Gʼaˬkʼehˇ 11:24 - Akha

²⁴ Baˬnaˬbaˇ-aˬ, muiˬ-eu jaˬ-eu tsawˇ haˬ tiˬ gʼaˬ pyeuꞈ-awˇ, Muiˬ-eu shawˇ-eu Yaw sahˇ Miˬyehˇ tiˬ byah ni ahˇ-awˇ, jah-eu jeˬ kʼawꞈ tiˬ byah ni ahˇ-eu miˇ neh, tsawˇ haˬ gʼawˬ mya ni Sahˬpaˬ Yeˬsuˇ jawˇ paw ahˇ laˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Baqnaqbar-aq, tsawrmuiq tsawrjaq tiq ghaq pyeuf-awr Yawshawr Saflar hawr-eu jan-eu nuima tiqbyanni anr-eu mae. Khoerngae, tsawrhaq, baqmaf-aer Sanqpaq Miqyaer jawr-eu paw lanqlar-euq mae.

Gʼaˬkʼehˇ 11:24 ပူးပေါင်းရင်းမြစ်များ

2 Saˬmeuˬlaˆ 18:27

“Mehˬ hu cehˆ luꞈ-eu gʼaˬ Zaˬdoˆ-euˬ aˬ li Aˬhiˇmaˆ-ahˇ duˇ nga” lehˇ, lahˇ kʼehˬ-ahˇ loꞈ-eu gʼaˬ ehˇ ngeh, “Aˬ yawꞈ tsawˇ haˬ yaw muiˬ tiˬ gʼaˬ meh. Laˬ kʼaˬ ya cehˇ-eu gaˇ kawˆ cehˆ gaˬ laˇ-euˬ tehꞈ-a” lehˇ sahˬ paˬ ehˇ-eu meh.

Jaceuq 112:5

Tsawˇ tsiˇ maˬ tsiˇ ni ngaˬ nehˬ paˇ nehˬ-awˇ, dawˇ coe ni gaˬ-eu tsawˇ haˬ guiˬ lahˬ huiˬ-eu meh.

Jaceuq 37:23

Tsawˇhaˬzaˬciˬ-eu kuiˇtoꞈ-aˬ, SahˬpaˬMiˬyehˇlaꞈ-ahˇjaˆ-awˇ, aˬyawꞈnui ma tsaˬ-eu gʼaˬ-ahˇ, ziꞈdah ni laˆziꞈnehˬ-eu meh.

Dawqdaq 12:2

Tsawˇ muiˬ-ahˇ Sahˬpaˬ Miˬyehˇ nui kʼahˇ shiˇ-awˇ, yaw haiˬ jeˬ toˆ-eu tsawˇ doeˇ-ahˇ aˬ yawꞈ bye-eu meh.

Dawqdaq 13:22

Muiˬ-eu jaˬ-eu tsawˇ haˬ oeˬ paˬ oeˬ ma deuˬ-ahˇ jeˬ biˇ biꞈ yaꞈ nya kʼawꞈ, iˬ baˇ mˇ-eu deuˬ-euˬ pyuˇ shuiˇ myawˬ gahˬ yaw tsaˬ yaw dawˇ tsawˇ haˬ-euˬ laꞈ-ahˇ le tehꞈ-a.

Dawqdaq 14:14

Tsawˇ doeˇ laꞈ taꞈ yaw cawˆ jeˬ keuˆ le-awˇ, tsawˇ muiˬ mehˬ shi guiˬ lahˬ jaˆ tehꞈ-a.

Maꞈtehˬ 12:35

Tsawˇ muiˬ-aˬ, yawˬ ha neh jeˬ hmˬ taˬ-euˬ yaw muiˬ jeˬ beuˬ doˆ laꞈ-awˇ, tsawˇ doeˇ-aˬ, yawˬ ha neh jeˬ hmˬ taˬ-euˬ yaw doeˇ jeˬ beuˬ doˆ laꞈ tehꞈ-a.

Maꞈtehˬ 19:17

Yeˬsuˇ ehˇ-eu, “Yaw muiˬ jeˬ-euˬ gaˇ kawˆ, aˬ jeˬ miˇ neh nawˇ ngaˬ-ahˇ naˇ haˬ te. Muiˬ-eu-aˬ, Miˬyehˇ tiˬ gʼaˬ tehꞈ meh. Dehꞈ-eu jeˬ laꞈ kʼoeˇ nawˇ uˇ leˇ mawꞈ naˇ, zahˇ dawˬ kʼoꞈ dawˬ-ahˇ caw teh-awˬ.”

