Gʼaˬkʼehˇ 11:26 - Akha

²⁶ Aˬ yawꞈ-ahˇ poˆ mawˇ ngeh, Aˬdiˇawˬ meuˬ-ahˇ sheuˬ gʼeh-awˇ, Ka li zaˬ aˇ muˇ laꞈ kʼoeˇ jawˇ-eu tsawˇ haˬ deuˬ-ahˇ aˬ yawꞈ nyaꞈ kʼoꞈ kʼoꞈ lah ni tahˬ dzoeˇ-awˇ, tsawˇ haˬ gʼawˬ mya ni-ahˇ mehˬ nehˬ tsoˆ nehˬ-euˬ meh. Jah-eu tsawˇ haˬ deuˬ-ahˇ Ka li zaˬ lehˇ kuˇ beh beh-euˬ kʼoeˇ-aˬ, Aˬdiˇawˬ meuˬ-ahˇ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Aqyawf-anr povmawr ngae, Aqdirawq meuq-anr sheuqlaf-euq mae. Aqyawfnyaf tiq khof byanni khoergar jawr-awr, Kali-anr jan-eu armur naeq-aer uiqler uiqler-aer tsawrhaq ghawqmya ni-anr maeqnaeq tsovnaeq-euq mae. Zaqlanr deuq-anr Kalizaq laer kur-eu-aq, Aqdirawq meuq-anr nae kurbae bae-euq mae.

Gʼaˬkʼehˇ 11:26 ပူးပေါင်းရင်းမြစ်များ

Iˇsaˬyaˇ 65:15

Ngaˬ neh tseˇ doˆ-euˬ deuˬ yaˬ kʼehˇ yaˬ ngeh, naw maꞈ-euˬ tsawˇ myahˇ zmˬ tehꞈ-a. Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, shiˇ-eu jeˬ-ahˇ naw maꞈ kʼoeˇ taˆ bi keuˆ le ma. Ehˇ kʼawꞈ, ngaˬ-euˬ ehˇ dawˬ naˇ haˬ geuꞈ-eu deuˬ-ahˇ, tsawˇ myahˇ yaw shuiꞈ myahˇ paˇ nehˬ ma.

Maꞈtehˬ 28:19

Kʼoeˇ miˇ neh, miˇ tsaˬ tsawˇ jeuˬ dawˬ tawˆ luꞈ jawˇ gaˇ iˇ doe-awˇ, ngaˬ-euˬ zaˬ lahˇ pyeuꞈ laˇ ni mˇ-iˇ-awˬ. Aˬda Miˬyehˇ, Zaˬmaˇ Miˬyehˇ hawˇ-eu, Muiˬ-eu Shawˇ-eu Yaw sahˇ Miˬyehˇ-euˬ tsawˇ myahˇ uˬ moˆ, aˬ yawꞈ maꞈ-ahˇ iˇ cuꞈ shawˇ nehˬ-awˬ.

Yoˇhaˬ 2:2

Yeˬsuˇ hawˇ-eu aˬ yawꞈ-euˬ zaˬ lahˇ deuˬ-ahˇ kʼawꞈ, oeˇ mˇ baˇ gaˇ kuˇ taˬ-euˬ meh.

Gʼaˬkʼehˇ 1:15

Gʼawˬ myahˇ maˬ gʼeh-ehˇ, jah-eu tsawˇ haˬ deuˬ tiˬ yaˇ nyiˬ tseˇ gʼaˬ uiˬ leˇ-awˇ jawˇ gaˇ, Beˬtuˆluˆ tuˇ laˇ-awˇ, heu loꞈ-ehˇ ehˇ-eu meh.

Gʼaˬkʼehˇ 11:20

Ehˇ kʼawꞈ, Guˇbaˬluˇ iˇ jaw lahˇ hawˇ-eu Kuˇleˬniˬ miˇ kʼahˬ-ahˇ jawˇ-eu jah-eu tsawˇ haˬ tiˬ deuˬ-aˬ, Aˬdiˇawˬ meuˬ-ahˇ le-awˇ, Yuˇdaˆ tawˇ haˬ maˬ ngeuˇ-eu deuˬ-ahˇ kʼawꞈ guiˬ lahˬ dawˬ mehˬ-awˇ, Sahˬpaˬ Yeˬsuˇ Ka li gaˇ kawˆ Laˬ kʼaˬ cehˇ-eu Guiˬ lahˬ dawˬ ja mehˬ-euˬ meh.

