Gʼaˬkʼehˇ 11:23 - Akha

²³ Aˬ yawꞈ kʼoeˇ gaˇ le keuˆ-awˇ, Miˬyehˇ neh tsawˇ haˬ kʼoeˇ deuˬ-ahˇ guiˬ lahˬ biꞈ-euˬ gaˇ ya mawˇ ngeh, laˬ kʼaˬ cehˇ dui dui-eu laꞈ kʼoeˇ, Sahˬ paˬ Yeˬsuˇ-ahˇ nui ma laꞈ kʼoeˇ keuˆ ni saˇ jaˇ ziꞈ-eu gʼaˇ duˬ aˬ yawꞈ maꞈ dawˬ tawˆ luꞈ-ahˇ gʼaˬ biꞈ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Aqyawf khoergar irkeuv-awr, Miqyaer-euq guiqlanq yawdzanr-anr ya’mawr-euq mirnae, laqkhaq caer-eu mae. Aqyawf, aqyawfmaf yawqghaq navluf-anr nuima zifdanni, Sanqpaq Miqyaer-euq dawqpae taeqni daef-awq laer ghaq bif-euq mae.

Gʼaˬkʼehˇ 11:23 ပူးပေါင်းရင်းမြစ်များ

2 Sahˬpaˬ 18:6

Aˬ yawꞈ-aˬ, Sahˬpaˬ Miˬyehˇ-ahˇ saˇ jaˇ ziꞈ-awˇ, Sahˬpaˬ Miˬyehˇ-euˬ ehˇ dawˬ-ahˇ maˬ naˇ haˬ-ehˇ maˬ byehˇ-eu uˬ taꞈ, Sahˬpaˬ Miˬyehˇ neh Moˇseˬ-ahˇ kʼaˇ biꞈ taˬ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ, yaw muiˬ paˬ-ehˇ caw teh-eu meh.

Jaceuq 17:3

Ngaˬ-euˬnui ma nawˇlawˬhaw sheˇ. Uˬciꞈngaˇjawˇgaˇoe haw sheˇ. ngaˬ-ahˇnawˇpyehˆtseˇduˬhaw sheˇ. Yaw haiˬjeˬ mˇmawꞈ-eu nui ma, maˬahˇ-eu nawˇ siˬduˬtehꞈ-a. Dawˬdoeˇngehˬ-eu tmˇ-eu gʼaˇduˬ, ngaˬ-euˬ kʼaˬmeh-ahˇngaˇmaˬzmˬ.

Dawqdaq 23:15

Ngaˬ li-oˇ, nawˇ zaˬ siˬ tsawˇ gahˇ byah laˇ gaˇ, ngaˇ nui kʼahˇ shiˇ dui dui ma.

Dawqdaq 23:28

Tahˇ joe loꞈ-ehˇ aˬ yawꞈ maꞈ nawˬ-ahˇ loꞈ-awˇ, kʼaˬ dzeˇ zaˬ gʼawˬ mya gʼaˬ-ahˇ laˆ cawˆ-eu meh. -18-

Daˬyeˬlaˇ 1:8

Sahˬ paˬ-euˬ hawˇ nymˇ-ahˇ jaˆ-eu dzaˇ hawˇ-eu aˬ gaꞈ dzaˇ uiˇ deuˬ-ahˇ dzaˬ-eu dawˇ-eu laꞈ kʼoeˇ, aˬ yawꞈ-euˬ gʼawˇ mawˇ maˬ muiˬ maˬ shawˇ-ehˇ pyeuꞈ-iˇ ni maˬ jahˇ lehˇ, Daˬyeˬlaˇ noeˬ tsehˆ-euˬ meh. Kʼoeˇ miˇ neh, aˬ yawꞈ-ahˇ gʼawˬ shaˬ gaˬ nehˬ laꞈ-eu laꞈ kʼoeˇ, sahˬ paˬ hawˇ nymˇ-ahˇ dzaˬ-eu dzaˇ deuˬ maˬ dzaˬ ni ya jawˇ-eu gʼaˇ duˬ, Aˬshaˇpeˬnaˆ-ahˇ aˬ yawꞈ shaˇ-euˬ meh.

Maꞈtehˬ 16:24

Kʼoeˇ naˇ, zaˬ lahˇ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Tsawˇ haˬ aˬ geu gʼaˬ maˬ kaˬ, ngaˬ-euˬ mehˬ nah caw teh laˇ mawꞈ naˇ, yawˬ ha-euˬ nui kʼahˇ ya byehˇ dzeh-eu uˬ taꞈ, yawˬ ha-euˬ laꞈ yaꞈ baꞈ-awˇ, ngaˬ-euˬ mehˬ nah ya laˇ meh.

