Gʼaˬkʼehˇ 10:23 - Akha

²³ Aˬ ha smˇ gʼaˬ-ahˇ Beˬtuˆluˆ kuˇ ahˇ-awˇ, uˬ ciꞈ bi yaꞈ-euˬ meh. Yawˬ nah yawˬ aˬ yawꞈ lehˬ hmˬ-awˇ, aˬ ha smˇ gʼaˬ nehˬ-ehˇ le-euˬ meh. Yuˇbeˬ meuˬ-ahˇ jawˇ-eu jah-eu tsawˇ haˬ tiˬ paˆ na deuˬ kʼawꞈ, aˬ yawꞈ-euˬ mehˬ nah caw teh gʼeh-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Khoernar-aq, Beqtuvluv, aqyawf maf-anr irkanr ha’ur-awr, uqcif tiq mir biyaf-euq mae. Nishawq ngae nan, Beqtuvluv, aqyawfmaf naeq-aer le-euq mae. Yurbeq meuq-anr jawr-eu aqyuif aqnyir heumyav ghaq khawf aqyawf naeq-aer lecaw-euq mae.

Gʼaˬkʼehˇ 10:23 ပူးပေါင်းရင်းမြစ်များ

Dawˬ tsoˆ 9:10

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, leh jeh dui dui-awˬ. Aˬ jeˬ miˇ neh ehˇ naˇ, nawˇ le luꞈ-eu shiˇ-eu miˇ kʼahˬ-ahˇ, mˇ myawˬ mˇ-eu, nui noeˬ noeˬ-eu hawˇ-eu, zaˬ siˬ tsawˇ gahˇ heu deuˬ maˬ jaˆ-a.

Gʼaˬkʼehˇ 1:15

Gʼawˬ myahˇ maˬ gʼeh-ehˇ, jah-eu tsawˇ haˬ deuˬ tiˬ yaˇ nyiˬ tseˇ gʼaˬ uiˬ leˇ-awˇ jawˇ gaˇ, Beˬtuˆluˆ tuˇ laˇ-awˇ, heu loꞈ-ehˇ ehˇ-eu meh.

Gʼaˬkʼehˇ 10:29

Kʼoeˇ miˇ neh, ngaˬ-ahˇ bi kuˇ laˬ le ngeh, ngaˇ dawˬ maˬ tmˇ ni laˇ-euˬ ma. Nymˬ-mˇ poˆ jawˇ-aˬ, aˬ jeˬ miˇ neh ngaˬ-ahˇ bi kuˇ laˬ le teˬ lehˇ naˇ haˬ mawꞈ miˇ-a.”

Gʼaˬkʼehˇ 10:33

Kʼoeˇ miˇ neh, tiˬ poˆ tehꞈ-ehˇ nawˬ-ahˇ bi kuˇ laˬ le-euˬ ma. Nawˇ nui ma keuˆ-awˇ laˇ nehˬ laꞈ-euˬ guiˬ lahˬ huiˬ miˇ-a. Nymˬ-mˇ nga maꞈ dawˬ tawˆ luꞈ, heu gaˇ Miˬyehˇ mehˬ shi uiˬ laˇ taˬ-awˇ, Sahˬpaˬ Miˬyehˇ neh nawˬ-ahˇ mehˬ nehˬ tsoˆ nehˬ-awˇ bi ngehˬ-euˬ dawˬ deuˬ-ahˇ naˇ haˬ-eu lehˇ dawˬ luꞈ-eu ma.”

Gʼaˬkʼehˇ 10:45

Yuˇdaˆ tsawˇ haˬ maˬ ngeuˇ-eu deuˬ-ahˇ kʼawꞈ, Miˬyehˇ neh Muiˬ-eu shawˇ-eu Yaw sahˇ Miˬyehˇ shehˆ daˆ nehˬ-euˬ gaˇ, Beˬtuˆluˆ nehˬ-ehˇ Yuˇbeˬ meuˬ-ahˇ neh laˇ-euˬ jah-eu Yuˇdaˆ tsawˇ haˬ deuˬ zahˬ leˇ-euˬ meh.

Gʼaˬkʼehˇ 11:12

Maˬ nyi naˬ ni aˬ yawꞈ maꞈ nehˬ-ehˇ le-awˬ lehˇ, Yaw sahˇ Miˬyehˇ ngaˬ-ahˇ ehˇ-eu meh. Yuˇbeˬ meuˬ-ahˇ jawˇ-eu jah-eu tsawˇ haˬ aˬ yuiꞈ aˬ nyiˇ heu koꞈ gʼaˬ kʼawꞈ, ngaˬ-euˬ mehˬ nah caw teh laˇ-awˇ, nga maꞈ dawˬ tawˆ luꞈ Gawˬneˬliˇ-euˬ nymˇ-ahˇ uˇ leˇ-euˬ ma.

