Gʼaˬkʼehˇ 12:23 - Akha

²³ Ja pyuˬ ni, Sahˬpaˬ Miˬyehˇ-euˬ gʼaˬ kʼehˇ neh Heˬloˆ-ahˇ kʼehˬ-euˬ meh. Aˬ jeˬ miˇ neh ehˇ naˇ, Miˬyehˇ-ahˇ aˬ yawꞈ maˬ taˬ huiˬ-a. Kʼoeˇ miˇ neh, aˇ boeˬ aˇ mawˇ neh bi dzaˬ sehꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Khoerngae, Heqlor, Miqyaer-anr maq ciqhuiq maq ciqmanr-eu mirnae, Sanqpaq Miqyaer-euq mqtav ghaqkhaer japyuqni tanqghae lef-awr aqyawf-anr arboeq armawr deuq nae bidzaq-awr, aqyawf saf tsaev-euq mae.

Gʼaˬkʼehˇ 12:23 ပူးပေါင်းရင်းမြစ်များ

2 Sahˬpaˬ 19:35

Kʼoeˇ ngeh miˇ, Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ, Aˬshuˇliˆ guiˇ maꞈ-euˬ taˆ-ahˇ le-awˇ, yehˇ tiˬ seh yehꞈ muiˇ ngaˬ heˇ gʼaˬ-ahˇ sehꞈ-euˬ meh. Uˬ bya bya laˇ ngeh, tsawˇ haˬ kʼoeˇ deuˬ yaw shiˇ-ehˇ ga-eu meh.

2 Laˬsaˬbaˬ 32:21

Sahˬpaˬ Miˬyehˇ neh mˬ taˆ gʼaˬ kʼehˇ pyehˬ gʼeh leꞈ-awˇ, Aˬshuˇliˆ guiˇ maꞈ-euˬ yehˇ deuˬ hawˇ-eu yaw huiˬ yaw mahˇ deuˬ-ahˇ bi sehꞈ-euˬ meh. Kʼoeˇ miˇ neh, Aˬshuˇliˆ sahˬpa kʼoeˇ gʼaˬ nui ma cawˆ-eu laꞈ kʼoeˇ, aˬ yawꞈ-euˬ miˇ kʼahˬ-ahˇ gʼoꞈ leˇ-euˬ meh. Kʼoeˇ naˇ, aˬ yawꞈ-euˬ miˬ yehˇ-euˬ uˬ duˬ tahˬ nymˇ laꞈ kʼoeˇ aˬ yawꞈ jawˇ luꞈ-eu aˇ nah tiˬ nah-ahˇ, aˬ yawꞈ-euˬ aˬ li tiˬ deuˬ mi cehˇ yuˇ-awˇ aˬ yawꞈ-ahˇ sehꞈ-euˬ meh.

Yawˇbaˆ 19:26

Ngaˬ-euˬ baˆ kʼoˆ-ahˇ maˇ naˇ neh dzaˬ byoˆ jiˇ kʼawꞈ, shiˬ shaˬ jiˇ pi-awˇ Miˬyehˇ-ahˇ ngaˇ ya mawˇ tehꞈ-a.

Yawˇbaˆ 7:5

Ngaˬ-euˬ gʼawˇ mawˇ maˇ naˇ naˇ byah jiˇ-awˇ, maˇ naˇ maˇ gʼaw tehꞈ-ehˇ jaˆ-awˇ, maˇ naˇ-ahˇ maˇ byahˇ doˆ le luꞈ meh.

Jaceuq 115:1

Sahˬpaˬ Miˬyehˇ-oˇ, nawˇ tiˬ gʼaˬ-ahˇ tehꞈ-ehˇ, nga maꞈ-ahˇ maˬ ngeuˇ, nawˬ-ahˇ tehꞈ-ehˇ, baoˬ yaw shehꞈ kʼahˬ sehˇ oꞈ-eu meh. Maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ hawˇ-eu, nawˬ-euˬ saˇ jaˇ ziꞈ-eu jeˬ baˬ da neh, nawˬ-ahˇ tehꞈ-ehˇ oꞈ-eu meh.

Doˆ-iˇ 10:3

Kʼoeˇ naˇ, Moˇseˬ hawˇ-eu Aˬloˬ aˬ nyaꞈ sahˬ paˬ kʼoeˇ gʼaˬ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Heˬbyehˇ tsawˇ haˬ-euˬ Miˬyehˇ pyeuꞈ-eu Sahˬpaˬ Miˬyehˇ ehˇ-eu, ‘Aˇ myah keuˆ ni nawˇ ngaˬ-euˬ laꞈ oꞈ maˬ awꞈ-ehˇ, nui ma gʼahˇ-eu gʼeh te. Ngaˬ-ahˇ uˬ duˬ bi tahˬ laˇ-eu gʼaˇ duˬ, ngaˬ-euˬ tsawˇ haˬ deuˬ-ahˇ pyehˬ nehˬ-awˬ.