Gʼaˬkʼehˇ 11:22

Gaˇ kawˆ kʼoeˇ Yeˬluˇsaˬlehˬ meuˬ-ahˇ jawˇ-eu Ka li zaˬ aˇ muˇ-ahˇ gaˬ keuˆ-iˇ-euˬ miˇ neh, Baˬnaˬbaˇ-ahˇ Aˬdiˇawˬ meuˬ-ahˇ aˬ yawꞈ maꞈ pyehˬ gʼeh-euˬ meh.

Gʼaˬkʼehˇ 11:27

Aˇ yamˬ kʼoeˇ yamˬ laꞈ kʼoeˇ, Miˬyehˇ gʼaˇ duˬ ngehˬ dah-eu tiˬ paˆ na deuˬ, Yeˬluˇsaˬlehˬ meuˬ-ahˇ neh Aˬdiˇawˬ meuˬ-ahˇ le-euˬ meh.

Gʼaˬkʼehˇ 11:29

Zaˬ lahˇ deuˬ yawˬ gʼaˬ na luꞈ, yawˬ ha kʼaˇ gʼeh nya-eu loꞈ-ehˇ, Yuˇdaˆ miˇ kʼahˬ-ahˇ jawˇ-eu jah-eu tsawˇ haˬ deuˬ-ahˇ caw ba-eu gʼaˇ duˬ noeˬ tsehˆ-euˬ meh.

Gʼaˬkʼehˇ 14:20

Ehˇ kʼawꞈ, jah-eu tsawˇ haˬ deuˬ aˬ yawꞈ ga-eu tiˬ jawˬ uiˬ le ngeh, aˬ yawꞈ tuˇ laˇ-awˇ, meuˬ-ahˇ gʼoꞈ uˇ leˇ-euˬ meh. Yawˬ nah yawˬ, Baˬnaˬbaˇ aˬ yawꞈ nyaꞈ-ehˇ Deˬbeˬ meuˬ-ahˇ iˇ-euˬ meh.

Gʼaˬkʼehˇ 14:22

Jah-eu jeˬ laꞈ kʼoeˇ ziꞈ ni, jah-eu tsawˇ haˬ deuˬ-ahˇ aˬ yawꞈ nyaꞈ gʼaˬ biꞈ yaꞈ-euˬ meh. “Miˬyehˇ miˇ kʼahˬ-ahˇ uˇ leˇ-eu gʼaˇ duˬ, shaˬ zahˬ gʼawˬ mya jeˬ-ahˇ aˬ dui ya tahˬ puˬ tehꞈ-a” lehˇ mehˬ nehˬ tsoˆ nehˬ yaꞈ-euˬ meh.

Gʼaˬkʼehˇ 14:23

Ka li zaˬ aˇ muˇ yawˬ muˇ na luꞈ laꞈ kʼoeˇ, aˬ yuiꞈ aˬ tsu tseˇ doˆ nehˬ-awˇ, maˬ dzaˬ-eu zahˇ jahˇ-awˇ guiˬ lahˬ shaˇ-eu laꞈ kʼoeˇ, aˬ yawꞈ maꞈ jah luꞈ-eu Sahˬpaˬ Miˬyehˇ-euˬ aˬ laꞈ laꞈ kʼoeˇ a nehˬ yaꞈ-euˬ meh.