Gʼaˬkʼehˇ 28:15

Loˇmaˆ meuˬ-ahˇ jawˇ-eu jah-eu tsawˇ haˬ deuˬ nga maꞈ gaˇ kawˆ ya gaˬ-awˇ, Aˬbiˇ-euˬ Lehˆ lehˇ kuˇ-eu meuˬ hawˇ-eu Saˆlaˬ Smˇlaˬ lehˇ kuˇ-eu meuˬ-ahˇ keuˆ ni oe-awˇ, nga maꞈ-ahˇ tahˬ puˬ le-euˬ meh. Aˬ yawꞈ maꞈ-ahˇ Pawˇluˆ ya mawˇ ngeh, nui ma gʼaˬ tiˬ tiˆ paˇ ahˇ laˇ-awˇ, Miˬyehˇ-euˬ guiˬ lahˬ-ahˇ ja ceuˬ-euˬ meh.

Gʼaˬkʼehˇ 9:36

Yuˇbeˬ meuˬ-ahˇ Daˬbiˇtaˆ lehˇ myahˇ-euˬ jah-eu tsawˇ haˬ tiˬ gʼaˬ jawˇ-eu meh. (Aˬ yawꞈ-euˬ tsawˇ myahˇ kʼoeˇ-aˬ, Heˬlaˬsaˇ dawˬ-ahˇ neh Dawˬkaꞈ lehˇ kuˇ-awˇ, dawˬ tsuiꞈ-aˬ, “Kʼaˬ tsehˆ” lehˇ ehˇ mawꞈ-eu meh.) Aˬ yawꞈ-aˬ, aˬ myah luꞈ yaw muiˬ jeˬ mˇ-awˇ, shaˬ-eu zahˬ-eu tsawˇ haˬ deuˬ-ahˇ maˬ tsehˆ leˇ ni caw na nehˬ-eu meh.

Gʼaˬkʼehˇ 9:38

Yuˇbeˬ meuˬ-aˬ, Luˇda meuˬ-ahˇ yaw kʼaˆ-ehˇ maˬ kaˬ-a. Yuˇbeˬ meuˬ-ahˇ jawˇ-eu jah-eu tsawˇ haˬ deuˬ, Luˇdaˆ meuˬ-ahˇ Beˬtuˆluˆ jawˇ luꞈ-eu gaˇ kawˆ ya gaˬ ngeh, tsawˇ haˬ nyiˬ gʼaˬ pyehˬ gʼeh-awˇ, “Nga maꞈ jawˇ Gaˇ yaw kawˇ-ehˇ tiˬ poˆ oe nehˬ laꞈ sheˇ” lehˇ bi ehˇ gaˬ leˇ-euˬ meh.

Gʼaˬkʼehˇ 9:42

Gaˇ kawˆ kʼoeˇ Yuˇbeˬ meuˬ meuˬ lah-ehˇ gaˬ doe-iˇ-awˇ, tsawˇ haˬ gʼawˬ mya ni Sahˬpaˬ Yeˬsuˇ-ahˇ jah laˇ-euˬ mehl.

2 Gawˇliˬtu 8:21

Sahˬpaˬ Miˬyehˇ mehˬ shi tehꞈ-ehˇ maˬ ngeuˇ ni, tsawˇ haˬ zaˬ-euˬ mehˬ shi kʼawꞈ dawˇ coe ni mˇ-eu gʼaˇ duˬ nga maꞈ noeˬ tsehˆ taˬ-euˬ ma.

HeˬByehˇ 13:2

Daˬ yah-ahˇ yaw muiˬ-ehˇ ha-eu gʼaˇ duˬ taˬ ngehˇ. Tiˬ paˆ na deuˬ daˬ yah-ahˇ kʼoeˇ loꞈ-ehˇ ha-eu laꞈ kʼoeˇ, yawˬ ha maˬ siˬ nya ni mˬ taˆ gʼaˬ kʼehˇ-ahˇ ha zaˬ-euˬ tsawˇ haˬ kʼawꞈ jawˇ haw-euˬ meh.

1 Beˬtuˆluˆ 4:9

Tiˬ gʼaˬ tiˇ gʼaˬ iˇ kahˇ-ahˇ ha ahˇ-awˬ. Dawˬ gʼoꞈ maˬ doˆ ni ha ahˇ-awˬ.