Maˬkuˆ 2:5

Aˬ yawꞈ maꞈ kʼoeˇ naˆ naˆ-ehˇ jah gaˇ Yeˬsuˇ ya mawˇ ngeh, kuiˇ shiˇ laꞈ shiˇ shiˇ-euˬ kʼoeˇ gʼaˬ-ahˇ, “Ngaˬ li-oˇ, nawˬ-euˬ iˬ baˇ pyehˬ nehˬ gʼaˬ-euˬ ma” lehˇ ehˇ nehˬ-euˬ meh.

Yoˇhaˬ 15:4

Ngaˇ naw maꞈ-ahˇ tsoꞈ tsaꞈ taˬ-euˬ loꞈ-ehˇ, naw maꞈ ngaˬ-ahˇ tsoꞈ tsaꞈ-awˬ. Uˬ laꞈ-aˬ, baw duˆ-ahˇ maˬ tsoꞈ tsaꞈ naˇ aˇ siˬ maˬ siˬ le nya-eu loꞈ-ehˇ, naw maꞈ kʼawꞈ, ngaˬ-ahˇ maˬ tsoꞈ tsaꞈ naˇ, aˇ siˬ maˬ siˬ le nya-a.

Gʼaˬkʼehˇ 13:43

Aˬ yawꞈ maꞈ uˬ duˬ tahˬ nymˇ-ahˇ daˆ laˇ-euˬ gʼoꞈ ka-iˇ ngeh, Yuˇdaˆ tsawˇ haˬ gʼawˬ mya ni hawˇ-eu Yuˇdaˆ tsawˇ haˬ pyeuꞈ laˇ-euˬ aˬ cawˬ tsawˇ jeuˬ gʼawˬ mya ni, Pawˇluˆ hawˇ-eu Baˬnaˬbaˇ aˬ nyaꞈ-euˬ mehˬ nah caw teh laˇ-euˬ meh. Aˬ yawꞈ nyaꞈ aˬ yawꞈ maꞈ-ahˇ dawˬ ngehˬ cawˬ-awˇ, Miˬyehˇ gʼawˬ shaˬ gaˬ-eu jeˬ laꞈ kʼoeˇ ziꞈ dah ni dehꞈ daˆ leꞈ-eu gʼaˇ duˬ gʼaˬ biꞈ-euˬ meh.

Gʼaˬkʼehˇ 14:22

Jah-eu jeˬ laꞈ kʼoeˇ ziꞈ ni, jah-eu tsawˇ haˬ deuˬ-ahˇ aˬ yawꞈ nyaꞈ gʼaˬ biꞈ yaꞈ-euˬ meh. “Miˬyehˇ miˇ kʼahˬ-ahˇ uˇ leˇ-eu gʼaˇ duˬ, shaˬ zahˬ gʼawˬ mya jeˬ-ahˇ aˬ dui ya tahˬ puˬ tehꞈ-a” lehˇ mehˬ nehˬ tsoˆ nehˬ yaꞈ-euˬ meh.

Gʼaˬkʼehˇ 14:26

Kʼoeˇ gaˇ neh naˇ, lawˬ dziˬ-awˇ Aˬdiˇawˬ meuˬ-ahˇ gʼoꞈ keuˆ-iˇ-euˬ meh. Nymˬ-mˇ aˬ yawꞈ nyaꞈ neh mˇ gʼaˬ-euˬ gaˇ heu deuˬ-ahˇ aˬ yawꞈ nyaꞈ mˇ-eu lehˇ gʼeh ngeh, Aˬdiˇawˬ meuˬ laꞈ kʼoeˇ aˬ yawꞈ nyaꞈ-ahˇ Miˬyehˇ-euˬ aˬ laꞈ laꞈ kʼoeˇ a nehˬ-euˬ meh.

Gʼaˬkʼehˇ 15:40

Pawˇluˆ gʼaˬ-aˬ, jah-eu tsawˇ haˬ deuˬ neh aˬ yawꞈ-ahˇ Sahˬpaˬ Miˬyehˇ-euˬ guiˬ lahˬ yaw dzahˇ laꞈ kʼoeˇ bi a nehˬ gʼaˬ miˇ tsa, Siˬlaˆ-ahˇ tseˇ doˆ-awˇ sheuˬ gʼeh-euˬ meh.