Gʼaˬkʼehˇ 14:27

Aˬ yawꞈ nyaꞈ Aˬdiˇawˬ meuˬ-ahˇ gʼoꞈ keuˆ le ngeh, Ka li zaˬ aˇ muˇ laꞈ kʼoeˇ jawˇ-eu tsawˇ haˬ deuˬ-ahˇ kuˇ uiˬ-awˇ, aˬ yawꞈ nyaꞈ nehˬ-ehˇ Miˬyehˇ neh kʼaˇ mˇ kʼaˇ shaˇ-euˬ gaˇ kawˆ hawˇ-eu, aˬ cawˬ tsawˇ jeuˬ deuˬ jah-eu tsawˇ haˬ pyeuꞈ laˇ ni Miˬyehˇ gaˇ ma aˬ joˆ-ehˇ pah nehˬ laꞈ-euˬ gaˇ kawˆ dzawˇ nehˬ-euˬ meh.

Gʼaˬkʼehˇ 14:28

Kʼoeˇ naˇ, jah-eu tsawˇ haˬ kʼoeˇ deuˬ nehˬ-ehˇ, kʼoeˇ gaˇ aˬ yawꞈ nyaꞈ gʼawˬ myahˇ ni jawˇ-euˬ meh.

Gʼaˬkʼehˇ 18:27

Kʼoeˇ naˇ, Aˬgaˬyaˇ miˇ kʼahˬ-ahˇ iˇ-eu gʼaˇ duˬ Aˬpawˇluˆ noeˬ tsehˆ-euˬ meh. Kʼoeˇ miˇneh, Aˬgaˬyaˇ miˇ kʼahˬ-ahˇ jawˇ-eu jah-eu tsawˇ haˬ deuˬ aˬ yawꞈ-ahˇ ha geuꞈ ni, Eˇpeˇsu meuˬ-ahˇ jawˇ-eu jah-eu tsawˇ haˬ deuˬ neh sahˬ boꞈ boꞈ ahˇ nehˬ-awˇ, aˬ yawꞈ-ahˇ caw ba nehˬ-euˬ meh. Aˬ yawꞈ kʼoeˇ gaˇ iˇ keuˆ ngeh, Miˬyehˇ-euˬ guiˬ lahˬ baˬ da neh jah-eu tsawˇ haˬ pyeuꞈ laˇ-euˬ deuˬ gʼaˇ duˬ gaˇ dahˇ tsoeˬ dui dui leˇ-euˬ meh.

Gʼaˬkʼehˇ 19:9

Ehˇ kʼawꞈ, tiˬ paˆ na deuˬ nui ma gʼahˇ-eu laꞈ kʼoeˇ maˬ jah ni jawˇ-awˇ, aˬ cawˬ-euˬ mehˬ shi Sahˬpaˬ Yeˬsuˇ-euˬ Gaˇma-ahˇ ja bu ja doeˇ-euˬ meh. Kʼoeˇ miˇ neh, Pawˇluˆ jah-eu tsawˇ haˬ deuˬ-ahˇ sheuˬ-awˇ aˬ yawꞈ maꞈ jawˇ gaˇ neh iˇ doˆ-euˬ meh. Kʼoeˇ naˇ, Duˇlaˬnmˇ hawˇ nymˇ laꞈ kʼoeˇ, yawˬ nah na luꞈ Miˬyehˇ dawˬ kawˬ ja sawˇ mehˬ nehˬ-euˬ meh.

Gʼaˬkʼehˇ 20:1

Kʼoeˇ ngeh poˆ uiˬ laˇ-euˬ kʼoeˇ coꞈ-iˇ ngeh, jah-eu tsawˇ haˬ deuˬ-ahˇ Pawˇluˆ kuˇ uiˬ-awˇ, gʼaˬ biꞈ-eu laꞈ kʼoeˇ gʼoꞈ dawˬ tsaꞈ yaꞈ-awˇ, Maˬgeˬdawˇniˆ miˇ kʼahˬ-ahˇ iˇ-euˬ meh.

Gʼaˬkʼehˇ 20:30

Naw maꞈ-euˬ laꞈ kʼoeˇ tsawˇ haˬ tiˬ paˆ na deuˬ doˆ laˇ-awˇ, jah-eu tsawˇ haˬ deuˬ-ahˇ mehˇ shuiˇ shuiˇ-eu laꞈ kʼoeˇ aˬ yawꞈ maꞈ jawˇ paw sheuˬ pyawˇ gʼeh tehꞈ-a.

