Gʼaˬkʼehˇ 12:14 - Akha

¹⁴ Beˬtuˆluˆ-euˬ teˇ saˇ-ahˇ aˬ yawꞈ gʼoˆ siˬ-awˇ, laˬ kʼaˬ cehˇ dui dui-eu miˇ neh laˇ gʼoˆ pah nehˬ-eu maˬ noeˬ ni iˇ kahˇ laꞈ kʼoeˇ paˇ cehˆ uˇ gʼeh-awˇ, Beˬtuˆluˆ laˇ gʼoˆ dawˬ peh yawꞈ luꞈ meh lehˇ ehˇ gaˬ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Aqyawf, Beqtuvluv-euq tersar-anr narhaqsiq ngae, laqkhaq caer-eu mirnae, larghov maq pannaeqni, Beqtuvluv larghov-euq maeqshi yawfluf nya laer irkanr-euq lafkhoer caevur lef-awr, aqyawf maf-anr tsafgaq ler-euq mae.

Gʼaˬkʼehˇ 12:14 ပူးပေါင်းရင်းမြစ်များ

Maꞈtehˬ 14:35

Kʼoeˇ gaˇ jawˇ-eu tsawˇ haˬ deuˬ Yeˬsuˇ-ahˇ haw siˬ-awˇ, miˇ kʼahˬ kʼoeˇ kʼahˬ doe ni tsawˇ haˬ pyehˬ gʼeh-awˇ, naˇ-eu tsawˇ haˬ dawˬ tawˆ luꞈ aˬ yawꞈ jawˇ gaˇ bi sheuˬ uiˬ laꞈ-euˬ meh.

Maꞈtehˬ 28:8

Kʼoeˇ ngeh, aˬ yawꞈ nyaꞈ guˆ kʼawꞈ guˆ, laˬ kʼaˬ kʼawꞈ cehˇ-eu laꞈ kʼoeˇ, nyi naˬ nyi naˬ-ehˇ maˬ jawˇ ni, aˬ yawꞈ-euˬ zaˬ lahˇ deuˬ-ahˇ dzawˇ nehˬ-iˇ-eu gʼaˇ duˬ cehˆ coeˬ coeˬ kʼoꞈ gʼeh-euˬ meh.

Luˇkaꞈ 24:41

Aˬ yawꞈ maꞈ zahˬ leˇ-awˇ laˬ kʼaˬ cehˇ dui dui kʼawꞈ, maˬ jah duˬ nya-ehˇ shaˬ luꞈ-eu meh. Kʼoeˇ miˇ neh, “Dzaˬ-eu tiˬ jeˬ paˬ maˬ jaˆ loˇ” lehˇ, aˬ yawꞈ maꞈ-ahˇ aˬ yawꞈ naˇ haˬ-euˬ meh.