Gʼaˬkʼehˇ 11:28 - Akha

²⁸ Miˬyehˇ gʼaˇ duˬ ngehˬ dah-eu kʼoeˇ deuˬ laꞈ kʼoeˇ, Aˬgaˬbuˇ lehˇ myahˇ-euˬ gʼaˬ tuˇ laˇ-awˇ, “Miˇ tsaˬ heu dawˬ tawˆ luꞈ kʼoeˇ taˆ, mehꞈ dui shuꞈ dui dui-eu jeˬ keuˆ le tehꞈ-a” lehˇ, Yaw sahˇ Miˬyehˇ-euˬ baoˬ-ahˇ gʼoe-awˇ ehˇ-eu meh. (Mehꞈ-eu shuꞈ-eu kʼoeˇ poˆ-aˬ, Loˇmaˆ sahˬ paˬ Gaˬlawˇdiˇ dzoeˬ dzaˬ ngeh keuˆ le-euˬ meh.)

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ Aqyawf maf-euq lafkhoer, Aqgaqbar laer kur-eu tiq ghaq turlar-awr, muiq-eu Saflar sheuqghae-eu lafkhoer, mirtsaq doeni maefdui shuf duidui-eu jeq keuvle taef-a laer bimawr-euq mae. Maef-awr shuf-eu khoer-aq, sanqpaq Gaersaq Gaqlawrdir dzoeqdzaq mrluf ngae keuvle-euq mae.

Gʼaˬkʼehˇ 11:28 ပူးပေါင်းရင်းမြစ်များ

Aˇ dahˬ 41:38

“Miˬyehˇ-euˬ Yaw sahˇ jawˇ-eu Yoˇsehˆ loꞈ-ehˇ gʼeh-eu tsawˇ haˬ-ahˇ aˬ dui maˬ paˇ poˆ mawˇ nya-aˇ” lehˇ, sahˬ paˬ kʼoeˇ gʼaˬ aˬ yawꞈ maꞈ-ahˇ ehˇ nehˬ-euˬ meh.

Maꞈtehˬ 24:14

Kʼoeˇ naˇ, miˇ tsaˬ tahˬ kʼawˇ heu doe ni, Miˬyehˇ Miˇkʼahˬ gaˇ kawˆ laˬ kʼaˬ cehˇ-eu guiˬ lahˬ dawˬ mehˬ doe tehꞈ-a. Kʼoeˇ dzeuˇ ngeh, aˇ saˬ saˬ-eu aˇ yamˬ keuˆ le tehꞈ-a.

Maꞈtehˬ 24:7

Miˇ kʼahˬ tiˬ kʼahˬ tiˇ kʼahˬ guiˇ deuˆ-awˇ, tsawˇ jeuˬ tiˬ jeuˬ tiˇ jeuˬ ceh tehꞈ-a. Mehꞈ-eu shuꞈ-eu jeˬ hawˇ-eu miˇ luˆ luˆ-eu jeˬ, yawˬ gaˇ na luꞈ keuˆ le tehꞈ-a.

Luˇkaꞈ 2:1

Kʼoeˇ ngeh, Loˇmaˆ miˇ kʼahˬ laꞈ oˆ kʼaˇ jawˇ-eu miˇ kʼahˬ zaˬ dawˬ tawˆ luꞈ tsawˇ myahˇ ya dawˆ meh lehˇ, sahˬ paˬ Gehˇsaˬ Awˇguˇtuˆ dawˬ biꞈ-euˬ meh.

Luˇkaꞈ 3:1

Gehˇsaˬ Deˬbeˬliˇ dzoeˬ dzaˬ-eu tseˇ ngaˬ kʼoꞈ byah laˇ ngeh, Yuˇdaˆ miˇ kʼahˬ-ahˇ BoˬtiˆPiˇlaˆ uˆ lahˇ-awˇ, Gaˬliˬlehˇ miˇ kʼahˬ-ahˇ Heˬloˆ uˆ lahˇ-awˇ, Iˇtuˬlehˇ miˇ kʼahˬ hawˇ-eu Daˬlaˬgawˇniˇ miˇ kʼahˬ-ahˇ Heˬloˆ-euˬ aˇ doˆ Piˇliˇpuˆ uˆ lahˇ-awˇ, Aˬbiˇleˬ miˇ kʼahˬ-ahˇ Luˇsaˬniˇ uˆ lahˇ luꞈ-eu meh.

Gʼaˬkʼehˇ 18:2

Kʼoeˇ gaˇ, Boˬtuˆ miˇ kʼahˬ-ahˇ dehꞈ le-euˬ Aˬguˇla lehˇ myahˇ-euˬ Yuˇdaˆ tsawˇ haˬ tiˬ gʼaˬ-ahˇ aˬ yawꞈ ya tahˬ puˬ-euˬ meh. Yuˇdaˆ tsawˇ haˬ dawˬ tawˆ luꞈ Loˇmaˆ meuˬ-ahˇ neh ya doˆ-iˇ jiˇ meh lehˇ, Loˇmaˆ sahˬ paˬ Gaˬlawˇdiˇ dawˬ biꞈ-euˬ miˇ neh, aˬ yawꞈ-euˬ mi zaˬ Biˇgiˇla sheuˬ-awˇ Iˇdaˬliˬ miˇ kʼahˬ-ahˇ neh gʼoꞈ doˆ le-euˬ tiˬ dehˬ pyeuꞈ-eu meh. Aˬ nyaꞈ dzeˇ zaˬ-ahˇ Pawˇluˆ tahˬ puˬ leˇ-euˬ meh.

Gʼaˬkʼehˇ 21:10

Yuˇdaˆ miˇ kʼahˬ-ahˇ jawˇ-eu Aˬgaˬbuˇ lehˇ myahˇ-euˬ Miˬyehˇ gʼaˇ duˬ ngehˬ dah-eu gʼaˬ oe keuˆ ngeh, nga maꞈ kʼoeˇ gaˇ jawˇ-eu gʼawˬ mya nah byah laˇ-euˬ ma.