Gʼaˬkʼehˇ 21:4

Jah-eu tsawˇ haˬ tiˬ deuˬ-ahˇ kʼoeˇ gaˇ ya mawˇ-awˇ, aˬ yawꞈ maꞈ nehˬ-ehˇ tiˬ jaw jawˇ-euˬ ma. Yaw sahˇ Miˬyehˇ-ahˇ gʼoe-eu laꞈ kʼoeˇ, Pawˇluˆ-ahˇ “Yeˬluˇsaˬlehˬ meuˬ-ahˇ taˬ le” lehˇ aˬ yawꞈ maꞈ ehˇ-eu meh.

Gʼaˬkʼehˇ 26:28

Sahˬ paˬ Aˬgiˇpaˆ Pawˇluˆ-ahˇ ehˇ-eu, “Aˇ yamˬ heu myah tehꞈ laꞈ kʼoeˇ, ngaˇ Ka li zaˬ pyeuꞈ laˇ ni nawˇ jahˇ nya ma lehˇ noeˬ te loˇ.”

Gʼaˬkʼehˇ 6:1

Zaˬ lahˇ deuˬ myaˬ laˇ luꞈ-eu aˇ nah aˇ yamˬ kʼoeˇ laꞈ kʼoeˇ, Heˬlaˬsaˇ dawˬ ngehˬ-eu Yuˇdaˆ tsawˇ haˬ deuˬ hawˇ-eu, Yuˇdaˆ dawˬ ngehˬ-eu Yuˇdaˆ tsawˇ haˬ deuˬ yaw kaˬ dawˬ ja doˆ-euˬ meh. Aˬ jeˬ miˇ neh ehˇ naˇ, aˬ yawꞈ nah yawꞈ loˬ-eu jeˬ biˇ nehˬ ngeh, aˬ yawꞈ maꞈ-euˬ miˬ coeˬ miˬ ma deuˬ-ahˇ yaw muiˬ paˬ-ehˇ maˬ biˇ oꞈ doe nehˬ nga lehˇ, Heˬlaˬsaˇ dawˬ ngehˬ-eu Yuˇdaˆ tsawˇ haˬ deuˬ ehˇ-eu meh.

Gʼaˬkʼehˇ 6:5

Gʼaˬ kʼehˇ deuˬ kʼoeˇ loꞈ-ehˇ ehˇ gaˇ, aˇ muˇ muˇ lah-ehˇ nui ma tsaˬ-awˇ, tsawˇ haˬ heu deuˬ-ahˇ tseˇ doˆ-euˬ meh. Jah-eu nui ma tiˬ byah ni ahˇ-awˇ, Muiˬ-eu shawˇ-eu Yaw sahˇ Miˬyehˇ tiˬ byah ni ahˇ-eu Saˬteˬpaˬ, Piˇliˇpuˆ, Bawˇkawˬ, Niˇgaˬnawˬ, Tiˇmoˬ, Baˬmeˬnaˇ, Niˇgawˇla heu deuˬ meh. Niˇgawˇla-aˬ, yaw beh Aˬdiˇawˬ meuˬ-ahˇ jawˇ-euˬ lawˇ ciꞈ zaˬ pyeuꞈ-awˇ, dzeuˇ laˇ ngeh Yuˇdaˆ tsawˇ haˬ-euˬ zahˇ tiˬ poˆ tawˬ haw-euˬ meh.

Gʼaˬkʼehˇ 9:19

Kʼoeˇ naˇ, aˬ yawꞈ hawˬ dzaˬ-awˇ, gʼaˬ kʼoꞈ laˇ-euˬ meh. Sawˇluˆ-aˬ, Daˬmaˬsehˇ meuˬ-ahˇ jawˇ-eu jah-eu tsawˇ haˬ deuˬ nehˬ-ehˇ ui cuiˆ yaw myaˬ nah jawˇ-euˬ meh.

