Gʼaˬkʼehˇ 10:35 - Akha

³⁵ Aˬ geu jeˬ tsawˇ jeuˬ pyeuꞈ-eu maˬ kaˬ, aˬ yawꞈ-ahˇ guˆ-awˇ yaw tsaˬ yaw dawˇ jeˬ mˇ-eu tsawˇ haˬ-ahˇ aˬ yawꞈ nui ma tsaˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁵ Aerkhawf, yawqjeuq yawqca navluf-euq lafkhoer, aqyawf-anr guv-awr tsaq-awr dawr-eu jeq mr-eu tsawrhaq yawqghaq navluf-anr aqyawf hageuf-eu mae.

Gʼaˬkʼehˇ 10:35 ပူးပေါင်းရင်းမြစ်များ

Yawˇbaˆ 28:28

“Kʼoeˇ naˇ, Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ pyeuꞈ-awˇ, yaw haiˬ jeˬ-ahˇ gaˇ jaw jaw-eu jeˬ-aˬ, gʼoˆ siˬ gʼoˆ shaw nya-eu jeˬ pyeuꞈ-eu meh lehˇ, tsawˇ haˬ zaˬ-ahˇ Miˬyehˇ ehˇ taˬ-euˬ meh.”

Jaceuq 111:10

Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ-euˬ dawˬ pehˬ duˬ puˇ meh. Aˬ yawꞈ-euˬ dawˬ-ahˇ naˇ haˬ-eu deuˬ-ahˇ, aˬ yawꞈ yaw muiˬ-ehˇ mehˬ nehˬ tsoˆ nehˬ-eu meh. Mˬ maˬ maˬ byaˆ zaˇ ziˇ aˬ yawꞈ-ahˇ ja ceuˬ-eu tsaˬ meh.

Jaceuq 19:9

SahˬpaˬMiˬyehˇ-ahˇzeu-eu jeˬ, muiˬ-eu jaˬ-eu tiˬjeˬ pyeuꞈ-awˇ, mˬmaˬmaˬbyaˆzaˇziˇgmˬmeh. SahˬpaˬMiˬyehˇyaˇkʼaˬ daˇ-eu, tsaˬdui dawˇdui muiˬdui dui-awˇ, tiˬpawꞈ-iˬ ehˇkʼaˇmaˬza-a.

Jaceuq 85:9

Aˬ yawꞈ-ahˇ taˬ huiˬ taˬ mahˇ-eu tsawˇ haˬ deuˬ-ahˇ aˬ diˇ aˬ maˇ ka kʼoꞈ nehˬ-awˇ, ka kʼoꞈ-eu guiˬ lahˬ yaw dzahˇ aˬ dui-euˬ miˇ kʼahˬ heu kʼoeˇ taˆ jaˆ tehꞈ-a.

Dawqdaq 1:7

Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ-euˬ duˬ ciˇ meh. Zaˬ siˬ tsawˇ gahˇ hawˇ-eu dawˬ mehˬ dawˬ tsoˆ-ahˇ bye-eu deuˬ-aˬ, aˬ dzawˬ aˇ gah meh.

Dawqdaq 16:6

Saˇ jaˇ ziꞈ-eu jeˬ baˬ da neh iˬ baˇ pyehˬ nehˬ-eu guiˬ lahˬ za-awˇ, Sahˬpaˬ Miˬyehˇ-ahˇ guˆ-eu jeˬ baˬ da neh, iˬ baˇ-ahˇ gaˇ jaw jaw nya-eu meh.

Dawqdaq 2:5

Nawˇ kʼoeˇ loꞈ-ehˇ jahˇ naˇ, Sahˬpaˬ Miˬyehˇ-ahˇ ya guˆ-eu gaˇ kawˆ siˬ nya laˇ-awˇ, Miˬyehˇ neh beh taˬ-euˬ zaˬ siˬ tsawˇ gahˇ nawˇ ya mawˇ tehꞈ-a.

Dawqdaq 3:7

Yawˬ haˇ yawˬ ha yaw gahˇ ma lehˇ taˬ noeˬ. Sahˬpaˬ Miˬyehˇ-ahˇ guˆ-awˇ, yaw haiˬ jeˬ-ahˇ gaˇ jaw jaw-awˬ.

Dawˬ tsoˆ 12:13

Dawˬ tawˆ luꞈ kʼoeˇ taˆ uˬ duˬ duˬ leˇ-eu, ehˇ paˬ-ehˇ gʼeh-eu tiˬ jeˬ jaˆ-eu tehꞈ meh. Miˬyehˇ-ahˇ guˆ-awˇ, aˬ yawꞈ-euˬ dawˬ naˇ haˬ geuꞈ-awˬ. Aˬ jeˬ miˇ neh ehˇ naˇ, tsawˇ haˬ zaˬ-ahˇ beh taˬ-euˬ-aˬ, kʼoeˇ loꞈ-ehˇ bi mˇ-eu gʼaˇ duˬ meh.

