Gʼaˬkʼehˇ 11:18 - Akha18 Kʼoeˇ loꞈ-ehˇ dzawˇ mehˬ nehˬ gaˇ aˬ yawꞈ maꞈ ya gaˬ ngeh, Beˬtuˆluˆ-ahˇ iˬ baˇ maˬ taˬ ni byehˇ-awˇ, heu loꞈ-ehˇ ehˇ-eu meh. “Miˬyehˇ-aˬ, Yuˇdaˆ tsawˇ haˬ maˬ ngeuˇ-eu aˬ cawˬ tsawˇ jeuˬ deuˬ-ahˇ kʼawꞈ, iˬ baˇ noeˬ poˆ-awˇ dehꞈ nya ni aˬ kawˬ-aˬ biꞈ-euˬ nga.” အခန်းကိုကြည့်ပါ။Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq18 Aqyawfmaf garkawv khoer-anr yagaq ngae, ciqcur savni jawr-awr Miqyaer-anr ciqhuiq ciqmanr-eu, “Tox-aer mar-iq, aqcawq tsawrjeuq tsawrca-anr khawf daef-eu jeq bi za’ni Miqyaer, aqyawf maf-anr bi noeqpov bi noeqpar-euq ngar-a.” အခန်းကိုကြည့်ပါ။ |
Gʼaˬkʼehˇ 11:18
33 ပူးပေါင်းရင်းမြစ်များ
Ziˇoˬ meuˬ-ahˇ ngoeˇ luꞈ-eu tsawˇ haˬ deuˬ, nui noeˬ shaˬ-eu dah zaˇ laˬ kʼaˬ cehˇ laˇ nya ni, shaˬ zahˬ mˇ-eu dah zaˇ ja ceuˬ-eu caˇ dawˬ caˇ nya ni, aˬ yawꞈ ngaˬ-ahˇ pyehˬ leꞈ-euˬ meh. Aˬ yawꞈ maꞈ Sahˬpaˬ Miˬyehˇ neh ka-euˬ aˇ bawˇ-ahˇ duˇ tehꞈ-a. Aˬ yawꞈ maꞈ dawˬ tawˆ yaw tsaˬ yaw dawˇ jeˬ mˇ-eu miˇ neh, Miˬyehˇ-ahˇ aˬ cawˬ ya ja ceuˬ tehꞈ-a.
Kʼoeˇ-aˬ, mˬ maˬ maˬ byaˆ zaˇ ziˇ naw maꞈ-ahˇ oꞈ-eu jeˬ biˇ meh. Naw maꞈ miˇ tsaˬ biˇ ngeh, naw maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ deuˬ hawˇ-eu, heu gaˇ dehꞈ le-euˬ tsawˇ haˬ deuˬ-ahˇ kʼawꞈ ya biˇ oꞈ nehˬ meh. Aˬ yawꞈ maꞈ-ahˇ Iˇsaˬleˬlaˆ miˇ kʼahˬ zaˬ lehˇ ya sawˇ-awˇ, shehˆ tsaˬ tsaˬ-eu laꞈ kʼoeˇ miˇ tsaˬ biˇ geuꞈ ngeh, aˬ yawꞈ maꞈ-ahˇ kʼawꞈ ya bi oꞈ leˇ meh.
“Daˬbiˇ-euˬ zaˬ deuˬ uˆ deuˬ hawˇ-eu, Yeˬluˇsaˬlehˬ meuˬ-ahˇ jawˇ-eu tsawˇ haˬ nui deuˬ-ahˇ, gʼawˬ shaˬ gaˬ-eu nui ma hawˇ-eu uˬ duˬ tahˬ-eu nui ma bi ahˇ ma. Aˬ yawꞈ maꞈ neh tsawˆ sehꞈ-euˬ tsawˇ haˬ-ahˇ aˬ yawꞈ maꞈ haw-awˇ, zaˬ tiˬ gʼaˬ tehꞈ-ehˇ jawˇ-eu bi shiˇ-euˬ loꞈ-ehˇ tsawˇ ngoeˇ ngoeˇ nehˬ tehꞈ-a. Dehꞈ beh beh le-euˬ aˬ li bi shiˇ-euˬ loꞈ-ehˇ, tsawˇ ngoeˇ ngoeˇ dui dui tehꞈ-a.