Gʼaˬkʼehˇ 9:38

Yuˇbeˬ meuˬ-aˬ, Luˇda meuˬ-ahˇ yaw kʼaˆ-ehˇ maˬ kaˬ-a. Yuˇbeˬ meuˬ-ahˇ jawˇ-eu jah-eu tsawˇ haˬ deuˬ, Luˇdaˆ meuˬ-ahˇ Beˬtuˆluˆ jawˇ luꞈ-eu gaˇ kawˆ ya gaˬ ngeh, tsawˇ haˬ nyiˬ gʼaˬ pyehˬ gʼeh-awˇ, “Nga maꞈ jawˇ Gaˇ yaw kawˇ-ehˇ tiˬ poˆ oe nehˬ laꞈ sheˇ” lehˇ bi ehˇ gaˬ leˇ-euˬ meh.

1 Gawˇliˬtu 11:18

Yaw beh tiˬ jeˬ ya ehˇ naˇ, naw maꞈ maˬ tsaˬ leˇ-ehˇ aˇ muˇ muˇ paˆ-euˬ gaˇ kawˆ ngaˇ ya gaˬ taˬ-euˬ ma. Ngaˬ neh kʼaˇ ya gaˬ-euˬ loꞈ-ehˇ tiˬ paˆ paˆ tsaˬ-eu duˇ lehˇ ngaˇ jah-eu ma.

1 Gawˇliˬtu 12:12

Ka li-aˬ, aˇ sehˇ gʼawˬ mya sehˇ tsoꞈ-eu gʼawˇ mawˇ tiˬ mawˇ-ahˇ duˇ-eu meh. Maˬ duˇ leˇ-eu aˇ sehˇ deuˬ tsoꞈ luꞈ kʼawꞈ, gʼawˇ mawˇ tiˬ mawˇ tehꞈ meh.

1 Gawˇliˬtu 14:23

Ka li zaˬ aˇ muˇ muˇ lah-ehˇ uiˬ leˇ bymˇ leˇ-awˇ yawˬ gʼaˬ na luꞈ dawˬ gʼawˬ mya jeˬ ngehˬ ngehˬ-ehˇ lawꞈ gʼa luꞈ ngeh, maˬ siˬ nya-eu tsawˇ haˬ hawˇ-eu ka li-ahˇ maˬ jah-eu tsawˇ haˬ uˇ laˇ zaˬ naˇ, naw maꞈ tsawˇ uˬ uˬ-iˇ jiˇ-euˬ ngaˇ lehˇ maˬ ehˇ-aˇ loˇ.

1 Gawˇliˬtu 4:17

Ngaˇ kʼoeˇ loꞈ-ehˇ noeˬ-awˇ, Sahˬpaˬ Miˬyehˇ laꞈ kʼoeˇ ngaˇ gaˬ dui dui-eu saˇ jaˇ ziꞈ-eu aˬ li pyeuꞈ-eu Tiˆmoˇseˬ-ahˇ naw maꞈ jawˇ gaˇ kʼehˇ gʼeh leꞈ-euˬ ma. Ngaˇ caw teh luꞈ-eu gaˇ ma pyeuꞈ-eu Ka li laꞈ kʼoeˇ aˬ joˆ-ehˇ ya dehꞈ ya jawˇ-eu gaˇ kawˆ kʼoeˇ hmˬ-ahˇ naw maꞈ maˬ ya ngehˇ ni aˬ yawꞈ sheuˬ gʼeh nehˬ laꞈ tehꞈ-a. Gaˇ kawˆ kʼoeˇ hmˬ-ahˇ ka li zaˬ aˇ muˇ kʼaˇ jaˆ gaˇ ngaˇ mehˬ-eu ma.

Eˇpeˇsu 3:15

Mˬ kʼoeˇ taˆ kʼaˇ jawˇ-eu tsawˇ paˬ tsawˇ ca deuˬ hawˇ-eu miˇ tsaˬ kʼoeˇ taˆ kʼaˇ jawˇ-eu tsawˇ jeuˬ tsawˇ ca dawˬ tawˆ luꞈ, aˬ yawꞈ neh tsawˇ myahˇ biꞈ taˬ-euˬ meh.

