Gʼaˬkʼehˇ 10:24 - Akha

²⁴ Yawˬ nah yawˬ Geˇsaˬliˇ meuˬ-ahˇ le keuˆ-euˬ meh. Gawˬneˬliˇ-aˬ, aˬ yawꞈ-euˬ aˬ yuiꞈ aˬ nyiˇ hawˇ-eu cawˬ deuˬ kuˇ uiˬ taˬ-awˇ, Beˬtuˆluˆ laˇ keuˆ gaˇ dawˬ luꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Sarpaeq ngae nan, aqyawfmaf, Gaersaqlir-anr lekeuv-euq mae. Gorneqlir, aqyawf-euq aqyuif aqnyir hawr-eu cawq yawghoer deuq kuruiq-awr, aqyawf maf-anr dawqluf-eu mae.

Gʼaˬkʼehˇ 10:24 ပူးပေါင်းရင်းမြစ်များ

Iˇsaˬyaˇ 2:3

tsawˇ haˬ gʼawˬ mya ni uiˬ laˇ bymˇ laˇ-awˇ, heu loꞈ-ehˇ ehˇ tehꞈ-a. “Laˇ-awˬ. Sahˬpaˬ Miˬyehˇ-euˬ gawˬ jawˬ-ahˇ daˆ leˇ kaˇ-euˇ. Iˇsaˬleˬlaˆ Miˬyehˇ-euˬ Uˬ duˬ tahˬ nymˇ nymˇ ma-ahˇ le kaˇ-euˇ. Aˬ yawꞈ-euˬ gaˇ ma-ahˇ aˬ dui cah nya ni, aˬ yawꞈ neh bi mehˬ bi tsoˆ leˇ kaˇ-euˇ.” Ziˇoˬ meuˬ-ahˇ neh zahˇ dawˬ kʼoꞈ dawˬ doˆ le-awˇ, Yeˬluˇsaˬlehˬ meuˬ-ahˇ neh Sahˬpaˬ Miˬyehˇ-euˬ dawˬ gaˬ doˆ le-eu meh.”

Miˇkaˬ 4:2

aˬ yawꞈ maꞈ heu loˇ ehˇ tehꞈ-a. “Sahˬpaˬ Miˬyehˇ-euˬ gawˬ jawˬ-ahˇ, Yaˬkoˆ-euˬ Miˬyehˇ-euˬ nymˇ-ahˇ, laˇ-awˬ, aˬ dui daˆ leˇ kaˇ-euˇ. Yawꞈ-euˬ gaˇ ma-ahˇ cah nya ni, yawꞈ aˬ dui-ahˇ mehˬ laꞈ tehꞈ-a.” Sahˬpaˬ Miˬyehˇ zahˇ dawˬ kʼoꞈ dawˬ, Ziˇoˬ gawˬ jawˬ-ahˇ doˆ le-awˇ, yawꞈ neh mehˬ-euˬ tsoˆ-euˬ dawˬ deuˬ, Yeˬluˇsaˬlehˬ-ahˇ doˆ le meh.

Zaˬkaˬliˇ 3:10

Aˇ nah kʼoeˇ nah keuˆ le ngeh, naw maꞈ yawˬ gʼaˬ na luꞈ, yawˬ ha dawˬ peh jawˇ-eu tsawˇ haˬ deuˬ-ahˇ, yawˬ ha-euˬ aˬ gaꞈ baw duˆ uˬ moˆ hawˇ-eu siˬ guˬ maˇ sheuˇ aˇ bawˇ uˬ moˆ kuˇ uiˬ-awˇ, nui ma saˇ lehˆ ni ya dehꞈ tehꞈ- a.”

Maꞈtehˬ 16:13

Gehˇsaˬliˇ Piˇliˇpuˆ meuˬ dawˬ peh Yeˬsuˇ iˇ keuˆ ngeh, zaˬ lahˇ deuˬ-ahˇ aˬ yawꞈ naˇ haˬ-eu, “Tsawˇhaˬ-euˬ Zaˬmaˇ-ahˇ aˬ suˇ gʼaˬ nga lehˇ aˬ cawˬ ehˇ luꞈ ta.”

Luˇkaꞈ 5:29

Kʼoeˇ naˇ, Leˬbiˇ-aˬ, aˬ yawꞈ-euˬ nymˇ laꞈ kʼoeˇ Yeˬsuˇ-ahˇ huiˬ-eu hawˬ byawˇ tiˬ byawˇ lawˇ-euˬ meh. Kawˬ taꞈ-eu tsawˇ haˬ gʼawˬ mya ni hawˇ-eu tsawˇ haˬ nui deuˬ kʼawꞈ, aˬ yawꞈ maꞈ nehˬ-ehˇ hawˬ jeh-ahˇ hawˬ jawˬ jawˬ luꞈ-eu meh.

Gʼaˬkʼehˇ 10:1

Gehˇsaˬliˇ miˇ kʼahˬ-ahˇ Gawˬ neˬ liˇ lehˇ myahˇ-euˬ tsawˇ haˬ tiˬ gʼaˬ jawˇ-eu meh. Aˬ yawꞈ-aˬ, “Iˬtaˬliˬ guiˇ maꞈ” lehˇ kuˇ-eu Loˆmaˆ guiˇ maꞈ tiˬ maꞈ kʼoeˇ taˆ uˆ lahˇ luꞈ-eu yaw huiˬyaw mahˇ tiˬ gʼaˬ meh.

Gʼaˬkʼehˇ 10:27

Beˬtuˆluˆ Gawˬneˬliˇ-ahˇ dawˬ ngehˬ cawˬ ngehˬ cawˬ-ehˇ iˇ kahˇ-ahˇ uˇ leˇ ngeh, tsawˇ haˬ gʼawˬ mya ni uiˬ leˇ taˬ-euˬ gaˇ ya mawˇ-euˬ meh.

Gʼaˬkʼehˇ 8:40

Piˇliˇpuˆ-aˬ, Aˬzoˇtuˆ meuˬ-ahˇ bi ciˬ kʼoꞈ keuˆ gʼeh-euˬ meh. Kʼoeˇ naˇ, Geˇsaˬliˇ miˇ kʼahˬ-ahˇ aˬ yawꞈ le-euˬ meh. Gaˇ pehˇ kʼaˇ jaˆ-eu meuˬ yawˬ meuˬ na luꞈ-ahˇ aˬ yawꞈ Laˬ kʼaˬ cehˇ-eu Guiˬ lahˬ dawˬ mehˬ-euˬ meh.