Gʼaˬkʼehˇ 12:2 - Akha

² Yoˇhaˬ nehˬ-ehˇ tiˬ mehˇ nmˇ pyeuꞈ-eu Yaˬkoˆ-ahˇ aˬ yawꞈ mi cehˇ neh sehꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Khoernar-aq, aqyawf, micaer nae Yorhaq-euq maernmr Yaqkov-anr saef-euq mae.

Gʼaˬkʼehˇ 12:2 ပူးပေါင်းရင်းမြစ်များ

1 Sahˬpaˬ 19:1

Eˇliˇyaˆ neh kʼaˇ mˇ-euˬ jeˬ dawˬ tawˆ luꞈ hawˇ-eu, Baˬlaˇ miˬ yehˇ gʼaˇ duˬ ngehˬ dah-eu deuˬ-ahˇ aˬ yawꞈ aˬ joˆ-ehˇ sehꞈ-euˬ gaˇ kawˆ, sahˬ paˬ Aˬhaˆ neh aˬ yawꞈ-euˬ miˬ zaˬ-ahˇ dzawˇ nehˬ-euˬ meh.

1 Sahˬpaˬ 19:10

“Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ-euˬ gaˇ tehꞈ-ehˇ ngaˇ aˬ myah luꞈ mˇ luꞈ-eu ma. Ehˇ kʼawꞈ, Iˇsaˬleˬlaˆ tsawˇ haˬ deuˬ nawˬ-ahˇ saˇ jaˇ puiˬ-awˇ, nawˬ-euˬ lawˇ duˬ deuˬ laˆ cawˆ jiˇ-awˇ, nawˬ-euˬ gʼaˇ duˬ ngehˬ dah-eu deuˬ dawˬ tawˆ luꞈ-ahˇ sehꞈ-euˬ meh. Ngaˇ tiˬ gʼaˬ tehꞈ-ehˇ dzeˇ-awˇ, ngaˬ-ahˇ kʼawꞈ aˬ yawꞈ maꞈ sehꞈ-eu lehˇ leh jeh luꞈ meh.”

Yeˬlaˬmiˇ 26:23

Aˬ yawꞈ maꞈ aˬ yawꞈ-ahˇ sahˬ paˬ Yeˬhawˇyaˬkmˬ jawˇ gaˇ nyehꞈ kʼoꞈ laꞈ-awˇ, Yeˬhawˇyaˬkmˬ neh aˬ yawꞈ-ahˇ sehꞈ-awˇ, miˇ kʼahˬ zaˬ-euˬ lmˬ bymˇ-ahˇ baꞈ dzeh nehˬ-euˬ meh.)

Maꞈtehˬ 20:23

Yeˬsuˇ ehˇ-eu, “Naw nyaꞈ nmˇ ngaˬ-euˬ kʼmˬ maˬ-ahˇ aˬ diˇ aˬ maˇ dawˇ tehꞈ-a. Ehˇ kʼawꞈ, ngaˬ-euˬ aˇ maˇ paw hawˇ-eu aˇ caˇ paw bi nuiˇ-eu tsawˇ haˬ-ahˇ ngaˇ tseˇ geuꞈ-eu aˬ kawˬ-aˬ maˬ jaˆ. Nuiˇ duˬ kʼoeˇ deuˬ-aˬ, ngaˬ Da neh lehˬ hmˬ taˬ-euˬ tsawˇ haˬ deuˬ gʼaˇ duˬ meh.”

Maˬkuˆ 10:35

Kʼoeˇ naˇ, Zeˬbeˬdehˇ-euˬ aˬ li Yaˬkoˆ hawˇ-eu Yoˇhaˬ aˬ nyaꞈ nmˇ Yeˬsuˇ jawˇ gaˇ laˇ-awˇ ehˇ-eu, “Saˬ laˬ-oˇ, nga nyaꞈ nmˇ gʼaˇ duˬ nawˬ neh heu loꞈ-ehˇ bi jahˇ nehˬ mawꞈ nya.”

Maˬkuˆ 10:38

Aˬ nyaꞈ nmˇ-ahˇ Yeˬsuˇ ehˇ-eu, “Naw nyaꞈ nmˇ shaˇ luꞈ-eu jeˬ-ahˇ naw nyaꞈ nmˇ maˬ siˬ nya-a. Ngaˇ ya dawˇ-eu shaˬ zahˬ naꞈ-eu kʼmˬ maˬ-ahˇ naw nyaꞈ nmˇdawˇ coeˇ ma loˇ. Ngaˇ baˇ tiˇ saˬ kamˬ-euˬ jeˬ-ahˇ naw nyaꞈ nmˇ kamˬ coeˇ ma loˇ.”

Maˬkuˆ 10:39

Aˬ nyaꞈ nmˇ ehˇ-eu, “Kamˬ coeˇ ma.” Yeˬsuˇ ehˇ-eu, “Ngaˇ ya dawˇ-eu kʼmˬ maˬ-ahˇ naw nyaꞈ nmˇ aˬ diˇ aˬ maˇ dawˇ-awˇ, ngaˬ neh baˇ tiˇ saˬ kamˬ-euˬ jeˬ naw nyaꞈ nmˇ aˬ diˇ aˬ maˇ kamˬ tehꞈ-a.

Gʼaˬkʼehˇ 12:1

Aˇ yamˬ kʼoeˇ yamˬ laꞈ kʼoeˇ, Ka li zaˬ aˇ muˇ laꞈ kʼoeˇ uˇ-eu tsawˇ haˬ tiˬ paˆ na deuˬ-ahˇ, sahˬ paˬ Heˬloˆ neh kʼehˬ-euˬ meh.

HeˬByehˇ 11:37

Kʼaˬ lo neh bi biˬ sehꞈ-euˬ meh. Yehˬ ma neh bi yehˬ tsehˆ-euˬ meh. Mi cehˇ neh bi deuˆ sehꞈ-euˬ meh. Yawˇ baˆ kʼoˆ hawˇ-eu ciꞈ myehꞈ baˆ kʼoˆ dm dm-ehˇ cah-euˬ meh. Shaˬ dui dui-awˇ, kʼehˬ dui kʼaˆ dui bi dui-euˬ uˬ taꞈ, kʼaˇ gʼeh mawꞈ-eu jeˬ bi gʼeh-euˬ meh.