Gʼaˬkʼehˇ 10:4 - Akha

⁴ Aˬ yawꞈ guˆ dui dui-iˇ-awˇ, mˬ taˆ gʼaˬ kʼehˇ kʼoeˇ gʼaˬ-ahˇ haw tsoˆ-awˇ, “Sahˬpaˬ-oˇ, aˬ jeˬ ehˇ te” lehˇ ehˇ kʼoꞈ nehˬ-euˬ meh. Mˬ taˆ gʼaˬ kʼehˇ kʼoeˇ gʼaˬ ehˇ-eu,“Nawˬ neh guiˬ lahˬ shaˇ-euˬ jeˬ-ahˇ maˬ ehˇ, nawˇ aˬ cawˬ-ahˇ caw ba nehˬ-euˬ jeˬ-ahˇ maˬ ehˇ, Miˬyehˇ nui kʼahˇ shiˇ-eu miˇ neh, nawˬ-euˬ shaˇ dawˬ-ahˇ naˇ haˬ nehˬ laꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Khoerngae, Gorneqlir, aqyawf-anr hawtsov taq-awr guv duidui-eu lafkhoer aer-eu, “Sanqpaq-or! Aqjeq aer-eu le?” Khoerngae, mqtav ghaqkhaer khoerghaq, aqyawf-anr heulof-aer aernaeq-euq mae: “Nawq-euq guiqlanq shardawq hawr-eu nawq nae gamfnaeq-euq jeq Miqyaer-euq maeqshi larkeuv-awr, aqyawf noeqmawr luf-eu mae.

Gʼaˬkʼehˇ 10:4 ပူးပေါင်းရင်းမြစ်များ

2 Laˬsaˬbaˬ 32:24

Aˇ yamˬ kʼoeˇ yamˬ laꞈ kʼoeˇ, sahˬ paˬ Heˬsaˬgiˇ shiˇ taw tehˬ ni naˇ laˇ-euˬ meh. Aˬ yawꞈ guiˬ lahˬ shaˇ-awˇ, aˬ yawꞈ jawˇ saˇ doˆ laˇ-eu lehˇ gʼeh-eu gaˇ kawˆ Sahˬpaˬ Miˬyehˇ aˬ yawꞈ-ahˇ shaˇ kiˇ tiˬ jeˬ bi mawˇ-euˬ meh.

2 Laˬsaˬbaˬ 6:33

aˬ yawꞈ-euˬ shaˇ dawˬ-ahˇ naˇ haˬ nehˬ-awˬ. Nawˬ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ nawˬ-ahˇ siˬ nya-awˇ nawˬ-euˬ ehˇ dawˬ naˇ haˬ geuꞈ-eu loꞈ-ehˇ, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ kʼawꞈ, nawˬ-ahˇ siˬ nya-awˇ nawˬ-euˬ ehˇ dawˬ naˇ haˬ geuꞈ ni, Mˬ kʼoeˇ taˆ jawˇ-awˇ aˬ yawꞈ-euˬ shaˇ dawˬ-ahˇ naˇ haˬ nehˬ-eu laꞈ kʼoeˇ, aˬ yawꞈ kʼaˇ shaˇ-eu jeˬ ngehˬ gʼeh nehˬ-awˬ. Kʼoeˇ ngeh, ngaˬ neh tsoˆ taˬ-euˬ Uˬ duˬ tahˬ nymˇ nymˇ ma heu nymˇ-aˬ, nawˬ-ahˇ uˬ duˬ tahˬ-eu jawˇ duˬ pyeuꞈ-eu gaˇ kawˆ aˬ yawꞈ maꞈ siˬ nya tehꞈ-a.

Jaceuq 141:2

Tsiˇ yaw saw doꞈ damˬ-euˬ gaˇ ha geuꞈ-eu loꞈ-ehˇ, ngaˬ-euˬ shaˇ dawˬ-ahˇ ha geuꞈ nehˬ laꞈ-awˬ. Uˬ ciꞈ uˬ taw paw lawˇ-euˬ jeˬ-ahˇ ha geuꞈ-eu loꞈ-ehˇ, ngaˇ aˬ laꞈ baꞈ diˇ taˬ gaˇ ha geuꞈ nehˬ laꞈ.

