ehˇ, yaw sahˇ laꞈ kʼoeˇ ya mawˇ-euˬ jeˬ nga lehˇ tehꞈ-ehˇ noeˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Khoernar-aq, Beqtuvluv, aqyawf-euq maeqnan cantaedov ghae-euq mae. Aerkhawf, mqtav ghaqkhaer khoerghaq mrluf-eu deuq aqdir aqmar nga laer Beqtuvluv maq siqnya-aer, mawrle-euq lafkhoer ya’mawr-euq tiqjeq nya laer taef-aer noeq-euq mae.

Gʼaˬkʼehˇ 12:9 ပူးပေါင်းရင်းမြစ်များ

Aˇ dahˬ 45:26

Yoˇsehˆ maˬ shiˇ-ehˇ, Iˇjiˇtuˆ miˇ kʼahˬ-ahˇ uˆ lahˇ-eu gʼaˬ geuꞈ luꞈ-eu gaˇ kawˆ, aˬ yawꞈ maꞈ-euˬ aˬ da-ahˇ tsaꞈ nehˬ-euˬ meh. Kʼoeˇ ngeh, Yaˬkoˆ zahˬ leˇ-awˇ, aˬ yawꞈ maꞈ ehˇ gaˇ maˬ jah-a.

Aˇ dahˬ 6:22

Miˬyehˇ neh kʼaˇ ehˇ nehˬ-euˬ loꞈ-ehˇ Noˇaˬ jahˇ-euˬ meh.

Jaceuq 126:1

Sahˬpaˬ Miˬyehˇ aˬ dui-ahˇ Yeˬluˇsaˬlehˬ meuˬ-ahˇ sheuˬ kʼoꞈ laꞈ ngeh, yuꞈ maˆ maˆ gaˇ duˇ miˇ-a.

Yoˇhaˬ 2:5

Kʼoeˇ ngeh, “Ngaˬ li kʼaˇ ehˇ-eu loꞈ-ehˇ mˇ-awˬ” lehˇ, zaˬ kʼaˆ deuˬ-ahˇ Yeˬsuˇ-euˬ aˬ ma ehˇ nehˬ-euˬ meh.

Gʼaˬkʼehˇ 10:17

Yaw sahˇ laꞈ kʼoeˇ ya mawˇ-euˬ gaˇ kawˆ kʼoeˇ-euˬ dawˬ tsuiꞈ-ahˇ Beˬtuˆluˆ zahˬ leˇ-awˆ jawˇ ngeh, Gawˬneˬliˇ neh kʼehˇ gʼeh leꞈ-euˬ tsawˇ haˬ kʼoeˇ smˇ gʼaˬ Siˇmoˬ-euˬ nymˇ-ahˇ naˇ haˬ ka leꞈ-awˇ, nymˇ gʼoˆ kʼehˬ-ahˇ oe keuˆ-awˇ yawꞈ luꞈ-eu meh.

Gʼaˬkʼehˇ 10:3

Tiˬ nah-aˬ, uˬ ciꞈ uˬ taw paw naˬ liˬ smˇ laꞈ kʼoeˇ yamˬ-ahˇ, yaw sahˇ laꞈ kʼoeˇ aˬ yawꞈ bya cehˆ ni heu loꞈ-ehˇ ya mawˇ duˬ-euˬ meh. Miˬyehˇ-euˬ mˬ taˆ gʼaˬ kʼehˇ tiˬ gʼaˬ aˬ yawꞈ jawˇ gaˇ oe-awˇ, “Gawˬneˬliˇ-oˇ” lehˇ kuˇ le-euˬ meh.

Gʼaˬkʼehˇ 11:5

“Yuˇbeˬ meuˬ-ahˇ ngaˇ guiˬ lahˬ shaˇ luꞈ ngeh, yaw sahˇ laꞈ kʼoeˇ heu loꞈ-ehˇ ya mawˇ-euˬ ma. Aˇ bui bui ma loꞈ-ehˇ gʼeh-eu tiˬ hmˬ laꞈ coeˇ oeˬ coeˇ-ahˇ aˇ caˆ paꞈ-awˇ, mˬ-ahˇ neh aˬ za za-ehˇ pyehˬ ka leꞈ-awˇ, ngaˬ-euˬ dawˬ peh naˬ le-euˬ meh.

Gʼaˬkʼehˇ 12:8

“Joꞈ paꞈ paꞈ ziꞈ-awˇ, sehˬ nawˆ nawˆ-awˬ” lehˇ, mˬ taˆ gʼaˬ kʼehˇ kʼoeˇ gʼaˬ ehˇ ngeh, kʼaˇ ehˇ-eu loꞈ-ehˇ Beˬtuˆluˆ jahˇ-euˬ meh. “Nawˬ-euˬ mehˬ tsoeˬ tsahˇ lahˇ-awˇ ngaˬ-euˬ mehˬ nah laˇ-awˬ” lehˇ, mˬ taˆ gʼaˬ kʼehˇ kʼoeˇ gʼaˬ ehˇ-eu meh.

Gʼaˬkʼehˇ 26:19

“Kʼoeˇ miˇ neh, sahˬ paˬ Aˬgiˇpaˆ-oˇ, mˬ kʼoeˇ taˆ neh oe-euˬ yaw sahˇ laꞈ kʼoeˇ bi siˬ bi mawˇ-le-euˬ jeˬ-ahˇ ngaˇ maˬ naˇ haˬ geuꞈ ni maˬ byehˇ-aˬ.

Gʼaˬkʼehˇ 9:10

Daˬmaˬsehˇ meuˬ laꞈ kʼoeˇ, Aˬnaˬniˇ lehˇ myahˇ-euˬ jah-eu tsawˇ haˬ tiˬ gʼaˬ jawˇ-eu meh. Yaw sahˇ laꞈ kʼoeˇ bi siˬ bi mawˇ-eu jeˬ laꞈ kʼoeˇ, “Aˬnaˬniˇ-oˇ” lehˇ Sahˬpaˬ Yeˬsuˇ kuˇ ngeh, “Sahˬpaˬ-oˇ, ngaˇ heu gaˇ jawˇ ma” lehˇ, Aˬnaˬniˇ oˬ toˬ nehˬ-euˬ meh.

HeˬByehˇ 11:8

Miˬyehˇ neh Aˬbyaˬhaˬ-ahˇ biꞈ-eu lehˇ saˇ jaˇ dzaˬ taˬ-euˬ miˇ kʼahˬ-ahˇ iˇ-eu gʼaˇ duˬ Miˬyehˇ kuˇ ngeh, Aˬbyaˬhaˬ naˇ haˬ geuꞈ-euˬ kʼoeˇ-aˬ, jah-eu jeˬ baˬ da neh meh. Yawˬ ha aˬ gaˇ ya iˇ-eu maˬ siˬ nya kʼawꞈ, aˬ yawꞈ-euˬ miˇ kʼahˬ-ahˇ byehˇ dzeh yaꞈ-awˇ doˆ-iˇ-euˬ meh.