Gʼaˬkʼehˇ 10:30 - Akha

³⁰ Gawˬneˬliˇ ehˇ-eu, “Dzeuˇ yaꞈ-euˬ smˬ nah-ahˇ, nymˬ-mˇ loꞈ-ehˇ uˬ ciꞈ uˬ taw naˬ liˬ smˇ laꞈ kʼoeˇ kaˬ-ahˇ, ngaˬ-euˬ nymˇ laꞈ kʼoeˇ ngaˇ guiˬ lahˬ shaˇ luꞈ-eu ma. Ja pyuˬ ni, yaw shehꞈ bya-eu mehˬ tsoeˬ dm luꞈ-eu tsawˇ haˬ tiˬ gʼaˬ ngaˬ-euˬ mehˬ shi yawꞈ le-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁰ Khoerngae, Gorneqlir heulof-aer aer-eu mae, “Dzeurlaf-euq oeq nan ngae nan-anr nae heuyamq-anr keuvni, ngar dzardzaq sheuq-euq ma. Uqciftaw naqliq smr laf-anr ngar, irkanr-euq lafkhoer guiqlanq sharluf ngae, tsawrhaq tiq ghaq yawshaef bya-eu maeqtsoeq dm-awr, ngaq-euq maeqshi yawfle-awr,

Gʼaˬkʼehˇ 10:30 ပူးပေါင်းရင်းမြစ်များ

Jaceuq 55:17

Uˬ shawˬ, nah gʼahˇ hawˇ-eu uˬ ciꞈ paw, ngaˇ nui ma cawˆ-eu dawˬ aˬ yawꞈ-ahˇ gaˬ leˇ ngeh, 2 ngaˬ-euˬ shaˇ dawˬ-ahˇ aˬ yawꞈ naˇ haˬ tehꞈ-a.

Daˬyeˬlaˇ 10:12

Aˬ yawꞈ ehˇ-eu, “Daˬyeˬlaˇ-oˇ, taˬ guˆ. Nawˇ zaˬ siˬ tsawˇ gahˇ za nya ni nui ma nahˬ yu ni taˬ ma lehˇ noeˬ tsehˆ dahˬ beh ngeh nah neh, nawˬ-euˬ guiˬ lahˬ shaˇ dawˬ-ahˇ Miˬyehˇ naˇ haˬ geuꞈ-euˬ meh. Nawˬ neh guiˬ lahˬ shaˇ-euˬ gaˇ kawˆ ehˇ kʼoꞈ nehˬ le-eu lehˇ ngaˇ oe-euˬ ma.

Maꞈtehˬ 28:3

Aˬ yawꞈ-euˬ gʼawˇ mawˇ-aˬ, mˬ myawꞈ myawꞈ-eu loꞈ-ehˇ yaw shehꞈ bya-awˇ, aˬ yawꞈ-euˬ mehˬ tsoeˬ-aˬ, ngehˇ loꞈ-ehˇ pyuˇ deuˬ ni gʼeh-eu meh.

Maˬkuˆ 16:6

Zaˬ guˬ kʼoeˇ gʼaˬ aˬ yawꞈ maꞈ-ahˇ ehˇ-eu, “Taˬ guˆ. Laꞈ yaꞈ kʼoeˇ taˆ bi taꞈ sehꞈ-euˬ Naˬzaˬlehˇ tsawˇ haˬ Yeˬsuˇ-ahˇ naw maꞈ haw le-euˬ meh lehˇ ngaˇ siˬ nya ma. Aˬ yawꞈ heu gaˇ maˬ paˇ jawˇ meh. Miˬyehˇ neh aˬ yawꞈ-ahˇ bi gʼoꞈ dehꞈ laˇ gʼaˬ-euˬ meh. Haw sheˇ. Aˬ yawꞈ-ahˇ heu gaˇ baꞈ taˬ-awˇ bi jaˆ-euˬ meh tawˇ.

Luˇkaꞈ 24:4

Aˬ yawꞈ maꞈ zahˬ leˇ-awˇ jawˇ ngeh, yaw shehꞈ bya-eu mehˬ tsoeˬ dm luꞈ-eu tsawˇ haˬ nyiˬ gʼaˬ aˬ yawꞈ maꞈ-euˬ dawˬ peh yawꞈ luꞈ gaˇ ya mawˇ-euˬ meh.