Jaceuq 20:3

Nawˬneh kʼaˇdamˬnehˬ-euˬjeˬ-ahˇ, aˬyawꞈmaˬngehˇni noeˬkeuˆ-awˇ, nawˬneh kʼaˇlawˇnehˬ-euˬjeˬ-ahˇ, nui kʼahˇshiˇ-awˇha geuꞈluꞈ-uˇ.

Iˇsaˬyaˇ 43:26

Dzeuˇ yaꞈ-euˬ gaˇ kawˆ deuˬ ehˇ doˆ haw sheˇ. Naw maꞈ tsaˬ-euˬ gaˇ kawˆ ja dahˇ haw sheˇ. Gaˇ kawˆ heu-ahˇ tiˬ kawˆ loꞈ-ehˇ ja duˬ kaˇ-euˇ.

Iˇsaˬyaˇ 45:19

Ngaˇ dawˬ zaꞈ maˬ ngehˬ-ehˇ, ngaˬ-euˬ nui kʼahˇ ngaˇ maˬ dehˬ kaˬ taˬ-aˬ. Jawˇ tsaˬ maˬ tsoˆ-eu ngaˬ-ahˇ poˆ-awˬ lehˇ, Iˇsaˬleˬlaˆ tsawˇ haˬ deuˬ-ahˇ ngaˇ maˬ kʼehˇ-aˬ. Ngaˇ Sahˬpaˬ Miˬyehˇ pyeuꞈ-awˇ dawˬ maˇ ngehˬ-eu ma. Yaw tsaˬ yaw dawˇ jeˬ ngaˇ pah mehˬ luꞈ ma.”

Daˬyeˬlaˇ 10:11

Mˬ taˆ gʼaˬ kʼehˇ kʼoeˇ gʼaˬ ngaˬ-ahˇ, “Daˬyeˬlaˇ-oˇ, Miˬyehˇ nawˬ-ahˇ gaˬ-eu meh. Tuˇ-awˇ, ngaˇ ehˇ gaˇ yaw muiˬ paˬ-ehˇ naˇ haˬ sheˇ. Nymˬ-mˇ ngaˇ nawˇ jawˇ gaˇ oe-eu lehˇ oe-euˬ ma” lehˇ ehˇ laˇ ngeh, ngaˇ yaw dzuˬ dzuˬ dzuˬ-ehˇ gawˬ yawꞈ yawꞈ-euˬ ma.

Uˬ duˬ 2:2

Kʼoeˇ naˇ, Aˬloˬ-euˬ aˬ li piˇ ma deuˬ jawˇ gaˇ, cehˇ meu kʼoeˇ ya yuˇ laꞈ meh. Aˬ yuiꞈ geuꞈ-awˇ gaˇ mˇ luꞈ-eu piˇ ma gʼaˬ, cehˇ meu kʼoeˇ dawˬ tawˆ luꞈ-euˬ dah zaˇ, cehˇ meu ti tsuˆ tsuˆ doˆ-awˇ, saˬ loˬ tsiˇ hawˇ-eu yaw saw jeˬ nehˬ-ehˇ, lawˇ duˬ kʼoeˇ taˆ puiˆ-awˇ, ya lawˇ meh. Heu loꞈ-ehˇ lawˇ-euˬ dzaˬ dzaˬ dawˇ dawˇ lawˇ-eu yaw saꞈ-ahˇ, Sahˬpaˬ Miˬyehˇ nui ma tsaˬ-eu meh.

Maˬlaˬkiˇ 3:16

Kʼoeˇ naˇ, Sahˬpaˬ Miˬyehˇ-ahˇ guˆ-eu tsawˇ haˬ deuˬ tiˬ gʼaˬ tiˇ gʼaˬ dawˬ ja ja cawˬ gaˇ Sahˬpaˬ Miˬyehˇ naˇ haˬ-eu meh. Sahˬpaˬ Miˬyehˇ-ahˇ guˆ-awˇ yaw zeu baw-eu tsawˇ haˬ deuˬ gaˇ kawˆ, aˬ yawꞈ-euˬ mehˬ shi jaˆ-eu sahˬ boꞈ paˇ dmˬ laꞈ kʼoeˇ boꞈ ahˇ taˬ-eu meh.