Doˆ-iˇ 12:12

“Kʼoeˇ ngeh miˇ, Iˇjiˇtuˆ miˇ kʼahˬ-ahˇ ngaˇ iˇ paˆ gʼeh-awˇ, dehꞈ beh beh le-euˬ aˬ li aˬ yuiꞈ yawˬ gʼaˬ na luꞈ hawˇ-eu, jeˬ zaˬ deuˬ laꞈ kʼoeˇ dehꞈ beh beh le-euˬ aˬ buˬ deuˬ yawˬ mawˇ na luꞈ bi shiˇ-awˇ, Iˇjiˇtuˆ tsawˇ haˬ deuˬ-euˬ miˬ yehˇ dawˬ tawˆ luꞈ-ahˇ ngaˇ kʼehˬ nehˬ kʼaˆ nehˬ ma.

Doˆ-iˇ 12:23

Iˇjiˇtuˆ tsawˇ haˬ deuˬ-ahˇ sehꞈ-eu lehˇ, Sahˬpaˬ Miˬyehˇ Iˇjiˇtuˆ miˇ kʼahˬ-ahˇ oe paˆ ngeh, laˇ gʼoˆ bahˬ hawˇ-eu pyaꞈ dmˬ-ahˇ lehꞈ taˬ-euˬ shiˬ-ahˇ aˬ yawꞈ ya mawˇ naˇ, Shiˇ-eu jeˬ-euˬ Mˬ taˆ gʼaˬ kʼehˇ-ahˇ, naw maꞈ-ahˇ laˆ sehꞈ-eu gʼaˇ duˬ, naw maꞈ-euˬ nymˇ laꞈ kʼoeˇ maˬ bi uˇ le-aˇ.

Doˆ-iˇ 12:29

Uˬ ciꞈ sehˇ gʼahˇ ceh laˇ ngeh, sahˬ paˬ geuꞈ-eu gʼaˇ duˬ jeˬ biˇ oꞈ-eu sahˬ paˬ-euˬ aˬ li-ahˇ neh, paꞈ kuˆ-ahˇ uˇ luꞈ-eu tsawˇ haˬ-euˬ aˬ li-ahˇ keuˆ ni, Iˇjiˇtuˆ miˇ kʼahˬ laꞈ kʼoeˇ kʼaˇ jawˇ-eu dehꞈ beh beh le-euˬ aˬ li aˬ yuiꞈ deuˬ shiˇ jiˇ-euˬ meh. Jeˬ zaˬ deuˬ laꞈ kʼoeˇ dehꞈ beh beh le-euˬ deuˬ kʼawꞈ, shiˇ jiˇ-euˬ meh.

Doˆ-iˇ 9:17

Ehˇ kʼawꞈ, iˬ nah keuˆ ni nawˇ nui ma huiˬ-awˇ, ngaˬ-euˬ tsawˇ haˬ-ahˇ maˬ pyehˬ nehˬ ni jawˇ luꞈ-eu meh.

Dawqdaq 12:8

Bawˬ toˆ muiˬ-eu tsawˇ haˬ-ahˇ aˬ cawˬ ja ceuˬ-awˇ, nui noeˬ doeˇ-eu tsawˇ haˬ-ahˇ aˬ cawˬ noeˬ teˬ-eu meh.

Iˇsaˬyaˇ 14:11

Nawˬ-euˬ yaw shehꞈ kʼahˬ sehˇ dawˬ tawˆ luꞈ, nawˬ-ahˇ taˬ huiˬ-eu deuˇ-mˬ teˇ saˇ nehˬ-ehˇ, lmˬ bymˇ-ahˇ hehˇ ahˇ leꞈ jiˇ-euˬ nga. Luˆ tahˬ kʼawˬ daˬ kʼoeˇ taˆ yuꞈ-awˇ, buˬ joe aˇ bui dm-awˬ’ lehˇ ehˇ laˇ tehꞈ-a.”

Iˇsaˬyaˇ 37:23

Aˬ suˇ gʼaˬ-ahˇ nawˇ yehˬ bawˬ sehˇ lu-ehˇ ehˇ-awˇ yaˬ kʼehˇ yaˬ luꞈ te lehˇ noeˬ-eu nya. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˬ-ahˇ, nawˇ yaw zeu maˬ baw te loˇ.