Gʼaˬkʼehˇ 20:24

Ehˇ kʼawꞈ, ngaˬ-euˬ gʼawˇ mawˇ heu-aˬ, tiˬ jeˬ-iˬ maˬ poeˬ maˬ lawˬ-a lehˇ ngaˇ noeˬ jiˇ taˬ-euˬ ma. Ngaˇ ya mˇ-eu saˬ saˬ naˬ gaˇ heu mˇ jiˇ-awˇ, Sahˬpaˬ Yeˬsuˇ neh ngaˬ-ahˇ biꞈ taˬ-euˬ Miˬyehˇ gʼawˬ shaˬ gaˬ-eu jeˬ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-eu gaˇ heu mˇ luiˆ yaꞈ nya ni noeˬ tsoˆ taˬ-euˬ ma.

Gʼaˬkʼehˇ 20:32

“Nymˬ-mˇ, Miˬyehˇ-euˬ aˬ laꞈ laꞈ kʼoeˇ hawˇ-eu aˬ yawꞈ-euˬ gʼawˬ shaˬ gaˬ-eu jeˬ laꞈ kʼoeˇ naw maꞈ-ahˇ ngaˇ a nehˬ yaꞈ-eu ma. Guiˬ lahˬ yaw dzahˇ biꞈ-eu dawˬ kʼoeˇ-aˬ, naw maꞈ-ahˇ bi huiˬ bi mahˇ laˇ nya-awˇ, Miˬyehˇ neh aˬ yawꞈ-euˬ tsawˇ haˬ dawˬ tawˆ luꞈ gʼaˇ duˬ lehˬ hmˬ taˬ-euˬ guiˬ lahˬ biꞈ nya-eu meh.

Gʼaˬkʼehˇ 4:36

Guˇbaˬluˇ iˇ jaw lahˇ miˇ kʼahˬ-ahˇ dehꞈ le-euˬ Leˬbiˇ tsawˇ jeuˬ Yoˇsehˆ lehˇ myahˇ-euˬ tiˬ gʼaˬ jawˇ-eu meh. Gʼaˬ kʼehˇ deuˬ neh aˬ yawꞈ-ahˇ Baˬnaˬbaˇ lehˇ myahˇ paˇ nehˬ-euˬ meh. Baˬnaˬbaˇ lehˇ ehˇ-eu dawˬ tsuiꞈ-aˬ, “Gʼaˬ biꞈ-eu gʼaˬ” lehˇ ehˇ mawꞈ-eu meh.

Lormav 12:8

Aˬ cawˬ-ahˇ gʼaˬ biꞈ-eu gʼaˇ duˬ laꞈ sawˬ za-euˬ ngeuˇ naˇ, gʼaˬ biꞈ-eu tsaˬ meh. Aˬ cawˬ-ahˇ biꞈ nehˬ damˬ nehˬ-eu laꞈ sawˬ za-euˬ ngeuˇ naˇ, nui ma keuˆ-eu laꞈ kʼoeˇ biꞈ nehˬ-eu tsaˬ meh. Aˬ cawˬ kʼoeˇ taˆ aˬ yuiꞈ aˬ tsu geuꞈ-awˇ uˆ lahˇ-eu laꞈ sawˬ za-euˬ ngeuˇ naˇ, leh jeh dui dui-awˇ mˇ-eu tsaˬ meh. Aˬ cawˬ-ahˇ gʼawˬ shaˬ gaˬ nehˬ-eu laꞈ sawˬ za-euˬ ngeuˇ naˇ, laˬ kʼaˬ tiˬ cehˇ gaˬ nehˬ-eu tsaˬ meh.

1 Gawˇliˬtu 15:58

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, gʼaˬ byehˆ maˬ byehˆ-ehˇ ziꞈ dah ni yawꞈ tehˬ taˬ-eu laꞈ kʼoeˇ, Sahˬpaˬ Yeˬsuˇ-euˬ gaˇ mˇ-eu yawꞈ ngehꞈ maˬ ngeuˇ-a lehˇ siˬ nya-awˇ, Sahˬpaˬ Yeˬsuˇ-euˬ gaˇ mˇ-eu leh jeh dui dui-awˬ.