Maꞈtehˬ 26:13

Miˇ tsaˬ tahˬ kʼawˇ heu doe ni, Laˬ kʼaˬ cehˇ-eu Guiˬ lahˬ dawˬ heu kʼaˇ mehˬ keuˆ gaˇ, zaˬ miˬ zaˬ heu gʼaˬ neh mˇ-euˬ gaˇ kawˆ heu-ahˇ aˬ cawˬ ja-awˇ, aˬ yawꞈ-ahˇ noeˬ keuˆ tehꞈ-a lehˇ, naw maꞈ-ehˇ ngaˇ maˇ jawˆ ni ehˇ-eu ma.”

Luˇkaꞈ 1:29

Maˬliˇ-aˬ, mˬ taˆ gʼaˬ kʼehˇ kʼoeˇ gʼaˬ neh ehˇ nehˬ le-euˬ dawˬ kʼoeˇ dawˬ baˬ da neh nui ma suˬ saˬ dui dui-awˇ, aˬ jeˬ-ahˇ ehˇ mawꞈ-eu nga lehˇ shaˇ noeˬ luꞈ-eu meh.

Luˇkaꞈ 24:5

Aˬ yawꞈ maꞈ tsawˬ guˆ-iˇ-awˇ, baˬ ba miˇ tsa tuˆ ni awˆ byaˆ gʼeh ngeh, tsawˇ haˬ kʼoeˇ nyiˬ gʼaˬ heu loꞈ-ehˇ ehˇ-eu meh. “Naw maꞈ aˬ jeˬ miˇ neh dehꞈ luꞈ-eu tsawˇ haˬ-ahˇ shiˇ-euˬ deuˬ jawˇ-eu jawˇ duˬ-ahˇ poˆ le teˬ.

Gʼaˬkʼehˇ 10:31

Aˬ yawꞈ ehˇ-eu, ‘Gawˬneˬliˇ-oˇ, nawˬ-euˬ shaˇ dawˬ-ahˇ Miˬyehˇ gaˬ-awˇ, nawˬ neh shaˬ zaˬ zahˬ zaˬ-ahˇ caw ba-euˬ aˬ yawꞈ siˬ luꞈ mawˇ luꞈ meh.

Gʼaˬkʼehˇ 14:9

Aˬ yawꞈ nuiˇ-awˇ, Pawˇluˆ dawˬ ngehˬ gaˇ naˇ haˬ luꞈ-eu meh. Aˬ yawꞈ-aˬ, taˬ leˇ nya ni jah-eu nui ma ahˇ luꞈ gaˇ Pawˇluˆ ya mawˇ-euˬ miˇ neh, aˬ yawꞈ-ahˇ haw tsoˆ-awˇ,

Gʼaˬkʼehˇ 22:10

‘Sahˬpaˬ-oˇ, ngaˇ aˬ joˆ-ehˇ ya jahˇ nmˇ’ lehˇ naˇ haˬ ngeh, ‘Tuˇ-awˇ Daˬmaˬsehˇ meuˬ-ahˇ le-awˬ. Miˬyehˇ neh nawˬ-ahˇ kʼaˇ bi mˇ-eu lehˇ lehˬ hmˬ taˬ-euˬ yawˬ jeˬ na luꞈ, kʼoeˇ gaˇ nawˬ-ahˇ ehˇ nehˬ laꞈ tehꞈ-a’ lehˇ Sahˬpaˬ Yeˬsuˇ ehˇ-eu meh.

Gʼaˬkʼehˇ 3:4

Beˬtuˆluˆ hawˇ-eu Yoˇhaˬ aˬ nyaꞈ tsawˇ haˬ kʼoeˇ gʼaˬ-ahˇ haw tsoˆ taˬ-awˇ, “Nga nyaꞈ-ahˇ haw sheˇ” lehˇ, Beˬtuˆluˆ ehˇ nehˬ-euˬ meh.