Hawˇseˬ 8:13

Lawˇ gaˇ shehˇ gaˇ gaˬ-eu laꞈ kʼoeˇ, ngaˬ-ahˇ shaˬ jiˇ lawˇ nehˬ laꞈ-awˇ, lawˇ dzaˇ aˬ yawꞈ maꞈ dzaˬ-eu meh. Sahˬpaˬ Miˬyehˇ pyeuꞈ-eu ngaˇ-aˬ, kʼoeˇ loˇ mˇ gaˇ laꞈ kʼaˬ maˬ cehˇ. Aˬ yawꞈ maꞈ neh mˇ-euˬ iˬ baˇ, ngaˇ maˬ ngehˇ ni kʼehˬ poˆ nehˬ-awˇ, Iˇjiˇtuˆ paw bi gʼoꞈ-iˇ ma.

Luˇkaꞈ 1:28

Mˬ taˆ gʼaˬ kʼehˇ kʼoeˇ gʼaˬ aˬ yawꞈ jawˇ gaˇ oe-awˇ ehˇ-eu, “Nui saˇ oꞈ luꞈ-uˇ. Sahˬpaˬ Miˬyehˇ nawˬ nehˬ-ehˇ jawˇ-awˇ, huiˬ dui dui-eu guiˬ lahˬ biꞈ luꞈ meh.”

Gʼaˬkʼehˇ 10:2

Aˬ yawꞈ-aˬ, guiˬ lahˬ saꞈ laˇ paw gʼaˬ kʼaˆ-awˇ, aˬ yawꞈ hawˇ-eu miˬ sawˇ zaˬ dawˬ tawˆ luꞈ, Miˬyehˇ-ahˇ uˬ duˬ tahˬ-eu meh. Shaˬ-eu zahˬ-eu Yuˇdaˆ tsawˇ haˬ deuˬ-ahˇ aˬ yawꞈ caw ba-awˇ, Miˬyehˇ-ahˇ maˬ tsehˆ leˇ ni guiˬ lahˬ shaˇ-eu meh.

Gʼaˬkʼehˇ 10:28

Tsawˇ haˬ kʼoeˇ deuˬ-ahˇ Beˬtuˆluˆ ehˇ nehˬ-eu, “Yuˇdaˆ tsawˇ haˬ tiˬ gʼaˬ, aˬ cawˬ tsawˇ jeuˬ-ahˇ cawˬ cawˬ-eu maˬ ehˇ, dawˬ deh gʼa taꞈ-eu maˬ ehˇ, maˬ mˇ kʼmˬ-eu gaˇ kawˆ naw maꞈ yaw muiˬ paˬ-ehˇ siˬ duˬ-eu meh. Ehˇ kʼawꞈ, tsawˇ haˬ tiˬ gʼaˬ-ahˇ-iˬ maˬ muiˬ maˬ shawˇ-eu tsawˇ haˬ lehˇ maˬ ya sawˇ-eu gʼaˇ duˬ, Miˬyehˇ ngaˬ-ahˇ mehˬ nehˬ laꞈ gʼaˬ-euˬ meh.

Gʼaˬkʼehˇ 15:9

Aˬ dui hawˇ-eu aˬ yawꞈ maꞈ-ahˇ aˬ yawꞈ tiˬ jeˬ-iˬ maˬ sawˇ beu-a. Aˬ yawꞈ maꞈ jah-eu miˇ neh, aˬ yawꞈ iˬ baˇ pyehˬ nehˬ-euˬ meh.

Gʼaˬkʼehˇ 9:31

Kʼoeˇ ngeh, Yuˇdaˆ miˇ kʼahˬ, Gaˬliˬlehˇ miˇ kʼahˬ hawˇ-eu, Saˬmaˬliˆ miˇ kʼahˬ doe ni jaˆ-eu Ka li zaˬ aˇ muˇ deuˬ, nui saˇ oꞈ-eu laꞈ kʼoeˇ coꞈ ngehˇ ni tiˬ kʼehˬ ya dehꞈ-euˬ meh. SahˬpaˬMiˬyehˇ-ahˇ yaw zeu baw-awˇ dehꞈ-eu loꞈ-ehˇ, Muiˬ-eu shawˇ-eu Yaw sahˇ Miˬyehˇ caw ba-eu laꞈ kʼoeˇ myaˬ laˇ behˇ laˇ luꞈ-eu meh.