Gʼaˬkʼehˇ 1:10

A yawꞈ maꞈ aˬ yawꞈ mˬ-ahˇ gʼoꞈ daˆ leˇ gaˇ haw tsoˆ-awˇ jawˇ ngeh, mehˬ tsoeˬ pyuˇ deuˬ ni dm luꞈ-eu tsawˇ haˬ nyiˬ gʼaˬ aˬ yawꞈ maꞈ-euˬ dawˬ peh ja pyuˬ ni yawꞈ le-euˬ meh.

Gʼaˬkʼehˇ 10:22

Aˬ ha smˇ gʼaˬ ehˇ-eu, “Guiˇ maꞈ-ahˇ uˆ lahˇ-eu yaw huiˬ yaw mahˇ pyeuꞈ-eu Gawˬneˬliˇ neh nga maꞈ-ahˇ kʼehˇ leꞈ-euˬ meh. Aˬ yawꞈ-aˬ, Miˬyehˇ-ahˇ uˬ duˬ tahˬ-eu tsawˇ haˬ yaw muiˬ tiˬ gʼaˬ pyeuꞈ-awˇ, Yuˇdaˆ tsawˇ haˬ dawˬ tawˆ luꞈ aˬ yawꞈ-ahˇ yaw zeu baw-eu meh. Nawˬ-ahˇ aˬ yawꞈ-euˬ nymˇ-ahˇ kuˇ ahˇ-awˇ, nawˬ neh ngehˬ-euˬ tmˇ-euˬ dawˬ-ahˇ naˇ haˬ-eu gʼaˇ duˬ, Miˬyehˇ-euˬ mˬ taˆ gʼaˬ kʼehˇ tiˬ gʼaˬ aˬ yawꞈ-ahˇ ehˇ le-euˬ meh.”

Gʼaˬkʼehˇ 10:29

Kʼoeˇ miˇ neh, ngaˬ-ahˇ bi kuˇ laˬ le ngeh, ngaˇ dawˬ maˬ tmˇ ni laˇ-euˬ ma. Nymˬ-mˇ poˆ jawˇ-aˬ, aˬ jeˬ miˇ neh ngaˬ-ahˇ bi kuˇ laˬ le teˬ lehˇ naˇ haˬ mawꞈ miˇ-a.”

Gʼaˬkʼehˇ 10:3

Tiˬ nah-aˬ, uˬ ciꞈ uˬ taw paw naˬ liˬ smˇ laꞈ kʼoeˇ yamˬ-ahˇ, yaw sahˇ laꞈ kʼoeˇ aˬ yawꞈ bya cehˆ ni heu loꞈ-ehˇ ya mawˇ duˬ-euˬ meh. Miˬyehˇ-euˬ mˬ taˆ gʼaˬ kʼehˇ tiˬ gʼaˬ aˬ yawꞈ jawˇ gaˇ oe-awˇ, “Gawˬneˬliˇ-oˇ” lehˇ kuˇ le-euˬ meh.

Gʼaˬkʼehˇ 10:31

Aˬ yawꞈ ehˇ-eu, ‘Gawˬneˬliˇ-oˇ, nawˬ-euˬ shaˇ dawˬ-ahˇ Miˬyehˇ gaˬ-awˇ, nawˬ neh shaˬ zaˬ zahˬ zaˬ-ahˇ caw ba-euˬ aˬ yawꞈ siˬ luꞈ mawˇ luꞈ meh.

Gʼaˬkʼehˇ 3:1

Tiˬ nah-aˬ, guiˬ lahˬ shaˇ yamˬ pyeuꞈ-eu uˬ ciꞈ uˬ taw paw naˬ liˬ smˇ laꞈ kʼoeˇ yamˬ-ahˇ, Beˬtuˆluˆ hawˇ-eu Yoˇhaˬ aˬ nyaꞈ Uˬ duˬ tahˬ nymˇ nymˇ ma-ahˇ le-euˬ meh.