Iˇsaˬyaˇ 51:8

Aˬ iˬ bi shehˇ byoˆ-euˬ mehˬ tsoeˬ paˇ cehˇ loꞈ-ehˇ, aˬ yawꞈ maꞈ ya cawˆ-iˇ tehꞈ-a. Ehˇ kʼawꞈ, ngaˬ-euˬ ka kʼoꞈ-eu jeˬ mˬ maˬ maˬ byaˆ zaˇ ziˇ ziꞈ-awˇ, ngaˬ neh gʼaˬ leˇ-eu jeˬ poˆ laˇ paˇ laˇ-eu maˬ baw-a.”

Iˇsaˬyaˇ 66:24

“Aˬ yawꞈ maꞈ gʼoꞈ doˆ-iˇ ngeh, ngaˬ-ahˇ puiˬ-eu tsawˇ haˬ deuˬ shiˇ taˬ-awˇ ga gaˇ ya mawˇ tehꞈ-a. Aˬ yawꞈ maꞈ-ahˇ dzaˬ-eu buˬ joe deuˬ shiˇ-eu maˬ baw-ehˇ, aˬ yawꞈ maꞈ-ahˇ puiˆ-eu miˬ dzaˬ miˆ-iˇ-eu maˬ baw-a. Aˬ yawꞈ maꞈ-aˬ, miˇ tsaˬ zaˬ dawˬ tawˆ luꞈ gʼaˇ duˬ jawꞈ dui dui-eu jeˬ pyeuꞈ tehꞈ-a.”

Yeˬsaˬgeˬlaˇ 28:2

“Tsawˇ haˬ zaˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ, Duˇlu meuˬ-ahˇ uˆ lahˇ luꞈ-eu gʼaˬ-ahˇ ehˇ nehˬ-awˬ. “Nui ma huiˬ-eu mahˇ-eu laꞈ kʼoeˇ, ngaˇ miˬ yehˇ ma lehˇ nawˇ ehˇ-awˇ, Iˬ ma laˆ shaˆ gʼahˇ ceh jaˆ-eu, miˬ yehˇ nuiˇ mahˬ nuiˇ-eu ma lehˇ, nawˇ ehˇ taˬ-euˬ dawˬ jaˆ-eu meh. Miˬ yehˇ loꞈ-ehˇ gahˇ ma duˇ kʼawꞈ, miˬ yehˇ maˬ ngeuˇ-a, tsawˇ haˬ meh.

Yeˬsaˬgeˬlaˇ 28:9

Nawˬ-ahˇ sehꞈ-eu deuˬ-euˬ mehˬ shi, miˬ yehˇ ma lehˇ ehˇ te siˬ loˇ. Nawˬ-ahˇ sehꞈ-eu deuˬ-euˬ laꞈ-ahˇ, nawˇ miˬ yehˇ maˬ ngeuˇ-ehˇ, tsawˇ haˬ ngaˇ lehˇ duˬ laˇ tehꞈ-a.

Gʼaˬkʼehˇ 12:22

“Tsawˇ haˬ zaˬ dawˬ ngehˬ gaˇ maˬ duˇ nya. Miˬyehˇ dawˬ ngehˬ gaˇ duˇ nya” lehˇ aˬ yawꞈ maꞈ guˇ-eu meh.

Gʼaˬkʼehˇ 5:19

Ehˇ kʼawꞈ, kʼoeˇ ngeh miˇ Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ paꞈ kuˆ laˇ gʼoˆ pah le-awˇ, gʼaˬ kʼehˇ deuˬ-ahˇ sheuˬ doˆ nehˬ-awˇ, heu loꞈ-ehˇ ehˇ nehˬ-euˬ meh.

2 Teˇsaˬloˇni 2:4

Tsawˇ haˬ zaˬ uˬ duˬ kʼaˇ tahˬ-eu yaw sahˇ hawˇ-eu miˬ yehˇ deuˬ-ahˇ aˬ yawꞈ muiˇ-awˇ, kʼoeˇ deuˬ dawˬ tawˆ luꞈ kʼoeˇ taˆ aˬ yawꞈ huiˬ dzehˬ-eu geuꞈ tehꞈ-a. Miˬyehˇ-euˬ Uˬ duˬ tahˬ nymˇ nymˇ ma-ahˇ keuˆ ni aˬ yawꞈ uˇ leˇ-awˇ nuiˇ-eu laꞈ kʼoeˇ, yawˬ haˇ yawˬ ha Miˬyehˇ tsaˬ geuꞈ tehꞈ-a.

1 Saˬmeuˬlaˆ 25:38

Tseˇ nah ehˇ gʼaˬ ni byah laˇ ngeh, Sahˬpaˬ Miˬyehˇ neh Naˬbaˬlaˇ-ahˇ bi shiˇ-euˬ meh.