Lormav 2:13

Aˬ jeˬ miˇ neh ehˇ naˇ, tsawˇ haˬ zaˬ-aˬ, Zahˇ dawˬ kʼoꞈ dawˬ-ahˇ ya gaˬ-euˬ baˬ da neh tehꞈ-ehˇ Miˬyehˇ-ahˇ tsaˬ leˇ tsahˇ leˇ-eu maˬ ngeuˇ-a. Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ mˇ-awˇ neh tehꞈ-ehˇ Miˬyehˇ-ahˇ tsaˬ leˇ tsahˇ leˇ nya-eu meh.

Lormav 2:14

Yuˇdaˆ tsawˇ haˬ maˬ ngeuˇ-eu deuˬ-aˬ, Moˇseˬ neh biꞈ-euˬ Zahˇ dawˬ kʼoꞈ dawˬ maˬ jaˆ-a. Ehˇ kʼawꞈ, aˬ yawꞈ maꞈ noeˬ siˬ nya-awˇ Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ dehꞈ tsaˬ nya naˇ, aˬ yawꞈ maꞈ-euˬ noeˬ siˬ nya-eu nui ma-aˬ, aˬ yawꞈ maꞈ-euˬ zahˇ dawˬ kʼoꞈ dawˬ pyeuꞈ-eu meh.

Lormav 3:22

Aˬ yawꞈ maꞈ Yeˬsuˇ Ka li-ahˇ jah-eu baˬ da neh Miˬyehˇ-ahˇ tsaˬ leˇ tsahˇ leˇ-eu tsawˇ haˬ bi pyeuꞈ laˇ-euˬ meh. Ka li-ahˇ kʼaˇ jah-eu tsawˇ haˬ dawˬ tawˆ luꞈ-ahˇ, tsawˇ jeuˬ maˬ tseˇ paˆ ni, Miˬyehˇ kʼoeˇ loꞈ-ehˇ jahˇ nehˬ-euˬ meh.

1 Gawˇliˬtu 12:13

Kʼoeˇ loꞈ-ehˇ duˇ ni, aˬ dui dawˬ tawˆ luꞈ, Yuˇdaˆ tsawˇ haˬ maˬ ehˇ, Yuˇdaˆ tsawˇ haˬ maˬ ngeuˇ-eu deuˬ maˬ ehˇ, zaˬ kʼaˆ maˬ ehˇ, zaˬ kʼaˆ maˬ ngeuˇ-eu deuˬ maˬ ehˇ, Yaw sahˇ Miˬyehˇ neh gʼawˇ mawˇ tiˬ mawˇ laꞈ kʼoeˇ iˇ cuꞈ bi shawˇ gʼaˬ-awˇ, aˬ dui dawˬ tawˆ luꞈ Yaw sahˇ Miˬyehˇ tiˬ gʼaˬ-ahˇ tehꞈ-ehˇ dawˇ luꞈ-eu ma.

2 Gawˇliˬtu 7:1

Ngaˇ gaˬ dui dui-eu cawˬ deuˬ-oˇ, Miˬyehˇ aˬ dui-ahˇ kʼoeˇ loꞈ-ehˇ saˇ jaˇ dzaˬ taˬ-euˬ miˇ neh, aˬ dui-euˬ gʼawˇ mawˇ hawˇ-eu saꞈ laˇ-ahˇ bi jawꞈ-iˇ nya-eu yawˬ jeˬ na luꞈ-ahˇ tsiˬ shawˇ dzeh-awˇ, Miˬyehˇ-ahˇ yaw zeu baw-awˇ guˆ-eu laꞈ kʼoeˇ yaw muiˬ yaw shawˇ shawˇ-ehˇ byah byah ni dehꞈ kaˇ-euˇ.

Gaˬlaˬtiˆ 3:28

Kʼoeˇ miˇ neh, Yuˇdaˆ tsawˇ haˬ hawˇ-eu Yuˇdaˆ tsawˇ haˬ maˬ ngeuˇ-eu deuˬ maˬ ehˇ, zaˬ kʼaˆ hawˇ-eu buˬ-iˇ-euˬ tsawˇ haˬ maˬ ehˇ, kʼaˬ dzeˇ zaˬ hawˇ-eu zaˬ miˬ zaˬ maˬ ehˇ, tiˬ pawꞈ-iˬ maˬ paˇ beu meh. Aˬ jeˬ miˇ neh ehˇ naˇ, Yeˬsuˇ Ka li laꞈ kʼoeˇ, naw maꞈ dawˬ tawˆ luꞈ tiˬ kawˆ meh.