Luˇkaꞈ 23:50

Yuˇdaˆ tsawˇ haˬ-euˬ meuˬ pyeuꞈ-eu Aˬliˇmaꞈtehˬ meuˬ-ahˇ, Yoˇsehˆ lehˇ myahˇ-euˬ tsawˇ haˬ tiˬ gʼaˬ jawˇ-eu meh. Aˬ yawꞈ-aˬ, yaw tsaˬ yaw dawˇ tsawˇ haˬ pyeuꞈ-awˇ, Baꞈdzah laꞈ kʼoeˇ ahˇ-eu tsawˇ haˬ tiˬ gʼaˬ meh.

Yoˇhaˬ 7:12

Tsawˇ haˬ aˇ maꞈ laꞈ kʼoeˇ, aˬ yawꞈ-euˬ gaˇ kawˆ gʼawˬ mya jeˬ ja kʼoeˬ luꞈ-eu meh. Tiˬ paˆ na deuˬ-aˬ, aˬ yawꞈ muiˬ-eu gaˇ kawˆ ja-eu meh. Tiˬ paˆ na deuˬ-aˬ, kʼoeˇ loꞈ-ehˇ maˬ ja ni, aˬ yawꞈ aˬ cawˬ-ahˇ gaˇ ma sheuˬ bahˬ-eu tsawˇ haˬ meh lehˇ ja-eu meh.

Gʼaˬkʼehˇ 11:21

Sahˬpaˬ Miˬyehˇ-euˬ baoˬ aˬ yawꞈ maꞈ nehˬ-ehˇ jawˇ-eu miˇ neh, tsawˇ haˬ gʼawˬ mya ni jah laˇ-awˇ, Sahˬpaˬ Miˬyehˇ jawˇ paw pyawˇ laˇ-euˬ meh.

Gʼaˬkʼehˇ 2:4

Aˬ yawꞈ maꞈ dawˬ tawˆ luꞈ-ahˇ Muiˬ-eu shawˇ-eu Yaw sahˇ Miˬyehˇ byah laˇ-awˇ, Yaw sahˇ Miˬyehˇ neh bi ngehˬ bi tmˇ-euˬ loꞈ-ehˇ, dawˬ gʼawˬ mya jeˬ ngehˬ-euˬ meh.

Gʼaˬkʼehˇ 2:47

Kʼoeˇ loꞈ-ehˇ jahˇ luꞈ ngeh, Miˬyehˇ-euˬ guiˬ lahˬ-ahˇ ja ceuˬ-awˇ, tsawˇ haˬ dawˬ tawˆ luꞈ aˬ yawꞈ maꞈ-ahˇ nui kʼahˇ shiˇ dui dui-euˬ meh. Ka kʼoꞈ-eu jeˬ za-euˬ tsawˇ haˬ deuˬ, tiˬ nah saˇ-iˬ tiˬ nah aˬ yawꞈ maꞈ-euˬ aˇ muˇ laꞈ kʼoeˇ bi lahˬ laˇ ni SahˬpaˬMiˬyehˇ mˇ luꞈ-eu meh.

Gʼaˬkʼehˇ 24:16

Miˬyehˇ mehˬ shi maˬ ehˇ, tsawˇ haˬ zaˬ mehˬ shi maˬ ehˇ, ngaˬ-euˬ nui ma aˬ myah luꞈ shawˇ jehˆ ni jaˆ ni leh jeh luꞈ-eu ma.

Gʼaˬkʼehˇ 5:14

Ehˇ kʼawꞈ, Sahˬpaˬ Yeˬsuˇ-ahˇ jah-eu kʼaˬ jeˇ zaˬ deuˬ hawˇ-eu zaˬ miˬ zaˬ deuˬ, aˇ muˇ laꞈ kʼoeˇ ngehˬ jawˇ ngehˬ lahˬ laˇ luꞈ-eu meh.