Aˬ yawꞈ nyaꞈ Aˬdiˇawˬ meuˬ-ahˇ gʼoꞈ keuˆ le ngeh, Ka li zaˬ aˇ muˇ laꞈ kʼoeˇ jawˇ-eu tsawˇ haˬ deuˬ-ahˇ kuˇ uiˬ-awˇ, aˬ yawꞈ nyaꞈ nehˬ-ehˇ Miˬyehˇ neh kʼaˇ mˇ kʼaˇ shaˇ-euˬ gaˇ kawˆ hawˇ-eu, aˬ cawˬ tsawˇ jeuˬ deuˬ jah-eu tsawˇ haˬ pyeuꞈ laˇ ni Miˬyehˇ gaˇ ma aˬ joˆ-ehˇ pah nehˬ laꞈ-euˬ gaˇ kawˆ dzawˇ nehˬ-euˬ meh.
Aˬ yawꞈ maꞈ-ahˇ Ka li zaˬ aˇ muˇ neh kʼehˇ-awˇ bi iˇ-euˬ meh. Piˇniˇshaˆ miˇ kʼahˬ hawˇ-eu Saˬmaˬliˇ miˇ kʼahˬ kʼoeˇ deuˬ-ahˇ iˇ luꞈ ngeh, aˬ cawˬ tsawˇ jeuˬ deuˬ Miˬyehˇ jawˇ paw gʼoꞈ pyawˇ laˇ-euˬ gaˇ kawˆ ja mehˬ-euˬ meh. Gaˇ kawˆ kʼoeˇ kʼaˇ ya gaˬ-euˬ jah-eu tsawˇ haˬ dawˬ tawˆ luꞈ, laˬ kʼaˬ cehˇ dui dui-euˬ meh.
Aˬ yawꞈ kʼoeˇ loꞈ-ehˇ dzawˇ nehˬ gaˇ ya gaˬ ngeh, aˬ yawꞈ maꞈ dawˬ tawˆ luꞈ Miˬyehˇ-ahˇ ja ceuˬ-euˬ meh. Kʼoeˇ naˇ, Pawˇluˆ-ahˇ aˬ yawꞈ maꞈ heu loꞈ-ehˇ ehˇ nehˬ-euˬ meh. “Aˬ nyiˇ Pawˇluˆ-oˇ, jah-eu tsawˇ haˬ pyeuꞈ laˇ-euˬ Yuˇdaˆ tsawˆ haˬ aˇ myaˆ ni jawˇ-eu hawˇ-eu, aˬ yawꞈ maꞈ Zahˇ dawˬ kʼoꞈ dawˬ-ahˇ aˇ naˆ ni nui ma keuˆ luꞈ-eu nawˇ mawˇ luꞈ meh.
Aˬ dui dawˬ tawˆ luꞈ myaˆ pyawˬ-ahˇ saˬ paˇ maˬ dehˬ kaˬ taˬ-ehˇ, Sahˬpaˬ Miˬyehˇ-euˬ yaw shehꞈ kʼahˬ sehˇ aˬ dui-ahˇ tahˬ le luꞈ meh. Sahˬpaˬ Miˬyehˇ-euˬ Yaw sahˇ jawˇ gaˇ neh oe-euˬ yaw shehꞈ kʼahˬ sehˇ kʼoeˇ aˬ dui-ahˇ tiˬ jawˇ saˇ-iˬ tiˬ jawˇ yaw shehꞈ kʼahˬ sehˇ bi huiˬ dzehˬ laˇ-awˇ, aˬ yawꞈ-ahˇ duˇ leˇ ni aˬ dui-ahˇ bi paˇ laˇ luꞈ-eu meh.
Luˇbeˬ tsawˇ jeuˬ, Gaˆ tsawˇ jeuˬ hawˇ-eu, nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ kʼoeˇ deuˬ ehˇ-eu dawˬ-ahˇ, piˇ ma Piˇnaˬhaˇ hawˇ-eu aˬ yawꞈ nehˬ-ehˇ oe-euˬ nahˇ ma ga kʼehˬ paw jawˇ-eu Iˇsaˬleˬlaˆ tsawˇ jeuˬ deuˬ kʼoeˇ taˆ aˬ yuiꞈ geuꞈ luꞈ-eu, Iˇsaˬleˬlaˆ tsawˇ haˬ aˇ maꞈ aˇ muˇ-euˬ aˬ yuiꞈ aˬ tsu kʼoeˇ tseˇ gʼaˬ ya gaˬ ngeh, nui kʼahˇ shiˇ-euˬ meh.
ကြော်ငြာတွေ