Eˇpeˇsu 1:6

Aˬ yawꞈ-euˬ huiˬ dui muiˬ dui dui-eu gʼawˬ shaˬ gaˬ-eu guiˬ lahˬ kʼoeˇ, aˬ yawꞈ gaˬ dui dui-eu aˬ yawꞈ-euˬ Zaˬmaˇ laꞈ kʼoeˇ aˬ dui-ahˇ biꞈ laꞈ-euˬ miˇ neh, Miˬyehˇ-ahˇ ja ceuˬ kaˇ-euˇ.

Eˇpeˇsu 5:21

La li-ahˇ yaw zeu baw-eu laꞈ kʼoeˇ, tiˬ gʼaˬ-euˬ laꞈ oˆ tiˬ gʼaˬ yaw muiˬ-ehˇ jawˇ-awˬ.

Piˇliˇpiˆ 3:3

Dawˇ coe ni ya ehˇ naˇ, maˇ maˇ ni baˆ kʼoˆ mehˬ dzaˬ yehˬ-euˬ tsawˇ haˬ deuˬ-aˬ, aˬ yawꞈ maꞈ maˬ ngeuˇ-a. Aˬ dui maꞈ ma. Aˬ jeˬ miˇ neh ehˇ naˇ, Yaw sahˇ Miˬyehˇ-ahˇ gʼoe-eu laꞈ kʼoeˇ Miˬyehˇ-ahˇ aˬ dui u duˬ tahˬ-awˇ, Yeˬsuˇ Ka li laꞈ kʼoeˇ yaw dehꞈ dehꞈ-eu jeˬ-ahˇ aˬ dui laˬ kʼaˬ cehˇ-eu ma. Laꞈ nyiˇ paw mˇ mawˇ nya-eu zahˇ sahˇ kʼoꞈ deuˬ-ahˇ aˬ dui gʼoe-eu maˬ ngeuˇ.

Gawˇlawˇsehˇ 1:6

Miˬyehˇ-euˬ guiˬ lahˬ yaw dzahˇ gaˇ kawˆ naw maꞈ gaˬ dahˬ beh-awˇ yaw muiˬ paˬ-ehˇ ya siˬ duˬ ngeh nah neh naw maꞈ kʼoeˇ taˆ muiˬ-eu guiˬ lahˬ gʼawˬ mya jeˬ keuˆ le luꞈ-eu loꞈ-ehˇ, Laˬ kʼaˬ cehˇ-eu Guiˬ lahˬ dawˬ-aˬ, tsawˇ haˬ zaˬ kʼoeˇ taˆ muiˬ-eu guiˬ lahˬ gʼawˬ mya jeˬ maˬ tsehˆ leˇ ni bi keuˆ le luꞈ-awˇ, miˇ kʼahˬ doe ni gaˬ byah-iˇ luꞈ-eu meh.

Gawˇlawˇsehˇ 3:11

Kʼoeˇ miˇ neh, Yuˇdaˆ tsawˇ haˬ maˬ ngeuˇ-eu deuˬ hawˇ-eu Yuˇdaˆ tsawˇ haˬ yaw kaˬ maˬ ehˇ, baˆ kʼoˆ mehˬ dzaˬ yehˬ-euˬ deuˬ hawˇ-eu maˬ yehˬ-euˬ deuˬ yaw kaˬ maˬ ehˇ, yawˬ kʼahˬ yaw miˇ yawˬ-ahˇ-euˬ tsawˇ haˬ deuˬ maˬ ehˇ, zahˇ sahˇ kʼoꞈ maˬ baw-eu tsawˇ haˬ deuˬ maˬ ehˇ, zaˬ kʼaˆ maˬ ehˇ, zaˬ kʼaˆ maˬ ngeuˇ-eu deuˬ maˬ ehˇ, beu gaˇ duˬ tiˬ pawꞈ-iˬ maˬ paˇ jaˆ meh. Dawˬ tawˆ luꞈ Ka li-ahˇ uˬ duˬ duˬ leˇ-awˇ, dawˬ tawˆ luꞈ Ka li laꞈ kʼoeˇ jawˇ-eu meh.

1 Yoˇhaˬ 2:29

Ka li yaw tsaˬ yaw dawˇ meh lehˇ naw maꞈ siˬ nya luꞈ-eu-aˬ, yaw tsaˬ yaw dawˇ jeˬ kʼaˇ mˇ-eu tsawˇ haˬ yawˬ gʼaˬ na luꞈ Miˬyehˇ-euˬ zaˬ meh lehˇ naw maꞈ siˬ nya-eu tsaˬ meh.