Gʼaˬkʼehˇ 12:6 - Akha

⁶ Aˬ yawꞈ-ahˇ miˇ kʼahˬ zaˬ mehˬ shi Heˬloˆ tsahˇ doˆ-eu lehˇ gʼeh-eu aˇ nah keuˆ le-eu mehˬ hu uˬ ciꞈ kʼoeˇ miˇ-ahˇ, a yawꞈ-ahˇ loꞈ luꞈ-eu yehˇ nyiˬ gʼaˬ-euˬ aˇ kaˬ-ahˇ, Beˬtuˆluˆ yuꞈ kʼaˆ taˬ-euˬ meh. Aˬ yawꞈ-ahˇ shmˇ caˆ nyiˬ caˆ paꞈ tawꞈ taˬ-awˇ, paꞈ kuˆ-euˬ gʼoˆ kʼehˬ-ahˇ kʼawꞈ, yehˇ deuˬ loꞈ luꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Heqlor, Beqtuvluv-anr yarkhaq dar-eu laer ghae-eu jeqhu ngae mir, Beqtuvluv-aq, shmrcav nyiq cav nae bi paftaq-awr, guirzaq nyiq ghaq-euq ghanrcae yufluf-eu mae. Lofluf-eu deuq khawf, kuv-euq larghov-euq lafnyir paw lofluf-eu mae.

Gʼaˬkʼehˇ 12:6 ပူးပေါင်းရင်းမြစ်များ

Aˇ dahˬ 22:14

Jawˇ duˬ kʼoeˇ tsahˇ-ahˇ, “Sahˬpaˬ Miˬyehˇ laˆ saˆ taˬ-euˬ” lehˇ Aˬbyaˬhaˬ myahˇ nehˬ-euˬ meh. “Sahˬpaˬ Miˬyehˇ-euˬ gawˬ jawˬ-ahˇ Sahˬpaˬ Miˬyehˇ laˆ saˆ taˬ-euˬ meh” lehˇ, iˬ nah keuˆ ni aˬ cawˬ dawˬ daˬ daˬ luꞈ-eu meh.

Jaceuq 4:8

Yuˬzaˇ-ahˇngaˇ joe yuꞈleˇngeh, saˇlehˆni yuꞈkʼaˆbyoˆ-eu ma. Ngaˬ-ahˇnui saˇ biꞈnya-eu gʼaˬ, SahˬpaˬMiˬyehˇ-oˇ, nawˇtehꞈmeh.

Yeˬlaˬmiˇ 40:1

Guiˇ maꞈ dawˬ tawˆ luꞈ kʼoeˇ taˆ uˆ lahˇ-eu gʼaˬ pyeuꞈ-eu Neˬbuˬzaˬlaˬdaˬ neh, Laˬmahˇ meuˬ-ahˇ ngaˬ-ahˇ pyehˬ nehˬ laꞈ gʼaˬ ngeh, Sahˬpaˬ Miˬyehˇ ngaˬ-ahˇ dawˬ ngehˬ cawˬ le-euˬ meh. Baˬbuˇloˬ miˇ kʼahˬ-ahˇ bi nyehꞈ daˆ gʼeh-euˬ Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ-ahˇ jawˇ-eu tsawˇ haˬ kʼoeˇ deuˬ nehˬ-ehˇ tiˬ kawˆ loꞈ-ehˇ, ngaˬ-ahˇ shmˇ caˆ bi daˬ laꞈ-awˇ, kʼoeˇ gaˇ sheuˬ gʼeh nehˬ laꞈ-euˬ meh.

Yeˬlaˬmiˇ 40:4

Nawˬ-euˬ laꞈ du-ahˇ paꞈ-euˬ shmˇ caˆ ngaˇ puiˇ-awˇ, nawˬ-ahˇ pyehˬ nehˬ-eu ma. Nawˇ ngaˬ nehˬ-ehˇ Baˬbuˇloˬ miˇ kʼahˬ-ahˇ le mawꞈ naˇ, le nya tehꞈ-a. Nawˬ-ahˇ ngaˇ yaw muiˬ paˬ-ehˇ haw nehˬ ma. Nawˇ maˬ le mawꞈ naˇ kʼawꞈ, tiˬ jeˬ-iˬ maˬ ngeuˇ-aˇ. Miˇ kʼahˬ heu kʼahˬ kʼahˬ lah ni laꞈ kʼoeˇ, nawˇ kʼaˇ iˇ mawꞈ-eu paw iˇ nya tehꞈ-a.”

Maꞈtehˬ 28:4

Lmˬ bymˇ-ahˇ loꞈ-eu deuˬ guˆ dui dui-eu miˇ neh, yaw dzuˬ dzuˬ dui dui-awˇ, shiˇ taˬ-euˬ tsawˇ haˬ loꞈ-ehˇ pyeuꞈ-iˇ-euˬ meh.