Gʼaˬkʼehˇ 6:3

Kʼoeˇ miˇ neh aˬ yuiꞈ aˬ nyiˇ deuˬ-oˇ, naw maꞈ laꞈ kʼoeˇ Muiˬ-eu shawˇ-eu Yaw sahˇ Miˬyehˇ tiˬ byah ni ahˇ-awˇ, tsawˇ gahˇ byah-eu tsawˇ haˬ shiꞈ gʼaˬ tseˇ doˆ-awˬ. Aˬ yawꞈ maꞈ-ahˇ gaˇ heu hmˬ bi mˇ ma.

Gʼaˬkʼehˇ 6:5

Gʼaˬ kʼehˇ deuˬ kʼoeˇ loꞈ-ehˇ ehˇ gaˇ, aˇ muˇ muˇ lah-ehˇ nui ma tsaˬ-awˇ, tsawˇ haˬ heu deuˬ-ahˇ tseˇ doˆ-euˬ meh. Jah-eu nui ma tiˬ byah ni ahˇ-awˇ, Muiˬ-eu shawˇ-eu Yaw sahˇ Miˬyehˇ tiˬ byah ni ahˇ-eu Saˬteˬpaˬ, Piˇliˇpuˆ, Bawˇkawˬ, Niˇgaˬnawˬ, Tiˇmoˬ, Baˬmeˬnaˇ, Niˇgawˇla heu deuˬ meh. Niˇgawˇla-aˬ, yaw beh Aˬdiˇawˬ meuˬ-ahˇ jawˇ-euˬ lawˇ ciꞈ zaˬ pyeuꞈ-awˇ, dzeuˇ laˇ ngeh Yuˇdaˆ tsawˇ haˬ-euˬ zahˇ tiˬ poˆ tawˬ haw-euˬ meh.

Gʼaˬkʼehˇ 6:8

Miˬyehˇ neh guiˬ lahˬ tiˬ byah ni biꞈ taˬ-awˇ, baoˬ tiˬ byah ni ahˇ-eu Saˬteˬpaˬ-aˬ, aˬ cawˬ-euˬ mehˬ shi zahˬ dui dui leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ mˇ mehˬ-euˬ meh.

Gʼaˬkʼehˇ 9:31

Kʼoeˇ ngeh, Yuˇdaˆ miˇ kʼahˬ, Gaˬliˬlehˇ miˇ kʼahˬ hawˇ-eu, Saˬmaˬliˆ miˇ kʼahˬ doe ni jaˆ-eu Ka li zaˬ aˇ muˇ deuˬ, nui saˇ oꞈ-eu laꞈ kʼoeˇ coꞈ ngehˇ ni tiˬ kʼehˬ ya dehꞈ-euˬ meh. SahˬpaˬMiˬyehˇ-ahˇ yaw zeu baw-awˇ dehꞈ-eu loꞈ-ehˇ, Muiˬ-eu shawˇ-eu Yaw sahˇ Miˬyehˇ caw ba-eu laꞈ kʼoeˇ myaˬ laˇ behˇ laˇ luꞈ-eu meh.

Lormav 15:15

Ehˇ kʼawꞈ, yaw beh ngaˇ naw maꞈ-ahˇ ehˇ-euˬ gaˇ kawˆ deuˬ-ahˇ sahˬ boꞈ heu taꞈ laꞈ kʼoeˇ kʼaˬ duˬ ni boꞈ-eu ma. Miˬyehˇ neh ngaˬ-ahˇ aˬ yawꞈ-euˬ zaˬ kʼaˆ bi geuꞈ-eu gʼaˇ duˬ taˬ huiˬ nehˬ laꞈ-euˬ baˬ da neh, ngaˇ heu loꞈ-ehˇ kʼaˬ duˬ ni boꞈ-euˬ ma.

Lormav 5:7

Yaw tsaˬ yaw dawˇ tsawˇ haˬ tiˬ gʼaˬ na gʼaˇ duˬ shiˇ dah-eu ehˇ-eu kʼawꞈ, yaw awˬ maˬ ngeuˇ-a. Aˬ cawˬ gʼaˇ duˬ muiˬ-eu tsawˇ haˬ tiˬ gʼaˬ na-euˬ gʼaˇ duˬ law nmˇ-aˬ, shiˇ dah nehˬ mawꞈ-eu tsawˇ haˬ jawˇ law hawˇ maˬ siˬ.