2 Gawˇliˬtu 1:17

Ngaˇ naw maꞈ jawˇ gaˇ oe-eu lehˇ lehˬ hmˬ ngeh, ngaˬ-euˬ nui ma poˆ poˆ laˆ laˆ-ehˇ gʼeh taˬ loˇ. Ngaˇ tiˬ jeˬ paˬ mˇ-eu lehˇ gʼeh ngeh, miˇ tsaˬ zaˬ-euˬ nui noeˬ pi-awˇ, “Oe ma,” “Maˬ oe” lehˇ, nyiˬ jeˬ luꞈ tiˬ poˆ tehꞈ-ehˇ ehˇ-euˬ ta loˇ.

2 Gawˇliˬtu 6:1

Naw maꞈ neh za taˬ-euˬ Miˬyehˇ-euˬ guiˬ lahˬ yaw dzahˇ kʼoeˇ yawꞈ ngehꞈ-ehˇ maˬ bi pyeuꞈ-iˇ-eu gʼaˇ duˬ, nga maꞈ Miˬyehˇ nehˬ-ehˇ tiˬ kawˆ loꞈ-ehˇ gaˇ mˇ luꞈ-eu laꞈ kʼoeˇ naw maꞈ-ahˇ shaˇ-eu ma.

Dawˬmehˬ 10:20

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ naˇ haˬ geuꞈ-awˇ, aˬ yawꞈ-ahˇ tehꞈ-ehˇ uˬ duˬ tahˬ-awˬ. Aˬ yawꞈ-ahˇ saˇ jaˇ ziꞈ-awˇ, aˬ yawꞈ-euˬ tsawˇ myahˇ laꞈ kʼoeˇ tehꞈ-ehˇ saˇ jaˇ dzaˬ-awˬ.

Dawˬmehˬ 30:20

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gaˬ-awˬ. Aˬ yawꞈ-euˬ ehˇ dawˬ naˇ haˬ-awˇ, aˬ yawꞈ-ahˇ saˇ jaˇ ziꞈ-awˬ. Kʼoeˇ loꞈ-ehˇ jahˇ naˇ, nawˬ-euˬ aˬ poeˬ aˬ bawˇ deuˬ pyeuꞈ-eu Aˬbyaˬhaˬ, Iˇtsaˆ hawˇ-eu Yaˬkoˆ-ahˇ biꞈ-eu gʼaˇ duˬ aˬ yawꞈ neh saˇ jaˇ dzaˬ taˬ-euˬ miˇ kʼahˬ kʼoeˇ kʼahˬ laꞈ kʼoeˇ, nawˇ hawˇ-eu nawˬ-euˬ zaˬ deuˬ gʼawˬ myahˇ ni ya jawˇ tehꞈ-a.”

Gawˇlawˇsehˇ 1:6

Miˬyehˇ-euˬ guiˬ lahˬ yaw dzahˇ gaˇ kawˆ naw maꞈ gaˬ dahˬ beh-awˇ yaw muiˬ paˬ-ehˇ ya siˬ duˬ ngeh nah neh naw maꞈ kʼoeˇ taˆ muiˬ-eu guiˬ lahˬ gʼawˬ mya jeˬ keuˆ le luꞈ-eu loꞈ-ehˇ, Laˬ kʼaˬ cehˇ-eu Guiˬ lahˬ dawˬ-aˬ, tsawˇ haˬ zaˬ kʼoeˇ taˆ muiˬ-eu guiˬ lahˬ gʼawˬ mya jeˬ maˬ tsehˆ leˇ ni bi keuˆ le luꞈ-awˇ, miˇ kʼahˬ doe ni gaˬ byah-iˇ luꞈ-eu meh.

2 Tiˆmoˇseˬ 3:10

Ehˇ kʼawꞈ nawˇ-aˬ, ngaˬ-euˬ mehˬ nah caw teh-awˇ dzaw geuꞈ luꞈ-eu tsawˇ haˬ pyeuꞈ-eu meh. Ngaˬ neh mehˬ-euˬ tsoˆ-euˬ jeˬ, ngaˬ neh dehꞈ mehˬ jawˇ mehˬ-euˬ jeˬ, ngaˬ neh noeˬ-euˬ jeˬ, ngaˬ-euˬ jah-eu jeˬ, ngaˬ-euˬ nui ma mahˇ-eu jeˬ, ngaˬ-euˬ gʼoeˇ-eu gaˬ-eu jeˬ, ngaˇ daˬ coeˇ oˇ coeˇ-eu jeˬ,

Yawˇshuˆ 22:5

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gaˬ-awˬ. Aˬ yawꞈ-euˬ nui kʼahˇ mˇ-awˬ. Aˬ yawꞈ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ-awˬ. Aˬ yawꞈ-ahˇ saˇ jaˇ ziꞈ-awˬ. Nawˬ-euˬ nui ma saꞈ laˇ dawˬ tawˆ luꞈ aˬ yawꞈ-euˬ gaˇ mˇ-awˬ lehˇ ehˇ-eu Moˇseˬ neh biꞈ taˬ-euˬ zahˇ dawˬ kʼoꞈ dawˬ deuˬ-ahˇ naw maꞈ maˬ ngehˇ ni caw teh-awˬ.”