Gʼaˬkʼehˇ 12:5

Kʼoeˇ miˇ neh, Beˬtuˆluˆ-ahˇ paꞈ kuˆ-ahˇ dawˆ taˬ-euˬ jeˬ pyeuꞈ-eu meh. Ehˇ kʼawꞈ, Ka li zaˬ aˇ muˇ muˇ lah-ehˇ, Beˬtuˆluˆ gʼaˇ duˬ nui ma keuˆ dui dui-eu laꞈ kʼoeˇ Miˬyehˇ-ahˇ guiˬ lahˬ shaˇ-euˬ meh.

Gʼaˬkʼehˇ 21:33

Yaw huiˬ yaw mahˇ kʼoeˇ gʼaˬ Pawˇluˆ jawˇ gaˇ iˇ-awˇ, aˬ yawꞈ-ahˇ nyehꞈ-awˇ shmˇ caˆ nyiˬ caˆ yuˇ-awˇ paꞈ-eu gʼaˇ duˬ dawˬ biꞈ-euˬ meh. Kʼoeˇ naˇ, “Tsawˇ haˬ heu gʼaˬ aˬ suˇ gʼaˬ-a. Aˬ yawꞈ aˬ jeˬ jahˇ taˬ” lehˇ naˇ haˬ-euˬ meh.

Gʼaˬkʼehˇ 28:20

Kʼoeˇ miˇ neh, naw maꞈ-ahˇ ngaˇ tahˬ puˬ-awˇ ja cawˬ mawꞈ-eu ma. Dawˇ coe ni ya ehˇ naˇ, Iˇsaˬleˬlaˇ tsawˇ haˬ deuˬ noeˬ tmˬ luꞈ-eu gʼaˬ-euˬ gʼaˇ duˬ ngaˇ heu loꞈ-ehˇ shmˇ caˆ daˬ-awˇ jawˇ luꞈ-eu ma.”

Gʼaˬkʼehˇ 5:23

“Nga maꞈ tawˬ-ahˇ iˇ keuˆ ngeh, gʼoˆ kʼehˬ ziꞈ dah ni tawꞈ tehˬ taˬ-awˇ, loꞈ-eu tsawˇ haˬ deuˬ kʼawꞈ yaw muiˬ paˬ-ehˇ loꞈ luꞈ gaˇ ya mawˇ-euˬ ma. Ehˇ kʼawꞈ, nga maꞈ gʼoˆ kʼehˬ kʼoeˇ pah haw ngeh, laꞈ kʼoeˇ tiˬ gʼaˬ-iˬ maˬ jawˇ-a.”

Eˇpeˇsu 6:20

Nymˬ-mˇ ngaˇ tawˬ-ahˇ uˇ luꞈ-eu kʼawꞈ, Laˬ kʼaˬ cehˇ-eu Guiˬ lahˬ dawˬ heu-euˬ gʼaˇ duˬ Sahˬpaˬ Yeˬsuˇ-euˬ dah zaˇ ngehˬ zaˬ tmˇ zaˬ pyeuꞈ-eu ma. Laˬ kʼaˬ cehˇ-eu Guiˬ lahˬ dawˬ gʼaˇ duˬ ngehˬ paˬ tmˇ paˬ-ehˇ gʼeh-eu jeˬ-ahˇ ngaˇ kʼaˬ duˬ ni ngehˬ nya tmˇ nya ni guiˬ lahˬ shaˇ nehˬ laꞈ-awˬ.

Dawˬmehˬ 32:26

Aˬ cawˬ maˬ paˇ noeˬ mawˇ coeˇ ni, kʼaˬ puiˬ kʼaˬ lehˇ lehˇ byoˆ nehˬ ma.

2 Tiˆmoˇseˬ 1:16

Awˬneˬsiˬpawˬ-euˬ nymˇ jiˇ-ahˇ Sahˬpaˬ Yeˬsuˇ gʼawˬ shaˬ gaˬ nehˬ luꞈ-uˇ. Aˬ jeˬ miˇ neh ehˇ naˇ, aˬ yawꞈ ngaˬ-euˬ nui ma-ahˇ gʼawˬ mya poˆ laˬ kʼaˬ bi cehˇ laꞈ-euˬ meh.

HeˬByehˇ 13:6

Kʼoeˇ miˇ neh, aˬ dui nui ma kʼaˬ duˬ ni gʼeh-eu laꞈ kʼoeˇ, “Sahˬpaˬ Miˬyehˇ ngehˬ gʼeh luꞈmeh. Ngaˇ tiˬ jeˬ-iˬ guˆ kʼaˇ maˬ za. Aˬcawˬ aˬ jeˬ jahˇ laˇ nya nmˇ” lehˇ ehˇ kaˇ-euˇ.