Gʼaˬkʼehˇ 10:45 - Akha

⁴⁵ Yuˇdaˆ tsawˇ haˬ maˬ ngeuˇ-eu deuˬ-ahˇ kʼawꞈ, Miˬyehˇ neh Muiˬ-eu shawˇ-eu Yaw sahˇ Miˬyehˇ shehˆ daˆ nehˬ-euˬ gaˇ, Beˬtuˆluˆ nehˬ-ehˇ Yuˇbeˬ meuˬ-ahˇ neh laˇ-euˬ jah-eu Yuˇdaˆ tsawˇ haˬ deuˬ zahˬ leˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁵ Aqcawq tsawrjeuq tsawrca-euq khoertav khawf, Miqyaer, Yawshawr Saflar-euq lafsawq shaevdav naeq-euq mirnae, Beqtuvluv naeq-aer lar-euq bawkhov maeqdzaq yaeq-euq jan-eu tsawrhaq khoerdeuq ya’mawr ngae zanqler-euq mae.

Gʼaˬkʼehˇ 10:45 ပူးပေါင်းရင်းမြစ်များ

Gʼaˬkʼehˇ 10:23

Aˬ ha smˇ gʼaˬ-ahˇ Beˬtuˆluˆ kuˇ ahˇ-awˇ, uˬ ciꞈ bi yaꞈ-euˬ meh. Yawˬ nah yawˬ aˬ yawꞈ lehˬ hmˬ-awˇ, aˬ ha smˇ gʼaˬ nehˬ-ehˇ le-euˬ meh. Yuˇbeˬ meuˬ-ahˇ jawˇ-eu jah-eu tsawˇ haˬ tiˬ paˆ na deuˬ kʼawꞈ, aˬ yawꞈ-euˬ mehˬ nah caw teh gʼeh-euˬ meh.

Gʼaˬkʼehˇ 11:2

Beˬtuˆluˆ Yeˬluˇsaˬlehˬ meuˬ-ahˇ le ngeh, Yuˇdaˆ tsawˇ haˬ maˬ ngeuˇ-eu deuˬ-ahˇ kʼawꞈ baˆ kʼoˆ mehˬ dzaˬ bi yehˬ mawꞈ-eu nui ma ahˇ-eu deuˬ aˬ yawꞈ-ahˇ heu loꞈ-ehˇ iˬ baˇ taˬ-eu meh.

Gʼaˬkʼehˇ 11:3

“Aˬ jeˬ miˇ neh nawˇ baˆ kʼoˆ mehˬ dzaˬ maˬ yehˬ-euˬ aˬ cawˬ tsawˇ jeuˬ-euˬ nymˇ-ahˇ daˆ leˇ-eu uˬ taꞈ, aˬ yawꞈ maꞈ nehˬ-ehˇ dzaˬ taꞈ dawˇ taꞈ te.”

Gʼaˬkʼehˇ 2:33

Aˬ yawꞈ-euˬ Aˬda pyeuꞈ-eu Miˬyehˇ-euˬ aˇ maˇ paw aˬ yawꞈ-ahˇ ciˬ huiˬ ciˬ mahˇ keuˆ nehˬ-awˇ, Miˬyehˇ neh saˇ jaˇ dzaˬ taˬ-euˬ jaˆ-eu loꞈ-ehˇ, Yaw sahˇ Miˬyehˇ za-euˬ meh. Nymˬ-mˇ naw maꞈ ya gaˬ ya mawˇ luꞈ-eu heu-aˬ, a yawꞈ neh Yaw sahˇ Miˬyehˇ shehˆ daˆ nehˬ laꞈ-euˬ jeˬ pyeuꞈ-eu meh.

Gʼaˬkʼehˇ 2:38

Aˬ yawꞈ maꞈ-ahˇ Beˬtuˆluˆ ehˇ nehˬ-eu, “Naw maꞈ yawˬ gʼaˬ na luꞈ yawˬ ha-euˬ iˬ baˇ noeˬ poˆ-awˇ, Yeˬsuˇ Ka li-euˬ tsawˇ myahˇ uˬ moˆ iˇ cuꞈ shawˇ-awˬ. Kʼoeˇ loꞈ-ehˇ jahˇ naˇ, Miˬyehˇ naw maꞈ-ahˇ iˬ baˇ pyehˬ nehˬ laꞈ-awˇ, Miˬyehˇ neh biꞈ leꞈ-euˬ Muiˬ-eu shawˇ-eu Yaw sahˇ Miˬyehˇ-ahˇ naw maꞈ za tehꞈ-a.

Lormav 5:5

Kʼoeˇ loꞈ-ehˇ noeˬ tmˬ-eu jeˬ jaˆ laˇ-euˬ baˬ da neh, nui ma cawˆ kʼaˇ maˬ paˇ za meh. Aˬ jeˬ miˇ neh ehˇ naˇ, Miˬyehˇ neh aˬ dui-ahˇ biꞈ laꞈ-euˬ laꞈ sawˬ pyeuꞈ-eu Muiˬ-eu Shawˇ-eu Yaw sahˇ Miˬyehˇ-ahˇ gʼoe-eu laꞈ kʼoeˇ, Miˬyehˇ-euˬ gʼoeˇ-eu gaˬ-eu jeˬ aˬ dui-euˬ nui maˬ laꞈ kʼoeˇ shehˆ ahˇ nehˬ laꞈ-euˬ ba da neh meh.

Gaˬlaˬtiˆ 2:15

Aˬ dui maꞈ-aˬ, dehꞈ le ngeh neh maˇ maˇ ni Yuˇdaˆ tsawˇ haˬ ma. Aˬ yawꞈ maꞈ ehˇ-eu loꞈ-ehˇ, “aˬ cawˬ tsawˇ jeuˬ iˬ baˇ zaˬ deuˬ” maˬ ngeuˇ.

Eˇpeˇsu 2:11

Kʼoeˇ miˇ neh, dehꞈ le ngeh neh Yuˇdaˆ tsawˇ haˬ maˬ ngeuˇ-eu naw maꞈ-ahˇ, Yuˇdaˆ tsawˇ haˬ deuˬ neh “baˆ kʼoˆ mehˬ dzaˬ maˬ yehˬ-euˬ tsawˇ haˬ” lehˇ bi kuˇ-awˇ, Yuˇdaˆ tsawˇ haˬ deuˬ yawˬ haˇ yawˬ ha “baˆ kʼoˆ mehˬ dzaˬ yehˬ-euˬ tsawˇ haˬ deuˬ” lehˇ kuˇ-euˬ gaˇ taˬ ngehˇ. (Dawˬ kʼoeˇ dawˬ-aˬ, tsawˇ haˬ zaˬ neh shiˬ shaˬ jiˇ gʼawˇ mawˇ-ahˇ mˇ-euˬ jeˬ-ahˇ ehˇ mawꞈ-eu meh.)