Piˇliˇpiˆ 4:18

Naw maꞈ neh kʼaˇ biꞈ laꞈ-euˬ yawˬ jeˬ na luꞈ gʼaˇ duˬ, guiˬ lahˬ huiˬ-eu dawˬ tsaꞈ ahˇ laꞈ-eu ma. Ngaˇ loˬ-eu myaˆ maˬ tseˇ naw maꞈ ngaˬ-ahˇ biꞈ laˬ-euˬ meh. Naw maꞈ neh biꞈ laꞈ-euˬ laꞈ sawˬ deuˬ-ahˇ Iˇbaˬpawˬdiˇ neh hehˇ keuˆ nehˬ leꞈ-euˬ miˇ neh, ngaˇ kʼaˇ loˬ-eu jeˬ nymˬ-mˇ byah miˇ-a. Laꞈ sawˬ heu deuˬ-aˬ, Miˬyehˇ nui kʼahˇ shiˇ-awˇ ha geuꞈ-euˬ saw dui dui-eu lawˇ-eu jeˬ pyeuꞈ-eu meh.

Piˇliˇpiˆ 4:6

Tiˬ jeˬ-ahˇ-iˬ kʼahˬ taˬ lahˇ. Ehˇ kʼawꞈ, naw maꞈ guiˬ lahˬ kʼaˇ shaˇ ngeh, naw maꞈ loˬ-eu jeˬ Miˬyehˇ-ahˇ shaˇ-awˬ. Aˬ myah luꞈ aˬ yawꞈ-ahˇ guiˬ lahˬ huiˬ-eu nui ma ahˇ-eu laꞈ kʼoeˇ shaˇ-awˬ.

HeˬByehˇ 13:16

Yaw muiˬ jeˬ hawˇ-eu tiˬ gʼaˬ tiˇ gʼaˬ caw ba ngehˬ gʼeh-eu jeˬ-ahˇ maˬ ngehˇ ni mˇ-awˬ. Aˬ jeˬ miˇ neh ehˇ naˇ, kʼoeˇ-aˬ, Miˬyehˇ nui ma tsaˬ-eu lawˇ-eu shehˇ-eu jeˬ pyeuꞈ-eu meh.

HeˬByehˇ 6:10

Miˬyehˇ-aˬ, dawˇ coe ni yaˇ kʼaˬ daˇ-eu gʼaˬ meh. Naw maꞈ neh mˇ-euˬ gaˇ deuˬ-ahˇ aˬ yawꞈ maˬ ngehˇ-a. Naw maꞈ neh Ka li zaˬ cawˬ cawˬ caw ba dzeuˇ-euˬ laꞈ kʼoeˇ maˬ ehˇ, nymˬ-mˇ caw ba luꞈ-eu laꞈ kʼoeˇ maˬ ehˇ, aˬ yawꞈ-euˬ gʼoeˇ-eu gaˬ-eu jeˬ aˬ cawˬ mawˇ nya ni naw maꞈ neh mˇ-euˬ jeˬ-ahˇ maˬ ngehˇ-a.

Panmaeq 8:4

Tsiˇ yaw saw jeˬ doꞈ-eu saꞈ kʼoeˬ kʼoeˇ-aˬ, Miˬyehˇ-euˬ tsawˇ haˬ kʼoeˇ deuˬ-euˬ guiˬ lahˬ shaˇ dawˬ nehˬ-ehˇ tiˬ kawˆ loꞈ-ehˇ, mˬ taˆ gʼaˬ kʼehˇ kʼoeˇ gʼaˬ-euˬ laꞈ-ahˇ neh Miˬyehˇ jawˇ gaˇ le keuˆ-eu meh.

1 Saˬmeuˬlaˆ 3:10

Sahˬpaˬ Miˬyehˇ kʼoeˇ gaˇ yawꞈ le-awˇ, yaw beh kuˇ-eu loꞈ-ehˇ “Saˬmeuˬlaˆ-oˇ, Saˬmeuˬlaˆ-oˇ” lehˇ kuˇ le-euˬ meh. Saˬmeuˬlaˆ gʼeh, “Nawˬ-euˬ dawˬ-ahˇ nawˬ-euˬ zaˬ kʼaˆ naˇ haˬ luꞈ ma” lehˇ ehˇ kʼoꞈ nehˬ-euˬ meh.