Yaˬkoˆ 2:7

Naw maꞈ-ahˇ biꞈ taˬ-euˬ tsawˇ myahˇ yaw muiˬ-ahˇ yehˬ bawˬ sehˇ lu-ehˇ ehˇ-eu deuˬ-aˬ, smˇ muiˬ smˇ baw kʼoeˇ deuˬ meh.

1 Beˬtuˆluˆ 4:14

Naw maꞈ Ka li-euˬ mehˬ nah caw teh-eu baˬ da neh aˬ cawˬ naw maꞈ-ahˇ ja bu ja doeˇ naˇ, naw maꞈ guiˬ lahˬ huiˬ-eu meh. Aˬ cawˬ kʼoeˇ loꞈ-ehˇ ehˇ laˇ-eu kʼoeˇ-aˬ, Miˬyehˇ-euˬ Yaw sahˇ pyeuꞈ-eu yaw shehꞈ kʼahˬ sehˇ huiˬ-eu Yaw sahˇ Miˬyehˇ naw maꞈ kʼoeˇ taˆ jawˇ luꞈ-eu saˇ kiˇ meh.

1 Beˬtuˆluˆ 4:16

Ehˇ kʼawꞈ, Ka li zaˬ pyeuꞈ-eu miˇ neh kʼehˬ-eu kʼaˆ-eu jeˬ-ahˇ ya daˬ-euˬ jeˬ ngeuˇ naˇ, kʼoeˇ loꞈ-ehˇ ya daˬ-eu baˬ da neh maˬ shaꞈ dawˇ ni, naw maꞈ Ka li-euˬ tsawˇ myahˇ ya pi luꞈ-eu baˬ da neh Miˬyehˇ-ahˇ ja ceuˬ-awˬ.

1 Yoˇhaˬ 2:27

Ehˇ kʼawꞈ, Ka li neh naw maꞈ-euˬ kʼoeˇ taˆ aˬ yawꞈ-euˬ Yaw sahˇ shehˆ daˆ nehˬ gʼaˬ-euˬ meh. Aˬ yawꞈ-euˬ Yaw sahˇ kʼoeˇ naw maꞈ laꞈ kʼoeˇ kʼaˇ jawˇ kʼoeˇ keuˆ ni, aˬ cawˬ naw maꞈ-ahˇ mehˬ nehˬ tsoˆ nehˬ-eu maˬ paˇ loˬ meh. Aˬ jeˬ miˇ neh ehˇ naˇ, aˬ yawꞈ-euˬ Yaw sahˇ kʼoeˇ naw maꞈ-ahˇ yawˬ jeˬ na luꞈ mehˬ nehˬ tsoˆ nehˬ laꞈ tehꞈ-a. Aˬ yawꞈ-euˬ Yaw sahˇ kʼaˇ mehˬ kʼaˇ tsoˆ-eu jeˬ dawˬ tawˆ luꞈ, tsaˬ dui dui-eu meh. Tiˬ pawꞈ-iˬ maˬ lehˬ-a. Yaw sahˇ kʼoeˇ neh mehˬ nehˬ tsoˆ nehˬ laꞈ-euˬ jeˬ-ahˇ naˇ haˬ geuꞈ-awˇ, Ka li-euˬ laꞈ kʼoeˇ jawˇ-awˬ.

Panmaeq 3:18

Kʼoeˇ miˇ neh, nawˇ smˇ muiˬ bi muiˬ laˇ-eu gʼaˇ duˬ, ngaˇ jawˇ gaˇ maˇ jawˆ ni gʼeh-eu shuiˇ zeuˇ laˇ-awˬ lehˇ nui noeˬ nui duˇ biꞈ-eu ma. Nawˇ dm-eu gʼaˇ duˬ mehˬ tsoeˬ yaw pyuˇ kʼawꞈ zeuˇ-awˇ, shaꞈ dawˇ dui dui paˬ-ehˇ neˇ myawˆ ni gʼeh-eu nawˬ-euˬ gʼawˇ mawˇ-ahˇ dm kaˬ-awˬ. Nawˬ-euˬ myaˆ nuiˆ mawˇ nya laˇ ni, myaˆ nuiˆ-ahˇ dawˆ-eu tsiˇ zeuˇ-awˬ.