Yawˇshuˆ 23:8

Ehˇ kʼawꞈ, dzeuˇ laˇ ngeh loꞈ-ehˇ Sahˬpaˬ Miˬyehˇ-ahˇ saˇ jaˇ ziꞈ-awˬ.

1 Beˬtuˆluˆ 5:12

Ngaˇ jah coeˇ-eu aˬ nyiˇ Siˬlaˇ-ahˇ gʼoe-awˇ, naw maꞈ-ahˇ sahˬ boꞈ heu taꞈ yaw nymˇ nymˇ-ehˇ boꞈ ahˇ laꞈ-eu ma. Naw maꞈ-ahˇ gʼaˬ biꞈ mawꞈ-eu miˇ neh sahˬboꞈ heu taꞈ ngaˇ boꞈ-euˬ ma. Sahˬ boꞈ heu taꞈ-aˬ, maˇ maˇ ni Miˬyehˇ-euˬ guiˬ lahˬ yaw dzahˇ pyeuꞈ-eu ma. Guiˬ lahˬ yaw dzahˇ heu-euˬ laꞈ kʼoeˇ ziꞈ dah ni jawˇ-awˬ.

1 Yoˇhaˬ 2:28

Ngaˇ gaˬ dui dui-eu zaˬ deuˬ-oˇ, Ka li zaꞈ le-eu Aˇ nah keuˆ le-awˇ, aˬ yawꞈ-ahˇ bya cehˆ ni ya mawˇ ngeh, aˬ dui-euˬ nui ma maˬ ya baˬ-ehˇ, aˬ yawꞈ-ahˇ shaꞈ dawˇ-eu baˬ da neh cehˆ zaꞈ cehˆ zaꞈ-ehˇ maˬ ya shaˬ ni, nymˬ-mˇ naw maꞈ aˬ yawꞈ-euˬ laꞈ kʼoeˇ jawˇ-awˬ.

3 Yoˇhaˬ 1:4

Ngaˬ-euˬ zaˬ deuˬ yaw tsaˬ yaw dawˇ jeˬ laꞈ kʼoeˇ dehꞈ luꞈ meh lehˇ ya gaˬ-eu naˆ maˬ tseˇ, ngaˇ laˬ kʼaˬ cehˇ-eu nui jeˬ maˬ paˇ jaˆ ma.

Yuˇdaˆ 1:4

Aˬ jeˬ miˇ neh ehˇ naˇ, Miˬyehˇ-ahˇ yaw zeu maˬ baw-eu tsawˇ haˬ tiˬ paˆ na deuˬ, aˬ dui laꞈ kʼoeˇ ciˬ cuˇ ni uˇ kʼoeˬ laˇ taˬ-euˬ meh. Tsawˇ haˬ kʼoeˇ deuˬ-aˬ, yawˬ ha maˬ tsaˬ maˬ dawˇ-eu laꞈ kʼoeˇ yaw dehꞈ dehꞈ-eu jeˬ-ahˇ yaw tsaˬ yaw dawˇ jeˬ bi pyeuꞈ laˇ-eu gʼaˇ duˬ Miˬyehˇ-euˬ guiˬ lahˬ yaw dzahˇ-ahˇ yuˇ pyawˆ-eu uˬ taꞈ, aˬ dui-ahˇ uˆ lahˇ-eu gʼaˬ hawˇ-eu aˬ dui-euˬ Sahˬpaˬ pyeuꞈ-eu Yeˬsuˇ Ka li-ahˇ maˬ ha geuꞈ-a. Aˬ yawꞈ maꞈ yaˇ kʼaˬ daˇ nehˬ gaˇ ya daˬ-eu gaˇ kawˆ, aˇ hu ba neh Jaˇliꞈ laꞈ kʼoeˇ ehˇ taˬ-euˬ jaˆ-eu meh.